Ado ju̧ri̧pȩ go̧düdärä ëte, baäa̧dirȩ jënȩro̧ cjiadiärërea̧ bëräpȩ. Ado ju̧ri̧pȩ go̧düdärä ëte, bua̧dirȩ jënȩro̧ cjo̧ro̧mȩ jo̧ tjoräpȩmo̧, uëräpȩ cjiamȩ jo̧ tjoräpȩmo̧. Pedro judi, Juan judi, Santiago judi, Andres judi, Felipe judi buarëreji̧ri̧dirȩ. Ado Tomas judi, Bartolome judi, Mateo judi peaja̧di buarëreji̧ri̧dirȩ. Ado Apjeo joja pio judi, Santiago quȩmȩ pio judi peaja̧di buarëremȩde. Ado cja̧rȩmo̧ Chimo̧ judi, domano̧ ji̧ri̧ ea tjamo̧dërëreji̧ri̧ pio ji̧ri̧ nö̧ta ëba tai̧rëremȩ pio judiborë buarëremȩde Juda quȩmȩ pio ju̧i̧ nö̧ta, Santiago quȩmȩ joja pio ju̧i̧ nö̧ta. Ja̧di quȩji̧ri̧ pio judiro̧ buarëreji̧ri̧dirȩ.
Techaronichȩche Ma̧ȩ 1:7 - Biblia Pume7 Ado mȩnȩro̧ chjai̧dë oa chjätäräbo ma̧ chiadëri̧ cjiaji̧ri̧rȩ cjo̧ro̧ji̧ri̧pea̧ oaiä, mȩnȩro̧ cho̧rëdiärea̧mi̧ dari̧ cjo̧ro̧ji̧ri̧pea̧ oaiä, jabechji̧ goëje cho̧rëdiäji̧ri̧ mapea̧diro̧dibe Machedoniaräpȩ quëna̧ji̧ri̧ judiro̧, Acayaräpȩ quëna̧ji̧ri̧ pio judiro̧borë. Faic an caibideil |
Techaronichȩche Ma̧ȩ 1:7
14 Iomraidhean Croise
Ado jiro bë ma̧ri̧ri judiri chiri oa tai̧ji̧ri̧rȩ jäa̧rea̧rȩ Pjiripo quȩmȩ bë ma̧ri̧räpȩ, domano maearë cjo̧ro̧rërea̧räpȩ. Ado pio jiro bë ma̧ri̧ üdë, Machedonia quȩmȩ chirirä cjiamȩ bë ma̧ri̧ üdë, jabechji̧ ba chia tjamo̧rëremȩde. Ado a̧ro̧rȩ do ji̧ra̧ tjamo̧dëri̧ cjiadiärëreji̧ri̧rea̧rȩ pio ju̧ri̧pȩ.
Jabo Gario̧ quȩmȩ pio judi Acaya quȩmȩ chiriräpȩ chiri ütëmȩrȩ cjo̧ro̧mȩpea̧rä, judio judiro̧ cja̧rȩmȩ jo̧rȩtarea̧ chiaji̧ri̧rȩ a̧dopa ëte acji järëreji̧ri̧diro̧jo̧ȩ Pablo pio ju̧i̧ mitëpea̧ oa. Ado pio ju̧i̧ mitë ëte ëba järëreji̧ri̧diro̧jo̧ȩ chiri ütë cjo̧ro̧mȩ pio ju̧i̧iäpȩ aechide yo̧pea̧ oa, judi ütarë bape chjaoa̧ oa cjiapea̧ oa.
Ja̧dëa ji̧ Pablo judi Epjechoräpȩ yo̧a̧ri̧ ui nö̧ta cjo̧ro̧ ëte, jabechji̧ Tjo tjamo̧ pio judi tara tänȩa̧mi̧ jo̧rȩtamȩpea̧de. 'Aja̧, Jerucharȩräpȩ baätäremȩquëda, jabo Machedoniaräpȩ quëna̧ji̧ri̧ pio ji̧ri̧ dariä baätäremȩquiji̧ri̧da, Acayaräpȩ quëna̧ji̧ri̧ pio ji̧ri̧bo dariä baätäremȩquiji̧ri̧da, ado Jerucharȩräpȩ go̧düdärä ëte, Domaräpȩ quëna̧ji̧ri̧ pio ji̧ri̧bo goëde jätäremȩquiji̧ri̧da' quëna̧ jo̧rȩtamȩpea̧de.
Aja̧, pio jiro chëre üdë yürüa̧ oa cjiarëremȩde Ütë tjamo̧ pio ju̧i̧ ja̧ u̧ri̧ ja̧ oa. Jabechji̧ Machedoniaräpȩ a̧dopaji̧ri̧ judiro̧, a̧doparea̧ ji̧ra̧räpȩ a̧dopaji̧ri̧ pio judiro̧ yürürëreji̧ri̧diro̧jo̧ȩ pio jiro chëre oa. Ado Acayaräpȩ a̧dopaji̧ri̧ judiro̧, a̧doparea̧ ji̧ra̧räpȩ a̧dopaji̧ri̧ pio judiro̧borë yürürëreji̧ri̧dirȩ. Jabechji̧ Jerucharȩräpȩ quëna̧ji̧ri̧ ja̧ oa, chö̧na̧i̧ti̧ oa cjäri̧ ja̧boji̧ri̧ ja̧ oa yürürëreji̧ri̧dirȩ.
