Techaronichȩche Ma̧ȩ 1:6 - Biblia Pume

⁶ Ado ja̧dëa ji̧ mȩnȩro̧ quëna̧ ji̧, cho̧rëdiäji̧ri̧pea̧renȩro̧ibe, ibëa̧ Ano̧mȩ pio ju̧i̧bo. Jabechji̧ conȩda̧ oa cjiaräbo, mȩnȩro̧ quëna̧ji̧ri̧pea̧ oaiä conȩda̧ oa cjiaräbo, jabechji̧ ma̧ chiadëri̧ cjiaji̧ri̧rȩ cjo̧ro̧nȩrȩ Tjo tjamo̧ pio ju̧i̧iä.

Techaronichȩche Ma̧ȩ 1:6 Iomraidhean Croise

Mateo 16:24

Ja̧dëa ji̧ Jechu judi yo̧rëremȩdejȩrȩ jibëa̧ jadü ji̧ri̧: ⁠—⁠Danȩrȩ, eami̧ pumȩ judi pio coa cho̧rë jana̧tämi̧ cjiarä judi, jabechji̧ jibëa̧ jo̧rȩtarea̧ maeara̧ jo̧rȩtarërea̧ ji̧, ca̧ jo̧rȩtarea̧ maeara̧ ano̧ mire jo̧rȩtapea̧ chiade. ⁠—⁠yo̧a̧dejȩrȩ⁠—⁠. Tjamo̧ davä. Eami̧ pumȩ judi pio coa cho̧rë jana̧tämi̧ cjiarä judi, jabechji̧ jȩa ja̧bopea̧ to pio ju̧i̧ doti̧mi̧ a̧rȩ aramȩmi̧ dari̧ cjo̧ro̧pea̧ chiade. Jabechji̧ pio coa ta̧rëdiäpea̧ chiadique uapai̧ daräbo, o judiro̧ pio jȩaiäpȩmo̧ ja̧bo tänȩpai̧ daräbo. Ado ja̧di dari̧ cjo̧ro̧ ëte, jabechji̧ ji̧dë ma cho̧rë jana̧mi̧ dari̧ cjo̧ro̧tädique pio coaiäpȩmo̧.

Juan 8:12

Ado Jechu judi yo̧mȩrȩ ni̧bärëremȩdejȩrȩ pjaricheo pio ji̧ri̧iäpȩmo̧. —Danȩrȩ, chiri nö̧tai̧ oa cjo̧ro̧ji̧ri̧ pio ji̧ri̧ tatami̧ darä jo̧rȩta tänȩmȩrequede —yo̧a̧dejȩrȩ—. Jabechji̧ pio coa nö̧ta ëba tai̧mȩ judi bagönȩmi̧ darä cjo̧ro̧dëpade, jabo tatami̧ darä jo̧rȩtamȩrȩ cjo̧ro̧pade, goae tarari̧ cjo̧ro̧rea̧ chiape järi̧ —yo̧a̧dejȩrȩ.

Japarea̧ 13:52

Jabo pio jiro pumȩ judiro̧ Jechurë chjadüa̧ pio ji̧ri̧ baä tänȩa̧räbo, jabechji̧ A̧tioquiaräpȩ cjiadiäa̧ji̧ri̧ quëna̧ji̧ri̧ pio judiro̧ ma̧ chiadëri̧ cjia tjamo̧ji̧ri̧rȩ cjo̧ro̧rëreji̧ri̧dirȩ. Jabechji̧ Tjo tjamo̧ judi chi̧dëea̧ chja̧oerä cjo̧ro̧a̧ oaiä, ma̧ chiadëri̧ cjiari̧ cjo̧ro̧rëreji̧ri̧dirȩ.

