Ado eami̧ a̧ üdë jurarea̧ chiadërä judi, jabechji̧ tuti dedejȩ. Jabo jurarea̧ chiamȩ a̧ pio ju̧i̧ chjadëri̧ jidadejȩ. Chjadëri̧ jëdano̧dejȩ chjacjiamȩri̧ cjiapea̧ oa, ji̧dë u̧i̧ ji̧ra̧ oa chiapea̧ oa. Pio ju̧i̧iä oëra̧ baämȩ a̧ bori̧ pio ji̧ri̧ ütara̧mi̧ tuti dedejȩrȩ, to üdë coëmape bagapea̧ oa, a̧dë chjäte ji̧ra̧ri̧ chiape jäpea̧ oa.
Techaronichȩche Ma̧ȩ 4:1 - Biblia Pume1 Ado yaba̧ ibëa̧ oti̧, Ano̧mȩ Jechu pio ju̧i̧ ja̧ quȩrä chi̧dëeatarea̧ro̧dibe mȩnȩro̧ pio ibëiä dabapea̧mi̧ cjo̧ro̧tä. Jabechji̧ pio ibëiä dabapea̧nȩrȩ Ütë tjamo̧ ju̧i̧iäpȩmo̧ ma̧ chiadëri̧ cjiaparȩji̧ri̧rȩ cjo̧ro̧pea̧ ji̧. Ado dëdë, ja̧di dari̧ cjo̧ro̧nȩrȩ, jabo ji̧dë u̧i̧ järitä earea̧ro̧dibe. Faic an caibideil |
Techaronichȩche Ma̧ȩ 4:1
44 Iomraidhean Croise
Danȩrȩ ca̧ oti̧, cüdë ibëa̧ Ano̧mȩ pio ju̧i̧iä dabapea̧ ma̧ȩ pio ju̧i̧ a̧ra̧ano̧rërea̧mi̧ a̧ra̧ano̧requededibe ado chjereno̧, judi ja̧boa̧ pio ju̧i̧ chjiari ma̧ȩ oa. Jabechji̧ gȩnȩpea̧rä, Juda Iscariote judi gatë tänȩa̧ domȩ pio ju̧i̧iä, Jechu pio ju̧i̧ ja̧bo tänȩtämi̧ cjiaji̧ri̧ pio ji̧ri̧iäpȩmo̧ gatë tänȩa̧ domȩ pio ju̧i̧iä, jabechji̧ ëba a̧doparëremȩdejȩrȩ jibëa̧ jadü ji̧ri̧ Ano̧mȩ Jechu pio judi. Ado chja̧pe oa mitërëremȩdejȩ. Ado chja̧pe oa mitë ëte, chjacjiamȩri̧ ni̧bärëremȩdejȩ jibëa̧ Ama̧i̧ ju̧i̧: "Ama̧i̧, chjadëri̧ yürüa̧renȩibe jurarea̧ oa” yo̧mȩrȩ yo̧rëremȩdejȩ. Ja̧dëa ji̧ mu̧i̧ yarërëremȩdejȩ chja̧pe oa. Ado mu̧i̧ yarë ëte, chjarapë yürürëremȩdejȩrȩ jibëa̧ jadü ji̧ri̧. "Goë jaechji̧vä, jurachji̧vä" yo̧a̧dejȩrȩ. "Ca̧ icjarami̧ dade. Ado pio dibë chjiari tuti yürüpareconȩ goe gu̧rori̧ ano̧ mire ja̧bopea̧ oa. Jurachji̧vä pio coa jo̧rȩtaji̧ri̧rȩ." Aja̧, ja̧di ta̧rëri̧ yo̧mȩrȩ ni̧bärëremȩdejȩrȩ jibëa̧ jadü pio ji̧ri̧.
