Jabechji̧ eami̧ üdë ca̧ Ama̧i̧ ja̧ ma̧ȩrä cjo̧ro̧mȩ pio judi, eami̧ üdë a̧dëräpȩ cjiamȩ Ama̧i̧ pio ju̧i̧ ja̧ ma̧ȩrä cjo̧ro̧mȩ pio judi, jabechji̧ ca̧ pumȩ tjamo̧dirȩ. Pio judiro̧ tjamo̧dirȩ pio coadi ja̧ji̧ri̧ judiro̧. Pio jini̧ro̧ tjamo̧ni̧rȩ ca̧ ayi̧ca̧i̧ jini̧ro̧. Pio jini̧ro̧ tjamo̧ni̧rȩ ca̧ ai̧ jini̧ro̧ —yo̧mȩrȩ dëbë yo̧rëremȩdejȩ pio jȩa yo̧a̧mȩ pio ju̧i̧. Ado judiri cjiadiärëremȩde Jechu judi.
Techaronichȩche Ma̧ȩ 4:3 - Biblia Pume3 Jabechji̧ china̧chjari̧ tutia̧ oa cjiami̧ dari̧ cjo̧ro̧tä eadidibe Ütë tjamo̧ judi mȩnȩro̧ china̧chja pio ji̧ri̧ baë ëba mo̧a̧chea oa, mȩnȩro̧ chjai̧dëri̧ jo̧rȩtachea oa. Faic an caibideil |
Techaronichȩche Ma̧ȩ 4:3
47 Iomraidhean Croise
Jabechji̧ pumȩ ja̧ chji̧ri pio judiri tarupë cjitëde chjai̧dëri̧ jo̧rȩtarea̧ üdë. Tjamo̧ davä. O ji̧ri̧iäpȩmo̧ ja̧bo tänȩrea̧ üdë, ado cja̧rȩmo̧ ja̧ iei̧ ji̧ baë ëba mo̧a̧rea̧ üdë, jabë üi̧ ëbadëyi̧ pio ji̧ baë ëba mo̧a̧rea̧ üdë, garürea̧ üdë, ma̧ȩ chjádë yürürea̧ üdë, o ji̧ri̧iäpȩmo̧ aechide yo̧rea̧ üdë, jabechji̧ pumȩ ja̧ chji̧ri pio judiri tarupë cjitëde.
Jabo ja̧di ta̧rëri̧ yo̧requededibe —yo̧a̧dejȩrȩ—. Eami̧ üi̧ üdë jibëa̧ iei̧ pio ji̧ teracabari̧ jo̧rȩtamȩrȩ ano̧rä judi, jabechji̧ ado cja̧rȩmo̧ üi̧ pio ju̧i̧ nö̧ta baë ëba mo̧a̧dëyi̧ pio ji̧ ano̧rä judi, chjai̧dëri̧ japade Ütë tjamo̧ pio ju̧i̧iäpȩmo̧. Jabechji̧ ano̧dëtäremȩdejȩ. Ado cja̧rȩmo̧ üi̧ pio ju̧i̧ baë ëba mo̧a̧dëyi̧ pio ji̧ ano̧dëtäremȩdejȩ. Jabechji̧ pio judi ano̧a̧ oaiä, jabechji̧ china̧chjapea̧nȩ iei̧ jini̧ ado cja̧rȩmo̧ üi̧ pio ju̧i̧iä. Pio ju̧i̧iä iei̧ jini̧, china̧chjayi̧rȩ ano̧ mire ëbarä judi, chjai̧deri̧ japanȩ. Ado eami̧ üi̧ üdë pio ji̧ ano̧ mire ëbarä judi, china̧chja pio ji̧ ëbadejȩ, peaja̧di chjai̧dëri̧ japamȩrȩ. Pio ju̧i̧iä jabechji̧, a̧dë oëadëri̧ cjiadëyi̧ pio ji̧ ano̧dëpea̧de. Jabo jibëa̧ iei̧ jini̧ ado cja̧rȩmo̧ üi̧ pio ju̧i̧ nö̧ta baë ëba mo̧a̧rä judi, dëdë, ano̧pai̧ dadejȩ üi̧ üdë —yo̧mȩrȩ ni̧bä chjaorëremȩdejȩrȩ Jechu judi.
Ado Jechu judi ji̧dë u̧i̧ ni̧bä chjaomȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Danȩrȩ, pumȩ judiro̧ orë Ütërë yo̧a̧ chja̧oeräpȩ yu̧a̧rea̧ dadëpadirȩ —yo̧a̧dejȩrȩ—. Jabechji̧ judiro̧ pio coa yo̧a̧räbo, “Aja̧ Ano̧mȩ, ibëa̧ Ano̧mȩ pio judirenȩ” yo̧a̧räbo, jabechji̧ Ütërë yo̧a̧ chja̧oeräpȩ yu̧a̧rea̧ dadëpadirȩ. Jabechji̧ ca̧ Ama̧i̧ judi yo̧a̧ pio ju̧i̧ ta̧rëdiädë madirȩ. Ado danȩrȩ, ta̧rëdiäji̧ri̧ pio judiro̧mo̧rȩ yu̧a̧rea̧ dapadirȩ. Tjamo̧ davä. A̧dëräpȩ cjiamȩ Ama̧i̧ judi yo̧a̧ pio ju̧i̧ ta̧rëdiäji̧ri̧ pio judiro̧mo̧rȩ yu̧a̧rea̧ dapadirȩ Ütërë yo̧a̧ chja̧oëräpȩ.
