Ado ju̧i̧ ja̧ jadü judiro̧, jabechji̧ oëra̧ti̧ oa baärëreji̧ri̧dirȩ ma̧ȩ chjadëi̧ pio ju̧i̧ a̧ra̧ano̧pea̧ oa. Ado judiro̧ a̧ra̧ano̧riä tai̧a̧ ji̧, jabechji̧ ibëa̧ Ano̧mȩ pio judi ana̧ri̧ ja̧beparëremȩde pio ji̧ri̧iä. Aja̧, jibëa̧ jauëchjara̧ na̧rȩriä ja̧bepapea̧ oa, pumȩ judiro̧ coëma cjiari̧ quëna̧pea̧ oa, pio ji̧ri̧iä ana̧ri̧ ja̧beparëremȩde. 'Aja̧, na̧rȩdiro̧ibëda, teracaba ma̧ȩdëdida, jabo Ütë tjamo̧ pio ju̧i̧ ja̧ maȩdida, coëma cjiari̧ a̧ra̧ano̧diro̧ibëda' quëna̧rea̧mi̧ dari̧ ana̧ri̧ ja̧beparëremȩde Ano̧mȩ judi pio ji̧ri̧iä. Ja̧ditäde.
Techaronichȩche Ma̧ȩ 1:5 - Biblia Pume5 Jabechji̧ a̧ro̧rȩ ma̧ȩ chjadëi̧ pio ju̧i̧ a̧ra̧ano̧rërea̧ ji̧, a̧ro̧rȩ pio dibëiäpȩmo̧ a̧ra̧ano̧rërea̧ ji̧, jabechji̧ ma̧ȩ maeara̧ a̧ra̧ano̧dëa̧rea̧rȩ, jabo Tjo tjamo̧ ja̧ jauëchja pio ju̧i̧ na̧rȩji̧ri̧rȩ a̧ra̧ano̧rëreji̧ri̧rea̧ro̧dibe, chjuari̧ quëna̧ji̧ri̧rȩ. 'Jabechji̧ ma̧ȩ chjadëi̧ üdë tjamo̧i̧ cjiari̧ baädida, Ütë tjamo̧ ja̧ ma̧ȩdida, ado ana̧ri̧ ja̧beparea̧ chiadida' quëna̧ dabaji̧ri̧rȩ a̧ra̧ano̧rëreji̧ri̧rea̧ro̧dibe. Ado a̧ro̧rȩ dibëa̧ chjarerä cjo̧ro̧ji̧ri̧ oa, jabechji̧ dae chjaorëreji̧ri̧renȩro̧ibe mȩnȩro̧. Dibë chjadëri̧ a̧dorea̧mi̧ dari̧ cjo̧ro̧ji̧ri̧ oa dae chjaoa̧renȩro̧ibe. Faic an caibideil |
Techaronichȩche Ma̧ȩ 1:5
60 Iomraidhean Croise
Danȩ Tiopjiro, pumȩ ba chia tjamo̧mȩ oa go̧ȩpe chjadürequedemȩ. ¿Jabënȩ? ¿Jabë cjo̧ro̧ cjianȩ? 'Jabë cjo̧ro̧ cjia jirodida' quëna̧ jo̧rȩtamȩrȩ go̧ȩpe chjadürequedemȩ omȩ. Danȩ, pumȩ no̧i̧dërë peadëri ja̧ go̧ȩparëreji̧ri̧dirȩ Jechu pio ju̧i̧ chjiari, judi ibëa̧ chjarerä japarërea̧ pio ju̧i̧ chjiari. Ma̧ȩ ji̧ra̧ tjamo̧ oa go̧ȩparëreji̧ri̧dirȩ. Jabo jibëa̧ ma̧na̧ri̧ dabaji̧ri̧rȩ go̧ȩpadëa̧dirȩ jabo irä darëreji̧ri̧ pio ji̧ri̧iämo̧i̧ ta̧rë ëte go̧ȩparëreji̧ri̧dirȩ. Tjamo̧ davä. Jechu pio ju̧i̧iä peadëri ja̧ irä dabaparëreji̧ri̧ pio ji̧ri̧iä ta̧rë ëte go̧ȩparëreji̧ri̧dirȩ pio ibë chjadëri̧ daba tänȩpea̧ oa. Ado pio cüdëborë peadëri ja̧ chjadëri̧ dabapea̧ oaiä, irä darëreji̧ri̧ pio ji̧ri̧iä peaja̧di chjadëri̧ iëno̧ iëno̧ ta̧rëa̧ oaiä, 'jaeboquëda, pio cüdëborë chjadëri̧ go̧ȩparea̧mi̧ daquëda, pio cüdëborë Jechu pio ju̧i̧ chjiari coëma cjiari̧ ütara̧mi̧ go̧ȩpatäremȩquëda' quëna̧ jo̧rȩtamȩpea̧mȩrȩ go̧ȩpe chjadürequedemȩ Tiopjiro.
