Techaronichȩche Ma̧ȩ 4:11 - Biblia Pume

¹¹ Ado järichji̧vä dibëa̧ maea oa japapea̧ ji̧. Jabechji̧ chji̧ goaera̧ jo̧rȩtaji̧ri̧rȩ dibëa̧ maea oa jo̧rȩtachji̧vä, cjiadiämi̧ tarari̧ jo̧rȩtaji̧ri̧rȩ. Ado o ji̧ri̧ chjiari ji̧dë ma iëno̧ iëno̧ ta̧rë cjiadëchji̧vä, jabo jabechji̧ dibëa̧ oa jo̧rȩtaji̧ri̧rȩ ja̧bepachji̧vä dibëa̧ ichira̧.

Techaronichȩche Ma̧ȩ 4:11 Iomraidhean Croise

Marcos 13:34

Danȩrȩ, na̧rȩrea̧ ma̧ȩmi̧ da oa ni̧bäparequededibe. Ta̧rëchji̧vä. Bë ana̧mȩ judi jachiti̧ oa baärä judi, jibëa̧ mu̧i̧tjoi̧ ji̧ra̧ oa a̧dë baärä judi, peaja̧di chjadëri̧ ütarë yo̧padejȩrȩ jënȩ baäbea yaboi̧. Cja̧rȩmȩ oa, ado cja̧rȩmo̧ oa chjadëri̧ ütarë yo̧padejȩrȩ. Jabechji̧ jibëa̧ ja̧beparea̧ oa ütarami̧ ja̧bepapea̧ oa, jabechji̧ chjadëri̧ ütarë yo̧padejȩrȩ ütëbo oa. Ado yu̧a̧rea̧ joë yaräpȩ tjamo̧ jidamȩ pio ju̧i̧bo chjadëri̧ ütarë yo̧padejȩ judi na̧e chia tjamo̧mȩrȩ jidatä, pio jënȩ ado chjereno̧ ma̧na̧pea̧ ji̧ jidatä.

Japarea̧ 18:3

Ado judiro̧ Pablorë ja̧bepea̧mi̧ ja̧beparëreji̧ri̧ tara, ira̧ japea̧ oa cjiamȩ jo̧ pio ju̧i̧ ja̧bepaji̧ri̧rȩ cjo̧ro̧a̧ tara, jabechji̧ pio ji̧ri̧ nö̧ta cjiadiärëremȩde, ji̧ri̧ nö̧ta ëba ja̧bepapea̧ oa, ji̧ri̧ nö̧ta chëre oa boapea̧ oa.

Japarea̧ 20:35

Ado danȩrȩ, cüdë ja̧di dari̧ ja̧bepea̧ oaiä, jabechji̧ chjadëri̧ na̧rȩrëremȩrequededibe cjäri̧ ja̧bomȩ pio ju̧i̧ ëba jurapea̧ pio ju̧i̧ chjiari. Jabechji̧ Jechurë yo̧rërea̧ ma̧ȩ pio ju̧i̧ chjadëri̧ jo̧rȩtatäreji̧ri̧rea̧ro̧jo̧ȩ, ja̧di ta̧rëri̧ baämȩ ma̧ȩ oa: “Aja̧, o ji̧ri̧iäpȩmo̧ badëri̧ yürüa̧ üdë goae tjamo̧de. Jabechji̧ o ji̧ri̧iä badëri̧ mitëa̧ pio ju̧i̧ u̧i̧ goaede." Aja̧, ja̧di ta̧rëri̧ yo̧rëremȩde Ano̧mȩ Jechu judi o ji̧ri̧iäpȩmo̧ yürüpea̧ pio ju̧i̧ chjiari. Peaja̧di dari̧ na̧rȩrëremȩrequededibe ca̧ oti̧ —yo̧mȩrȩ ni̧bä chjaorëremȩdejȩrȩ Pablo judi Epjechoräpȩ tjamo̧ jidaji̧ri̧ pio ji̧ri̧iäpȩmo̧.

Domano Ma̧ȩ 12:11

Ado danȩrȩ, to̧bari̧ ja̧bepachji̧vä. Ji̧dë ma järiji̧ri̧rȩ ja̧bepachji̧vä chumi̧dëri̧ cjiarea̧ decjiari̧. Jabechji̧ Tjo tjamo̧ pio ju̧i̧iä järiji̧ri̧rȩ ja̧bepachji̧vä ibëa̧ Ano̧mȩ ja̧ oa, cjo̧dërë goae tarari̧ gäri cjitëmi̧ dari̧.

