Ado judi ja̧boa̧ pio judiri yurori cjo̧ro̧rëreyi̧nȩ jënȩ 84 ui goayi̧pea̧rä yuro, ado cja̧rȩmo̧ üi̧ oa ëbadëyi̧rȩ. Ado jënȩ cjo̧ro̧a̧ nö̧ta, jabechji̧ ji̧dë ma cjo̧ro̧rëreyi̧nȩ Ütë tjamo̧ ja̧ bëräpȩ ju̧ri̧. Do yoa, gȩnȩ yoa pio ju̧ri̧pȩrëreyi̧nȩ Ütë tjamo̧ pio ju̧i̧iäpȩmo̧ chjacjiamȩri̧ jo̧rȩtapea̧ oa. Ado tjaoërä jurarea̧ oa jiadarëreyi̧nȩ peaja̧di Ütë tjamo̧ pio ju̧i̧iä goë cjo̧dëpea̧ oa, jurarea̧ oaiä oëra̧diäa̧ oa cjiami̧ dari̧ cjiachea oa, Ütë pio ju̧i̧mo̧i̧ jo̧rȩtapea̧ oa.
Techaronichȩche Ma̧ȩ 3:10 - Biblia Pume10 Ado pio dibë ado chjereno̧ datämi̧ cjiaji̧ri̧rȩ ji̧dë ma goë cjo̧dë chjaorea̧rȩ pio dibë chjiari. Aja̧, doro, gȩnȩräbo cjo̧dë chjaorea̧ro̧jo̧ȩ pio dibëdi dëbëdiärea̧ yürütä jadü cjiarea̧mi̧ dari̧. Jabechji̧ mȩnȩro̧ Quiricho ju̧i̧ ji̧dë u̧i̧ chjuari̧ quëna̧pea̧ oa, mȩnȩro̧ quëna̧ üdë ji̧dë u̧i̧ joechjape jämi̧ dari̧ cjiapea̧ oa yürütämi̧ cjiarea̧ro̧dibe, mȩnȩro̧ jabëdiäa̧ pio ju̧i̧, mȩnȩro̧ jabë ta̧rëdëa̧ pio ju̧i̧. Faic an caibideil |
Techaronichȩche Ma̧ȩ 3:10
19 Iomraidhean Croise
Jabo pio cüdëmo̧rȩ jidatamȩrȩ cjo̧ro̧dërequede, jabo judio pio judiro̧borë jidataji̧ri̧rȩ cjo̧ro̧dirȩ ütëborë. Tjamo̧ davä. Icharai ja̧ u̧ri̧ pio judiri ja̧ji̧ri̧ pio judiro̧ 12 bubarë peaja̧di dari̧ jidataji̧ri̧rȩ cjo̧ro̧dirȩ bëdüpea̧ pio ju̧i̧ chjiari. Ado pio ju̧i̧iä do yoa, gȩnȩ yoa chjacjiamȩri̧ jo̧rȩtadiro̧jo̧ȩ Ütë tjamo̧ pio ju̧i̧. Jabo danȩ ca̧ ütë, pio judiro̧ cüdë jidatami̧ jidataräbo, jabechji̧ aechide yo̧ chjaodiro̧coe.
Danȩrȩ ca̧ oti̧, ‘Cori̧tioräpȩ quëna̧ji̧ri̧ pio judiro̧ pio coa tjamo̧ri̧ eadiro̧coada’ quëna̧ tjamo̧ri̧ daba̧ oaiä, 'pio coa tjamo̧ri̧ datämi̧ cjiadiro̧coada’ quëna̧ tjamo̧ri̧ daba̧ oaiä, jabechji̧ 'yo̧a̧ri̧ co goëde jätäremȩquiji̧ri̧da, quëna̧ji̧ri̧ pio ji̧ri̧ chjadëri̧ a̧dopea̧ oa yo̧a̧ri̧ co goëde jätäremȩquiji̧ri̧da’ quëna̧ jo̧rȩtaremȩrequededibe ca̧ oti̧.