Ja̧di tara ca̧ oti̧, ji̧dë ma chjuari̧ cjiami̧ dari̧ quëna̧chji̧vä Ütë tjamo̧ pio ju̧i̧, jaejaeami̧ dape järea̧ decjiari̧. Jabechji̧ Ütë tjamo̧ ja̧ ma̧ȩ pio ju̧i̧iä to̧bari̧ cjiami̧ dari̧ cjiachji̧vä, ju baebaeami̧ dari̧ jo̧rȩtarea̧ decjiari̧. Jabechji̧ chumi̧dëri̧ cjiadë machji̧vä, jabo ji̧dë ma järichji̧vä ibëa̧ Ano̧mȩ ja̧ oa chjadëri̧ ja̧bepapea̧ oa. Jabechji̧ chjadëri̧ dabanȩrȩ ca̧ oti̧. Danȩrȩ, mȩnȩro̧ eami̧ oa ibëa̧ Ano̧mȩ ja̧ oa ja̧beparä badëri̧ cjiadiädëpanȩrȩ, jabo chjadëri̧ ba ano̧a̧ oa cjiapanȩrȩ. Tjamo̧ davä. Mȩnȩro̧ pio ju̧i̧ ja̧ oa eami̧ oa ja̧bepea̧ oaiä mö̧na̧mi̧ dari̧ cjiadiädëpanȩrȩ, jabo chjadëri̧ ba ano̧a̧ oa cjiadiäpanȩrȩ ‘chjadëri̧ ba ano̧dëdicoada’ quëna̧rea̧ decjiari̧. Ado pio ju̧i̧iä jabechji̧ järi tjamo̧chji̧vä. Aja̧ ca̧ oti̧, ja̧di ta̧rëri̧ yo̧requededibe. Dibë ea tjamo̧ tara, ja̧di ta̧rëri̧ yo̧requededibe.
Danȩrȩ ca̧ oti̧, goë ta̧rëa̧requede o judiro̧ pio coa chjiari yo̧a̧bea pio ju̧i̧ chjiari. “Aja̧, Pablo judi jachiri pio judiri go̧ȩpe chjadüa̧rämo̧ oëadëmȩmi̧ darë go̧ȩpe chjadüdiibe, uapadëmemi̧ darë” yo̧vedirȩ. “Jabo cjäri̧ made, ibëa̧ chjarerä cjo̧ro̧a̧rä, to̧bari̧ chi̧dëeadërëremȩdiibe, jabomo̧ uapamȩrȩ ni̧bärëremȩdiibe, idëri̧ cjiamȩrȩ” yo̧vedirȩ. Aja̧ ca̧ oti̧, ja̧di ta̧rëri̧ yo̧a̧ jirovedirȩ oëra̧ a̧ra̧ano̧ji̧ri̧ pio judiro̧, pio ji̧ri̧ ta̧rë ja̧boji̧ri̧ pio judiro̧borë. Aja̧, ja̧di ta̧rëri̧ yo̧ jirovedirȩ pio coa chjiari. Jabo danȩrȩ, chjadëri̧ ta̧rëchji̧vä. Jabechji̧ Pablo pio judirequede. Ado pio cüdë chi̧dëeatarequededibe, pio dibë bücjüi̧ idamȩmi̧ darë. Jabechji̧ Quiricho pio judiri ma̧na̧mȩra̧ pio ju̧ri̧ra̧ jo̧rȩtamȩrȩ chi̧dëeatarequededibe, pio dibë chjiari bücjüri̧ cjia tjamo̧mȩrȩ, pio dibë ma̧ chjua jo̧rȩtamȩrȩ.