Eami̧ pumȩrȩ Ütë tjamo̧ ja̧ ma̧ȩrä cjo̧ro̧mȩ pio judi, jabechji̧ ca̧ pumȩde. Tjamo̧ davä. Ütë tjamo̧ ju̧i̧ ta̧rëdiäyi̧ pio jini̧ ca̧ ai̧nȩ. Ütë tjamo̧ ja̧ ma̧ȩ oa japayi̧ pio jini̧ ca̧ ayi̧ca̧i̧nȩ. Ütë tjamo̧ ja̧ ma̧ȩrä cjo̧ro̧ji̧ri̧ pio judiro̧dirȩ ca̧ pumȩ judiro̧ —yo̧mȩrȩ yo̧rëremȩdejȩrȩ Jechu judi jibȩa̧ pumȩ tjamo̧ pio ji̧ri̧ chjiari.
Jabo Jechu judi yo̧a̧dejȩrȩ: —Danȩrȩ, ca̧ jurarea̧ üdë, coa chjadüa̧mȩ pio ju̧i̧ ja̧ ma̧ȩ oa ta̧rëdiärea̧de. Jabechji̧ judi pio coaiäpȩmo̧ yürüa̧ ja̧beparea̧ pio ju̧i̧ ja̧bepadärätämi̧ cjiareconȩ. Pio judi tjamo̧de ca̧ jurarea̧ üdë. Pio ju̧i̧iä ju chiarea̧ darequede —yo̧a̧dejȩrȩ—. Danȩrȩ, mȩnȩro̧ jurarea̧ goae oa jura̧ oaiä ma̧ chiadëri̧ cjianȩrȩ. Ado peaja̧dimi̧ dari̧ cjiarequede ca̧ Amai̧ ja̧ ma̧ȩ oa ta̧rëdiäa̧ oaiä.
Ado eami̧ pumȩ judi, Ütërë eami̧ tjamo̧ri̧ japatämi̧ cjiarä judi, jabechji̧ chjadëri̧ dabarea̧ dapade davä cüdë a̧ra̧ano̧a̧ pio ju̧i̧ chjiari —yo̧a̧dejȩrȩ—. 'Jabechji̧ jibëa̧ ma̧na̧ri̧ jo̧rȩtamȩrȩ a̧ra̧ano̧dëdida, jabo Ütë tjamo̧ pio judiri ma̧na̧mȩ maea oa a̧ra̧ano̧dida’ quëna̧ jo̧rȩtapade pio coa chjiari.
Aja̧, tja̧reparȩdëtäreji̧ri̧rea̧ro̧jȩrȩ, jabo chjadëri̧ a̧dotäreji̧ri̧rea̧ro̧jȩrȩ —yo̧a̧dejȩrȩ—. Pio ju̧i̧iä o oamo̧i̧ oa go̧ȩpe chjadütäreji̧ri̧rea̧ro̧jȩrȩ, ji̧ra̧dë oa. Jabechji̧ pumȩrȩ jëdano̧a̧ ütë pio ju̧i̧iäpȩmo̧ cäë yürüa̧ go̧a̧ pio ju̧i̧ jurachea oa go̧ȩpe chjadütäreji̧ri̧rea̧ro̧jȩrȩ. Ado peaja̧di goe chiamȩ go̧a̧ oa jurachea oa, ado goe pio ju̧i̧ jurachea oa peaja̧di go̧ȩpe chjadütäreji̧ri̧rea̧ro̧jȩrȩ. Ado jibëa̧ iei̧dë oa baë ëba mo̧a̧chea oa, jibëa̧ üi̧dë oa baë ëba mo̧a̧chea oa peaja̧di go̧ȩpe chjadütäreji̧ri̧rea̧ro̧jȩrȩ.
Aja̧, ütarë cji̧dëno̧parequededibe yaba̧. Danȩrȩ, pumȩrȩ jëdano̧a̧ ütë pio ju̧i̧iäpȩmo̧ cäë yürüa̧ go̧a̧ pio ju̧i̧ juradëpea̧de. Ado goe chiamȩ go̧a̧ oa, ado goe pio ju̧i̧bo juradëpea̧de. Ado dibëa̧ iei̧dë oa, dibëa̧ üi̧dë oa, jabechji̧ baë ëba mo̧a̧dëpea̧de. Aja̧, mȩnȩro̧ pio yoa ma̧ȩrä cjo̧ro̧rä judi, chjadëtäremȩde. Pio ju̧i̧mo̧i̧ ma̧ȩ oa go̧ȩpe chjadürea̧ro̧dibe. Chjadëri̧ cjo̧ro̧chji̧ibe.”