Japarea̧ 5:41

Ado Jechurë chjadüa̧ judiro̧ tjamo̧ ütarë yo̧ji̧ri̧ judio ja̧ a̧doparea̧ jo̧ tjori pio judiri gitori̧ taraji̧ri̧rȩ go̧düa̧ ji̧, jabechji̧ ma̧ chiadëri̧ cjiari̧ jo̧rȩtaji̧ri̧rȩ baärëreji̧ri̧dirȩ. 'Aja̧, nö̧taa̧ro̧da, Jechu pio ju̧i̧ chjiari chjai̧dë oa chjätäpea̧ ji̧ nö̧taa̧ro̧da, ado a̧ro̧rȩ chjai̧dë oa chjätäa̧ oaiä Ütë tjamo̧ judi ba chiaparȩmi̧ dari̧ japadiibëda, jabechji̧ a̧ro̧rȩ bide cjaeäa̧ oa cjia̧ oaiä ba chiaparȩmi̧ dari̧ japea̧diibëda' quëna̧ jo̧rȩtaji̧ri̧rȩ ma̧ chiadëri̧ cjiaji̧ri̧rȩ baärëreji̧ri̧dirȩ.

Japarea̧ 9:31

Ado pio jiro japamitërä, Ütërë ëna̧diäa̧ oa a̧dopaji̧ri̧ pio judiro̧ chjadëri̧ cjo̧ro̧rëreji̧ri̧dirȩ, ma̧ chjupi̧ cjiari̧ jo̧rȩtaji̧ri̧rȩ. Jabechji̧ judiro̧ eami̧ chjai̧dë oa chjätädëa̧ oaiä, o judiro̧ pio jibë conȩdadëa̧ oaiä, jabechji̧ chji̧ goaera̧ jo̧rȩtaji̧ri̧rȩ cjo̧ro̧rea̧ darëreji̧ri̧dirȩ, uapadëji̧ri̧rȩ. Tjamo̧ davä. Judearäpȩ a̧doparea̧ üdë, Garirearäpȩ a̧doparea̧ üdë, Chamariaräpȩ a̧doparea̧ üdë, ado oëra̧ti̧ oa a̧doparea̧ üdë, jabechji̧ chjadëri̧ cjo̧ro̧rea̧ da marëreji̧ri̧dirȩ. Ado Tjo tjamo̧ pio judi ana̧ri̧ a̧doa̧ oaiä, ju to̧bari̧ cjiadiämi̧ dari̧ cjiarëreji̧ri̧dirȩ, ji̧dë u̧i̧ ütëchjai̧pe järea̧mi̧ dari̧. Ado judi a̧doa̧ oaiä, jabechji̧ quëna̧ji̧ri̧ pio judiro̧ goëje ji̧ra̧pe järëreji̧ri̧dirȩ. Ado quëna̧ji̧ri̧ pio judiro̧ Ütë tjamo̧ pio ju̧i̧iäpȩmo̧ eami̧ chjai̧dë oa japatärea̧ ji̧, cjäri̧ madirȩ, japadërëreji̧ri̧dirȩ. Jabechi̧ judiro̧ Ütë tjamo̧ pio ju̧i̧iäpȩmo̧ ba chia jo̧rȩtaji̧ri̧rȩ cjo̧ro̧a̧ oaiä, uaparëreji̧ri̧dirȩ pio ju̧i̧iäpȩmo̧ chjai̧dëri̧ japapea̧ ji̧.

Domano Ma̧ȩ 15:13

Danȩrȩ, Ütë tjamo̧ pio judiri ma̧na̧ tjamo̧diibe jidatarea̧ üdë. Ja̧di tara pio ju̧i̧iä goë cjo̧dëreconȩ pio dibë chjiari. Jabechji̧ mȩnȩro̧ pio ju̧i̧iäpȩmo̧ quëna̧ji̧ri̧rȩ cjo̧ro̧ tara, jabechji̧ dibëa̧ chji̧ üdë tjuri cjiami̧ dari̧ cjiatä goë cjo̧dëreconȩ ma̧ chiadëri̧ cjiari̧ jo̧rȩtarea̧ra̧, ma̧ chjupi̧ cjiari̧ jo̧rȩtarea̧ra̧ a̧de. Ado ja̧dëa ji̧ Tjo tjamo̧ ja̧ jauëchja oaiä, jabechji̧ jidatarea̧ ji̧ra̧ tjamo̧ oa chiaji̧ri̧rȩ cjo̧ro̧panȩrȩ, a̧dë chjäte ji̧ra̧ri̧ chiari̧.