Ado cja̧rȩmȩrȩ, ibë ta̧rë chayi̧ pio jini̧ Iridia quȩyi̧rëreyi̧nȩ. Tiatira quȩmȩ bë ma̧ri̧ri pio judirirëreyi̧nȩ. Chjibo coto coëcoëa oa, ba chia oa gatë tänȩyi̧rȩ cjo̧ro̧rëreyi̧nȩ. Ado jini̧ judiodëräbo, jabechji̧ Ütë tjamo̧ pio ju̧i̧iäpȩmo̧ chjacjiamȩri̧ jo̧rȩtayi̧rȩ cjo̧ro̧rëreyi̧nȩ. Ado Pablo judi a̧ra̧ano̧rërea̧ ji̧, jabechji̧ oëra̧ti̧ oa a̧dë jo̧rȩtarea̧ decjiari̧ ba chia ta̧rë charëreyi̧nȩjȩ, Ütë tjamo̧ pio judi tänȩa̧ oaiä. Ado quënayi̧pea̧nȩ.
Pio ju̧i̧iä ba chia tjamo̧parȩmi̧ dari̧ japarëremȩdejȩ Ütë tjamo̧ judi ba chiati̧ tjamo̧räpȩ cha tänȩa̧ oaiä, pio ju̧i̧ ja̧ mu̧i̧ chjuari pio judiri cha tänȩa̧ oaiä. Jabechji̧ bëdüa̧mȩ pio ju̧i̧ a̧dëräpȩ yuro cjitë tänȩrëremȩdejȩ Jäjäa pio ju̧i̧ ja̧ cotoräpȩ cha tänȩpea̧ oa. Ado ja̧dëa ji̧ Ama̧i̧ tjamo̧ judi Joja pio ju̧i̧iäpȩmo̧ yürürëremȩdejȩ Tjo tjamo̧ ju̧i̧, jënȩ yo̧ë cji̧därërea̧mi̧. Ado ja̧dëa ji̧ pio ibëiäpȩmo̧ ano̧ mire yürü chjadüa̧diibe yaba̧. Aja̧, Tjo tjamo̧ pio ju̧i̧ yürü chjadüa̧diibe, pio judirimȩ marë. Ado pio ju̧i̧iä tjaoëpai̧ dari̧ ni̧bäji̧ri̧ oa darenȩro̧ibe ca̧ oti̧. Tjamo̧ davä. Tjo tjamo̧ pio ju̧i̧iä oëra̧ti̧ a̧rȩmȩ chirirä ni̧bärea̧ ma̧ȩ oa ni̧bäji̧ri̧ oa ta̧rërenȩro̧ibe —yo̧a̧dejȩrȩ—.
Danȩrȩ ca̧ pumȩ, ma̧ȩ chjadëi̧ pio ju̧i̧ chjiari idëri̧ cjiadërequede. Jabechji̧ pio jiro ma̧ȩ pio ju̧i̧iä chjätärea̧ yürüdejȩ Ütë tjamo̧ judi quëna̧mȩ pio ju̧i̧. Ado pio jiro ma̧ȩ üdë pumȩ ütëbodärä ja̧de. Jabo dëdë, judio pio judiro̧ o ji̧ri̧ ja̧ yaboi̧ ta̧rërëreji̧ri̧diro̧jo̧ȩ jabo jabechji̧, ütëbodärä ja̧de. Ado pio ju̧i̧iä jabechji̧, oëadëmȩmi̧ darë idëri̧ cjiadëreconȩ.