—Ado yaba̧ ca̧ oti̧, jabechji̧ chjadëri̧ jidatädidibe Ütë tjamo̧ judi —yo̧a̧dejȩrȩ—. Chjadëri̧ cjo̧ro̧rea̧ yürütädidibe judi yürürërea̧ ma̧ȩrä, dibë a̧domȩ ma̧ȩrä. Jabechji̧ pio jiro ma̧ȩ oaiä üi̧padärärea̧ dapanȩrȩ. Ji̧dë u̧i̧ ju chiarea̧ dapanȩrȩ. Pio jiro ma̧ȩ oaiä dami̧ti̧ oa yürüpadidibe jibëa̧ pumȩ pio ji̧ri̧. Ado jënȩ goë boea̧ pio ju̧i̧ a̧de yürüpadidibe o ji̧ri̧ nö̧ta, pio ju̧i̧ ja̧ oa china̧chjari̧ tutia̧ oa cjiaji̧ri̧ pio ji̧ri̧ nö̧ta.
Aja̧, da cotomi̧ dari̧ cjiaji̧ri̧ pio ji̧ri̧iäpȩ chjadüparequedemȩ. Ado mȩnȩ pio coa chjiari a̧ra̧ano̧a̧ oaiä, jabechji̧ jibëa̧ dacho oa chjadëri̧ are iëa̧ oa cjiami̧ dari̧ cjiadiäpadirȩ” yo̧a̧dique. “Aja̧, pio mȩaiä ta̧rëa̧ oaiä, jabechji̧ bagönȩrä cjo̧ro̧mi̧ dari̧ cjiaji̧ri̧ pio judiro̧ tatami̧ daräpȩ ano̧ mire cjo̧ro̧rea̧ dapadirȩ. Ichiae ja̧ chja̧oerä cjo̧ro̧ji̧ri̧ pio judiro̧ go̧dürea̧ dapadirȩ Ütë tjamo̧ ja̧ chja̧oeräpȩ ano̧ mire cjo̧ro̧pea̧ oa” yo̧a̧dique. “Jabechji̧ judiro̧ pio coaiäpȩmo̧ quëna̧ oaiä, jënȩro̧ chjai̧dëri̧ japea̧ pio judi duridëparȩa̧ oa cjiadiäpade. Ado judiro̧ duridëparȩa̧ oa cjiarä, jabechji̧ Ütërë mitëa̧ pumȩ pio ji̧ri̧ nö̧ta cjiadiäpadirȩ” yo̧mȩrȩ yo̧a̧dique Ano̧mȩ judi —yo̧mȩrȩ ni̧bä chjaorëremȩdejȩ Pablo judi Agiripa quȩmȩ ütë pio ju̧i̧iäpȩmo̧, o ji̧ri̧iäpȩmo̧bo.
Ado pio jiro pumȩ judiro̧, cjäri̧ madirȩ, dami̧ti̧ chjai̧dë oa jape chjaoji̧ri̧pe bagarëreji̧ri̧dirȩ, cja̧rȩmȩ chjai̧dë maea oa japarea̧ decjiari̧. Aja̧, coëma cjiari̧ japadërea̧ pio ju̧i̧, a̧dë chjäte chjai̧dë pio ju̧i̧ jape chjaoji̧ri̧pea̧dirȩ, chjai̧dë pio ju̧i̧ goaraji̧ri̧rȩ. Ado pio ju̧i̧iä ji̧dë ma dae ja̧bo dae ja̧bo dae chjaoji̧ri̧pe bagarëreji̧ri̧dirȩ jibëa̧dë pio ju̧i̧. Ado jibëa̧ dëbëti̧ra̧ chia ji̧dë ma chjai̧dëri̧ jape cjiaji̧ri̧pea̧dirȩ. Quëbaji̧ri̧rȩ jo̧rȩte chjaoji̧ri̧pea̧dirȩ. Ado pumȩ ji̧ri̧ chjadëri̧ ëba cjo̧ro̧tärea̧ ji̧, ja̧bo tänȩ chjaoji̧ri̧pea̧diro̧jȩrȩ. Ado cja̧rȩmȩ chji̧ chiami̧ dari̧ jo̧rȩtatärea̧ ji̧, cjäri madirȩ, chjarapë baämi̧ dari̧ jo̧rȩtaji̧ri̧pea̧dirȩ. Aja̧, ja̧di dari̧ cjo̧ro̧ji̧ri̧pe bagarëreji̧ri̧dirȩ. Judiro̧ yo̧a̧mi̧ japatärea̧ ji̧, japadëa̧dirȩ, jabo u̧i̧pe u̧i̧pe yo̧ chjaoji̧ri̧pea̧dirȩ pumȩ pio ji̧ri̧iäpȩmo̧ chjai̧dëri̧ japapea̧ oa. Jabechji̧ jibëa̧ chji̧ üdë tjuri cjiami̧ dari̧ cjiamȩpea̧de chjai̧dë maea oa jo̧rȩta̧ oaiä. Jibëa̧ dëbëti̧ra̧ chia ba chia datärea̧ ji̧, ba chia dadëji̧ri̧pea̧dirȩ. Ado orë pumȩ pio ju̧i̧iäpȩmo̧ badë dapea̧ oa, jabechji̧ teracaba ma̧ȩ oa goadi goadi yo̧ji̧ri̧pea̧dirȩ. Aja̧, ma̧ȩ chjádë yürüji̧ri̧pea̧dirȩ o ji̧ri̧ chjiari. Ja̧di dari̧ japaji̧ri̧pe bagarëreji̧ri̧dirȩ.