Cori̧tio Ma̧ȩ 1 11:1

Ado pio ju̧i̧iä yo̧requededibe ca̧ oti̧. Jabechji̧ pio coa cho̧rëdiächji̧coe, cüdë Quiricho pio ju̧i̧ cho̧rëdiämi̧ dari̧.

Cori̧tio Ma̧ȩ 1 11:2

Danȩrȩ ca̧ oti̧, ma̧ chiadëri̧ cjiari̧ jo̧rȩtarequededibe mȩnȩro̧ pio coa a̧dë jo̧rȩtadë tara, mȩnȩro̧ cüdë dibë a̧ra̧ano̧rërea̧ ma̧ȩrä jabë cjo̧ro̧ tara.

Cori̧tio Ma̧ȩ 1 4:16

Ado pio ju̧i̧iä, cüdë dibëa̧ ama̧i̧mi̧ dapea̧ oaiä, jabechji̧ chi̧dëearequedediibe pio coa cho̧rëdiäpea̧ oa.

Cori̧tio Ma̧ȩ 2 6:10

Jabo danȩrȩ ca̧ oti̧, a̧ro̧rȩ Ütë tjamo̧ ja̧ oa ja̧bepea̧ oaiä, dëdë, gito ana̧ri̧ jo̧rȩtapai̧ darea̧rȩ. Jabo gitori̧ jo̧rȩtaräbo, ma̧ chiadëri̧ cjiari̧ jo̧rȩtaji̧ri̧rȩ cjo̧ro̧rea̧rȩ pumȩ no̧i̧dërë quëna̧ji̧ri̧pea̧ tara, a̧ro̧rȩ a̧ra̧ano̧a̧ pio ju̧i̧ ta̧rëa̧ oaiä quëna̧ji̧ri̧pea̧ tara. Jabechji̧ a̧ro̧rȩ mö̧na̧ maearë cjo̧ro̧ji̧ri̧borë a̧dë chjäte ba chiati̧ oa goaji̧ri̧mi̧ dari̧ cjo̧ro̧rea̧rȩ, pumȩ ja̧ tjo pio ju̧i̧ a̧dorea̧ ba chia oa goaji̧ri̧rȩ. Tjamo̧ davä. Jabechji̧ dami̧ti̧ ba chia oa goaji̧ri̧mi̧ dari̧ cjo̧ro̧rea̧rȩ. Ado pio ju̧i̧iä na̧e chia tjamo̧täreji̧ri̧nȩrȩ ca̧ oti̧ pio coa chjiari. ‘Aja̧, Jechurë chjadüa̧ oa cjia tjamo̧dida’ quëna̧ jo̧rȩtatäreji̧ri̧nȩrȩ. Jabechji̧ Jechu pio judi coa tjamo̧ri̧ chjadüa̧ tara, ‘jabechji̧ Pablo judi ibë a̧ra̧ano̧a̧ üdë coëma cjia maeadida, oëra̧ baädë madida’ quëna̧ jo̧rȩta matäreji̧ri̧nȩrȩ pio coa chjiari.

