Techaronichȩche Ma̧ȩ 2:10 - Biblia Pume10 Pio ju̧i̧ tjamo̧ri̧ dabanȩrȩ mȩnȩro̧. Jabechji̧ dibëa̧ dachoro cjo̧ro̧rëreji̧ri̧rea̧rȩ. Ado Ütë tjamo̧ pio judiborë dabade pio ibë chjiari. Jabechji̧ dibëa̧ dacho cjo̧ro̧rërea̧ ji̧, chjai̧dë oa japadëji̧ri̧ oa, jabo coëma cjiari̧ cjo̧ro̧ baäji̧ri̧ oa dae chjaorenȩro̧ibe, pumȩ judiro̧ pio ibëiäpȩmo̧ poë aechide yo̧rea̧mi̧dëri̧ cjo̧ro̧ cjiaji̧ri̧ oa. Aja̧ ca̧ oti̧, ja̧di dari̧ cjo̧ro̧ji̧ri̧rȩ na̧rȩriä cjo̧ro̧rëreji̧ri̧rea̧ro̧dibe quëna̧ji̧ri̧ pio ji̧ri̧. Faic an caibideil |
Techaronichȩche Ma̧ȩ 2:10
26 Iomraidhean Croise
Ado pio ju̧i̧ ta̧rëa̧ oaiä, jäa̧diro̧jo̧ȩ. Ado jädäräa̧ji̧ri̧ oa Pablo judi ni̧bä chjaorëremȩdejȩrȩ, ja̧di ta̧rëri̧ yo̧mȩrȩ: —Danȩrȩ ca̧ oti̧, pio coa chjiari chjadëri̧ dabanȩrȩ —yo̧a̧dejȩrȩ—. Cüdë Achia quȩmȩ chiriräpȩ go̧düdäräa̧ domȩri ja̧, jabechji̧ dibëa̧ dachoro cjo̧ro̧rëremȩrequede. Dibëa̧ dachoro ja̧bepe cjiarëremȩrequede.
Ja̧di tara yo̧requededibe ca̧ oti̧. Mȩnȩro̧ eami̧rȩ cjo̧dë tja ana̧räpȩ aeno̧a̧ oa cjiarä judi, pio coaiäpȩmo̧ aechide yo̧rea̧ dadëparenȩro̧coe —yo̧a̧dejȩrȩ—. 'Aja̧, Pablo judi coa chjadëri̧ a̧ra̧ano̧dëa̧ oaiä, Jechu pio ju̧i̧ chjiari ni̧bädëa̧ oaiä, aenoa̧ oa cjiaquëda yaba̧' quëna̧rea̧mi̧dëri̧ a̧ra̧ano̧rëremȩrequededibe ütëbodärä oa.
Ado ja̧di dari̧ quëna̧ pio ju̧i̧iä, jabechji̧ cüdë nö̧tarä yuro tüdüa̧mi̧ darä cjo̧ro̧tämi̧ cjiarequede Ütë tjamo̧ pio ju̧i̧iäpȩmo̧ chjai̧dëri̧ japachea oa, ca̧ pumȩ pio ji̧ri̧iäpȩmo̧ oëra̧ japachea oa. Aja̧ ca̧ ütë, cüdë nö̧tarä yuro ja̧di dari̧ cjo̧ro̧tämi̧ cjiarequede chji̧ chjadë oa goapea̧ oa, ca̧ chji̧ üdë pio coaiäpȩmo̧ aeno̧mi̧ dari̧ japachea oa —yo̧a̧dejȩ.