Jabo oëra̧ jo̧rȩtadëchji̧vä pio coa chjiari. Dëdë, cüdë jäa̧rä judi, to̧bari̧ chi̧dëea̧täremȩrequededibe, jabo oëra̧ jo̧rȩtadëchji̧vä jabo. Jabechji̧ dibëa̧ ano̧mȩmi̧ darë chi̧dëeadërequededibe, jabo dibëa̧ jadü maearë chi̧dëearequededibe. Jabechji̧ ‘pio cüdë yo̧a̧rämo̧ cjo̧ro̧pea̧ chiadiro̧da’ quëna̧ jo̧rȩtadërequededibe. Jabechji̧ ca̧ jadünȩrȩ ca̧ oti̧. Ado ca̧ jadü tara, jabechji̧ jadü maearë ji̧mo̧ ja̧beparea̧rȩ. Jabechji̧ pio dibë nö̧ta ëba ja̧bepamȩrequede pio mȩnȩro̧ ji̧dë ma chjuari̧ cjiami̧ dari̧ cjiapea̧ oa, coëma cjiari̧ cjo̧ro̧pea̧ oa, ma̧ chiadëri̧ cjiaji̧ri̧rȩ cjo̧ro̧pea̧ oa.
Danȩrȩ ca̧ oti̧, cjiadiärea̧ ma̧ȩ oa go̧ȩparequededibe yaba̧. Ado pio ju̧i̧iä pio yoa ma̧ȩ maea oa ni̧bä chjaorequededibe. Jabechji̧ coëma cjiari̧ cjo̧ro̧chji̧vä ma̧ chiadëri̧ cjiari̧ jo̧rȩtarea̧mi̧ dari̧. Ado no̧dë oa jämi̧ dari̧ cjo̧ro̧rërea̧ ji̧, jabechji̧ no̧räpȩmo̧diämi̧ dari̧ japachji̧vä, dibëa̧ tjo üdë üi̧padärärea̧mi̧ dari̧. Ado ta̧ra̧ cotomi̧ dari̧ jo̧rȩtadëchji̧vä cüdë dibë go̧ȩpe chjadüa̧ pio ju̧i̧ chjiari, jabo acji cjaeä jo̧rȩtachji̧jo̧ȩ. Ado cja̧rȩmȩ chji̧ chiami̧ dari̧ cjo̧ro̧chji̧vä, mȩnȩro̧ chji̧ goaera̧ jo̧rȩtapea̧ oa, mȩnȩro̧ ori̧ bagari̧ ëba cjo̧ro̧rea̧ dapea̧ oa. Ado mȩnȩro̧ ja̧di dari̧ cjo̧ro̧a̧ oaiä, jabechji̧ chjadëri̧ ëba cjiapadidibe Ütë tjamo̧ judi. Tjamo̧ davä. Earea̧ yürümȩ pio judi, ibë ma̧ chjupi̧ cjiari̧ jo̧rȩtarea̧ yürümȩ pio judi, ji̧dë ma ëba cjiapadidibe.
Jabechji̧ mȩnȩro̧ chjadëri̧ a̧doa̧ oa cjiatä eaji̧ri̧rȩ goë cjo̧dë chjaorea̧rȩ Ütë tjamo̧ pio ju̧i̧iä, mȩnȩro̧ ju chiaji̧ri̧rȩ cjo̧ro̧tä, üi̧padäräa̧mi̧ dari̧ cjo̧ro̧tä. Jabo a̧ro̧rȩ ju chiadëji̧ri̧mi̧ dari̧ cjiadiärä judi, dibë ana̧ri̧ na̧rȩdëa̧ oaiä ju chiadëji̧ri̧mi̧ dari̧ cjiarä judi, jabechji̧de ibëiä. Tjamo̧ davä. A̧ro̧rȩ pio dibëiäpȩmo̧ na̧rȩrea̧ dadë oaiä, Jechurë chjadüa̧ pio ju̧i̧ chjiari na̧rȩrea̧ dadë oaiä, dibë bape chjaomi̧ dari̧ ütara̧ pio ju̧i̧iä ana̧ri̧ na̧rȩrea̧ dadë oaiä, dëdë ju chiadëji̧ri̧mi̧ dari̧ cjiadiäpai̧ darea̧rȩ, a̧ro̧rȩ eami̧ oa japadëa̧ oaiä. Jabo jabechji̧de pio ibëiä. Jabechji̧ pio mȩnȩro̧ ji̧dë u̧i̧ ütëchai̧pe bagarea̧ pio ju̧i̧mo̧i̧ eaji̧ri̧rȩ goë cjo̧dë chjaorea̧rȩ pio dibë chjiari.