Danȩrȩ, Ütë tjamo̧ pio judiri ma̧na̧ tjamo̧diibe jidatarea̧ üdë. Ja̧di tara pio ju̧i̧iä goë cjo̧dëreconȩ pio dibë chjiari. Jabechji̧ mȩnȩro̧ pio ju̧i̧iäpȩmo̧ quëna̧ji̧ri̧rȩ cjo̧ro̧ tara, jabechji̧ dibëa̧ chji̧ üdë tjuri cjiami̧ dari̧ cjiatä goë cjo̧dëreconȩ ma̧ chiadëri̧ cjiari̧ jo̧rȩtarea̧ra̧, ma̧ chjupi̧ cjiari̧ jo̧rȩtarea̧ra̧ a̧de. Ado ja̧dëa ji̧ Tjo tjamo̧ ja̧ jauëchja oaiä, jabechji̧ jidatarea̧ ji̧ra̧ tjamo̧ oa chiaji̧ri̧rȩ cjo̧ro̧panȩrȩ, a̧dë chjäte ji̧ra̧ri̧ chiari̧.
Ado danȩrȩ ca̧ pumȩ, cjiadiärea̧ japamitërä ütara̧ doro, Ütë tjamo̧ judi Jechu Quiricho pio ju̧i̧iä pumȩ ütëbodärä oa ütarapadejȩrȩ, jënȩro̧ japea̧ pio ju̧i̧. Jabechji̧ mö̧reda̧mi̧ dari̧ ütarapadejȩ pumȩ judiro̧ japea̧ pio ju̧i̧, judiro̧ jibëa̧ chji̧rä jo̧rȩta̧ pio ju̧i̧. Goadirea̧ dadëji̧ri̧ oa ütarapadejȩrȩ judiro̧ japea̧ chjö̧na̧i̧ oa. Pio jiro a̧ra̧ano̧rea̧bo a̧ra̧ano̧mȩrȩ cjo̧ro̧requede, ma̧ȩ chjadëi̧ pio ju̧i̧ a̧ra̧ano̧mȩrȩ.
Jabo Ütërë ëna̧diäa̧ pumȩ pio judiro̧ pio jiro ma̧ȩ oa ta̧rërä, jabechji̧ o judiro̧ jo̧rȩtami̧ jo̧rȩtadë madirȩ jabo tjaoëpai̧ dari̧ jo̧rȩtadirȩ. Tjamo̧ davä. Ütërë ëna̧diäa̧ oa cjiaji̧ri̧ pumȩ pio judiro̧, judio pio judiro̧, ado judiodë pio judiro̧borë pio jiro ma̧ȩ oa ta̧rërä, jabechji̧ ba chia jo̧rȩtadiro̧jo̧ȩ Quiricho pio ju̧i̧. ‘Aja̧, Quiricho pio judi chjadëri̧ dabarea̧ yürüdiibëda, Ütë tjamo̧ judi a̧dë chjäte jauëchja pio ju̧i̧ chjiari dabarea̧ yürüdiibëda, Ütë tjamo̧ judi a̧dë chjäte urëdi tjamo̧ oa jo̧rȩtarea̧ pio ju̧i̧ chjiari dabarea̧ yürüdiibëda’ quëna̧ jo̧rȩtaji̧ri̧rȩ ba chia jo̧rȩtadiro̧jo̧ȩ.