Quëna̧dëji̧ri̧ judiro̧ cjo̧ro̧mi̧ dari̧ cjo̧ro̧dëtäreji̧ri̧rea̧rȩ jabo jabechji̧, ibëa̧ tjo oa jëdano̧rea̧ yürütäreji̧ri̧rea̧ro̧jo̧ȩ Ütë tjamo̧ ju̧i̧, a̧ro̧rȩ jo̧rȩtarea̧ peaja̧ra̧ ano̧ mire jo̧rȩtarea̧mi̧ dari̧. Ado jo̧rȩtarea̧ peaja̧ra̧ jo̧rȩta̧ oaiä, jabechji̧ tjaoëpai̧ dari̧ cjo̧ro̧rea̧ daparea̧rȩ. Ado tjaoëpai̧ dari̧ cjo̧ro̧rea̧ daea̧ oaiä, jabechji̧ na̧e chiape järea̧ daparea̧rȩ Ütë tjamo̧ judi tjamo̧ri̧ ea̧ pio ju̧i̧ chjiari. 'Aja̧, ja̧di dari̧ cjo̧ro̧tä eadicoada, ja̧di dari̧ japatä eadicoada, cja̧rȩmȩ coëma cjiadiäa̧mȩ pio ju̧i̧ japatä eadicoada, pio jȩaiä goae tjamo̧ pio ju̧i̧ japatä eadicoada' quëna̧ jo̧rȩtarea̧ daparea̧rȩ.
Jabo danȩrȩ ca̧ oti̧, jare chjadüa̧ oa cjiami̧ dari̧ cjianȩrȩ yaba̧. Chjai̧dërë yo̧a̧ chja̧oeri pio judiri go̧düa̧ oa cjianȩrȩ jare chjadüa̧ cjiami̧ dari̧. Tjamo̧ davä. Chjai̧dërë yo̧a̧ chja̧oerä cjo̧ro̧rërea̧ ji̧, Ütë tjamo̧ pio ju̧i̧ ja̧ mu̧i̧tjoi̧pea̧nȩrȩ. Ado pio ju̧i̧iä Ütë tjamo̧ pio ju̧i̧ ja̧ mape bagari̧ cjianȩrȩ, china̧chjari̧ tutia̧ oa cjiaji̧ri̧rȩ. Ado ju̧i̧ uëri bucho ana̧ cjo̧ro̧rea̧ dapanȩrȩ peaja̧di. Ado pio ju̧i̧iä yo̧requededibe ca̧ oti̧.
Jabechji̧ Ütë tjamo̧ pio judi tjamo̧de pio ibë chjiari tuti japarëremȩ üdë. Jabechji̧ pio judi tänȩa̧ oaiä, Jechu Quiricho pio ju̧i̧ nö̧ta cja̧rȩmȩpe bagarërereji̧ri̧rea̧rȩ. Ado yaba̧ Jechu Quiricho pio ju̧i̧iä a̧dë chjäte dabarea̧ chiaji̧ri̧pea̧rea̧rȩ Ütë tjamo̧ pio ju̧i̧ chjiari. Ado pio ju̧i̧iä jabechji̧parȩa̧ oa cjiaji̧ri̧pea̧rea̧rȩ ca̧ oti̧. Ado pio ju̧i̧iä jabechji̧, china̧chjari̧ tutia̧ oa cjiaji̧ri̧pea̧rea̧rȩ Ütë tjamo̧ pio ju̧i̧ ja̧ mape bagapea̧ oa. Jabechji̧ a̧ro̧rȩ chjai̧dë ja̧ chja̧oerä tutia̧ oa cjiami̧ dari̧ cjiarërea̧ ji̧, jabechji̧ jare chjadüa̧ oa cjiami̧ dari̧ go̧dü tänȩa̧ oa cjiaji̧ri̧pea̧rea̧rȩ pio ju̧i̧iä, Ütë tjamo̧ pio ju̧i̧iä.
