Techaronichȩche Ma̧ȩ 3:11 - Biblia Pume

¹¹ Ibëa̧ Ama̧i̧ Ütë judi, ado ibëa̧ Ano̧mȩ Jechu pio judiborë tuti japatädiro̧ibe a̧ro̧rȩ japamitë boi̧chji̧ chjätä ëte pio dibëiäpȩ jädärärea̧ dapea̧ oa.

Techaronichȩche Ma̧ȩ 3:11 Iomraidhean Croise

Mateo 6:14

⁠—⁠Danȩrȩ, mȩnȩro̧ cjatäcjie jo̧rȩtarea̧ darä judi, pio dibëiäpȩmo̧ chjai̧dëri̧ japea̧ji̧ri̧ pio ji̧ri̧iäpȩmo̧ chjaodëri̧ duridëparȩmi̧ dari̧ jo̧rȩtarä judi, peaja̧dimi̧ dari̧ japapadidibe ibëa̧ Ama̧i̧ judi, a̧dëräpȩ cjiamȩ Ama̧i̧ pio judi. Tjamo̧ davä. Duridëparȩpadidibe peaja̧di.

Mateo 6:18

Jabechji̧ pumȩ judiro̧ dabarea̧mi̧dëri̧ jurë ano̧ji̧ri̧rȩ ni̧bätäreji̧ri̧renȩro̧jo̧ȩ ibëa̧ Ama̧i̧ ju̧i̧, pio ju̧i̧ ja̧ dachoromo̧ japaji̧ri̧mi̧ dari̧. Ado chjö̧na̧i̧ oa daba darea̧mi̧ damȩ Ama̧i̧ pio judi, dibëa̧ chji̧ oa cjacjarë damȩ pio judi, jabechji̧ chjadëri̧ ba ano̧padidibe ⁠—⁠yo̧mȩrȩ ni̧bä chjaorëremȩdejȩrȩ pumȩ buba oa Jechu judi.

Mateo 6:26

Danȩrȩ, ütarë jo̧rȩtachji̧vä uëräpȩ cjo̧ro̧ji̧ri̧ pua pio ji̧ri̧. Jabechji̧ bücjüri̧ cjiadë madirȩ jibëa̧ jurarea̧ pio ju̧i̧ chjiari. Jibëa̧ tjado oa ja̧beparea̧ goadë madirȩ. Ado jibëa̧ jurarea̧ pio ju̧i̧ boaerea̧ jo̧ ana̧rä boea̧ oa juradë madirȩ. Jabo ja̧di dari̧ japadëräbo jurariä cjo̧ro̧dirȩ. Jabechji̧ ibëa̧ Ama̧i̧ pio judi chjadëri̧ jidadejȩrȩ. Tjamo̧ davä. Ibëa̧ Ama̧i̧ judi, a̧dëräpȩ cjiamȩ Ama̧i̧ pio judi chjadëri̧ jidadejȩrȩ. Ado pio ju̧i̧iä iëno̧ë ta̧rërequededibe ⁠—⁠yo̧a̧dejȩrȩ⁠—⁠. Danȩrȩ, ¿pua pio ji̧ri̧iä ji̧dë u̧i̧ ba chiadënȩrȩ? Dëdënȩrȩ, ji̧dë u̧i̧ ba chianȩrȩ. Ado pua pio ji̧ri̧iä ji̧dë ui̧ ba chia oaiä, jabechji̧ jidë u̧i̧ chjadëri̧ jidapadidibe.

Mateo 6:32

Peaja̧dimi̧ dari̧ jo̧rȩtadirȩ Ütë tjamo̧ ju̧i̧ dabadëji̧ri̧ pio judiro̧. Ji̧dë ma bücjüri̧ cjiadirȩ pio ju̧i̧ chjiari. Jabo danȩrȩ ca̧ pumȩ, peadë dabade davä ibëa̧ Ama̧i̧ judi mȩnȩro̧ ea̧ pio ju̧i̧ chjiari. Peadë dabade a̧dëräpȩ cjiamȩ Ama̧i̧ judi mȩnȩro̧ cjäri̧ ja̧boa̧ pio ju̧i̧ chjiari.