Domano Ma̧ȩ 15:20

Ado jadi dari̧ ja̧bepea̧ üdë ji̧mo̧ baäde cüdë peadëri ja̧ jo̧rȩtarërea̧ pio ju̧i̧ nö̧ta. Tjamo̧ davä, jo̧rȩtarëremȩrequedejȩrȩ cja̧rȩmȩ co ta̧rëdëa̧räpȩ cjo̧ro̧ji̧ri̧ pio ji̧ri̧iäpȩmo̧ a̧ra̧ano̧pea̧ ji̧. 'Aja̧, pio ji̧ri̧iäpȩmo̧ ma̧ȩ chjadëi̧ oa a̧ra̧ano̧pea̧ chiaquiji̧ri̧da, Quiricho pio ju̧i̧ chjiari cja̧rȩmȩ co ta̧rëdëa̧ pumȩ pio ji̧ri̧iäpȩmo̧ a̧ra̧ano̧pea̧ chiaquiji̧ri̧da' quëna̧ jo̧rȩtarequede peadëri ja̧, ado cja̧rȩmo̧rȩ a̧ra̧ano̧a̧ duri pio ju̧i̧ a̧de a̧ra̧ano̧chea oa.

Cori̧tio Ma̧ȩ 1 4:12

Ado ibëa̧ jurarea̧ oa gatëpea̧ oa, jabechji̧ ibëa̧ ichira̧ pio ju̧ri̧ra̧ järätäji̧ri̧rȩ ja̧bepe chjaorea̧rȩ uri̧ jäcjiaji̧ri̧rȩ. Jabo cjäri̧ madiro̧ibe, a̧ro̧rȩ pumȩ pio ji̧ri̧iäpȩmo̧ eami̧ chjai̧dë oa japadëräbo, jabechji̧ ya̧e chjaodiro̧ibe. Jabo ibë ya̧ea̧räbo, jabechji̧ ba dëbë ya̧dërea̧ro̧jȩrȩ, jabomo̧ goë cjo̧dërea̧rȩ pio ji̧ri̧ chjiari Ütë tjamo̧ pio ju̧i̧iä, judi pio ji̧ri̧iäpȩmo̧ chjadëri̧ a̧dotä. Aja̧ ca̧ oti̧, ja̧di dari̧ japarea̧rȩ. Ado danȩrȩ, o judiro̧ ibë conȩdarä, jabechji̧ ma̧ chjua jo̧rȩtaji̧ri̧rȩ chjuari̧ quëna̧rea̧ro̧jo̧ȩ Ütë tjamo̧ ju̧i̧ jaepeparea̧ decjiari̧.

Cori̧tio Ma̧ȩ 2 5:9

Jabechji̧ a̧ro̧rȩ pio yoa chirirä jabë cjo̧ro̧a̧ nö̧ta, ji̧dë ma ma̧ chiadëri̧ cjiaparȩtämi̧ cjiarea̧ro̧jo̧ȩ ibëa̧ Ano̧mȩ pio ju̧i̧. Ado a̧ro̧rȩ a̧dëräpȩ ano̧ mire cjo̧ro̧ji̧ri̧pea̧rä, peaja̧di dari̧ jo̧rȩtaparea̧rȩ. Jabechji̧ pio ju̧i̧iäpȩmo̧ ji̧dë ma ma̧ chiadëri̧ cjiaparȩpea̧ pio jiro jo̧rȩtarea̧ üdë tjamo̧ri̧ chade ibëa̧ chji̧rä.

Epjecho Ma̧ȩ 4:28

Ado mȩnȩro̧ garüji̧ri̧rȩ cjo̧ro̧rërea̧ ji̧, garüdëchji̧vä yaba̧. Jabechji̧ dibëa̧ ichira̧ garüji̧ri̧rȩ cjo̧ro̧rërea̧ ji̧, chjadëri̧ ano̧ mire ja̧bepachji̧vä cjäri̧ ja̧boji̧ri̧ pio ji̧ri̧iäpȩmo̧ chjadëri̧ a̧dopea̧ oa.

Timoteo Ma̧ȩ 1 2:2

Ado chiri ütë cjo̧ro̧ji̧ri̧ pio ji̧ri̧ chjiari, chiri tjamo̧ cjo̧ro̧ji̧ri̧ pio ji̧ri̧ chjiari goë tuti cjo̧dëtäreji̧ri̧rea̧rȩ peaja̧di jibëa̧ ja̧beparea̧ oa chjadëri̧ datä a̧ro̧rȩ chjadëri̧ cjo̧ro̧rea̧ dapea̧ oa, conȩdarea̧ decjiari̧, uaparea̧ decjiari̧ cjo̧ro̧rea̧ dapea̧ oa. Aja̧, a̧ro̧rȩ Ütë tjamo̧ pio ju̧i̧ ba chia jo̧rȩtaji̧ri̧rȩ cjo̧ro̧rea̧mi̧ dari̧, a̧ro̧rȩ Ütërë yo̧a̧mi̧ japarea̧mi̧ dari̧ goë tuti cjo̧dëtäreji̧ri̧rea̧rȩ tjamo̧ yo̧ji̧ri̧ pio ji̧ri̧ chjiari, pio judiro̧ chjadëri̧ ja̧beparea̧ datä.