Ado cüdë pio dibëiäpȩ ado go̧düdäräa̧rä, jabechji̧ ado chjereno̧ idëri̧ cjia tjamo̧mi̧ dari̧ cjiadiäemȩ jirorequede Ütë tjamo̧ pio ju̧i̧iä. Jabechji̧ mȩnȩro̧ orë chjai̧dëri̧ japarërea̧ pio ju̧i̧ japë ano̧dëa̧ oaiä, mȩnȩro̧ pio ju̧i̧ chjiari jabë ano̧ mire jo̧rȩtadëa̧ oaiä, jabechji̧ idëri̧ cjia tjamo̧mi̧ dari̧ cjiadiäemȩ jirorequede. Ado pio ju̧i̧ uëri gito ana̧ri̧ jo̧rȩtamȩrȩ daparequededibe ji̧dëri̧, ejaro cjiamȩrȩ. Tjamo̧ davä. Gito ana̧ri̧ jo̧rȩtamȩrȩ daparequededibe ma̧i̧ da chjai̧dë gȩnȩ chiami̧ dari̧ cjiaji̧ri̧ oa, dami̧ti̧ china̧chja pio ji̧ri̧ ji̧dë ma baë ëba mo̧a̧ji̧ri̧ oa, a̧dë chjäte idi̧ dari̧ jape chjaoji̧ri̧ oa, tüdüa̧mi̧ darä cjo̧ro̧dëri̧ cjiaji̧ri̧ oa. Aja̧ ca̧ oti̧, pio ju̧i̧iä uapa tjamo̧requede pio dibë chjiari, gito ana̧ri̧ jo̧rȩtamȩrȩ. Jabo danȩrȩ, ja̧di dari̧ cjo̧ro̧ji̧ri̧ oa dadärädë matäremȩrequededibe, jabo tjamo̧ri̧ ano̧ mire jo̧rȩtaji̧ri̧pea̧ maea oa dadärätäremȩrequededibe ca̧ oti̧, cüdë Ütë tjamo̧ pio ju̧i̧ ja̧ dëbëräpȩ ju̧ri̧ a̧dë chjäte idëri̧ cjiachea oa pio dibëiä. Ado pio ju̧i̧iä jabechji̧, chjere jo̧rȩtachji̧vä jabërä. Jabechji̧ mȩnȩro̧ tjamo̧ri̧ ano̧ mire jo̧rȩtadërä judi, ‘chia chia, cüdë Cori̧tioräpȩ ja̧beparërea̧ üdë, jabomo̧ badëri̧ cjiadiäa̧dida’ quëna̧pai̧ darequede.
Danȩrȩ ca̧ oti̧, ibëa̧ icjararä chjai̧dë pio judiri ja̧ üdë, jabechji̧ chjadë maearä cjiami̧ dari̧ cjiade. A̧ro̧rȩ ütëborë darea̧mi̧ dari̧ cjitëde goadirea̧mi̧dëri̧. Tjamo̧ davä. Chjai̧dëri̧ jo̧rȩtarea̧ üdë, china̧chja pio ji̧ baë ëba mo̧a̧rea̧ üdë, jibëa̧ io pio ju̧i̧ idi̧ dari̧ ëba mo̧a̧rea̧ üdë, ivi pio ji̧ri̧ chjiari tüdüa̧mi̧ darä cjo̧ro̧dërea̧ üdë, ji̧dë ma eami̧ti̧ oa dae ja̧bo dae ja̧bo darea̧ üdë, jabechji̧ ibëa̧ icjararä chjai̧dë pio judiri ja̧de.
Ado pio ju̧i̧iä yo̧requededibe. Japëtaraji̧ri̧mi̧ dari̧ cjo̧ro̧dëchji̧vä. Chumi̧dëri̧ cjiadëchji̧vä jabo chjadëri̧ dabaji̧ri̧rȩ cjo̧ro̧chji̧vä. 'Aja̧, ja̧di dari̧ cjo̧ro̧tä eadicoada, Ano̧mȩ tjamo̧ judi ja̧di dari̧ cjo̧ro̧tä eadicoada, jabechji̧ ja̧di dari̧ japea̧ üdë goae tjamo̧diji̧da' quëna̧ dabapea̧ ji̧ dabapatäreji̧ri̧nȩrȩ, järi tjamo̧ji̧ri̧rȩ.