Mateo 6:4

Tjamo̧ davä. Mȩnȩro̧ yürürä, goadi yürümi̧ dari̧ yürüchji̧vä. Ado dibëa̧ Ama̧i̧ pio judi mȩnȩro̧ yürüa̧ pio ju̧i̧ chjiari chjadëri̧ dabamȩrȩ ba ano̧padidibe mȩnȩro̧ yürüa̧ ba oa ⁠—⁠yo̧mȩrȩ ni̧bä chjaorëremȩdejȩrȩ Jechu judi.

Mateo 6:6

Ado pio ju̧i̧iä yo̧requededibe ca̧ pumȩ. Mȩnȩro̧ ibëa̧ Ama̧i̧ pio ju̧i̧iä ni̧bärä, jabechji̧ goadirea̧mi̧ daräpȩ jächji̧vä pio ju̧i̧iä ni̧bäpea̧ oa. Jabechji̧ dibëa̧ bëräpȩ yu̧a̧ ëte, jo̧ tjoräpȩ yu̧a̧ ëte, tuti carachji̧jo̧ȩ tuti cararea̧ joë ya pio ju̧i̧. Ado jo̧ tjoräpȩ ju̧ri̧ ni̧bächji̧jo̧ȩ darea̧mi̧dëmȩ pio ju̧i̧iäpȩmo̧. O judiro̧ darea̧mi̧dëri̧ ni̧bächji̧jo̧ȩ. Ado dibëa̧ma̧i̧ cjiaji̧ri̧ oa dapadidibe pio jȩaiäpȩmo̧ ni̧bäji̧ri̧ oa. Ado chjö̧na̧i̧ oa dabamȩ pio judi, dibëa̧ chji̧ oa cjacjarë damȩ pio judi, jabechji̧ jënȩ dabami̧ ba ano̧padidibe pio jȩaiäpȩmo̧ ni̧bäa̧ ba oa ⁠—⁠yo̧mȩrȩ ni̧bä chjaorëremȩdejȩrȩ Jechu judi Ama̧i̧ pio ju̧i̧ ni̧bäpea̧ pio ju̧i̧ chjiari.

Marcos 1:3

Aja, ju̧ri̧pȩ, chiri maearäpȩ ju̧ri̧ to̧bari̧ ni̧bä chjaopadejȩrȩ pumȩ ji̧ri̧. 'Danȩrȩ, Ano̧mȩ pio judi ma̧na̧padiibe' yo̧mȩrȩ ni̧bä chjaopadejȩrȩ. 'Ado judi chjadëri̧ ma̧na̧rea̧ dapea̧ oa, jabechji̧ no̧ oa coëmape bagami̧ dari̧ chjadëri̧ jëdano̧chji̧vä' yo̧mȩrȩ ni̧bä chjaopadejȩrȩ." Aja̧, ja̧di ta̧rëri̧ jabërä go̧ȩparëremȩde Ichaia judi Juan pio ju̧i̧ chjiari.

Lucas 12:30

Peaja̧dimi̧ dari̧ jo̧rȩta maeadirȩ chiriräpȩti̧ oa quëna̧dëji̧ri̧ pio judiro̧. Tjamo̧ davä. Ütë tjamo̧ ju̧i̧ dabadëji̧ri̧ pio judiro̧ ji̧dë ma bücjüri̧ cjiadirȩ pio ju̧i̧ chjiari. Jabo danȩrȩ ca̧ pumȩ, peadë dabade davä ibëa̧ Ama̧i̧ judi mȩnȩro̧ ea̧ pio ju̧i̧ chjiari. Peadë dabade mȩnȩro̧ cjäri̧ ja̧boa̧ pio ju̧i̧ chjiari.

Lucas 12:32

Ado ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Danȩrȩ, ca̧ ovejami̧ danȩrȩ. Ado mȩnȩro̧ ji̧ra̧dëräbo, jabechji̧ chjadëri̧ jidarequededibe. Ado pio ju̧i̧iä yo̧requededibe —yo̧a̧dejȩrȩ—. Uapadëchji̧vä. Jabechji̧ pio dibëiäpȩmo̧ yürüpea̧ üdë goae tjamo̧de ibëa̧ Ama̧i̧ pio ju̧i̧iä. Tjamo̧ davä. Pio dibë cjo̧ro̧ tänȩpea̧ üdë, jënȩ yo̧a̧ chja̧oerä cjo̧ro̧ tänȩpea̧ üdë, jabechji̧ goae tjamo̧dejȩ.

