Techaronichȩche Ma̧ȩ 3:12 - Biblia Pume

¹² Ado chjadëri̧ a̧dotädidibe Ano̧mȩ judi pumȩ ütëbodärä oa ji̧dë u̧i̧ ea tjamo̧pe jäpea̧ ji̧. Danȩ, ea tjamo̧rea̧ro̧dibe. Ado a̧ro̧rȩ dibë eami̧ eatäreji̧ri̧nȩrȩ peaja̧di dibëa̧ dëbëti̧ra̧ chia.

Techaronichȩche Ma̧ȩ 3:12 Iomraidhean Croise

Mateo 22:39

Ado pio yoa ma̧ȩbo a̧de yo̧requededibe ba chia tjamo̧ oa ⁠—⁠yo̧a̧dejȩrȩ⁠—⁠. Danȩrȩ, dibëa̧ pumȩ pio ji̧ri̧, jabechji̧ dibëa̧ icjarami̧ da oa ea tjamo̧chji̧jȩrȩ. Dibëa̧ imi̧ da oa ea tjamo̧chji̧jȩrȩ. Pio jiro ma̧ȩ yo̧a̧ri̧borë o ji̧ri̧ u̧i̧ a̧dë chjäte ba chiade.

Mateo 7:12

Ado Jechu judi ado cja̧rȩmo̧ ma̧ȩ oa ano̧ mire ni̧bä chjaorëremȩdejȩrȩ, ja̧di ta̧rëri̧ yo̧mȩrȩ: ⁠—⁠Danȩrȩ ca̧ pumȩ, o judiro̧ pio dibëiäpȩmo̧ chjadëri̧ japatä earä judi, peaja̧dimi̧ dari̧ chjadëri̧ japatäreji̧ri̧renȩro̧jȩrȩ o ji̧ri̧iäpȩmo̧ ⁠—⁠yo̧a̧dejȩrȩ⁠—⁠. Tjamo̧ davä. Mȩnȩro̧, o judiro̧ pio dibëiäpȩmo̧ chjadë maea oa japatä earä judi, jabechji̧ chjadëri̧ japachji̧jȩrȩ. Aja̧, chjadë maea oa japachji̧jȩrȩ. Jabechji̧ mȩnȩro̧ ja̧di dari̧ japea̧ oaiä, Moicherë go̧ȩparërea̧ ma̧ȩ pio ju̧i̧ ta̧rëdiänȩrȩ, Ütërë ea jana̧ chjadüa̧ oa ni̧bäji̧ri̧ pio judiro̧ go̧ȩparërea̧ ma̧ȩ pio ju̧i̧bo ⁠—⁠yo̧mȩrȩ ni̧bä chjaorëremȩdejȩrȩ Jechu judi.

Lucas 17:5

Ado Jechurë chjadüa̧ pio judiro̧ yo̧rëreji̧ri̧diro̧jo̧ȩ Ano̧mȩ pio ju̧i̧iäpȩmo̧: —Danȩ, a̧ro̧rȩ ji̧dë u̧i̧ chjuari̧ quëna̧pea̧ oa chjadëri̧ a̧doibe —yo̧a̧diro̧jo̧ȩ.

Domano Ma̧ȩ 13:8

Danȩrȩ, dibëa̧ oti̧ pio ji̧ri̧iäpȩmo̧ ji̧dë ma ba cjiadiäji̧ri̧rȩ cjo̧ro̧dëtäreji̧ri̧nȩrȩ, jabo atarami̧ ba ano̧täreji̧ri̧rea̧ro̧jȩrȩ. Jabo dëdë, pio ji̧ri̧iäpȩmo̧ ji̧dë ma ba cjiadiämi̧ dari̧ cjo̧ro̧täreji̧ri̧rea̧rȩ jabo. Tjamo̧ davä. Ji̧dë ma eapea̧ ji̧ ba cjiadiämi̧ dari̧ cjiatäreji̧ri̧rea̧ro̧jȩrȩ. Ji̧dë ma dëbëti̧ra̧ chia eatäreji̧ri̧rea̧rȩ. Jabechji̧ ja̧di dari̧ cjo̧ro̧mȩ judi, Moicherë go̧ȩparërea̧ ma̧ȩ pio ju̧i̧ nö̧tadäräri̧ ta̧rëdiämi̧ dari̧ japamȩde.

