Techaronichȩche Ma̧ȩ 2:11 - Biblia Pume

¹¹ Jabechji̧ jäjäa judi jibëa̧ u̧ri̧ ji̧ri̧ japami̧ dari̧ chi̧dëea̧rea̧ro̧dibe pumȩ nö̧tai̧ oa. Ma̧ chiadëri̧ cjiape järea̧mi̧ dari̧ ju chiaparȩa̧rea̧ro̧dibe. Ado mȩnȩro̧, 'Aja̧, tjamo̧ri̧ yo̧diro̧ibëda, ja̧di dari̧ japea̧diro̧ibëda' quëna̧ dabanȩrȩ.

Techaronichȩche Ma̧ȩ 2:11 Iomraidhean Croise

Ütararea̧ Ma̧ȩ 27:19

Ado ja̧di dari̧ japea̧ duri oa, Ereacha pio ju̧i̧ ja̧ dëbëräpȩ, tjamo̧ goë tuti ja̧bepamȩ pio ju̧i̧ ja̧ dëbëräpȩ cjia tänȩjo̧ȩ, icharaita ütëbo ja̧ dëbëräpȩ ju̧ri̧. Ado ja̧di dari̧ japa ëte, jabechji̧ ütëborë ta̧rëri̧ chjadëri̧ yo̧jȩrȩ pio ju̧i̧ chjiari, judi ano̧ mire ja̧bepapea̧ pio ju̧i̧ chjiari.

Lucas 16:28

Jabechji̧ pio coadi ja̧ji̧ri̧ pio ji̧ri̧ ëbarëremȩrequedejȩrȩ cja̧rȩichimo̧ oa. Ado pio ji̧ri̧iäpȩmo̧ uapai̧ ta̧rëri̧ chi̧dëeatäremȩdejȩrȩ jabërä, pio judiro̧borë pio jauëräpȩmo̧ aeno̧a̧ oa cjiachea oa, pio judiro̧borë a a ma̧ cjiamȩräpȩ tutia̧ oa cjiachea oa. Jabechji̧ chjadëri̧ chjadüjo̧ȩ" yo̧rëremȩdejȩ.

Japarea̧ 20:2

Ado ju̧ri̧pȩ bë ma̧ri̧ ji̧ra̧räpȩ järëremȩde. Ado jënȩ jäa̧mi̧ nö̧ta a̧dope chjaorëremȩde quëna̧ji̧ri̧ pio ji̧ri̧ nö̧ta, pio ji̧ri̧ chjadëri̧ a̧dopea̧ oa, pio ji̧ri̧ ju chiaparȩpea̧ oa. Ado japamitë chjätä ëte, go̧düdärärëremȩde Gerechia quȩmȩ chiriräpȩ.

Epjecho Ma̧ȩ 4:17

Ja̧di tara ibëa̧ Ano̧mȩ pio ju̧i̧ ja̧ ma̧ȩra̧ yo̧tarequededibe quëna̧dëji̧ri̧mi̧ dari̧ cjo̧ro̧chea oa. Danȩrȩ, teracabari̧ jo̧rȩte cjiaji̧ri̧rȩ cjo̧ro̧dirȩ.

Techaronichȩche Ma̧ȩ 2:7

Jabo cjäri̧ marea̧ro̧dibe, ja̧di ta̧rëri̧ yo̧dëa̧rea̧ro̧dibe, jabo jabechji̧, joji̧ri̧mi̧ dari̧ japarëreji̧ri̧rea̧ro̧dibe chuchu yürüji̧ri̧mi̧ dari̧. Aja̧, ma̧ chjua daji̧ri̧rȩ jidarëreji̧ri̧rea̧ro̧dibe bücjüi̧ idaji̧ri̧mi̧ dari̧.

Techaronichȩche Ma̧ȩ 4:1

Ado yaba̧ ibëa̧ oti̧, Ano̧mȩ Jechu pio ju̧i̧ ja̧ quȩrä chi̧dëeatarea̧ro̧dibe mȩnȩro̧ pio ibëiä dabapea̧mi̧ cjo̧ro̧tä. Jabechji̧ pio ibëiä dabapea̧nȩrȩ Ütë tjamo̧ ju̧i̧iäpȩmo̧ ma̧ chiadëri̧ cjiaparȩji̧ri̧rȩ cjo̧ro̧pea̧ ji̧. Ado dëdë, ja̧di dari̧ cjo̧ro̧nȩrȩ, jabo ji̧dë u̧i̧ järitä earea̧ro̧dibe.