Ado a̧ro̧rȩ pio dibë chjiari ma̧ȩ ji̧ra̧ oa goë ta̧rëa̧ oaiä, jabechji̧ goë cjo̧dë chjaorea̧rȩ pio dibë chjiari ca̧ oti̧. Jabechji̧ pio dibë chjiari pearä ta̧rëa̧ dori ja̧, mȩnȩro̧ chjuari̧ quëna̧ji̧ri̧pea̧ pio ju̧i̧ chjiari pearä ta̧rëa̧ dori ja̧, ji̧dë ma goë cjo̧dë chjaorea̧rȩ, goë cjo̧dë ano̧rea̧ decjiari̧. Aja̧, Ütë tjamo̧ judi jibëa̧ dabarea̧ codë oa pio dibëiäpȩmo̧ yürütä eaji̧ri̧rȩ goë cjo̧dë chjaorea̧rȩ. Aja̧, mȩnȩro̧ pio ju̧i̧ ja̧ chji̧ra̧ jo̧rȩtami̧ dari̧ cjo̧ro̧pea̧ oa, Tjo tjamo̧rȩ yürüa̧ dabarea̧ra̧ jo̧rȩtapea̧ oa, ‘Ütë tjamo̧ judi ja̧di dari̧ cjo̧ro̧tä eadicoada, ja̧di dari̧ japatä eadicoada’ quëna̧ dabapea̧ oa dabarea̧ codë oa yürütä goë cjo̧dë chjaorea̧rȩ.
Pio ju̧i̧iä dai chirirä ja̧ jo̧rȩtarea̧ oa ja̧bo tänȩmi̧ dari̧ jiadachji̧jo̧ȩ, chjai̧dë pio ju̧i̧ earea̧ oa, dibëa̧ chji̧rä ana̧ri̧ ja̧bepamȩ oa. Jabechji̧ china̧chja pio ji̧ri̧ baë ëba mo̧a̧rea̧ oa, jabë jadü chiadëji̧ri̧ pio ji̧ri̧ baë ëba mo̧a̧rea̧ oa, ja̧bo tänȩmi̧ dari̧ japachji̧vä. Ado idi̧ dari̧ jo̧rȩtarea̧ oa, aurerë japami̧ dari̧ ji̧dë ma gari̧parea̧ oa ja̧bo tänȩmi̧ dari̧ jiadachji̧vä. Ado dibëa̧dë oa dae ja̧bo dae ja̧bo darea̧ pio ju̧i̧bo ja̧bo tänȩmi̧ dari̧ japachji̧vä. Jabechji̧ dae ja̧bo dae ja̧bo damȩ judi ütë pio ju̧i̧ jo̧rȩtarëmi̧ cjiari̧ jo̧rȩtadejȩ. Pio ju̧i̧iä ja̧dimi̧ dari̧ jo̧rȩtadëtäremȩde.
Ado Epapara quȩmȩ judi, peaja̧di dibëa̧ charerä cjo̧ro̧rëremȩ pio judi, peaja̧di jearea̧ chjadüdidibe. Jechu Quiricho pio ju̧i̧ ja̧ mu̧i̧tjoi̧de. Ado pio ju̧i̧iä ji̧dë ma goë cjo̧dëde pio dibë chjiari, goë cjo̧dë ano̧rea̧ decjiari̧. Jabechji̧ ibë eadëji̧ri̧ pio ji̧ri̧ nö̧ta goae tarari̧ japatamȩmi̧ dari̧ goë cjo̧dë chjaode pio dibë chjiari, ana̧ri̧ ja̧bepamȩrȩ. Jabechji̧ mȩnȩro̧ to̧bari̧ cjiami̧ dari̧ cjiatä eamȩrȩ goë cjo̧dëde mȩnȩro̧ üi̧padärämi̧ dari̧ cjiapea̧ oa, mȩnȩro̧ chjuari̧ quëna̧pea̧ oa. Aja̧, mȩnȩro̧ chjarapë jo̧rȩtachea oa, mȩnȩro̧ Ütërë ea̧ pio ju̧i̧mo̧ japariä cjo̧ro̧pea̧ oa goë cjo̧dë chjaode, ana̧ri̧ ja̧bepamȩrȩ.
Ado mȩnȩro̧ eami̧ oa chjätärä, jabechji̧ Ütë tjamo̧ judi chjadëri̧ japadiibëda' quëna̧ jo̧rȩtatäreji̧ri̧nȩrȩ. Tjamo̧ davä. Mȩnȩro̧ eami̧ chjadë oa chjätärä, mȩnȩro̧ eami̧ chjai̧dë oa chjätärä, 'jabechji̧ Ütë tjamo̧ judi chjadëdiibëda, jënȩ dabami̧ japadida, pio judi ütarë jo̧rȩtami̧ chjätäa̧ro̧da, jabechji̧ Jechu Quiricho pio judiri ja̧ mapea̧ tara, ja̧di dari̧ chjätätä eadiibëda' quëna̧ jo̧rȩtaji̧ri̧rȩ cjo̧ro̧täreji̧ri̧nȩrȩ, 'chjadëri̧ japadiibëda' quëna̧ jo̧rȩtaji̧ri̧rȩ.
