Techaronichȩche Ma̧ȩ 3:7 - Biblia Pume

⁷ Ado a̧ro̧rȩ ja̧di ta̧rëri̧ ta̧rëa̧ oaiä, ma̧ chiadëri̧ cjia tjamo̧pea̧rea̧rȩ ibëa̧ oti̧. A̧ro̧rȩ ma̧i̧ da oa chjätäji̧ri̧borë, conȩdarea̧ pio ju̧i̧ taraji̧ri̧borë, jabechji̧ ma̧ chiadëri̧ cjiari̧ cjatäcjie jo̧rȩtarea̧rȩ pio dibë chjiari ta̧rëa̧ oaiä, "chjuari̧ quëna̧ji̧ri̧rȩ cjo̧ro̧dirȩ" yo̧a̧ oa ta̧rëa̧ oaiä.

Techaronichȩche Ma̧ȩ 3:7 Iomraidhean Croise

Cori̧tio Ma̧ȩ 2 1:4

Jabechji̧ a̧ro̧rȩ eami̧ti̧ chjai̧dë oa chjätärä, cjatäcjie jo̧rȩtarea̧mi̧ dari̧ a̧dodiibe chjichjipami̧ dari̧. Aja̧, ja̧di dari̧ a̧dodiibe a̧ro̧rȩ o ji̧ri̧iäpȩmo̧ peaja̧di chjadëri̧ a̧dopea̧ oa. Jabechji̧ o judiro̧ chjai̧dë oa chjätärä, jabechji̧ Ütë tjamo̧ pio judi ibë a̧dorërea̧ra̧ pio ju̧ri̧ra̧ chjadëri̧ a̧dopai̧ darea̧ro̧jȩrȩ o ji̧ri̧ peaja̧di, pio judiro̧borë cjatäcjie jo̧rȩtarea̧ dapea̧ oa. Tjamo̧ davä. A̧dopai̧ darea̧ro̧jȩrȩ Ütë tjamo̧ judi pio ibë a̧dorërea̧ra̧ pio ju̧ri̧ra̧.

Cori̧tio Ma̧ȩ 2 7:13

Ado mȩnȩro̧ ibë tjamo̧ri̧ ea tara, jabechji̧ järi tjamo̧ji̧ri̧pea̧rea̧rȩ ca̧ oti̧. Jabo a̧ro̧rȩmo̧dërë, jabo Tito pio judiborë järi̧ tjamo̧mȩpea̧de. Tjamo̧ davä. Mȩnȩro̧ pio ju̧i̧ chjadëri̧ jea̧ oaiä, mȩnȩro̧ pio ju̧i̧ cjätäcjie jo̧rȩta tänȩa̧ oaiä, mȩnȩro̧ pio ju̧i̧ chji̧ goae tjamo̧ra̧ jo̧rȩta tänȩa̧ oaiä, jabechji̧ ma̧ chiadëri̧ cjia tjamo̧pea̧mȩ oa darëreji̧ri̧rea̧ro̧jo̧ȩ judi pio ibëiäpȩmo̧ ma̧na̧na̧ra̧rä.

Techaronichȩche Ma̧ȩ 3:6

Jabo yaba̧ pea ma̧na̧na̧ra̧diibe Timoteo judi. Pio dibëiäpȩ järëremȩrȩ ma̧ȩ goae oa chia ma̧na̧na̧ra̧diibe pio dibë chjiari. "Aja̧, Ütë tjamo̧ pio ju̧i̧ chjuari̧ quëna̧diro̧jo̧ȩ" yo̧a̧diibe. "Ado pio ju̧i̧ ea tjamo̧ji̧ri̧rȩ cjo̧ro̧dirȩ jibëa̧ oti̧ pio ji̧ri̧bo" yo̧a̧diibe. "Ado pio dibë, jabechji̧ cjäri̧ri̧ cjia jo̧rȩtadiro̧dibe" yo̧a̧diibe. "Ado mȩnȩro̧ pio ji̧ri̧iäpȩmo̧ odai̧ tarari̧ jo̧rȩtami̧ odai̧ tarari̧ jo̧rȩtadiro̧dibe peaja̧di" yo̧a̧diibe. Aja̧, ja̧di ta̧rëri̧ ni̧bä chjaoa̧diibe pio dibë chjiari.

Juan Ma̧ȩ 2 1:4

Damȩ ca̧ oyi̧, ma̧ chiadëri̧ cjia tjamo̧quë. Jabechji̧ na̧ u̧ri̧ judiro̧ orë tjamo̧i̧ cjiari̧ baämȩ ma̧ȩrä ji̧dë ma cjo̧ro̧ji̧ri̧ oa irä daea̧quiji̧ri̧. Jabechji̧ ibëa̧ Ama̧i̧ Ütë pio judi yo̧a̧mi̧ cjo̧ro̧diro̧, ji̧dë ma coëma cjiari̧ cjo̧ro̧ji̧ri̧rȩ. Ado pio ju̧i̧iä ma̧ chiadëri̧ cjia tjamo̧quë pio judiro̧ ja̧di dari̧ cjo̧ro̧ oaiä.