Cori̧tio Ma̧ȩ 2 9:10

Danȩrȩ ca̧ oti̧, tjado ano̧mȩ judi jibëa̧ tjadoro cho oa ponȩrä, jabechji̧ Ütërë yürüa̧ duri maea oa ponȩdejȩ. Jabechji̧ jurarea̧ cho yürümȩ pio judide. Ado cho oa cjitë tänȩmȩ pio judi tjamo̧de peaja̧di. Jabechji̧ tjado ano̧mȩ pio judi jurapea̧ oa, pumȩ judiro̧ ütëborë jibëa̧ jurarea̧ oa dapea̧ oa yürümȩde. Aja̧, pio ibëiäpȩmo̧ yürüdiibe Ütë tjamo̧ judi a̧ro̧rȩ cjo̧ro̧pea̧ oa, a̧ro̧rȩ o ji̧ri̧iäpȩmo̧ peaja̧di yürüpea̧ oa. Ado a̧ro̧rȩ o ji̧ri̧iäpȩmo̧ chjaji̧ri̧rȩ yürürä, jabechji̧ cho pio ju̧i̧ ponȩji̧ri̧mi̧ dari̧ yürürea̧rȩ. Ado a̧ro̧rȩ ponȩji̧ri̧mi̧ dari̧ yürürä, a̧ro̧rȩ o ji̧ri̧iäpȩmo̧ eami̧ oa ponȩmi̧ dari̧ yürürä, jabechji̧ a̧dë chjäte ji̧ra̧ tjamo̧pe bagarea̧mi̧ dari̧ japadejȩ Ütë tjamo̧ judi, a̧ro̧rȩ ibëa̧ tjadomi̧ darä ji̧dë u̧i̧ ji̧ra̧ tjamo̧ oa mitërea̧ dapea̧ oa.

Garata Ma̧ȩ 5:22

Jabo Tjo tjamo̧ pio judiri ma̧na̧mȩ na̧rȩrea̧ üdë tjaoë tjamo̧de. Toro baramȩ jurarea̧ goaemi̧ dade. Ado pio ju̧i̧ ano̧ mire ütarë yo̧requededibe yaba̧. Danȩrȩ, o ji̧ri̧iäpȩmo̧ earea̧ üdë, ma̧ chiadëri̧ cjiari̧ jo̧rȩtarea̧ üdë, ado ma̧ chjupi̧ cjiari̧ jo̧rȩtarea̧ üdë, jabechji̧ Tjo tjamo̧ pio judiri ma̧na̧mȩ na̧rȩrea̧de. Ado Ütë tjamo̧ ju̧i̧iäpȩmo̧ chjuari quëna̧rea̧ üdë, jaepeparea̧ decjiari̧ quëna̧rea̧ üdë, chjai̧dë oa chjätäräbo chjuari̧ quëna̧rea̧ üdë, peaja̧di Tjo tjamo̧ pio judiri ma̧na̧mȩ na̧rȩrea̧de. Ado o ji̧ri̧iäpȩmo̧ cjäri̧ri̧ cjia darea̧ üdë, cjodocjodoami̧ dari̧ jo̧rȩtarea̧ üdë, o ji̧ri̧iäpȩmo̧ chjadëri̧ japarea̧ üdë, o ji̧ri̧iäpȩmo̧ tocoi̧mi̧ u̧i̧parea̧ decjiari̧ cjo̧ro̧rea̧ üdë, jënȩ yo̧a̧mi̧ japarea̧ üdë, jabechji̧ Tjo tjamo̧ pio judiri ma̧na̧mȩ na̧rȩrea̧ maeade.