Peaja̧dimi̧ dari̧ cjo̧ro̧tämi̧ cjiamȩrȩ cjo̧ro̧requede ca̧ oti̧. Jabechji̧ ca̧ chji̧rämo̧ jo̧rȩtami̧ dari̧ japadëri̧ cjiarequede, jabo o ji̧ri̧ ja̧ chji̧räbo jo̧rȩtami̧ dari̧ cjo̧ro̧tämi̧ cjiarequede. Pio ju̧i̧iä järi tjamo̧requede o ji̧ri̧iäpȩmo̧ chjadëri̧ japapea̧ ji̧. Ado eami̧ pumȩ judiro̧ jabë Quiricho pio ju̧i̧ chjiari quëna̧dërä judi, chjadëri̧ a̧dotämi̧ cjiarequedejȩrȩ pio judiro̧borë chjadëri̧ chjätärea̧ dapea̧ oa, pio judiro̧borë bape chjaoa̧ oa cjiachea oa. Ado pio ju̧i̧iä ca̧ oti̧, pio ji̧ri̧ ja̧ chji̧räbo jo̧rȩtami̧ dari̧ chjadëri̧ japatämi̧ cjiarequedejȩrȩ.
Jabo danȩrȩ ca̧ oti̧, ¿pio dibë chjiari tjamo̧ri̧ dabadënȩrȩ? Danȩrȩ, Ütë tjamo̧ pio ju̧i̧ ja̧ Tjo üdë dibëa̧ icjararä bëpera̧pea̧de. Tjamo̧ davä, bëpera̧pea̧didibe quëna̧ji̧ri̧ pio ji̧ri̧. Ado pio ju̧i̧iä Cori̧tioräpȩ a̧dopaji̧ri̧ pio judiro̧ Ütë tjamo̧ ja̧ bëmi̧ danȩrȩ. Tjamo̧ davä. Ütë tjamo̧ pio ju̧i̧iäpȩmo̧ chjacjiamȩri̧ jo̧rȩtapea̧ bëmi̧ danȩrȩ.
Danȩrȩ, tjadoro ja̧bepaji̧ri̧mi̧ dari̧ a̧ra̧ano̧rëreji̧ri̧rea̧ro̧dibe. Cüdë cho oa ponȩmȩmi̧ dari̧ tarupë a̧ra̧ano̧rëremȩrequededibe Ütë tjamo̧ ja̧ ma̧ȩ oa. Ado ji̧dë duri oa, Aporo pio judi uira̧ cjarämȩmi̧ dari̧ a̧de a̧ra̧ano̧rëremȩdidibe. Ja̧dimi̧ dari̧ ja̧beparëreji̧ri̧rea̧rȩ jabomo̧ mu̧i̧tjoi̧ maearë, ba chia tjamo̧dë maearë. Jabechji̧ Ütë tjamo̧ pio judide buiu tänȩmi̧ dari̧ japamȩ judi, a̧ro̧rȩdë.
Jabechji̧ Ütërë yo̧a̧ chja̧oerä tjamo̧ri̧ cjo̧ro̧mȩ judi, jabechji̧ tjaoëpai̧ dari̧ cjo̧ro̧rea̧ chiade Tjo tjamo̧ pio ju̧i̧iä. Jabechji̧ o judiro̧ ütarë darea̧mi̧ dari̧ chjadëri̧ na̧rȩriä cjo̧ro̧de Tjo tjamo̧ pio judiri ma̧na̧mȩ ju chiarea̧ra̧ cjo̧ro̧a̧ oaiä. Jabo ya maeara̧ goaeri̧ ni̧bärea̧mi̧dëde. Tjamo̧ davä. Ütërë yo̧a̧ chja̧oerä cjo̧ro̧rea̧ üdë, jabechji̧ ya maeara̧ goaeri̧ ni̧bärea̧mi̧dëde.
Ado peaja̧dimi̧ dari̧ cjo̧ro̧tä eamȩrȩ yo̧rëremȩde ibëa̧ Ano̧mȩ judi ma̧ȩ chjadëi̧ oa a̧ra̧ano̧ji̧ri̧ pio ji̧ri̧ chjiari. Tjamo̧ davä. Judiro̧ ma̧ȩ chjadëi̧ oa a̧ra̧ano̧a̧ oaiä, judiro̧ Ütë tjamo̧ ja̧ ma̧ȩ oa a̧ra̧ano̧a̧ oaiä, jabechji̧ chjadëri̧ cjo̧ro̧rea̧mi̧ dari̧ a̧doa̧ oa cjiatäreji̧ri̧dirȩ ta̧rë chaji̧ri̧ pio ji̧ri̧iä. Tjamo̧ davä. Judiro̧ ja̧bepea̧ ba oa a̧doa̧ oa cjiatäreji̧ri̧dirȩ ta̧rë chaji̧ri̧ pio ji̧ri̧iä.