Juan 20:17

Jabo Maria jini̧ Jechu ju̧i̧ ida chjaoa̧ oaiä yo̧a̧dejȩ: —Ji̧dë ma chjuari̧ acji idadëcoa —yoa̧dejȩ—. Damȩ, cüdë ca̧ Ama̧i̧ pio ju̧i̧iäpȩ jabë baädëa̧ oaiä, ji̧dë ma ida chjaodëcoa. Jabo damȩ, cuchupë jäeno̧je ca̧ oti̧ pio ji̧ri̧iäpȩmo̧ ta̧rë tänȩpea̧ oa. Cüdë ca̧ Ama̧i̧ pio ju̧i̧iäpȩ ado chjereno̧ baäpea̧ pio ju̧i̧ chjiari, cüdë pio ji̧ri̧ ja̧ Ama̧i̧ ju̧i̧iäpȩ baäpea̧ pio ju̧i̧ chjiari, yo̧ji̧ri̧. Tjamo̧ davä. Cüdë ca̧ Ütë pio ju̧i̧iäpȩ baäpea̧ ju̧i̧ chjiari yo̧ji̧ri̧, cüdë pio ji̧ri̧ ja̧ Ütë pio ju̧i̧iäpȩ baäpea̧ ju̧i̧ chjiari. Jäje —yo̧a̧dejȩ Jechu judi.

Domano Ma̧ȩ 1:3

Ado pio jiro ma̧ȩ chjadëi̧ üdë, jabechji̧ Ütë tjamo̧ pio ju̧i̧ ja̧ Joja pio ju̧i̧ chjiari ma̧ȩde. Ado judi pumȩ chjarerä pearä cjo̧ro̧rërea̧ ji̧, jabechji̧ Davi pio judiri ja̧mȩrȩ ara̧ oa cjiarëremȩde. Jabo dai oa ara̧ oa cjiamȩborë,

Cori̧tio Ma̧ȩ 2 6:18

Ado dibëa̧ Ama̧i̧parequede. Ado pio mȩnȩro̧ ca̧ u̧ri̧ maparenȩrȩ. Aja̧, ca̧ ja maearë, ca̧ jabi maearë cjo̧ro̧panȩrȩ.” Aja̧, ja̧di ta̧rëri̧ yo̧mȩrȩ yo̧rëremȩde ibëa̧ Ano̧mȩ judi, a̧dë chjäte jauëchjamȩ pio judi. Tjamo̧ davä. Judi ibëa̧ icjararä jabë bëpadëa̧rä, ja̧di ta̧rëri̧ yo̧rëremȩde jabërä pio ibë chjiari jo̧rȩtamȩrȩ.

Garata Ma̧ȩ 1:4

Danȩrȩ, jibëa̧ icjara oa tuti yürürëremȩ pio judide a̧ro̧rȩ chjai̧dëri̧ japea̧ pio ju̧i̧ chjiari. Aja̧, a̧ro̧rȩ chjai̧dërë yo̧a̧ chja̧oerä cjo̧ro̧chea oa, pumȩ chjai̧dërë yo̧a̧ chja̧oerä cjo̧ro̧chea oa tuti yürürëremȩde, ibëa̧ Ama̧i̧ Ütë pio judi pearä ütarë jo̧rȩtarërea̧mi̧.

Corochȩche Ma̧ȩ 1:2

China̧chjari̧ tutia̧ oa cjiaji̧ri̧ pio ji̧ri̧, Quiricho pio judiri ja̧ji̧ri̧ pio ji̧ri̧, Ütë tjamo̧ ja̧ ma̧ȩrä cjo̧ro̧ji̧ri̧ pio ji̧ri̧ go̧ȩpe chjadürequededibe Corochȩcheräpȩji̧ri̧ oa. Jabechji̧ Ütërë cjäri̧ri̧ cjia da̧ pio ju̧i̧ chjadëri̧ yürütädidibe, ma̧ chjupi̧ cjiari̧ jo̧rȩtarea̧ pio ju̧i̧bo.