Danȩrȩ ca̧ oti̧, cjiadiärea̧ ma̧ȩ oa go̧ȩparequededibe yaba̧. Ado pio ju̧i̧iä pio yoa ma̧ȩ maea oa ni̧bä chjaorequededibe. Jabechji̧ coëma cjiari̧ cjo̧ro̧chji̧vä ma̧ chiadëri̧ cjiari̧ jo̧rȩtarea̧mi̧ dari̧. Ado no̧dë oa jämi̧ dari̧ cjo̧ro̧rërea̧ ji̧, jabechji̧ no̧räpȩmo̧diämi̧ dari̧ japachji̧vä, dibëa̧ tjo üdë üi̧padärärea̧mi̧ dari̧. Ado ta̧ra̧ cotomi̧ dari̧ jo̧rȩtadëchji̧vä cüdë dibë go̧ȩpe chjadüa̧ pio ju̧i̧ chjiari, jabo acji cjaeä jo̧rȩtachji̧jo̧ȩ. Ado cja̧rȩmȩ chji̧ chiami̧ dari̧ cjo̧ro̧chji̧vä, mȩnȩro̧ chji̧ goaera̧ jo̧rȩtapea̧ oa, mȩnȩro̧ ori̧ bagari̧ ëba cjo̧ro̧rea̧ dapea̧ oa. Ado mȩnȩro̧ ja̧di dari̧ cjo̧ro̧a̧ oaiä, jabechji̧ chjadëri̧ ëba cjiapadidibe Ütë tjamo̧ judi. Tjamo̧ davä. Earea̧ yürümȩ pio judi, ibë ma̧ chjupi̧ cjiari̧ jo̧rȩtarea̧ yürümȩ pio judi, ji̧dë ma ëba cjiapadidibe.
Jabechji̧ a̧ro̧rȩ pio yoa chirirä jabë cjo̧ro̧a̧ nö̧ta, ji̧dë ma ma̧ chiadëri̧ cjiaparȩtämi̧ cjiarea̧ro̧jo̧ȩ ibëa̧ Ano̧mȩ pio ju̧i̧. Ado a̧ro̧rȩ a̧dëräpȩ ano̧ mire cjo̧ro̧ji̧ri̧pea̧rä, peaja̧di dari̧ jo̧rȩtaparea̧rȩ. Jabechji̧ pio ju̧i̧iäpȩmo̧ ji̧dë ma ma̧ chiadëri̧ cjiaparȩpea̧ pio jiro jo̧rȩtarea̧ üdë tjamo̧ri̧ chade ibëa̧ chji̧rä.
Tjamo̧ davä ca̧ pumȩ. Ütë tjamo̧ pio judi jachidai̧parȩrea̧ ma̧ȩ pio ju̧i̧ a̧ra̧ano̧ tänȩrëremȩdiibe. Ado pio ju̧i̧iä Ütë tjamo̧ pio ju̧i̧ ja̧ jadümi̧ dari̧ ja̧beparea̧rȩ. Ado pio ju̧i̧ ja̧ jädümi̧ dari̧ ja̧bepa tara, jabechji̧ yo̧tarea̧ro̧dibe ütëbo oa mȩnȩro̧ jiadachea oa, Ütë tjamo̧ judi pio dibëiäpȩmo̧ cjäri̧ri̧ cjia da̧ pio ju̧i̧ putu jura̧ a̧dë chami̧ dari̧ jiadachea oa.
Danȩrȩ ca̧ oti̧, dibëa̧ omȩ üdë oëra̧diärä judi, jabechji̧ a̧dochji̧jo̧ȩ. Tjo tjamo̧ ja̧ chja̧oerä cjo̧ro̧ji̧ri̧ pio judiro̧ a̧dotäreji̧ri̧renȩro̧jo̧ȩ, no̧räpȩmo̧diärea̧mi̧ dari̧. Aja̧, pio ju̧i̧ ea tjamo̧ji̧ri̧rȩ chi̧dëeatäreji̧ri̧renȩro̧jo̧ȩ, ma̧ȩ bücjüi̧ra̧ ni̧bäji̧ri̧rȩ. Jabo na̧e chiachji̧vä pio mȩnȩro̧borë u̧i̧pea̧ oa cjiachea oa.