Timoteo Ma̧ȩ 1 5:13

Tjamo̧ davä. Jabë ütai̧padärädëa̧ pio ji̧ri̧ go̧ȩparä judi, pio ji̧ri̧ a̧do chjaorä judi, cjäri̧ mani̧rȩ, chumi̧dëri̧ cjiape jäpai̧ dani̧rȩ peaja̧di. Ado jibëa̧ bëräpȩ chjadëri̧ ja̧bepatärea̧ ji̧, jibëa̧ maea oa jo̧rȩtaji̧ri̧rȩ japatärea̧ ji̧, bë nö̧tai̧ oa jädiä jädiä cjiapai̧ dani̧rȩ, tëracaba maea oa ni̧bä chjaopea̧ oa, goadi goadi yo̧ chjaopea̧ oa. Ja̧di tara pio ji̧ri̧ ja̧ quȩ üdë go̧ȩ irä go̧ȩpadëpea̧de. A̧dodëpea̧ni̧rȩ.

Tito 3:14

Ado danȩ, ibëa̧ oti̧ judiro̧ ütëborë chjadëri̧ dabapatäreji̧ri̧dirȩ o ji̧ri̧iäpȩmo̧ chjadëri̧ a̧dopea̧ ji̧. Aja̧, järi tjamo̧tädirȩ cjäri̧ ja̧boji̧ri̧ pio ji̧ri̧ chjadëri̧ a̧dopea̧ ji̧. Jabechji̧ ja̧di dari̧ japaji̧ri̧ judiro̧ ba chia tjamo̧ oa ja̧bepadirȩ. Ado ja̧di dari̧ a̧doa̧ oaiä, jabechji̧ jurarea̧ torë ji̧ra̧ri̧ chiadëmȩmi̧ dari̧ cjiadiädëpadirȩ.

Pedro Ma̧ȩ 1 3:4

Jabo jabechji̧ mȩnȩro̧ dibëa̧ chji̧ra̧ jo̧rȩta̧ pio ju̧i̧ jo̧rȩtaquë ca̧ oti̧. Danȩro̧, dibëa̧ tjoro pio ju̧i̧ chjacjiamȩri̧ cjiatä eaquidibë. Jabechji̧ ji̧dë ma badë maea oa ni̧bä chjaodëchji̧je, jabo ba chia maea oa ni̧bä chjaochji̧je, ma̧ȩ goae maeara̧. Ado o judiro̧ dibë ma̧i̧ dari̧ japea̧räbo, jabechji̧ ba dëbë japadëchji̧ji̧ri̧, jabo jabechji̧ cjiadiämi̧ tarari̧ jo̧rȩtachji̧je, ma̧ chjupi̧ cjiari̧ jo̧rȩtaji̧ri̧rȩ, Ütë tjamo̧ pio ju̧i̧iäpȩmo̧ chjuari̧ quëna̧ji̧ri̧rȩ. Jabechji̧ dai oa cjiamȩ ina̧rea̧ chjacjiamȩ üdë chjaodëri̧ yuropapadi. Tjärichji chjacjiamȩ üdë goarijäpadi. Tjamo̧ davä. Dai oa cjiamȩ chjacjiamȩrea̧ üdë chjaodëri̧ yuropapadi, jabo dibëa̧ tjoro ja̧ chjacjiamȩ tjamo̧rea̧ üdë, cjäri̧ madi, goarijädëmȩdi. Tjamo̧ davä. Goarijädëmȩdi, ado ba chia tjamo̧di Ütë tjamo̧ pio ju̧i̧iä.

Pedro Ma̧ȩ 1 4:15

Jabo mȩnȩro̧ bape chjaoa̧ oa cjiarä judi, jabechji̧ chjai̧dëri̧ japea̧ oaiä bape chjaoa̧ oa cjiadëtäreji̧ri̧nȩrȩ. Jabechji̧ ado cja̧rȩmo̧ oa ja̧bo tänȩa̧ oaiä, o ji̧ri̧iä garüa̧ oaiä, pumȩ ji̧ri̧iäpȩmo̧ chjai̧dëri̧ japea̧ oaiä, dibëa̧dë pio ju̧i̧ chjiari ji̧dë ma iëno̧ iëno̧ ta̧rë ëte tuti yo̧a̧ oaiä bape chjaoa̧ oa cjiadëtäreji̧ri̧nȩrȩ. Jabechji̧ ja̧di dari̧ japea̧ üdë chjai̧dëde, ado idëri̧ cjia tänȩmȩde.