Ado pio judi chjadëri̧ yürüa̧ oa, jabechji̧ chjadëri̧ ja̧beparea̧ darea̧rȩ yaba̧ ma̧ȩ peaja̧ oa, jënȩ yo̧ë cji̧därërea̧ ma̧ȩ peaja̧ oa. Jabechji̧ pio jiro ma̧ȩ peaja̧ üdë Moicherë go̧ȩparërea̧ ma̧ȩra̧ pio ju̧ri̧ra̧ go̧ȩpadë marëremȩde, jabo Tjo tjamo̧ pio judiri ma̧na̧mȩ ma̧ȩ maeade. Jabechji̧ pearä yürürërea̧ ma̧ȩ üdë bucho ana̧ ja̧borea̧ maea oa yürüdiibe. Bucho ana̧ tutirea̧ maea oa yürüdiibe, jabo ma̧ȩ peaja̧ üdë, cjäri̧ madiibe, cjo̧ro̧rea̧ maea oa yürüdiibe Tjo tjamo̧ pio ju̧i̧iä. Bucho ana̧ cjo̧ro̧rea̧ yürüdiibe. Ado pio ju̧i̧iä pio jiro ma̧ȩ peaja̧ oa a̧ra̧ano̧riä cjo̧ro̧rea̧rȩ ütëbodärä oa a̧ra̧ano̧pea̧ oa. Tjamo̧ davä. Ütërë yürüa̧ ju chiarea̧ra̧ pio ju̧ri̧ra̧ a̧ra̧ano̧rea̧ro̧jo̧ȩ bucho ana̧ cjo̧ro̧rea̧ yürümȩ ma̧ȩ pio ju̧i̧.
Jabechji̧ Ütë tjamo̧ judi coa chjadëri̧ na̧rȩa̧ oaiä, jäa̧requede, 'jätä eadicoada' quëna̧ jo̧rȩtamȩrȩ. Ja̧dëa ji̧ cüdë pio ju̧ri̧pȩ go̧düdäräa̧rä, tjamo̧ jidaji̧ri̧ pio ji̧ri̧ nö̧ta ëba a̧doparëremȩrequedejȩrȩ, quëna̧ji̧ri̧ judiro̧ ba chia daea̧ pio ji̧ri̧ nö̧ta. Aja̧, cüdë ja̧bepea̧ pio ju̧i̧ chjiari chjadëri̧ ni̧bä chjaopea̧ oa, goadi ëba a̧doparëremȩrequedejȩrȩ. Jabechji̧ Quiricho pio ju̧i̧ chjiari ma̧ȩ oa a̧ra̧ano̧a̧ pio ju̧i̧ chjiari, cüdë judiodë pio ji̧ri̧iäpȩmo̧ a̧ra̧ano̧a̧ pio ju̧i̧ chjiari chjadëri̧ ta̧rë tänȩa̧requedejȩrȩ. Jabechji̧ cüdë ja̧bepea̧ üdë dëbëpe chjaoa̧ oa cjiami̧ dari̧ cjiachea oa, cüdë ja̧bepea̧ pio judi tja̧reparȩa̧ oa cjiami̧ dari̧ cjiachea oa, ni̧bä chjaoa̧requedejȩrȩ, cüdë ja̧bepea̧ pio ju̧i̧ chjiari badë jo̧rȩtachea oa.