Ado pio ju̧i̧iä a̧ro̧rȩ eami̧räpȩ järä, jabechji̧ Quiricho pio ju̧i̧ chjiari ma̧ȩ oa a̧ra̧ano̧ chjaorea̧rȩ pumȩ ütëbodärä oa. Tjamo̧ davä. A̧ra̧ano̧rea̧ro̧jȩrȩ. Ado a̧dërimȩ dabarea̧ra̧ tuti chi̧dëearea̧ro̧jȩrȩ peaja̧di. Ado uapai̧ ta̧rëri̧ yo̧ë cji̧därea̧ro̧jȩrȩ peaja̧di, judiro̧ na̧e chiape jäpea̧ oa. Jabechji̧ pio jiro pumȩ ji̧ri̧ Ütë tjamo̧ ja̧ dëbëräpȩ ju̧ri̧ ëba cjiatämi̧ cjiarea̧ro̧jȩrȩ üi̧padäräa̧mi̧ dari̧ cjia maea oa, Quiricho pio judiri ja̧ maea oa.
Ado Epapara quȩmȩ judi, peaja̧di dibëa̧ charerä cjo̧ro̧rëremȩ pio judi, peaja̧di jearea̧ chjadüdidibe. Jechu Quiricho pio ju̧i̧ ja̧ mu̧i̧tjoi̧de. Ado pio ju̧i̧iä ji̧dë ma goë cjo̧dëde pio dibë chjiari, goë cjo̧dë ano̧rea̧ decjiari̧. Jabechji̧ ibë eadëji̧ri̧ pio ji̧ri̧ nö̧ta goae tarari̧ japatamȩmi̧ dari̧ goë cjo̧dë chjaode pio dibë chjiari, ana̧ri̧ ja̧bepamȩrȩ. Jabechji̧ mȩnȩro̧ to̧bari̧ cjiami̧ dari̧ cjiatä eamȩrȩ goë cjo̧dëde mȩnȩro̧ üi̧padärämi̧ dari̧ cjiapea̧ oa, mȩnȩro̧ chjuari̧ quëna̧pea̧ oa. Aja̧, mȩnȩro̧ chjarapë jo̧rȩtachea oa, mȩnȩro̧ Ütërë ea̧ pio ju̧i̧mo̧ japariä cjo̧ro̧pea̧ oa goë cjo̧dë chjaode, ana̧ri̧ ja̧bepamȩrȩ.
Ado pio ju̧i̧iä ji̧dë ma goë cjo̧dë chjaorea̧rȩ pio dibë chjiari ca̧ oti̧. 'Aja̧, chjadëri̧ a̧dotädiji̧ri̧da, Ütërë ëna̧diäa̧mi̧ cjo̧ro̧pea̧ oa a̧dotädiji̧ri̧da, jabechji̧ judiro̧ nö̧tadäräri̧ cjo̧ro̧pea̧ oa a̧dotädiji̧ri̧da' quëna̧ jo̧rȩtaji̧ri̧rȩ ji̧dë ma goë cjo̧dë chjaorea̧rȩ pio dibë chjiari. Ado jibëa̧ ju chiarea̧ oa peaja̧di yürütädidibe mȩnȩro̧ dami̧ti̧ chjadë oa japadärärea̧ dapea̧ oa, pio ju̧i̧ ja̧ oa eami̧ti̧ chjadë oa japadärärea̧ dapea̧ oa. Jabechji̧ eami̧ quëna̧mȩ judi jibëa̧ chji̧ra̧ jo̧rȩtarä judi, 'Aja̧, ja̧di dari̧ japatäremȩquëda, Ütë tjamo̧ pio ju̧i̧ chjuari̧ quëna̧mȩrȩ ja̧di dari̧ japatäremȩquëda, Ütë ja̧ oa japatäremȩquëda' quëna̧ jo̧rȩtarä judi, jabechji̧ ju chiarea̧ yürütädejȩ Ütë tjamo̧ judi quëna̧mȩ pio judi chjadëri̧ japadärärea̧ dapea̧ oa.