Ja̧di tara, Ütë tjamo̧ judi Jechu pio ju̧i̧iä dibë chjadëri̧ japea̧ tara, yo̧tarequededibe mȩnȩro̧ Ütë ja̧ ma̧ȩrämo̧ cjo̧ro̧tä, pio judi dibë ëna̧diäa̧mi̧. Aja̧, chaäa̧ oa cjiamȩrȩ, ca̧ Ano̧mȩ pio ju̧i̧ ja̧ oa ja̧bepea̧ oaiä chaäa̧ oa cjiamȩrȩ yo̧tarequededibe mȩnȩro̧ coëma cjiari̧ cjo̧ro̧tä, Ütë tjamo̧ pio judi dibë ëna̧diäa̧mi̧.
Ado pio ju̧i̧iä yo̧requededibe. Japëtaraji̧ri̧mi̧ dari̧ cjo̧ro̧dëchji̧vä. Chumi̧dëri̧ cjiadëchji̧vä jabo chjadëri̧ dabaji̧ri̧rȩ cjo̧ro̧chji̧vä. 'Aja̧, ja̧di dari̧ cjo̧ro̧tä eadicoada, Ano̧mȩ tjamo̧ judi ja̧di dari̧ cjo̧ro̧tä eadicoada, jabechji̧ ja̧di dari̧ japea̧ üdë goae tjamo̧diji̧da' quëna̧ dabapea̧ ji̧ dabapatäreji̧ri̧nȩrȩ, järi tjamo̧ji̧ri̧rȩ.
Ado yaba̧ ma̧ȩ ba chiati̧ oa a̧de go̧ȩparequededibe ca̧ oti̧. Danȩrȩ, no̧mȩ tjamo̧ri ja̧ quëna̧ji̧ri̧pea̧renȩro̧jo̧ȩ Quiricho pio ju̧i̧ chjiari ma̧ȩ oa, ma̧ȩ chjadëi̧ pio ju̧i̧. Ado danȩrȩ, pio jiro ma̧ȩrä ji̧dë ma cjo̧ro̧tä earequededibe tüdüa̧mi̧ darä. Jabechji̧ mȩnȩro̧ cjo̧ro̧a̧ üdë ji̧mo̧ baä matäremȩde pio jiro ma̧ȩ pio ju̧i̧ nö̧ta. Ado cüdë dibë jäe darä judi, jabo dibë jäe dadëräbo, jabechji̧, "coëma cjiari̧ cjo̧ro̧dirȩ" yo̧a̧ oa ta̧rë matäremȩrequede pio dibë chjiari. 'Aja̧, cja̧rȩmȩ chji̧ chiami̧ dari̧ cjo̧ro̧diro̧da, chjuari̧ quëna̧ji̧ri̧rȩ cjo̧ro̧diro̧da, ji̧mo̧ cjiaji̧ri̧rȩ tuti ni̧bädiro̧da, Jechu pio ju̧i̧ chjiari ma̧ȩ oa chjadëri̧ tuti jidami̧ dari̧ tuti ni̧bädiro̧da' quëna̧ matäremȩrequede pio dibë chjiari ta̧rëa̧ oaiä.
Jabechji̧ tjätjäpë baguramȩmi̧ dari̧ cjo̧ro̧requede, Quiricho pio ju̧i̧ nö̧tadäräri̧ cho̧rëdiäpea̧ pio ju̧i̧mo̧i̧ jo̧rȩtamȩrȩ. Tjamo̧ davä. Quiricho pio ju̧i̧ cho̧rëdiäpea̧ pio ju̧i̧mo̧i̧ jo̧rȩtamȩrȩ cjo̧ro̧requede. Jabechji̧ ji̧dë u̧i̧ järimȩrȩ cho̧rëdiätämi̧ cjiareconȩ cüdë ja̧boa̧rä yuro. Ja̧dëa ji̧ ütara̧ doro Ütë tjamo̧ judi ëna̧diäpadique cüdë a̧dëräpȩ baäpea̧ ji̧, pio jȩa nö̧ta bucho ana̧ ëba cjo̧ro̧pea̧ ji̧. Jabechji̧ Jechu Quiricho pio judiri ja̧ tara, bucho ana̧ cjo̧ro̧parequede a̧dëräpȩ ju̧ri̧.