Danȩrȩ ca̧ pumȩ, ma̧ chiadëri̧ cjiaji̧ri̧rȩ jo̧rȩtarea̧rȩ chji̧ goaera̧, ibë aechide yo̧mi̧ dari̧ japadëmȩ chji̧ra̧. Jabechji̧ a̧ro̧rȩ pio yoa chiri oa oëra̧ti̧ oa cjo̧ro̧rërea̧ ji̧, a̧ro̧rȩ eami̧ pumȩ ja̧ chjarerä cjo̧ro̧rërea̧ ji̧, jabechi̧ a̧ro̧rȩ yo̧a̧ri̧ ya chiaji̧ri̧mi̧ dari̧ cjo̧ro̧dë marëreji̧ri̧rea̧rȩ, jabo coëma cjiari̧ cjo̧ro̧rëreji̧ri̧rea̧rȩ, ma̧ȩ chjádë yürüdëji̧ri̧rȩ. Ado pumȩ ji̧ri̧ ana̧ri̧ na̧rȩriä cjo̧ro̧rërea̧ ji̧, jabechji̧ ji̧dë u̧i̧ ana̧ri̧ na̧rȩriä cjo̧ro̧rëreji̧ri̧rea̧rȩ ca̧ oti̧, dibëa̧ chjarerä cjo̧ro̧rërea̧ ji̧. Jabechji̧ a̧ro̧rȩ dai chirirä ja̧ jo̧rȩtarea̧ pio ju̧i̧iä ja̧ȩ cjiami̧ dari̧ cjo̧ro̧dëa̧ oaiä, jabo Ütë tjamo̧ judi ibë cjäri̧ri̧ cjia yürüa̧ pio ju̧i̧iämo̧i̧ ja̧ȩ cjiami̧ dari̧ cjo̧ro̧a̧ oaiä, jabechji̧ tjaoëpai̧ dari̧ cjo̧ro̧rea̧ darëreji̧ri̧rea̧rȩ.
Jabo oëra̧ jo̧rȩtadëtäreji̧ri̧nȩrȩ pio coa chjiari. Jabechji̧ pio coa chjiari ma̧ȩ chjádë yürüji̧ri̧ pio judiro̧ ji̧ra̧ tjamo̧dirȩ. Ado pio jiro oari judiro̧ yo̧a̧bea pio ju̧i̧ chjiari dabarequede. “Aja̧, Pablo judi pio dibë ea tjamo̧rä judi, pio dibë tjamo̧ri̧ ba chia daea̧rä judi, jabechji̧ a̧ra̧ano̧a̧ ba oa chëre cjo̧dëtäremȩdidibe, jabo dibë tjamo̧ri̧ eadë tara, jabechji̧ eami̧ oa cjo̧dëdë madidibe” yo̧vedirȩ pio coa chjiari. Jabo cjäri̧ marequededibe ca̧ oti̧. Cüdë dibë eadë ma ja̧didë, jabo ea tjamo̧requededibe. Ado Cjacjarë Daba Dabamȩ pio judi tjamo̧ri̧ dabadique pio coa chjiari. Tjamo̧ davä. Ütë tjamo̧ pio judi tjamo̧ri̧ dabadique cüdë dibë tjamo̧ri̧ ea̧ pio ju̧i̧ chjiari. Jabo danȩrȩ ca̧ oti̧, dibë ea tjamo̧ tara, jabechji̧ pio dibëiä eami̧ chëre oa cjo̧dëdëri̧ cjiarequededibe.
Danȩrȩ ca̧ oti̧, Ütë tjamo̧ judi, ibëa̧ Ano̧mȩ Jechu pio ju̧i̧ ja̧ Jäjäa pio judi tjamo̧ri̧ dabade davä pio coa chjiari, cüdë ma̧ȩ chjádë yürüdëpea̧ pio ju̧i̧ chjiari. Aja̧, bucho ana̧ chjacjiamȩri̧ jo̧rȩtapea̧ pio judi, bucho ana̧ chjacjiamȩri̧ jo̧rȩtapea̧ pio judi tjamo̧ri̧ dabade pio coa chjiari.
Ado a̧ro̧rȩ ja̧beparä, jabechji̧ chjai̧dë oa japadërea̧rȩ, jabo eami̧ti̧ chjai̧dë oa chjuari̧ jiadarea̧ro̧jo̧ȩ. Jabechji̧ pumȩ judiro̧ idi̧ dari̧ goadi japea̧ pio ju̧i̧ japadë marea̧rȩ. Ado pumȩ pio ji̧ri̧ u̧i̧padë marea̧ro̧jȩrȩ, jabo jabechji̧ Ütë tjamo̧ ja̧ ma̧ȩ oa coëma cjiari̧ a̧ra̧ano̧rea̧ro̧jȩrȩ, teracaba ma̧ȩ oa a̧de mirerea̧ decjiari̧. Jabechji̧ ado cja̧rȩmo̧ ma̧ȩpe järea̧mi̧ dari̧, tjaoë ma̧ȩpe järea̧mi̧ dari̧ a̧ra̧ano̧dë marea̧ro̧dibe, jabo jabechji̧ go̧ȩpea̧ duri pio ju̧i̧mo̧i̧ a̧ra̧ano̧rea̧ro̧dibe, a̧de a̧ra̧ano̧dëji̧ri̧rȩ. Ado a̧ro̧rȩ Ütë tjamo̧ ja̧ dachoro ja̧di dari̧ a̧ra̧ano̧a̧ oaiä, ‘jabechji̧ tjamo̧i̧ cjiari̧ baämȩ ma̧ȩ maea oa a̧ra̧ano̧diro̧ibëda, ma̧ȩ chjádë yürüdë madiro̧ibëda’ quëna̧ jo̧rȩtaji̧ri̧rȩ da maeadiro̧ibe chjadëri̧ jo̧rȩtaji̧ri̧ judiro̧.