Techaronichȩche Ma̧ȩ 3:13

Ado o ji̧ri̧iäpȩmo̧ eaji̧ri̧rȩ cjo̧ro̧a̧ oaiä, jabechji̧ ju chiaparȩmi̧ dari̧ japapatädidibe dibëa̧ chji̧rä, mȩnȩro̧ chjai̧dë ja̧ queri̧dëräpȩ cjiami̧ dari̧ cjo̧ro̧pea̧ oa, mȩnȩro̧ chjai̧dë oa miredëa̧ oa cjiami̧ dari̧ cjo̧ro̧pea̧ oa. Ado ja̧dëa ji̧ Ano̧mȩ Jechu pio judi jibëa̧ pumȩ pio ji̧ri̧ nö̧ta ma̧na̧rä, jabechji̧ coëma cjia maearë cjiadiäparea̧rȩ ibëa̧ Ama̧i̧ Ütë pio ju̧i̧ ja̧ dëbëräpȩ, pio ibë aechide yo̧rea̧mi̧dëri̧.

Techaronichȩche Ma̧ȩ 4:16

Jabechji̧ Ütë tjamo̧ ja̧ mu̧i̧tjoi̧ tjamo̧ pio judi ëna̧diäa̧rä, Ütë tjamo̧ judi pjurarea̧ pio ju̧i̧ ea cjia tänȩa̧rä, jabechji̧ Ano̧mȩ pio judi a̧dëri pio judiri birapade, goae tarari̧ ëna̧diämȩrȩ. Ado ja̧boa̧ji̧ri̧ pio ji̧ri̧ ja̧ icjara oa yabochja bëdü tänȩpadejȩrȩ. Tjamo̧ davä. Quiricho pio judiri ja̧ji̧ri̧ pio ji̧ri̧ ja̧ icjara oa yabochja bëdü tänȩpadejȩrȩ. Ado ja̧dëa ji̧ pio jȩa nö̧ta dëbëdiäpea̧ oa cjitë tänȩpadejȩrȩ.

Techaronichȩche Ma̧ȩ 5:23

Ado yaba̧ cüdë ji̧dë u̧i̧ go̧ȩpabea yaboi̧, jabechji̧ Ütë tjamo̧ pio ju̧i̧iä goë cjo̧dë yürümȩmi̧ dari̧ ni̧bätämi̧ cjiarequededibe. Jabechji̧ Ütë tjamo̧ judi ibë ma̧ chjupi̧ cjiari̧ jo̧rȩtarea̧ yürümȩ pio judi china̧chjari̧ tutitädidibe codë oa mȩnȩro̧ coëma cjiari̧ cjo̧ro̧pea̧ oa. Codë oa chjadëri̧ jidatädidibe o judiro̧ dibë aechide yo̧rea̧mi̧dëri̧ ibëa̧ Ano̧mȩ Jechu Quiricho pio judi jana̧rä yuro. Aja̧, dibëa̧ tjo pio ju̧i̧, dibëa̧ chji̧ pio ju̧i̧, dibëa̧ icjara pio ju̧i̧ chjadëri̧ jidatädidibe co chjami̧ da oa Jechu judi jana̧rä yuro.

Techaronichȩche Ma̧ȩ 2 2:16

Ado yaba̧ Ütë tjamo̧ pio ju̧i̧iä goë cjo̧dë yürümȩmi̧ dari̧ ni̧bätämi̧ cjiarequededibe. Jabechji̧ ibëa̧ Ano̧mȩ Jechu Quiricho judi, ibëa̧ Ama̧i̧ Ütë pio judiborë järiparȩtädiro̧dibe mȩnȩro̧ cjatäcjie jo̧rȩtarea̧mi̧ dari̧, mȩnȩro̧ chji̧ goaera̧ jo̧rȩtarea̧mi̧ dari̧. Jabechji̧ pio ibë ea tjamo̧ji̧ri̧rȩ cjäri̧ri̧ cjia darëreji̧ri̧diro̧ibe. Ado pio pio ibë cjäri̧ri̧ cjia daji̧ri̧rȩ bucho ana̧ järirea̧ yürürëreji̧ri̧diro̧ibe, ma̧diä tänȩrea̧ decjiari̧ jidatarea̧ chjadë pio ju̧i̧bo. Ado pio judiro̧, jabechji̧ chjadëri̧ järiparȩtädiro̧dibe dibëa̧ chji̧rä. Ado ju chiaparȩtädiro̧dibe peaja̧di mȩnȩro̧ chjadë maea oa japariä cjo̧ro̧pea̧ oa, mȩnȩro̧ chjadë maea oa ni̧bäriä cjo̧ro̧pea̧ oa.