Ado mȩnȩro̧ ja̧di dari̧ japariä cjo̧ro̧rä judi, jabechji̧ goae tjamo̧padejȩ Ano̧mȩ pio ju̧i̧iä. Ado judi ea̧ tüdüa̧mi̧ darä cjo̧ro̧panȩrȩ, pio ju̧i̧iäpȩmo̧ ji̧dë ma ma̧ chiadëri̧ cjiaparȩji̧ri̧rȩ. Ado dami̧ti̧ jurarea̧ oa chiami̧ dari̧ na̧rȩ chjaopanȩrȩ chjadëri̧ jape chjaoa̧ oaiä. Ado ji̧dë u̧i̧ urëdi oa dabarea̧ daparenȩro̧jo̧ȩ Ütë tjamo̧ ju̧i̧, joë ya oa areiëa̧mi̧ dari̧.
Danȩrȩ ca̧ oti̧, ba chia datä earea̧ro̧dibe dibëa̧ chjarerä ja̧bepaji̧ri̧ pio ji̧ri̧, tjamo̧ jidaji̧ri̧ pio ji̧ri̧. Jabechji̧ Ano̧mȩ pio judi tänȩa̧ oa ja̧bepadirȩ dibë chjadëri̧ jidapea̧ oa, dibë chi̧dëeapea̧ oa. Jabechji̧ pio ji̧ri̧ ja̧ chja̧oerä cjiaji̧ri̧ oa yabo ëba baämi̧ dari̧ japadiro̧dibe, tjamo̧ yo̧ji̧ri̧mi̧ dari̧ ja̧bepaji̧ri̧rȩ.
Danȩrȩ ca̧ oti̧, pio dibë jo̧rȩtaji̧ri̧rȩ ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ pio ju̧i̧, 'chjadëri̧ a̧doa̧diji̧ri̧da' quëna̧ jo̧rȩtaji̧ri̧rȩ. Ado ja̧di dari̧ jo̧rȩtapea̧ üdë jabechji̧ chjadë tjamo̧de. Jabechji̧ mȩnȩro̧ ji̧dë u̧i̧ chjuari̧ quëna̧ji̧ri̧pe baga̧ oaiä, mȩnȩro̧ dibëa̧ pumȩ ji̧ri̧ ji̧dë u̧i̧ eaji̧ri̧pe baga̧ oaiä, dibëa̧ dëbëti̧ra̧ chia ji̧dë u̧i̧ eaji̧ri̧pe baga̧ oaiä, jabechji̧ ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ pio ju̧i̧.
Ado yaba̧ ca̧ oti̧, cjiadiärea̧ ma̧ȩ oa go̧ȩpe chjadümȩrȩ pio ibë chjiari goë cjo̧dëtä earea̧ro̧dibe, ibëa̧ Ano̧mȩ ja̧ ma̧ȩ üdë pio dibëa̧ chjarerä baärërea̧mi̧ chjaodëri̧ chjuchjupechä baätä. Aja̧, pio ju̧i̧ ja̧ ma̧ȩ üdë tüdüa̧ oa cjiami̧ dari̧ cjiachea oa jabo oëra̧ti̧ oa chjädëri̧ a̧ra̧ano̧a̧ oa cjiapea̧ oa, goë cjo̧dëtä earea̧ro̧dibe pumȩ no̧i̧dërë quëna̧rea̧ dapea̧ oa, Ano̧mȩ ja̧ ma̧ȩ üdë ba chiaparȩa̧ oa cjiami̧ dari̧ cjiapea̧ oa.