Ja̧di tara ca̧ oti̧, ibëa̧ Ano̧mȩ Jechu pio judi ibë ütëbo oa ütarapa tara, jabechji̧ ana̧ri̧ ja̧beparea̧rȩ pio ju̧i̧ ja̧ oa. Tjamo̧ davä. Pio ju̧i̧iäpȩmo̧ uapaji̧ri̧mi̧ dari̧ ba chia jo̧rȩtaji̧ri̧rȩ ana̧ri̧ ja̧beparea̧rȩ pumȩ pio ji̧ri̧ chjadëri̧ chi̧dëeapea̧ oa, pio judiro̧ Jechu pio ju̧i̧ chjiari chjadëri̧ ano̧ mire jo̧rȩtapea̧ oa. Jabechji̧ chjaocjiami̧ dari̧ a̧ra̧ano̧dë marea̧rȩ, jabo tjamo̧ri̧ ja̧beparea̧rȩ ibëa̧ Ano̧mȩ ja̧ oa, pio ju̧i̧ ja̧ dachoro ja̧bepaji̧ri̧rȩ. Jabechji̧ chjadëri̧ dabade pio ibë chjiari, ado pio mȩnȩro̧borë chjadëri̧ dabanȩrȩ a̧ro̧rȩ tjamo̧ri̧ ja̧bepea̧ pio ju̧i̧ chjiari.
Jabechji̧ ca̧ oti̧, cjäri̧ri̧ cjia tjamo̧ji̧ri̧rȩ ea tjamo̧chji̧ibe. Jabechji̧ a̧ro̧rȩ eami̧ pumȩ oa chjai̧dëri̧ japadëa̧rea̧ro̧jo̧ȩ. Ado eami̧ pumȩ oa oëra̧diä tänȩdëa̧rea̧ro̧jo̧ȩ. Ado eami̧ pumȩ ja̧ oa baë mitëpea̧ oa u̧i̧padëa̧rea̧ro̧dibe. Ado pio ju̧i̧iä yo̧requededibe ca̧ oti̧, jabechji̧ cjäri̧ri̧ cjia jo̧rȩtachji̧ibe pio ibëiäpȩmo̧.
Jabechji̧ a̧ro̧rȩ ma̧ȩ chjadëi̧ pio ju̧i̧ a̧ra̧ano̧rërea̧ ji̧, a̧ro̧rȩ pio dibëiäpȩmo̧ a̧ra̧ano̧rërea̧ ji̧, jabechji̧ ma̧ȩ maeara̧ a̧ra̧ano̧dëa̧rea̧rȩ, jabo Tjo tjamo̧ ja̧ jauëchja pio ju̧i̧ na̧rȩji̧ri̧rȩ a̧ra̧ano̧rëreji̧ri̧rea̧ro̧dibe, chjuari̧ quëna̧ji̧ri̧rȩ. 'Jabechji̧ ma̧ȩ chjadëi̧ üdë tjamo̧i̧ cjiari̧ baädida, Ütë tjamo̧ ja̧ ma̧ȩdida, ado ana̧ri̧ ja̧beparea̧ chiadida' quëna̧ dabaji̧ri̧rȩ a̧ra̧ano̧rëreji̧ri̧rea̧ro̧dibe. Ado a̧ro̧rȩ dibëa̧ chjarerä cjo̧ro̧ji̧ri̧ oa, jabechji̧ dae chjaorëreji̧ri̧renȩro̧ibe mȩnȩro̧. Dibë chjadëri̧ a̧dorea̧mi̧ dari̧ cjo̧ro̧ji̧ri̧ oa dae chjaoa̧renȩro̧ibe.