Danȩrȩ ca̧ oti̧, pio dibë jo̧rȩtamȩrȩ go̧ȩpe chjadürequededibe. ¿Jabënȩrȩ? ¿Jabë cjo̧ro̧ baänȩrȩ? ‘Jabë cjo̧ro̧ baä jirodiro̧da’ quëna̧ jo̧rȩtamȩrȩ go̧ȩpe chjadürequededibe. Danȩrȩ, Pablo pio judirequede. Ado Ütë tjamo̧ pio judi ütarë jo̧rȩtarërea̧mi̧ Jechu Quirichorë chjadüa̧requede. Ado pio yoa ma̧ȩ oa go̧ȩpe chjadürequededibe yaba̧. Tjamo̧ davä. Cüdë, ado ibëa̧ omȩ Timoteo pio judiborë go̧ȩpe chjadürea̧ro̧dibe pio yoa ma̧ȩ oa. Aja̧, Cori̧tio quȩmȩ bë ma̧ri̧räpȩ a̧dopaji̧ri̧ oa go̧ȩpe chjadürea̧ro̧dibe Ütë tjamo̧ ja̧ a̧doparea̧ pio ji̧ri̧. Ado Acaya quȩmȩ chiriräpȩ quëna̧ji̧ri̧ pio ji̧ri̧bo jo̧rȩtaji̧ri̧rȩ go̧ȩpe chjadürea̧ro̧jȩrȩ pio yoa ma̧ȩ oa, tutia̧ oa cjiaji̧ri̧ pumȩ pio ji̧ri̧iäpȩmo̧.
Jabechji̧ no̧mȩ tjamo̧ri ja̧ pumȩ pio ji̧ri̧ tjamo̧ri̧ a̧dotämi̧ cjiaji̧ri̧pea̧renȩrȩ. Ado pio ju̧i̧ chjiari tjamo̧ri̧ dabarequede. Ado pio ju̧i̧iä pio dibë chjiari ma̧ chiadëri̧ cjiamȩrȩ ma̧ȩ goaera̧ ni̧bärëremȩrequedejȩrȩ Machedonia quȩmȩ chiriräpȩ cjo̧ro̧ji̧ri̧ pio ji̧ri̧iäpȩmo̧. Aja̧, pio dibë chjiari goaeri̧ ni̧bämȩrȩ, jiroräpȩ cjo̧ro̧ji̧ri̧ ji̧ri̧iäpȩmo̧ ja̧di ta̧rëri̧ yo̧rëremȩrequedejȩrȩ. “Danȩrȩ, ibëa̧ oti̧ judiro̧, Cori̧tio quȩmȩräpȩ quëna̧ji̧ri̧ pio judiro̧ cja̧rȩmȩ uiri ja̧ järi tjamo̧pea̧dirȩ jibëa̧ chëre oa china̧chjari̧ boeapea̧ oa, Jerucharȩräpȩ quëna̧ji̧ri̧ pio ji̧ri̧iäpȩmo̧ chjadüpea̧ oa” yo̧a̧requedejȩrȩ. Ado judiro̧ no̧i̧dërë pio dibë chjiari ta̧rëa̧ oaiä, cjäri̧ madirȩ, chjaodëri̧ järi tjamo̧pe bagarëreji̧ri̧dirȩ o ji̧ri̧iäpȩmo̧ yürüpea̧ ji̧. Tjamo̧ davä. Machedonia quȩmȩ chiriräpȩ quëna̧ji̧ri̧ pio judiro̧ pio dibë chjiari ta̧rëa̧ oaiä, jabechji̧ pio dibë cho̧rëdiätämi̧ cjiaji̧ri̧rȩ cho̧rëdiäe jo̧rȩtaji̧ri̧pea̧diro̧dibe ca̧ oti̧. Jabechji̧ judiro̧ ja̧di dari̧ yürüdërërea̧ ji̧, judiro̧ ja̧di dari̧ jibëa̧ chëre oa china̧chjari̧ tutidërërea̧ ji̧, jabechji̧ järi tjamo̧pe bagaji̧ri̧pea̧dirȩ o ji̧ri̧iäpȩmo̧ chjadëri̧ a̧dopea̧ ji̧.