Ado yaba̧ cüdë ji̧dë u̧i̧ go̧ȩpabea yaboi̧, jabechji̧ Ütë tjamo̧ pio ju̧i̧iä goë cjo̧dë yürümȩmi̧ dari̧ ni̧bätämi̧ cjiarequededibe. Jabechji̧ Ütë tjamo̧ judi ibë ma̧ chjupi̧ cjiari̧ jo̧rȩtarea̧ yürümȩ pio judi china̧chjari̧ tutitädidibe codë oa mȩnȩro̧ coëma cjiari̧ cjo̧ro̧pea̧ oa. Codë oa chjadëri̧ jidatädidibe o judiro̧ dibë aechide yo̧rea̧mi̧dëri̧ ibëa̧ Ano̧mȩ Jechu Quiricho pio judi jana̧rä yuro. Aja̧, dibëa̧ tjo pio ju̧i̧, dibëa̧ chji̧ pio ju̧i̧, dibëa̧ icjara pio ju̧i̧ chjadëri̧ jidatädidibe co chjami̧ da oa Jechu judi jana̧rä yuro.
Danȩrȩ ca̧ oti̧, Ütë tjamo̧ ju̧i̧ ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ pio dibëiä, ibëa̧ Ano̧mȩrȩ ea chja̧oerä cjo̧ro̧ji̧ri̧ pio ji̧ri̧iä. 'Aja̧, Ütë tjamo̧ judi chjadëri̧ japea̧diji̧ri̧da' quëna̧ jo̧rȩtaji̧ri̧rȩ ma̧ chiadëri̧ cjiari̧ jo̧rȩtarea̧ro̧jo̧ȩ. Jabechji̧ pearä judirä mitërëremȩdidibe Ütë tjamo̧ judi mȩnȩro̧ chjätärea̧ dapea̧ oa, mȩnȩro̧ Tjo tjamo̧ pio ju̧i̧iä china̧chjari̧ tutia̧ oa cjiapea̧ oa, mȩnȩro̧ coëma cjiari̧ baämȩ ma̧ȩ pio ju̧i̧ quëna̧pea̧ oa.
Jabechji̧ pio judide pio ibë chjiari tuti yürürëremȩ judi. Jibëa̧ icjara oa tuti yürümȩrȩ yürürëremȩde ano̧ mi̧rȩ ja̧bopea̧ oa. Ja̧di dari̧ tuti japarëremȩde a̧ro̧rȩ jare chjadüa̧ oa cjiami̧ dari̧ go̧dürea̧ datä, a̧ro̧rȩ chjai̧dë ja̧ chja̧oeri judiri go̧dürea̧ datä. Aja̧, pio ju̧i̧ ja̧ icjara oa tuti yürürëremȩde a̧ro̧rȩ pio ju̧i̧ ja̧ pumȩpe jätä, chjai̧dë gȩrȩ chiadëri̧ joami̧ dari̧ cjiatä, dami̧ti̧ chjadë oa japarea̧ järitä.
Ado danȩrȩ, chjadëri̧ ëbachji̧jȩrȩ dibëa̧ iei̧ pio ji̧. Jabechji̧ china̧chja pio ji̧ri̧ baë ëba mo̧a̧dë machji̧jȩrȩ. Ado danȩrȩ, Ütë tjamo̧ pio ju̧i̧, jabechji̧ putu jura̧ a̧dë chami̧ dari̧ japadë machji̧jo̧ȩ. Peaja̧dimi̧ dari̧ japarëremȩde Echaurea̧ pio judi. Yabomȩrȩ cjo̧ro̧rëremȩde, jabo yabomȩ mitërea̧ pio ju̧i̧ ba chia datärea̧ ji̧, cjäri̧ madejȩ, badë darëremȩdejȩ. Ado ta̧mȩcho̧ ja̧bomȩrȩ chjaodëri̧ gatë tänȩno̧rëremȩdejȩ Jacoborea̧ pio ju̧i̧iäpȩmo̧. Ado ja̧di dari̧ japa ëte, jënȩ oëra̧ japea̧ pio ju̧i̧ chjiari ana̧ri̧ jo̧rȩtatärea̧ ji̧, cjäri̧ made, jo̧rȩtadëa̧de.
Ado danȩrȩ, üi̧ üdë jibëa̧ iei̧ ji̧ ëbarä, ba chia tjamo̧de. Chjadë tjamo̧de. Ado üi̧ judi jibëa̧ iei̧ ji̧ ëba mo̧a̧rä, peaja̧di ba chia tjamo̧de. Chjadë tjamo̧de. China̧chjadëde. Jabo cjäri̧ madejȩ, jibëa̧ jadü maea oa jo̧rȩtadëmȩ pio ju̧i̧, jabo china̧chja pio ji̧ri̧ baë ëba mo̧a̧mȩ pio ju̧i̧, jabechji̧ Ütë tjamo̧ pio judi bape chjaopadejȩ. Ado peaja̧dimi̧ dari̧ japajadejȩ jibëa̧ üi̧ maea oa jo̧rȩtadëyi̧ pio ji̧, jabo china̧chja pio ji̧ri̧ baë ëba mo̧a̧yi̧ pio ji̧. Tjamo̧ davä ca̧ oti̧, bape chjaopadejȩrȩ jibëa̧ jadüdë oa baë ëba mo̧a̧ji̧ri̧ pio ji̧ri̧.