Ado danȩ, o judiro̧ mȩa bücjü darä judi, mȩnȩ pea ütëpea̧mȩ oa bücjü darä judi, jabechji̧ idëri̧ cjiadëvä jabo jabechji̧, coëma cjiari̧ cjo̧ro̧vä judiro̧ cho̧rë cjo̧ro̧rea̧mi̧ dari̧. Jabechji̧ mȩnȩ chjadëri̧ ni̧bäa̧ oaiä, mȩnȩ coëma cjiari̧ cjo̧ro̧a̧ oaiä, chjadëri̧ na̧rerenȩjȩrȩ. Tjamo̧ davä. Mȩnȩ pumȩ ji̧ri̧iäpȩmo̧ tjamo̧ri̧ eamȩrȩ cjo̧ro̧a̧ oaiä, mȩnȩ Ütë ju̧i̧iäpȩmo̧ chjuari̧ quëna̧ oaiä, mȩnȩ chjai̧dëri̧ jo̧rȩtadëmȩrȩ cjo̧ro̧a̧ oaiä, jabechji̧ o ji̧ri̧ chjadëri̧ na̧rȩrenȩjȩrȩ, judiro̧ pio mȩa cho̧rëdiärea̧mi̧ dari̧.
Jabo mȩnȩ Timoteo, chjadëri̧ dabarenȩ pio coa chjiari. Jabechji̧ na̧ dachoro cjo̧ro̧rëremȩrequede. Ado pio ju̧i̧iä tjamo̧ri̧ dabarenȩ. Jabechji̧ pio coa irä daea̧ ji̧, ‘Aja̧, Pablo judi ja̧di dari̧ cjo̧ro̧dida, ja̧di dari̧ japamȩrȩ cjo̧ro̧dida, ja̧di dari̧ a̧ra̧ano̧dida, pio jiro ma̧ȩ oa a̧ra̧ano̧dida, teracabari̧ a̧ra̧ano̧dëdida jabo chjadëri̧ ütara̧mi̧ a̧ra̧ano̧dida' quëna̧ dabarenȩ. ‘Aja̧, ja̧di dari̧ ja̧bepadida, jabërä chjadëri̧ ütarë jo̧rȩta̧rämo̧ ja̧bepamȩdida, jibëa̧ ja̧beparea̧ pio ju̧i̧ tjamo̧ri̧ jo̧rȩtamȩrȩ cjo̧ro̧dida, pio ju̧i̧ ja̧ chji̧rä tjamo̧ri̧ chamȩ jo̧rȩtarea̧ pio judidida, ado Quiricho pio ju̧i̧iäpȩmo̧ chjua tjamo̧ri̧ quëna̧mȩrȩ cjo̧ro̧diji̧da, ado pio ju̧i̧iä pumȩ ji̧ri̧ ma̧ chjua ëba cjo̧ro̧diji̧ri̧da, jabechji̧ pio ji̧ri̧ ea tjamo̧diji̧ri̧da, jënȩ quëna̧ pio ju̧i̧ na̧rȩriä cjo̧ro̧dida, jabechji̧ goaedë oa chjätäräbo ma̧ chjua jo̧rȩtamȩrȩ cjo̧ro̧dida’ quëna̧ dabarenȩ omȩ pio coa chjiari.
Jabo chiri ütë cjo̧ro̧ji̧ri̧ pio judiro̧ japami̧ dari̧ japadëchji̧jȩrȩ. Jabechji̧ ërecjiaji̧ri̧rȩ to̧bari̧ yo̧dëchji̧jȩrȩ, jabo ma̧ȩ bücüi̧ra̧ chjadëri̧ chi̧dëeachji̧jȩrȩ. Jabechji̧ Ütë tjamo̧ judi dibë yürüa̧ pio ji̧ri̧, mȩnȩro̧ chjadëri̧ jidapea̧ oa yürüa̧ pio ji̧ri̧ chjadëri̧ jidachji̧jȩrȩ, cjäri̧ri̧ cjia daji̧ri̧rȩ. Jabechji̧ dibë chjadëri̧ cho̧rëdiärea̧mi̧ dari̧ na̧rȩriä cjo̧ro̧chji̧jȩrȩ.
Sanasan