Jabechji̧ pio dibë chjiari ma̧ȩ üdë jachi tjamo̧padärärëremȩde oëra̧ti̧ oa Machidoniaräpȩ yuro, Acayaräpȩ yuro. Mȩnȩro̧ ni̧bä chjaoa̧ ma̧ȩ üdë, ibëa̧ Ano̧mȩ pio ju̧i̧ chjiari ma̧ȩ üdë, mȩnȩro̧ coëma cjiari̧ cjo̧ro̧a̧ pio ju̧i̧ chjiari ma̧ȩ üdë jachi tjamo̧padärärëremȩde. Jabechji̧ mȩnȩro̧ quëna̧ pio ju̧i̧ chjiari goë goë ta̧rëji̧ri̧pea̧ maeadirȩ davä oëra̧ti̧ oa cjo̧ro̧ji̧ri̧ judiro̧. Pio ju̧i̧iä mȩnȩro̧ quëna̧ji̧ri̧pea̧ pio ju̧i̧ chjiari yo̧dëa̧rea̧ro̧jȩrȩ. Jabechji̧ pio dibë chjiari jabërä ta̧rërërea̧ ma tara, yo̧dëa̧rea̧ro̧jȩrȩ.
Jabechji̧ ja̧di dari̧ eaji̧ri̧rȩ cjo̧ro̧nȩrȩ peadëri ja̧. Aja̧, Machedonia quȩmȩ chiriräpȩ quëna̧ji̧ri̧ ütëbodärä oa eaji̧ri̧rȩ cjo̧ro̧nȩrȩ dibëa̧ oti̧ pio ji̧ri̧. Jabechji̧ eadëji̧ri̧rȩ cjo̧ro̧ ma ja̧didë jabo eaji̧ri̧rȩ cjo̧ro̧nȩrȩ. Jabo danȩrȩ ca̧ oti̧, ji̧dë u̧i̧ eachji̧vä. Ji̧dë u̧i̧ eatä chi̧dëearea̧ro̧dibe, mȩnȩro̧ ji̧dë ma eapea̧ ji̧ dibëa̧ oti̧ pio ji̧ri̧.
Ado danȩ, o judiro̧ mȩa bücjü darä judi, mȩnȩ pea ütëpea̧mȩ oa bücjü darä judi, jabechji̧ idëri̧ cjiadëvä jabo jabechji̧, coëma cjiari̧ cjo̧ro̧vä judiro̧ cho̧rë cjo̧ro̧rea̧mi̧ dari̧. Jabechji̧ mȩnȩ chjadëri̧ ni̧bäa̧ oaiä, mȩnȩ coëma cjiari̧ cjo̧ro̧a̧ oaiä, chjadëri̧ na̧rerenȩjȩrȩ. Tjamo̧ davä. Mȩnȩ pumȩ ji̧ri̧iäpȩmo̧ tjamo̧ri̧ eamȩrȩ cjo̧ro̧a̧ oaiä, mȩnȩ Ütë ju̧i̧iäpȩmo̧ chjuari̧ quëna̧ oaiä, mȩnȩ chjai̧dëri̧ jo̧rȩtadëmȩrȩ cjo̧ro̧a̧ oaiä, jabechji̧ o ji̧ri̧ chjadëri̧ na̧rȩrenȩjȩrȩ, judiro̧ pio mȩa cho̧rëdiärea̧mi̧ dari̧.
Ado pio mȩnȩ o ji̧ri̧iäpȩmo̧ chjadëri̧ na̧rȩpea̧ oa, jabechji̧ chjadëri̧ jape chjaomȩrȩ na̧rȩriä cjo̧ro̧täremȩrenȩ. Tito. Tjamo̧ davä. Pio mȩa cho̧rëdiärea̧mi̧ dari̧ cjo̧ro̧täremȩrenȩ chjadëri̧. Ado mȩnȩ a̧ra̧ano̧ro, jabechji̧ ya maeara̧ a̧ra̧ano̧dëtäremȩrenȩ, jabo coëma cjiari̧ cjo̧ro̧mȩrȩ na̧rȩriä a̧ra̧ano̧täremȩrenȩjȩrȩ. Jabechji̧ mȩnȩ cjo̧ro̧a̧ üdë ji̧mo̧ baätäremȩde mȩnȩ a̧ra̧ano̧a̧ pio ju̧i̧ nö̧ta.
Jabo chiri ütë cjo̧ro̧ji̧ri̧ pio judiro̧ japami̧ dari̧ japadëchji̧jȩrȩ. Jabechji̧ ërecjiaji̧ri̧rȩ to̧bari̧ yo̧dëchji̧jȩrȩ, jabo ma̧ȩ bücüi̧ra̧ chjadëri̧ chi̧dëeachji̧jȩrȩ. Jabechji̧ Ütë tjamo̧ judi dibë yürüa̧ pio ji̧ri̧, mȩnȩro̧ chjadëri̧ jidapea̧ oa yürüa̧ pio ji̧ri̧ chjadëri̧ jidachji̧jȩrȩ, cjäri̧ri̧ cjia daji̧ri̧rȩ. Jabechji̧ dibë chjadëri̧ cho̧rëdiärea̧mi̧ dari̧ na̧rȩriä cjo̧ro̧chji̧jȩrȩ.
Sanasan