Techaronichȩche Ma̧ȩ 2:3 - Biblia Pume

³ Ado a̧ro̧rȩ dibë a̧ra̧ano̧a̧ chjö̧na̧i̧rȩ tjamo̧i̧ cjiari̧ baä maeade. Jabechji̧ dibë u̧i̧patämi̧ cjiaji̧ri̧rȩ a̧ra̧ano̧dëa̧rea̧ro̧dibe. Ado dibëiä eami̧ oa baë mitërea̧ jo̧rȩtadëa̧rea̧rȩ, jabo jabechji̧ chjadëri̧ jo̧rȩtaji̧ri̧rȩ a̧ra̧ano̧rëreji̧ri̧rea̧ro̧dibe, u̧i̧parea̧ decjiari̧.

Techaronichȩche Ma̧ȩ 2:3 Iomraidhean Croise

Japarea̧ 13:15

Ja̧dëa ji̧ cja̧rȩmȩrȩ go̧ȩ ni̧bärëremȩdejȩ Moicherë go̧ȩparërea̧ ma̧ȩ duri pio ju̧i̧. Ütëbodärärë ta̧rërea̧mi̧ dari̧ go̧ȩ ni̧bäa̧dejȩ. Ado Ütërë ea jana̧ chjadüa̧ oa ni̧bäji̧ri̧ pio judiro̧ go̧ȩparërea̧ ma̧ȩ pio ju̧i̧bo a̧de go̧ȩ ni̧bäa̧dejȩ. Ja̧dëa ji̧ judiorë a̧doparea̧ bë tjamo̧ yo̧ji̧ri̧ pio judiro̧ pumȩ oaiä goë yo̧a̧diro̧jȩrȩ Pablo ju̧i̧, Bernabe ju̧i̧. Aja̧, ja̧di ta̧rëri̧ yo̧a̧diro̧jȩrȩ: —Danȩrȩ ca̧ oti̧, mȩnȩro̧ järiparȩrea̧ ma̧ȩ oa a̧ra̧ano̧rea̧ tararä judi, goë jaeibe. A̧ra̧ano̧chji̧ibe —yo̧a̧.

Japarea̧ 4:36

Peaja̧di dari̧ japarëremȩde Joche quȩmȩ judi. Devi quȩmȩ pio judiri ja̧mȩ judi, ui ana̧ tjoro a̧rȩmȩ chiriräpȩ cjo̧ro̧rëremȩ judi, Chipire quȩmȩ chiriräpȩ ütëparëremȩ pio judi, peaja̧di chjadëri̧ a̧dorëremȩdejȩrȩ cjäri̧ ja̧boji̧ri̧ pio ji̧ri̧. Ado pio ju̧i̧iä Jechurë chjadüa̧ judiro̧ ano̧ mire quȩparëreji̧ri̧diro̧jo̧ȩ. Jabechji̧ Joche yo̧tärea̧ ji̧, Bernabe quȩra̧ pio ju̧ri̧ra̧ ano̧ mire quȩpea̧diro̧jo̧ȩ. O ji̧ri̧iäpȩmo̧ ji̧dë ma chjadëri̧ a̧domȩ tara, jabechji̧, 'o ji̧ri̧iäpȩmo̧ järiparȩmȩ' yo̧mȩ quȩra̧ pio ju̧ri̧ra̧ ano̧ mire quȩpea̧diro̧jo̧ȩ.

Cori̧tio Ma̧ȩ 2 11:13

Danȩrȩ ca̧ oti̧, pio jiro pumȩ pio judiro̧, cjäri̧ madirȩ, Quirichorë chjadüa̧ oa cjiadë madirȩ, jabomo̧ u̧i̧paji̧ri̧rȩ ja̧bepadirȩ. Jabechji̧ Jechurë chjadüa̧cji̧ quëna̧ japaji̧ri̧dirȩ, chjaocjiaji̧ri̧rȩ. Teracabari̧ ja̧bepaji̧ri̧ maeadirȩ.

Cori̧tio Ma̧ȩ 2 2:17

Ado ja̧di tara Ütë tjamo̧ pio ju̧i̧iämo̧i̧ ja̧ȩ cjiami̧ dari̧ ja̧beparea̧rȩ. Jabechji̧ o judiro̧ ja̧bepami̧ dari̧ ja̧bepadë marea̧rȩ. Pio judiro̧ chëre boarea̧ pio ju̧i̧mo̧i̧ jo̧rȩtaji̧ri̧rȩ ja̧bepaji̧ri̧mi̧ dari̧ ja̧bepadërea̧rȩ. Jabo jabechji̧, Quiricho pio ju̧i̧ ja̧ mu̧i̧tjoi̧ji̧ri̧rȩ a̧ra̧ano̧rea̧ro̧dibe, Ütë tjamo̧ pio judi chjadüa̧ oa. 'Jabechji̧ Ütë tjamo̧ ja̧ dachoro ja̧bepaa̧ro̧da, pio judi ütarë dadiibëda’ quëna̧ jo̧rȩtaji̧ri̧rȩ chjaocjiami̧ dari̧ a̧ra̧ano̧dë marea̧ro̧dibe, jabo dibë tjamo̧ri̧ a̧dotämi̧ cjiaji̧ri̧rȩ a̧ra̧ano̧rea̧ro̧dibe, dibëa̧ chëre oa tjamo̧ri̧ jo̧rȩtadëji̧ri̧rȩ.