Cori̧tio Ma̧ȩ 2 8:5

Ado a̧ro̧rȩ, dëdë, ‘jabomo̧ jabëtari̧mi̧ yürüpa jirodiro̧da’ quëna̧ jo̧rȩtaji̧ri̧rȩ ta̧rërëreji̧ri̧rea̧ro̧jȩrȩ, jabo cjäri̧ madirȩ ca̧ oti̧, a̧ro̧rȩ jo̧rȩtarërea̧ pio ju̧i̧ u̧i̧ ji̧ra̧ri̧ yürürëreji̧ri̧dirȩ. Jabo danȩrȩ, judiro̧ yürüa̧ ji̧, jabechji̧ jibëa̧ icjara oa yabochja yürürëreji̧ri̧diro̧jo̧ȩ. Aja̧, Ano̧mȩ ja̧ oa china̧chjari̧ tutia̧ oa cjiami̧ dari̧ cjiapea̧ oa, Ano̧mȩ Jechu pio ju̧i̧iäpȩmo̧ ma̧ chiadëri̧ cjiaparȩpea̧ oa yürürëreji̧ri̧diro̧jo̧ȩ. Ado pio ju̧i̧ uëri pio ibëiäpȩmo̧bo a̧de yürürëreji̧ri̧diro̧jo̧ȩ a̧ro̧rȩ a̧ra̧ano̧a̧ ma̧ȩrä cjo̧ro̧pea̧ oa. Aja̧, ja̧di dari̧ yürürëreji̧ri̧dirȩ jibëa̧ icjara oa yabochja. Ado ja̧dëa ji̧ jibëa̧ icjara oa yürümi̧ dari̧ japa ëte, jabechji̧ jibëa̧ chërebo a̧de yürürëreji̧ri̧dirȩ.

Garata Ma̧ȩ 5:22

Jabo Tjo tjamo̧ pio judiri ma̧na̧mȩ na̧rȩrea̧ üdë tjaoë tjamo̧de. Toro baramȩ jurarea̧ goaemi̧ dade. Ado pio ju̧i̧ ano̧ mire ütarë yo̧requededibe yaba̧. Danȩrȩ, o ji̧ri̧iäpȩmo̧ earea̧ üdë, ma̧ chiadëri̧ cjiari̧ jo̧rȩtarea̧ üdë, ado ma̧ chjupi̧ cjiari̧ jo̧rȩtarea̧ üdë, jabechji̧ Tjo tjamo̧ pio judiri ma̧na̧mȩ na̧rȩrea̧de. Ado Ütë tjamo̧ ju̧i̧iäpȩmo̧ chjuari quëna̧rea̧ üdë, jaepeparea̧ decjiari̧ quëna̧rea̧ üdë, chjai̧dë oa chjätäräbo chjuari̧ quëna̧rea̧ üdë, peaja̧di Tjo tjamo̧ pio judiri ma̧na̧mȩ na̧rȩrea̧de. Ado o ji̧ri̧iäpȩmo̧ cjäri̧ri̧ cjia darea̧ üdë, cjodocjodoami̧ dari̧ jo̧rȩtarea̧ üdë, o ji̧ri̧iäpȩmo̧ chjadëri̧ japarea̧ üdë, o ji̧ri̧iäpȩmo̧ tocoi̧mi̧ u̧i̧parea̧ decjiari̧ cjo̧ro̧rea̧ üdë, jënȩ yo̧a̧mi̧ japarea̧ üdë, jabechji̧ Tjo tjamo̧ pio judiri ma̧na̧mȩ na̧rȩrea̧ maeade.

Epjecho Ma̧ȩ 5:1

Mȩnȩro̧ yaba̧ Ütë tjamo̧ ja̧ u̧ri̧pea̧ tara, pio dibë ea tjamo̧ tara, pio judimi̧ dari̧ cjo̧ro̧chji̧vä.

Pjiripo Ma̧ȩ 3:17

Danȩrȩ ca̧ oti̧, mȩnȩro̧ ütëborë cja̧rȩmȩ chji̧ chiami̧ dari̧ cho̧rëdiächji̧coe. Ado pio cüdëmi̧ dari̧ cjo̧ro̧ji̧ri̧ pio ji̧ri̧ chjadëri̧ ütarë dachji̧jȩrȩ. Jabechji̧ pio ji̧ri̧bo cho̧rëdiächji̧jȩrȩ.