Techaronichȩche Ma̧ȩ 2 3:16

Ado yaba̧ ma̧ chjupi̧ cjiari̧ jo̧rȩtarea̧ yürümȩ pio judi, ibëa̧ Ano̧mȩ pio judi ji̧dë ma yürütädidibe ma̧ chjupi̧ cjiari̧ jo̧rȩtarea̧ pio ju̧i̧. Aja̧, mȩnȩro̧ eami̧ oa chjätärä, mȩnȩro̧ eami̧ doro chjätärä, jabechji̧ ji̧dë ma chjadëri̧ yürütädidibe mȩnȩro̧ chji̧ goaera̧ jo̧rȩtarea̧mi̧ dari̧. Ado peaja̧di ji̧dë ma ëba cjiatädidibe Ano̧mȩ judi ütëbo oa.

Techaronichȩche Ma̧ȩ 2 3:5

Jabechji̧ Ano̧mȩ pio judi ji̧dë u̧i̧ dabarea̧ yürütädidibe Ütërë ea̧ pio ju̧i̧ chjiari. Ado ji̧dë u̧i̧ dabarea̧ yürütädidibe peaja̧di Quiricho pio ju̧i̧ chjiari, judi ma̧ chjua jo̧rȩtariä cjo̧ro̧rërea̧ pio ju̧i̧ chjiari.

Juan Ma̧ȩ 1 3:1

Ütärë jo̧rȩtachji̧vä Ütë tjamo̧ judi ibë ana̧ri̧ eapea̧ pio ju̧i̧ chjiari ca̧ oti̧. Jabechji̧ judi ibë ütararea̧mi̧dëri̧ a̧dë chjäte ji̧ra̧ri̧ eapea̧ pio ju̧i̧ chjiari ütarë jo̧rȩtachji̧vä. Jabechji̧ judi ibë ja̧di dari̧ ea tara, ‘ca̧ u̧ri̧diro̧ca̧da’ quëna̧ jo̧rȩtamȩrȩ dadiibe. Tjamo̧ davä ca̧ oti̧, Ütë tjamo̧ pio ju̧i̧ ja̧ u̧ri̧ tjamo̧rea̧rȩ. Jabo quëna̧dëji̧ri̧ pio judiro̧, cjäri̧ madiro̧ibe, ‘Ütë tjamo̧ ja̧ u̧ri̧diro̧da’ quëna̧ jo̧rȩtaji̧ri̧rȩ dadë madiro̧ibe. Tjamo̧ davä. Judiro̧ ibëa̧ Ama̧i̧ Ütë pio ju̧i̧ dabadë tara, ‘Ütë tjamo̧ ja̧ u̧ri̧diro̧da’ quëna̧ jo̧rȩtaji̧ri̧rȩ dadëdiro̧ibe.

Jechurë Na̧rȩrërea̧ Ma̧ȩ 21:3

Ado to̧bari̧ ni̧bämȩ oa ta̧rëa̧reconȩ Ütë ja̧ charea̧ri pio judiri ni̧bämȩ oa. Ja̧di ta̧rëri̧ yo̧mȩ oa ta̧rëa̧reconȩ: —Danȩrȩ, Ütë tjamo̧ judi bëpea̧de pumȩ pio ji̧ri̧ nö̧ta —yo̧a̧de—. Pio ji̧ri̧ nö̧ta cjo̧ro̧mȩpea̧de. Ado pio judiro̧ jibëa̧ pumȩpea̧dirȩ. Pio ju̧i̧ ja̧ mapea̧dirȩ. Ado Ütë tjamo̧ pio judi ji̧dë ma ëba cjiapadejȩrȩ. Ado pumȩ judiro̧, ‘Aja̧, Ütë tjamo̧ judi ibëa̧ Ütëdida’ quëna̧ mapadiro̧jo̧ȩ.