Cori̧tio Ma̧ȩ 2 4:2

Ado a̧ro̧rȩ ja̧beparä, jabechji̧ chjai̧dë oa japadërea̧rȩ, jabo eami̧ti̧ chjai̧dë oa chjuari̧ jiadarea̧ro̧jo̧ȩ. Jabechji̧ pumȩ judiro̧ idi̧ dari̧ goadi japea̧ pio ju̧i̧ japadë marea̧rȩ. Ado pumȩ pio ji̧ri̧ u̧i̧padë marea̧ro̧jȩrȩ, jabo jabechji̧ Ütë tjamo̧ ja̧ ma̧ȩ oa coëma cjiari̧ a̧ra̧ano̧rea̧ro̧jȩrȩ, teracaba ma̧ȩ oa a̧de mirerea̧ decjiari̧. Jabechji̧ ado cja̧rȩmo̧ ma̧ȩpe järea̧mi̧ dari̧, tjaoë ma̧ȩpe järea̧mi̧ dari̧ a̧ra̧ano̧dë marea̧ro̧dibe, jabo jabechji̧ go̧ȩpea̧ duri pio ju̧i̧mo̧i̧ a̧ra̧ano̧rea̧ro̧dibe, a̧de a̧ra̧ano̧dëji̧ri̧rȩ. Ado a̧ro̧rȩ Ütë tjamo̧ ja̧ dachoro ja̧di dari̧ a̧ra̧ano̧a̧ oaiä, ‘jabechji̧ tjamo̧i̧ cjiari̧ baämȩ ma̧ȩ maea oa a̧ra̧ano̧diro̧ibëda, ma̧ȩ chjádë yürüdë madiro̧ibëda’ quëna̧ jo̧rȩtaji̧ri̧rȩ da maeadiro̧ibe chjadëri̧ jo̧rȩtaji̧ri̧ judiro̧.

Cori̧tio Ma̧ȩ 2 4:5

Jabechji̧ a̧ro̧rȩ ma̧ȩ chjadëi̧ pio ju̧i̧ a̧ra̧ano̧rä, pumȩ judiro̧ pio ibëiäpȩmo̧ ba chia dapea̧ oa a̧ra̧ano̧dë marea̧rȩ, jabo Jechu Quiricho pio ju̧i̧ chjiarimo̧i̧ a̧ra̧ano̧rea̧rȩ. Ütëborë, ‘Ano̧mȩ tjamo̧ pio judimo̧dida’ quëna̧ jo̧rȩtapea̧ oa a̧ra̧ano̧rea̧rȩ, pumȩ judiro̧ pio ju̧i̧iäpȩmo̧ ma chjacjiamȩri̧ ni̧bäpea̧ oa. Jabechji̧ Jechu judi ibë chjätärea̧ yürüa̧ oaiämo̧i̧, jabechji̧ dibëa̧ mu̧i̧tjoi̧mi̧ dari̧ cjiadiäji̧ri̧rȩ a̧ra̧ano̧rea̧ro̧dibe.

Cori̧tio Ma̧ȩ 2 6:8

Ado aro̧rȩ ja̧di dari̧ cjo̧ro̧ tara, a̧ro̧rȩ coëma cjiari̧ cjo̧ro̧ji̧ri̧rȩ a̧ra̧ano̧ tara, jabechji̧ ji̧dë ma ni̧bä chjaodirȩ pumȩ judiro̧ pio ibë chjiari, a̧ro̧rȩ Ütë tjamo̧ ja̧ oa ja̧bepa tara. Jabechji̧ tjaoërä, ba chia dadiro̧ibe. Jabo tjaoërä, ado cja̧rȩmo̧räpȩ cjo̧ro̧ji̧ri̧ pio judiro̧, cjäri̧ madiro̧ibe, badë dadiro̧ibe. Ado tjaoërä, cja̧rȩmo̧räpȩji̧ri̧ pio judiro̧, jabechji̧ chjacjiamȩri̧ ni̧bädiro̧ibe pio ibë chjiari. Jabo tjaoërä, cja̧rȩmo̧räpȩji̧ri̧ judiro̧, cjäri̧ madiro̧ibe, goaedëti̧ri̧ ni̧bädiro̧ibe. “Aja̧, ma̧ȩ chjádë yürüji̧ri̧ pio judiro̧ tjamo̧dirȩ” yo̧dirȩ pio ibë chjiari. Jabo cjäri̧ ma ca̧ oti̧, a̧ro̧rȩ ma̧ȩ chjádë yürüdë marea̧rȩ, jabo a̧ro̧rȩ ni̧bä chjaoa̧ üdë, jabechji̧ tjamo̧i̧ cjiari̧ baä maeade.