‘Ütë tjamo̧ judi chjadëri̧ japea̧diji̧da’ quëna̧ jo̧rȩtamȩrȩ ji̧dë ma goë cjo̧dë chjaorequedemȩ Timoteo, doro gȩnȩräbo. Jabechji̧ ca̧ ütëti̧rea̧ pio judiro̧ Ütë tjamo̧ ja̧ oa ja̧beparërea̧mi̧ ja̧beparequede peaja̧di, pio mȩa ji̧dë ma goë cjo̧dëmȩrȩ. Aja̧, cjo̧dërë tüe baämi̧ dari̧ jo̧rȩtadëmȩ chji̧ra̧ ja̧bepamȩrȩ goë cjo̧dërequede pio mȩa chjiari.
Ado danȩ omȩ, pio yoa ma̧ȩbo a̧de go̧ȩpe chjadürequedemȩ. Jabechji̧ chjadëri̧ jëdano̧a̧ oa boeacoe jo̧tjo oa. Jabechji̧ Ütë tjamo̧ judi japamitë boi̧chji̧ chjätä ëte, ‘jabechji̧ pio mȩaiäpȩ järea̧ yürüpa jirodicoada, pio mȩnȩ Ütë tjamo̧ pio ju̧i̧iä goë cjo̧dëa̧mi̧ järea̧ yürüpa jirodicoada’ quëna̧ jo̧rȩtamȩrȩ yo̧requedemȩ jo̧tjo̧ pio ju̧i̧ chjiari.
Ado pio jiro cjo̧ro̧ji̧ri̧ judiro̧ jadüchiami̧rȩ pjö̧dato chia mareji̧ri̧dirȩ. Cja̧ȩta̧ra̧ ichiri cja̧rȩmȩ pjö̧dato oa chia mareji̧ri̧dirȩ. Ado dëdë, jibëa̧ icjara nö̧tai̧ oa dacho chiareji̧ri̧dirȩ. Tjamo̧ davä. Jibëa̧ icjara nö̧tai̧ oa ina̧ oa cjiami̧ dari̧ cjiaremȩde dacho maeara̧. Ado ji̧dë ma go̧a̧reji̧ri̧dirȩ do yoa, gȩnȩ yoa. Go̧a̧dëpe bagarea̧ decjiari̧ go̧a̧reji̧ri̧dirȩ Ütë tjamo̧ pio ju̧i̧iäpȩmo̧, chjacjiamȩri̧ jo̧rȩtaji̧ri̧rȩ. Ja̧di ta̧rëri̧ go̧a̧reji̧ri̧dirȩ: ‘A̧dë chjäte tatachjade Ütë tjamo̧ judi, ibëa̧ Ano̧mȩ judi. A̧dë chjäte ju chiamȩ pio judide. Pearämȩ pio judide. Tarupadëmȩ pio judide. Jabechji̧ cjiamȩde. Ado yuropadëmȩde. Bucho ana̧ cjiamȩde’ Aja̧, ja̧di ta̧rëri̧ go̧a̧ji̧ri̧rȩ go̧a̧reji̧ri̧dirȩ.
Pio ju̧i̧iä ji̧dë ma ja̧bepe cjiadirȩ Ütërë chamȩ dëbëräpȩ ju̧ri̧. Aja̧, do nö̧ta, gȩnȩ nö̧ta Ütë tjamo̧ ja̧ bëräpȩ cjiadirȩ pio ju̧i̧ ja̧ oa ja̧bepë yürüpea̧ oa. Ado charea̧ ba chiaräpȩ chamȩ pio ju̧i̧ ja̧ chjo̧erä cjia oaiä, jabechji̧ pio ju̧i̧ ja̧ i̧ärä cjo̧ro̧padirȩ, chjadëri̧ jida̧ oa cjiaji̧ri̧rȩ.
Sanasan