Aja̧ ca̧ oti̧, ibëa̧ Ama̧i̧ Ütë judi pio dibë chjiari no̧mȩ tjamo̧ri ja̧ chjö̧na̧i̧ oa dabarërea̧ oaiä, jabechji̧ mitërëremȩdidibe. Tjo tjamo̧ judi dibë china̧chjari̧ tutipea̧ oa mitërëremȩdidibe mȩnȩro̧ Jechu ja̧ goera̧ pjo̧dechäa̧ oa cjiami̧ dari̧ cjiapea̧ oa, mȩnȩro̧ Jechu Quiricho pio ju̧i̧ ta̧rëdiäpea̧ oa. Jabechji̧ Moiche judi icharaita pio ji̧ri̧ pearä judi goera̧ pio ju̧ri̧ra̧ pjo̧dechärërea̧mi̧ pjo̧dechäa̧ oa cjiami̧ dari̧ cjiarëreji̧ri̧nȩrȩ peaja̧di Jechu ja̧ goera̧ pio ju̧ri̧ra̧. Ado pio ju̧i̧iä go̧ȩpe chjadürequededibe ca̧ oti̧. Ütë tjamo̧ judi peadëri ja̧ dabarërea̧ pumȩ pio ji̧ri̧ go̧ȩpe chjadürequededibe. Ado yaba̧ cüdë ji̧dë u̧i̧ go̧ȩpabea yaboi̧, jabechji̧ Ütë tjamo̧ pio ju̧i̧iä goë cjo̧dë yürümȩmi̧ dari̧ ni̧bätämi̧ cjiarequededibe. Jabechji̧ Ütë tjamo̧ pio judi cjäri̧ri̧ cjiamȩrȩ chjadëri̧ a̧dotädidibe. Jabechji̧ ji̧dë u̧i̧ ji̧ra̧ri̧ a̧dotädidibe, mȩnȩro̧ ji̧dë ma ma̧ chjupi̧ cjiari̧ jo̧rȩtaji̧ri̧rȩ cjo̧ro̧pea̧ oa.
Jabo o judiro, cjäri̧ madirȩ, ja̧di dari̧ cjiadiädëpadirȩ. Jabechji̧ cjo̧dë tja ana̧räpȩ aeno̧a̧ oa cjiapadirȩ. Pio coa idëri̧ cjiaji̧ri̧ judiro̧, Jechu pio ju̧i̧iäpȩmo̧ putu jura̧ a̧dë chami̧ dari̧ a̧dë jo̧rȩtaji̧ri̧ judiro̧, a̧dë chjäte chjai̧dëra̧ mirea̧ oa cjiami̧ dari̧ cjiaji̧ri̧ judiro̧, china̧chja pio ji̧ri̧ idi̧ dari̧ baë ëba mo̧a̧rea̧ goaraji̧ri̧ judiro̧, pumȩ ji̧ri̧ ja̧bo tänȩji̧ri̧ judiro̧, yo̧to̧ra̧ daeearea̧ chiaji̧ri̧ judiro̧, pumȩrȩ jëdano̧a̧ ütë pio ju̧i̧iäpȩmo̧ chjacjiamȩri̧ jo̧rȩtaji̧ri̧ judiro̧, ji̧dë ma ma̧ȩ chjádë yürüji̧ri̧ judiro̧, jabechji̧ cjo̧dë tja ana̧räpȩ aeno̧pea̧ maearë cjiadiäpadirȩ, achjuperera̧ a̧dë chjäte cjüëtüri̧ tjümȩräpȩ. Ado ju̧ri̧pȩ aeno̧a̧ üdë, duri oa ma̧na̧mȩ ja̧borea̧de. Duri oa cjiadiäa̧mȩ ja̧borea̧de —yo̧a̧dique.
Jabo bë ma̧ri̧ dairäpȩ cjiadiäa̧ji̧ri̧ pio judiro̧, cjäri̧ madirȩ, yu̧a̧rea̧ dadëpadirȩ. Tjamo̧ davä. A̧dë chjäte chjai̧dëra̧ mirea̧ oa cjiami̧ dari̧ cjiaji̧ri̧ pio judiro̧, yo̧to̧ra̧ daeeaji̧ri̧ judiro̧, chjere chjadürea̧ chiaji̧ri̧ judiro̧, china̧chja pio ji̧ idi̧ dari̧ baë ëba mo̧a̧rea̧ goaraji̧ri̧ judiro̧, pumȩ ji̧ri̧ ja̧bo tänȩji̧ri̧ judiro̧, pumȩrȩ jëdano̧a̧ ütë pio ju̧i̧iäpȩmo̧ chjacjiamȩri̧ jo̧rȩtaji̧ri̧ judiro̧, ma̧ȩ chjádë yürü chjaoji̧ri̧ pio judiro̧, cjäri̧ madirȩ, yu̧a̧rea̧ dadëpadirȩ.
Sanasan