Techaronichȩche Ma̧ȩ 2 1:4

Ado mȩnȩro̧ ja̧di dari̧ cjo̧ro̧ tara pio dibë chjiari ma̧ȩ goaeri̧ yo̧ chjaorea̧ro̧jȩrȩ oëra̧ a̧dopaji̧ri̧ pio ji̧ri̧. Jabechji̧ mȩnȩro̧ conȩda̧ oa cjiaji̧ri̧borë ma̧ chjua jo̧rȩtariä cjo̧ro̧a̧ oaiä, mȩnȩro̧ chjai̧dë oa chjätäji̧ri̧borë Ütë tjamo̧ pio ju̧i̧ chjuari̧ quëna̧ji̧ri̧rȩ cjo̧ro̧a̧ oaiä, jabechji̧ Üte tjamo̧ ja̧ pumȩ pio ji̧ri̧ ma̧ȩ goaeri̧ yo̧rea̧ro̧jȩrȩ pio dibë chjiari.

Techaronichȩche Ma̧ȩ 2 3:7

Jabechji̧ pio mȩnȩro̧ chjadëri̧ dabatäreji̧ri̧nȩrȩ pio ibë cho̧rëdiäpea̧ ji̧. Jabechji̧ a̧ro̧rȩ dibëa̧ chjarerä cjo̧ro̧rërea̧ ji̧, chumi̧dëri̧ cjiaji̧ri̧ oa dadërëreji̧ri̧renȩro̧ibe, jabo ji̧dë ma ja̧bepe cjiaji̧ri̧ oa darëreji̧ri̧renȩro̧ibe.

Techaronichȩche Ma̧ȩ 2 3:9

Jabo danȩrȩ ca̧ oti̧, a̧ro̧rȩ pio dibëiä jura̧rä judi, mȩnȩro̧ järätäa̧rä ja̧ oa badëri̧ jura̧rä judi, a̧ro̧rȩ pio dibëiä jurarea̧ oa cjo̧dëa̧rä judi, jabechji̧täremȩde jabo. Danȩrȩ ca̧ oti̧, a̧ro̧rȩ Ütë tjamo̧ ja̧ oa ja̧bepa tara, jabechji̧ chjadëtäremȩde. Jabo ja̧di dari̧ japadëa̧rea̧rȩ ca̧ oti̧. Jabechji̧ dibë chjadëri̧ na̧rȩpea̧ oa ja̧di dari̧ japadëa̧rea̧rȩ mȩnȩro̧ ibë chjadëri̧ cho̧rëdiäpea̧ oa.

Timoteo Ma̧ȩ 2 4:2

Jabechji̧ ji̧dë ma a̧ra̧ano̧vä Ütë tjamo̧ ja̧ ma̧ȩ oa, a̧ra̧ano̧e ano̧rea̧ decjiari̧. Jabechji̧ a̧ra̧ano̧rea̧mi̧dëräbo a̧ra̧ano̧tä yo̧tarequedemȩ, goaedëräbo, mȩnȩ taradëräbo, judiro̧ ta̧rëtämi̧ cjiadëräbo. Jabechji̧ a̧ra̧ano̧jȩrȩ. Jëreeamȩmi̧ dari̧ a̧ra̧ano̧jȩrȩ. Aechide yo̧mȩmi̧ dari̧ a̧ra̧ano̧jȩrȩ, judiro̧ poë cürë jo̧rȩtarea̧mi̧ dari̧. ‘Aja̧, oëra̧diäa̧quëda, jëdano̧pea̧ chiaquëda’ quëna̧rea̧mi̧ dari̧ a̧ra̧ano̧jȩrȩ. Oëra̧diäa̧ji̧ri̧ pio ji̧ri̧bo chi̧dëeajȩrȩ. Ado pume ji̧ri̧ järiparȩpea̧ oa peaja̧di a̧ra̧ano̧jȩrȩ. Jabechji̧ judiro̧ cjätäcjie jo̧rȩtarea̧ dapea̧ oa a̧ra̧ano̧jȩrȩ, chjichjipami̧ dari̧. Jabechji̧ ma̧ chjua jo̧rȩtamȩrȩ a̧ra̧ano̧jȩrȩ. ‘Jabechji̧ cja̧rȩmȩ como̧ a̧ra̧ano̧a̧ üdë jabechji̧ jirodida’ quëna̧rea̧ decjiari̧ ji̧dë ma a̧ra̧ano̧jȩrȩ.