To̧bari̧ chi̧dëearequedemȩ Timoteo mȩnȩ nö̧tadäräri̧ japatä cüdë mȩa go̧ȩpe chjadüa̧ pio ju̧i̧. Aja̧, Ütë tjamo̧ ja̧ dachoro chi̧dëearequedemȩ, Jechu Quiricho ja̧ dachorobo. Ado danȩ, Ütë tjamo̧ judi mitëa̧ mu̧i̧tjoi̧ pio judiro̧borë dadiro̧ibe a̧dëräpȩ cjiaji̧ri̧ mu̧i̧tjoi̧ pio judiro̧. Pio judiro̧ ütëborë dari̧ chi̧dëearequedemȩ mȩnȩ pio yoa ma̧ȩ oa nö̧tadäräri̧ japatä. Na̧ pumȩ ji̧ri̧ cja̧rȩmȩ ba chia maeara̧ damȩrȩ nö̧tadäräri̧ japavä, ‘o judiro̧ ji̧dë u̧i̧ ba chiadiro̧da’ quëna̧rea̧ decjiari̧.
Ado danȩ Timoteo, Ütë tjamo̧ ja̧ dachoro yo̧tarequedemȩ, Jechu Quiricho pio ju̧i̧ ja̧ dachorobo. Danȩ, Jechu Quiricho pio judi pumȩ ütëbodärä oa ütarapadejȩrȩ. Cjo̧ro̧ji̧ri̧ pio ji̧ri̧, ado ja̧boa̧ji̧ri̧ pio ji̧ri̧ ütarapadejȩrȩ. Ado judi pio yoa chiri oa birë ma̧na̧rä, jabechji̧ chiri Ütëmȩrȩ cjo̧ro̧pade. Ado Chiri Ütë cjo̧ro̧pamȩ pio ju̧i̧ ja̧ dachoro yo̧tarequedemȩ Timoteo.
Jabechji̧ Ütë tjamo̧ ju̧i̧ quëna̧dëa̧ üdë goae tjamo̧dëdejȩ Ütë tjamo̧ ju̧i̧iä. Jabo pio jȩaiäpȩmo̧ quëna̧mȩ pio ju̧i̧ ma̧ chiadëri̧ cjia tjamo̧mȩrȩ dadejȩ. Jabechji̧ eami̧ pumȩ üdë Ütë tjamo̧ pio ju̧i̧ ja̧ queri̧mi̧ daräpȩ cjiatämi̧ cjiamȩ pio judi, ‘Aja̧, Ütë tjamo̧ judi tjamo̧ri̧ cjiadida, ado jȩa na̧tami̧ dari̧ japamȩ pio ju̧i̧ ba ano̧padiji̧da, jabechji̧ ma̧diä cjia tänȩdëpadiji̧da’ quëna̧ jo̧rȩtapea̧ chiade.
Aja̧ ca̧ oti̧, judiro̧ oëra̧ a̧ra̧ano̧a̧ oaiä u̧i̧pea̧ oa cjiadëchji̧vä, jabo ji̧dëri̧ Ütërë cjäri̧ri̧ cjiamȩrȩ a̧doa̧ oaiä cjo̧ro̧chji̧vä tëchjape bagami̧ dari̧, üi̧padärärea̧mi̧ dari̧. Jabechji̧ ibëa̧ Ano̧mȩ Jechu Quiricho pio ju̧i̧ chjiari dabapea̧ oaiä joechjape bagami̧ dari̧ cjiachji̧vä ibë Chjätä Tänȩmȩ pio ju̧i̧ chjiari ji̧dë u̧i̧ urëdi oa jo̧rȩtape bagarea̧mi̧ dari̧. Jabechji̧ pio ju̧i̧iäpȩmo̧ chjacjiamȩ tjamo̧ri̧ jo̧rȩtapea̧de yaba̧. Pio ju̧i̧iäpȩmo̧ chjacjiamȩri̧ jo̧rȩtapea̧de bucho ana̧. Tjamo̧ davä. Ja̧di dari̧ japapea̧de. Pio ju̧i̧mo̧ ma̧ȩ oa go̧ȩpe chjadürequededibe ca̧ oti̧. Cjo̧ro̧ibe. Dibëa̧ omȩ, Pedro
Sanasan