Techaronichȩche Ma̧ȩ 4:6

Jabechji̧ dibëa̧ omȩ ja̧ iei̧ ji̧ bae ëba mo̧a̧rea̧ decjiari̧ chjadëri̧ ëbatäreji̧ri̧nȩrȩ, china̧chja pio ji̧ baë mitërea̧ decjiari̧. Jabechji̧ Ütë tjamo̧ judi acji tai̧rea̧mi̧ dari̧ bape chjaomȩde. Ado pio ju̧i̧iä chi̧dëeatarea̧ro̧dibe mȩnȩro̧ uapai̧ ta̧rëri̧ ta̧rë ja̧botä pio dibë bape chjaochea oa. Jabechji̧ pio ju̧i̧ chjiari jabërä yo̧rëreji̧ri̧rea̧ro̧dibe peadë.

Techaronichȩche Ma̧ȩ 5:11

Ja̧di tara ji̧dë ma a̧do chjaochji̧vä dibëa̧ dëbëti̧ra̧ chia mȩnȩro̧ a̧doa̧mi̧. Aja̧, odai̧ tarari̧ jo̧rȩtarea̧ decjiari̧ a̧do chjaochji̧vä mȩnȩro̧ ju chiape järea̧mi̧ dari̧.

Techaronichȩche Ma̧ȩ 5:14

Ado yo̧tarea̧ro̧dibe ibëa̧ oti̧. Jabechji̧ to̧bari̧ chi̧dëeajȩrȩ ja̧bepadëri̧ cjiaji̧ri̧ pio ji̧ri̧. Aja̧, judiro̧ chumi̧dëri̧ cjiachea oa, to̧bari̧ chi̧dëeajȩrȩ. Ado järidëpea̧ pio ji̧ri̧bo chjadëri̧ a̧dochji̧jȩrȩ. Ado oëra̧diäpai̧ daji̧ri̧ pio ji̧ri̧bo chjadëri̧ a̧dochji̧jȩrȩ. Jabechji̧ ma̧ chjua jo̧rȩtaji̧ri̧rȩ da machji̧jȩrȩ pumȩ ütëbodärä oa, bücjüri̧ cjiaji̧ri̧rȩ.

Techaronichȩche Ma̧ȩ 2 2:5

Danȩrȩ ca̧ oti̧, ¿jo̧rȩtadënȩrȩ? Cüdë pio dibë nö̧ta jabë ëba cjo̧ro̧rërea̧ ji̧, dibë pio jiro ma̧ȩ oa ni̧bä chjaorërea̧ ji̧, ¿jo̧rȩtadënȩrȩ?

Techaronichȩche Ma̧ȩ 2 3:12

Ado ja̧di dari̧ cjo̧ro̧ji̧ri̧ pio ji̧ri̧iäpȩmo̧ to̧bari̧ chi̧dëearea̧ro̧jȩrȩ Ano̧mȩ Jechu Quiricho pio ju̧i̧ ja̧ quȩrä. Jabechji̧ jibëa̧ maea oa chjadëri̧ ütarariä ja̧bepatädirȩ chumi̧dëri̧ cjiarea̧ decjiari̧. Aja̧, jibëa̧ pio ju̧i̧ cjapiri̧ ja̧bepatädirȩ o ji̧ri̧ ja̧ oa jo̧rȩtarea̧ decjiari̧. Jibëa̧ ichi jura̧ pio ju̧ri̧ra̧ ja̧bepaji̧ri̧rȩ boatädirȩ jibëa̧ jurarea̧ oa. Aja̧, Jechu ja̧ quȩrä chi̧dëeatarea̧ro̧dibe.