Cori̧tio Ma̧ȩ 2 7:2

Jabechji̧ ca̧ oti̧, cjäri̧ri̧ cjia tjamo̧ji̧ri̧rȩ ea tjamo̧chji̧ibe. Jabechji̧ a̧ro̧rȩ eami̧ pumȩ oa chjai̧dëri̧ japadëa̧rea̧ro̧jo̧ȩ. Ado eami̧ pumȩ oa oëra̧diä tänȩdëa̧rea̧ro̧jo̧ȩ. Ado eami̧ pumȩ ja̧ oa baë mitëpea̧ oa u̧i̧padëa̧rea̧ro̧dibe. Ado pio ju̧i̧iä yo̧requededibe ca̧ oti̧, jabechji̧ cjäri̧ri̧ cjia jo̧rȩtachji̧ibe pio ibëiäpȩmo̧.

Techaronichȩche Ma̧ȩ 2:11

Jabechji̧ jäjäa judi jibëa̧ u̧ri̧ ji̧ri̧ japami̧ dari̧ chi̧dëea̧rea̧ro̧dibe pumȩ nö̧tai̧ oa. Ma̧ chiadëri̧ cjiape järea̧mi̧ dari̧ ju chiaparȩa̧rea̧ro̧dibe. Ado mȩnȩro̧, 'Aja̧, tjamo̧ri̧ yo̧diro̧ibëda, ja̧di dari̧ japea̧diro̧ibëda' quëna̧ dabanȩrȩ.

Techaronichȩche Ma̧ȩ 4:7

Jabechji̧ a̧ro̧rȩ chjai̧dëri̧ cjo̧ro̧pea̧ oa mitëdërëremȩdiibe Ütë tjamo̧ judi, jabo coëma cjiari̧ cjo̧ro̧pea̧ oa mitëa̧diibe.

Techaronichȩche Ma̧ȩ 2 2:11

Ado judiro̧ quëna̧dëa̧ oaiä, jabechji̧ Ütë tjamo̧ pio judi tänȩa̧ oa tjamo̧rämi̧ cjiapadiro̧jo̧ȩ teracaba pio ju̧i̧.

Pedro Ma̧ȩ 2 1:16

Jabechji̧ a̧ro̧rȩ, Jechurë chjadüa̧ pio judiro̧ pio dibëiäpȩmo̧ a̧ra̧ano̧a̧ ma̧ȩ üdë, jabechji̧ ibëa̧ Ano̧mȩ Jechu Quiricho pio ju̧i̧ chjiari ma̧ȩde. Jibëa̧ jauëchja pio ju̧i̧ chjiari ma̧ȩde. Ado ja̧di tara ji̧dë ma jo̧rȩta tänȩtämi̧ cjiarequededibe pio yoa ma̧ȩ oa. Tjamo̧ davä. Jechu judi ado chjereno̧ ma̧na̧pea̧ pio ju̧i̧ chjiari, jibëa̧ jauëchjara̧ pio ju̧ri̧ra̧ a̧dë chjäte tatari̧ cjiamȩrȩ ma̧na̧pea̧ pio ju̧i̧ chjiari ji̧dë ma jo̧rȩta tänȩtämi̧ cjiarequededibe ca̧ oti̧. Jabechji̧ a̧ro̧rȩ dibë pio jiro ma̧ȩ oa pearä a̧ra̧ano̧rërea̧ ji̧, ibëa̧ ma̧na̧ri̧ jo̧rȩtaji̧ri̧rȩ a̧ra̧ano̧dë marëreji̧ri̧rea̧ro̧dibe. Ado a̧dë chjäte oëadëji̧ri̧ pio judiro̧ ni̧bämi̧ dari̧ ni̧bädërëreji̧ri̧rea̧ro̧dibe. Tjamo̧ davä ca̧ oti̧, jibëa̧ chji̧ri pio judiri cjitëmȩ ma̧ȩ tjamo̧dë oa goaeri̧ ni̧bämi̧ dari̧ ni̧bädërërejiri̧rea̧ro̧dibe jabo jabechji̧, a̧ro̧rȩ irä darërea̧ pio ju̧i̧ ni̧bä chjaorëreji̧ri̧rea̧ro̧dibe. A̧ro̧rȩ a̧dë chjäte jauëchjamȩ pio ju̧i̧ irä darërea̧ pio ju̧i̧ ni̧bä chjaorëreji̧ri̧rea̧ro̧dibe ca̧ oti̧.