Jabechji̧ ja̧di dari̧ cjo̧ro̧tä eamȩrȩ ja̧bepade Ütë tjamo̧ judi. Tjamo̧ davä. Jënȩ jo̧rȩta̧mi̧ ana̧ri̧ ja̧bepade dibëa̧ chji̧rä. 'Aja̧, Ütë tjamo̧ judi yo̧a̧mi̧ ta̧rëdiätämi̧ cjiaquëda, jabechji̧ cüdë chjadëri̧ ta̧rëdiärea̧mi̧ dari̧ ju chiarea̧ yürüdicoada, pio ju̧i̧iä chjadëri̧ ta̧rëdiärea̧ daquëda' quëna̧rea̧mi̧ dari̧ ja̧bepade.
Ado mȩnȩro̧ pio coaiä dabapea̧ pio ju̧i̧ ji̧dë ma japachji̧vä. Aja̧, pio coaiä ta̧rëa̧mi̧ cjo̧ro̧chji̧vä. Jabechji̧ cüdë dibëa̧ chjarerä cjo̧ro̧rërea̧ ji̧, dae chjaoa̧renȩro̧coe cjo̧ro̧ cjiamȩ oa. Peaja̧dimi̧ dari̧ cjo̧ro̧chji̧vä. Ado mȩnȩro̧ ja̧di dari̧ cjo̧ro̧rä judi, jabechji̧ ma̧ chjupi̧ cjiari̧ jo̧rȩtarea̧ yürüpadidibe Ütë tjamo̧ judi, pio dibë nö̧ta ëba cjiamȩ pio judi.
Jabechji̧ ja̧di dari̧ goë cjo̧dërequede mȩnȩro̧ dibëa̧ chji̧rä järi tjamo̧ji̧ri̧rȩ jo̧rȩtapea̧ oa, mȩnȩro̧ earea̧ra̧ pio ju̧ri̧ra̧ cja̧rȩmȩrä cara̧ oa cjiami̧ dari̧ cjiapea̧ oa. Jabechji̧ Ütë tjamo̧ judi goadi tänȩrërea̧ ma̧ȩ pio ju̧i̧ codë oa dabatä earequededibe, mȩnȩro̧ tjamo̧i̧ cjiari̧ dabapea̧ oa, chjara chia jo̧rȩtarea̧ decjiari̧ dabapea̧ oa, mȩnȩro̧ cjiadiämi̧ tarari̧ jo̧rȩtapea̧ oa. Jabechji̧ Quiricho pio ju̧i̧ chjiari goadia̧ oa cjiarërea̧ ma̧ȩ pio ju̧i̧ nö̧tadäräri̧ dabatä earequededibe.
Ado pio ju̧i̧iä ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ ju̧i̧ mȩnȩro̧ quëna̧ji̧ri̧pea̧ tara. Jabechji̧ mȩnȩro̧ pearä ta̧rërërea̧ ji̧, 'jabechji̧ Ütë tjamo̧ ja̧ ma̧ȩdida, pumȩ ja̧ ma̧ȩdëdida, jabo Ütë tjamo̧ pio ju̧i̧ ja̧ ma̧ȩdida' quëna̧ jo̧rȩtaji̧ri̧rȩ quëna̧ji̧ri̧pea̧nȩrȩ. Tjamo̧ davä. Ütë tjamo̧ ja̧ ma̧ȩ pio ju̧i̧ quëna̧ji̧ri̧pea̧nȩrȩ ado cja̧rȩmo̧ ma̧ȩdë oa. Ado pio jiro ma̧ȩ üdë, jabechji̧ chjadëri̧ a̧do chjaorëremȩdidibe mȩnȩro̧ tjaoëpai̧ dari̧ cjo̧ro̧pe järea̧mi̧ dari̧.
Aja̧, ja̧di dari̧ chjätärea̧ dapea̧ oa ëna̧diärëremȩdidibe ma̧ȩ chjadëi̧ pio ju̧i̧iä, a̧ro̧rȩ ma̧ȩ chjadëi̧ pio ju̧i̧ a̧ra̧ano̧a̧ oaiä. ¿Jabo tjana̧ japea̧ oa ëna̧diärëremȩdidibe? Tjana̧ japea̧dë, jabechji̧ mȩnȩro̧ dibëa̧ Ano̧mȩ Jechu Quiricho pio ju̧i̧ nöta ëba cjiapea̧ oa, pio ju̧i̧ nöta ba chia tjamo̧räpȩ ëba cjiapea̧ oa ëna̧diärëremȩdidibe.