Timoteo Ma̧ȩ 1 5:21

To̧bari̧ chi̧dëearequedemȩ Timoteo mȩnȩ nö̧tadäräri̧ japatä cüdë mȩa go̧ȩpe chjadüa̧ pio ju̧i̧. Aja̧, Ütë tjamo̧ ja̧ dachoro chi̧dëearequedemȩ, Jechu Quiricho ja̧ dachorobo. Ado danȩ, Ütë tjamo̧ judi mitëa̧ mu̧i̧tjoi̧ pio judiro̧borë dadiro̧ibe a̧dëräpȩ cjiaji̧ri̧ mu̧i̧tjoi̧ pio judiro̧. Pio judiro̧ ütëborë dari̧ chi̧dëearequedemȩ mȩnȩ pio yoa ma̧ȩ oa nö̧tadäräri̧ japatä. Na̧ pumȩ ji̧ri̧ cja̧rȩmȩ ba chia maeara̧ damȩrȩ nö̧tadäräri̧ japavä, ‘o judiro̧ ji̧dë u̧i̧ ba chiadiro̧da’ quëna̧rea̧ decjiari̧.

Timoteo Ma̧ȩ 1 5:7

Aja̧ Timoteo, pio yoa ma̧ȩ chjö̧na̧i̧ oa chjadëri̧ dabapa tänȩjȩrȩ quëna̧ji̧ri̧ pio ji̧ri̧. Jabechji̧ judiro̧ oëra̧diächea oa, o judiro̧ pio ji̧ri̧iäpȩmo̧ aechide ni̧bärea̧ dachea oa, jabechji̧ chjadëri̧ dabapa tänȩjȩrȩ, jibëa̧ma̧i̧ cjiaji̧ri̧ ivi pio ji̧ri̧ chjadëri̧ a̧dopea̧ oa.

Timoteo Ma̧ȩ 1 6:13

Ado yaba̧ to̧bari̧ chi̧dëearequedemȩ ado chjereno̧, mȩnȩ cjiadiädëri̧ ta̧rë ta̧rë japatä cüdë mȩa̧ go̧ȩpe chjadüa̧ ma̧ȩ pio ju̧i̧. Aja̧, Ütë tjamo̧ ja̧ dachoro, chjö̧na̧i̧ti̧ oa quirë baä quirë baä cjiarea̧ yürümȩ pio ju̧i̧ ja̧ dachoro to̧bari̧ chi̧dëearequedemȩ, Timoteo. Ado Jechu Quiricho ja̧ dachoro chi̧dëearequedemȩ peaja̧di. Aja̧, Po̧chio Pirato ja̧ dëbëräpȩ cjiarëremȩ pio ju̧i̧ ja̧ dachoro, Ütë tjamo̧ pio ju̧i̧ chjiari uapadëmȩrȩ ni̧bärëremȩ pio ju̧i̧ ja̧ dachoro to̧bari̧ chi̧dëearequedemȩ mȩnȩ chjadëri̧ ta̧rë ta̧rë japatä cüdë mȩa̧ yürüa̧ ma̧ȩ pio ju̧i̧. Aja̧, nötadäräri̧ ta̧rë ta̧rë japavä o judiro̧ pio mȩaiäpȩmo̧ aechide yo̧rea̧mi̧dëri̧. Ja̧di dari̧ cjo̧ro̧vä Jechu Quiricho pio judi jana̧rä yuro.

Timoteo Ma̧ȩ 1 6:17

Quëna̧ji̧ri̧ judiro̧ orë chëre ji̧ra̧ri̧ goadirȩ. Pio ji̧ri̧iäpȩmo̧ to̧bari̧ a̧ra̧ano̧tä earequedemȩ Timoteo. Jabechji̧ oëra̧ jo̧rȩtadëtäreji̧ri̧dirȩ. ‘Aja̧, a̧ro̧rȩ chëre ji̧ra̧ri̧ goa tara, o ji̧ri̧ u̧i̧ ba chiaa̧ro̧da’ quëna̧dëtäreji̧ri̧dirȩ. Jabechji̧ pio yoa chiri oamo̧ ba oa chjuari̧ quëna̧dëtäreji̧ri̧diro̧jo̧ȩ jibëa̧ chëre oa. Jabo jabechji̧ Ütë tjamo̧ pio ju̧i̧mo̧i̧ chjuari̧ quëna̧täreji̧ri̧diro̧jo̧ȩ. Pio judi tjamo̧de ibë ütëbodärä oa chjadëri̧ yürümȩ judi a̧ro̧rȩ cjiadiämi̧ tarari̧ jo̧rȩtaji̧ri̧rȩ cjo̧ro̧pea̧ oa. Pio ju̧i̧iäpȩmo̧ ma chjuari̧ quëna̧pea̧de.