Ebereo Ma̧ȩ 10:34

Ado chaärea̧ bëräpȩ tutia̧ oa cjiaji̧ri̧ pio ji̧ri̧bo cjäri̧ri̧ cjia darëreji̧ri̧renȩro̧jȩrȩ. Ado o judiro̧ dibëa̧ oa chjö̧na̧i̧ oa baë mitëa̧räbo, jabechji̧ ma̧ chiadëri̧ cjiari̧ jo̧rȩtarëreji̧ri̧nȩrȩ, ‘a̧dëräpȩ ju̧ri̧ ji̧dë u̧i̧ ba chiati̧ oa goaquëda, goarijärea̧mi̧dëri̧ a̧dë chjäte ba chia oa goaquëda’ quëna̧ jo̧rȩtaji̧ri̧rȩ.

Pedro Ma̧ȩ 1 1:6

Ado Ütë tjamo̧ judi dibë chjätärea̧ yürüa̧ pio ju̧i̧iä, jabechji̧ a̧dë chjäte ma̧ chiadëri̧ cjiari̧ jo̧rȩtanȩrȩ ca̧ oti̧, mȩnȩro̧ eami̧ti̧ chjai̧dë oa chjätäji̧ri̧borë. Tjamo̧ davä. Mȩnȩro̧ pio yoa chirirä cjo̧ro̧a̧ nö̧ta, dëdë, japamitë boi̧chji̧ nö̧ta eami̧ti̧ chjai̧dë oa chjätäpai̧ danȩrȩ.

Pedro Ma̧ȩ 1 1:8

Jabo jabënȩrȩ ca̧ oti̧. Jechu pio ju̧i̧ jabë dadëa̧nȩrȩ, jabo pio ju̧i̧ jabë dadëa̧räbo, jabechji̧ ea tjamo̧renȩro̧jo̧ȩ. Mȩnȩro̧ pio ju̧i̧ jabë irä dadëa̧räbo chjuari̧ quëna̧renȩro̧jo̧ȩ. Ado pio ju̧i̧iä a̧dë chjäte ma̧ chiadëri̧ cjiari̧ jo̧rȩtarea̧ra̧ pio ju̧ri̧ra̧ jo̧rȩtanȩrȩ ca̧ oti̧, dibëa̧ yara̧ pio ju̧ri̧ra̧ ütarë ni̧bärea̧mi̧dëri̧.

Pedro Ma̧ȩ 1 3:13

Ado pio ju̧i̧ uëri a̧de yo̧mȩrȩ yo̧requededibe ca̧ oti̧. Danȩrȩ, mȩnȩro̧ coëma cjiari̧ cjo̧ro̧pea̧ ji̧ ji̧dë ma järirä judi, jabechji̧ gitori̧ tara tänȩdëpa jirodiro̧dibe pumȩ judiro̧.

Juan Ma̧ȩ 3 1:11

Danȩ ca omȩ, pio jiro pumȩ oa, chjai̧dëri̧ japamȩ pio ju̧i̧, jabechji̧ cho̧rëdiädëjo̧ȩ jabo chjadëri̧ japamȩ pio ju̧i̧mo̧i̧ cho̧rëdiäjo̧ȩ. Jabechji̧ chjadëri̧ japamȩ judi na̧rȩde jënȩ Ütë tjamo̧ pio ju̧i̧iä ado nö̧ria̧ oa cjiapea̧ pio ju̧i̧ chjiari. Jabo chjai̧dëri̧ japamȩ pio judi na̧rȩde jënȩ Ütë tjamo̧ pio ju̧i̧ jabë dabadëa̧ pio ju̧i̧ chjiari.