Garata Ma̧ȩ 5:6

Jabechji̧ a̧ro̧rȩ Jechu Quiricho pio judiri ja̧pe baga̧ oaiä, budoa̧ üdë badë mapea̧de. Ado pio ju̧i̧iä a̧dodë madiibe Ütë tjamo̧ ju̧i̧iä. Ado budodëa̧ üdë peaja̧di badë maeade. Peaja̧di a̧dodë madiibe. Jabechji̧ quëna̧ pio judimo̧rȩ ba chiade. Chjadëri̧ a̧dodiibe. Ado a̧ro̧rȩ quëna̧ji̧ri̧rȩ cjo̧ro̧ro, jabechji̧ Ütë tjamo̧ pio ju̧i̧ eariä cjo̧ro̧parea̧rȩ, pumȩ pio ji̧ri̧iäpȩmo̧bo.

Pjiripo Ma̧ȩ 1:9

Ja̧di ta̧rëri̧ goë cjo̧dëmȩrȩ goë cjo̧dërequede pio dibë chjiari. Jabechji̧ mȩnȩro̧ Ütë tjamo̧ pio ju̧i̧ chjiari ji̧dë u̧i̧ dabatä eamȩrȩ, mȩnȩro̧ ji̧dë u̧i̧ urëdi oa ütarariä jo̧rȩtatä eamȩrȩ goë cjo̧dërequede, mȩnȩro̧ dibëa̧ dëbëti̧ra̧ chia ji̧dë u̧i̧ eaji̧ri̧rȩ cjo̧ro̧pea̧ oa.

Techaronichȩche Ma̧ȩ 2:8

Jabechji̧ pio dibë ea tjamo̧ tara, mȩnȩro̧ pio ibëiä goae tjamo̧ tara, järi tjamo̧rërëreji̧ri̧rea̧rȩ pio dibë ana̧ri̧ a̧dopea̧ oa. Goe chiari̧ ja̧bopai̧ dari̧ cjiaräbo cjiadiäa̧rea̧rȩ dibë a̧ra̧ano̧pea̧ oa. Tjamo̧ davä. Dibë ea tjamo̧ tara, ja̧boa̧rä yuro cjiadiäa̧täreji̧ri̧rea̧rȩ Ütë ja̧ ma̧ȩ chjadëi̧ pio ju̧i̧ a̧ra̧ano̧pea̧ oa, dibë chjadëri̧ a̧dopea̧ oa. 'Jabechji̧ ba chia tjamo̧diro̧ca̧da' quëna̧ jo̧rȩtaji̧ri̧rȩ darëreji̧ri̧rea̧ro̧dibe.

Techaronichȩche Ma̧ȩ 4:1

Ado yaba̧ ibëa̧ oti̧, Ano̧mȩ Jechu pio ju̧i̧ ja̧ quȩrä chi̧dëeatarea̧ro̧dibe mȩnȩro̧ pio ibëiä dabapea̧mi̧ cjo̧ro̧tä. Jabechji̧ pio ibëiä dabapea̧nȩrȩ Ütë tjamo̧ ju̧i̧iäpȩmo̧ ma̧ chiadëri̧ cjiaparȩji̧ri̧rȩ cjo̧ro̧pea̧ ji̧. Ado dëdë, ja̧di dari̧ cjo̧ro̧nȩrȩ, jabo ji̧dë u̧i̧ järitä earea̧ro̧dibe.

Techaronichȩche Ma̧ȩ 5:15

Ado eami̧rȩ dibë chjai̧dëri̧ japarä judi, jabechji̧ bapë japadë machji̧vä. Bapë ërecjiadë machji̧jo̧ȩ jabo jabechji̧, ji̧dë ma järichji̧vä pio ju̧i̧iäpȩmo̧ chjadëri̧ japapea̧ ji̧. Ji̧dë ma järichji̧vä pumȩ ütëbodärä oa chjadëri̧ japapea̧ ji̧.

Techaronichȩche Ma̧ȩ 2 1:3

Danȩrȩ ca̧ oti̧, pio dibë jo̧rȩtaji̧ri̧rȩ ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ pio ju̧i̧, 'chjadëri̧ a̧doa̧diji̧ri̧da' quëna̧ jo̧rȩtaji̧ri̧rȩ. Ado ja̧di dari̧ jo̧rȩtapea̧ üdë jabechji̧ chjadë tjamo̧de. Jabechji̧ mȩnȩro̧ ji̧dë u̧i̧ chjuari̧ quëna̧ji̧ri̧pe baga̧ oaiä, mȩnȩro̧ dibëa̧ pumȩ ji̧ri̧ ji̧dë u̧i̧ eaji̧ri̧pe baga̧ oaiä, dibëa̧ dëbëti̧ra̧ chia ji̧dë u̧i̧ eaji̧ri̧pe baga̧ oaiä, jabechji̧ ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ pio ju̧i̧.