Timoteo Ma̧ȩ 1 6:2

Ado mu̧i̧tjoi̧ ja̧ ano̧mȩ judi quëna̧mȩrä judi, jabechji̧ oëra̧ jo̧rȩtadëtäreji̧ri̧dirȩ jibëa̧ ano̧mȩ pio ju̧i̧ chjiari. ‘Aja̧, judi quëna̧mȩ tara, jabechji̧ ba chia dadëpea̧dida, tjätjäpë ja̧bepadëpea̧dida’ quëna̧ jo̧rȩtadëtäreji̧ri̧dirȩ. Jabo danȩ, jibëa̧ ano̧mȩ judi quëna̧mȩ tara, Ütërë ea̧ chja̧oerä cjo̧ro̧mȩ tara, jabechji̧ ji̧dë u̧i̧ goae tarari̧ ja̧bepë yürütäreji̧ri̧diro̧jo̧ȩ, chjadëri̧ a̧doji̧ri̧rȩ. Aja̧ Timoteo, ja̧di ta̧rëri̧ chi̧dëeajȩrȩ quëna̧ji̧ri̧ pio ji̧ri̧, judiro̧ chjadëri̧ ta̧rëdiäpea̧ oa.

Tito 2:15

Ado danȩ Tito, pio jiro ma̧ȩ chjö̧na̧i̧ oa chjadëri̧ a̧ra̧ano̧jȩrȩ pio ju̧ri̧pȩ quëna̧ji̧ri̧ pio ji̧ri̧. Ju chiaparȩjȩrȩ. Ado tjamo̧ yo̧rea̧ chiamȩ tara, jabechji̧ oëra̧diäa̧ji̧ri̧ pio ji̧ri̧ to̧bari̧ chi̧dëeajȩrȩ. Jabechji̧ Ütë tjamo̧ pio judi yürüa̧ oa ja̧di dari̧ ja̧beparea̧ chiarenȩ. Ja̧di tara ja̧bepavä. Ado ba chia datädiro̧mȩ bücjü darea̧ decjiari̧.

Tito 2:6

Peaja̧di chi̧dëeajȩrȩ oari pëi̧ chjaji̧ri̧ pio ji̧ri̧. Judiro̧ chjadëri̧ cjo̧ro̧pea̧ oa chi̧dëeajȩrȩ, judiro̧ tüdüa̧mi̧ darä cjo̧ro̧pea̧ oa, judiro̧ ütarë jo̧rȩta ëte chjadë pio ju̧i̧ mitëpea̧ oa.

Tito 2:9

Peaja̧di chi̧dëeatä earequedemȩ pumȩrȩ gatëa̧ oa cjo̧ro̧ji̧ri̧ mu̧i̧tjoi̧ pio ji̧ri̧, quëna̧ji̧ri̧ pio ji̧ri̧. Jabechji̧ jibëa̧ ano̧mȩ pio ju̧i̧ chjadëri̧ ta̧rëdiätäreji̧ri̧diro̧jo̧ȩ, nö̧tadäräri̧ ja̧bepë yürüji̧ri̧rȩ. Jabechji̧ ana̧mȩ judi, 'A̧ja̧, chjadëri̧ ja̧bepadiro̧da quëna̧rea̧mi̧ dari̧ ja̧bepë yürütäreji̧ri̧diro̧jo̧ȩ. Ado jibëa̧ ano̧mȩ pio ju̧i̧iäpȩmo̧ ya coëri̧ dëbë ni̧bädëtäreji̧ri̧diro̧jo̧ȩ.

Ebereo Ma̧ȩ 13:22

Danȩrȩ ca̧ oti̧, pio yoa ma̧ȩ go̧a̧ti̧ tjamo̧dë oa go̧ȩpe chjadürequededibe. Ado pio ju̧i̧ chjadëri̧ acji cjaeä ta̧rëtä eamȩrȩ yo̧tarequededibe, jëreeadëji̧ri̧rȩ ta̧rëtä, urëdi oa jo̧rȩtaji̧ri̧rȩ ta̧rëtä.