Santiago Ma̧ȩ 1:17

Tjamo̧ davä. Chjai̧dëri̧ japarea̧ üdë pio judiri ma̧na̧dë madiibe jabo chjadë pio judimo̧rȩ ma̧na̧diibe pio judiri. Tjamo̧ davä. Ütë tjamo̧ pio judiri ma̧na̧diibe chjadë üdë, ibëa̧ tjo oa a̧domȩ üdë. Jabechji̧ ji̧dë ma chjadë maea oa yürüdiibe jabëdiärea̧ decjiari̧. Ibëa̧ Ama̧i̧ judi, a̧dëräpȩ cjiamȩ chjö̧na̧i̧ oa Pareapamȩ pio judi cjäri̧ri̧ cjiamȩrȩ yürüdiibe dami̧ti̧ chjadë oa. Jabechji̧ judi pareapea̧ üdë, do üdë, gupënȩ üdë, büë üdë, dëdë, tjaoëdiäpe bagapai̧ dade. Jabo Ütë tjamo̧ judi tjaoëdiä tjaoëdiäpe bagadëmȩde, jabo jabechji̧ jënȩ pearä cjiarërea̧mi̧ cjiamȩde. Ado pio ju̧i̧iä ji̧dë ma chjadë maea oa yürüdiibe.

Pedro Ma̧ȩ 2 1:7

Jabo danȩrȩ, Ütë tjamo̧ pio judimi̧ dari̧ cjo̧ro̧pea̧ pio ju̧i̧mo̧i̧ jo̧rȩtadëchji̧vä, jabo pio ju̧i̧ uëri ea tjamo̧chi̧vä dibëa̧ oti̧ pio ji̧ri̧, quëna̧ji̧ri̧ pio ji̧ri̧. Aja̧, ja̧di dari̧ a̧de goaji̧ri̧mi̧ dari̧ cjo̧ro̧pea̧de. Jabo quëna̧ji̧ri̧ pio ji̧ri̧ eapea̧ pio ju̧i̧mo̧i̧ jo̧rȩtadëchji̧vä jabo, pio ju̧i̧ uëri ea tjamo̧chji̧vä pumȩ ütëbodärä oa peaja̧di, cja̧rȩmȩrȩ a̧dë cjiadiärea̧ decjiari̧. Pio ju̧i̧bo a̧de goaji̧ri̧mi̧ dari̧ cjo̧ro̧pea̧de.

Pedro Ma̧ȩ 2 3:18

Aja̧ ca̧ oti̧, judiro̧ oëra̧ a̧ra̧ano̧a̧ oaiä u̧i̧pea̧ oa cjiadëchji̧vä, jabo ji̧dëri̧ Ütërë cjäri̧ri̧ cjiamȩrȩ a̧doa̧ oaiä cjo̧ro̧chji̧vä tëchjape bagami̧ dari̧, üi̧padärärea̧mi̧ dari̧. Jabechji̧ ibëa̧ Ano̧mȩ Jechu Quiricho pio ju̧i̧ chjiari dabapea̧ oaiä joechjape bagami̧ dari̧ cjiachji̧vä ibë Chjätä Tänȩmȩ pio ju̧i̧ chjiari ji̧dë u̧i̧ urëdi oa jo̧rȩtape bagarea̧mi̧ dari̧. Jabechji̧ pio ju̧i̧iäpȩmo̧ chjacjiamȩ tjamo̧ri̧ jo̧rȩtapea̧de yaba̧. Pio ju̧i̧iäpȩmo̧ chjacjiamȩri̧ jo̧rȩtapea̧de bucho ana̧. Tjamo̧ davä. Ja̧di dari̧ japapea̧de. Pio ju̧i̧mo̧ ma̧ȩ oa go̧ȩpe chjadürequededibe ca̧ oti̧. Cjo̧ro̧ibe. Dibëa̧ omȩ, Pedro