Ado pio ju̧i̧iä cüdë eami̧ti̧ chjai̧dë oa chjätärä judi, jabechji̧de coaiä. Chja jabechji̧de. Tjamo̧ davä. Ütërë mitëa̧ pumȩ pio judiro̧ Jechu Quiricho pio ju̧i̧iä chjätärea̧ darä judi, judiro̧ Ütërë tatari̧ cjiamȩräpȩ bucho ana̧ cjo̧ro̧rea̧ darä judi, jabechji̧de davä cüdë eami̧ti̧ chjai̧dë oa chjätärä judi.
Ado pio ju̧i̧iä Ütë tjamo̧ pio ju̧i̧iäpȩmo̧ jädärämi̧ dari̧ japatärȩ, chjuari̧ quëna̧ji̧ri̧rȩ. Jabechji̧ chjaocjiarea̧ decjiari̧, pënȩ maeara̧ jo̧rȩtarea̧ decjiari̧ pio ju̧i̧iäpȩmo̧ jädärämi̧ dari̧ japatärȩ. Jabechji̧ a̧ro̧rȩ chjai̧dëri̧ japea̧ üdë duridëparȩa̧ oa cjiade. Ado ibëa̧ chji̧ üdë Quiricho ja̧ goe oaiä pjo̧dechäa̧ oa cjiami̧ dari̧ cjiade. Ado pjo̧dechäa̧ oa cjiami̧ dari̧ cjia̧ oaiä, jabechji̧ chji̧ chjadëra̧ jo̧rȩtarea̧ darea̧rȩ. Ado ibëa̧ icjara üdë uira̧ joa̧ oa cjiami̧ dari̧ cjiade. Ado pio ju̧i̧iä jabechji̧, jädärämi̧ dari̧ japatärȩ Ütë tjamo̧ pio ju̧i̧iäpȩ.
Jabo danȩrȩ, judiro̧ tjamo̧ri̧ dabapatämi̧ cjiaji̧ri̧ borë, cjäri̧ madirȩ, dabapadärärea̧ dadëa̧dirȩ. Jabechji̧ Ütë tjamo̧ judi pio ji̧ri̧ chjadëri̧ daba tänȩa̧ oaiä, ‘jabo cjäri̧ maa̧ro̧da, a̧ro̧rȩ go̧ȩpea̧ ma̧ȩ üdë ibëa̧dëdida, jabo ibëa̧ duri oa ano̧ mire cjo̧ro̧paji̧ri̧ pio ji̧ri̧ ja̧dida’ quëna̧ jo̧rȩtaji̧ri̧pea̧dirȩ. Tjamo̧ davä ca̧ oti̧. Judiro̧ go̧ȩparërea̧ ma̧ȩ üdë dibëa̧ pio judide. Jabechji̧ pio dibëiäpȩmo̧ a̧ra̧ano̧a̧ oa cjiarëremȩde pio jiro ma̧ȩ üdë. Tjamo̧ davä. Pio jiro ma̧ȩ chjadëi̧ üdë, a̧dë chjäte goae tjamo̧mȩ ma̧ȩ pio judi, jabechji̧ pio dibëiäpȩmo̧ to̧bari̧ a̧ra̧ano̧a̧ oa cjiarëremȩde a̧ra̧ano̧ji̧ri̧ pio ji̧ri̧iä, a̧dëri pio judiri chjadüa̧ oa birarëremȩ Tjo tjamo̧ pio ju̧i̧iä. Aja̧, Tjo tjamo̧ pio ju̧i̧iä a̧ra̧ano̧a̧ oa cjiarëremȩde pio ju̧i̧ ja̧ ju chiarea̧ra̧. Ado pio jiro ma̧ȩ üdë a̧dë chjäte goae tara, jabechji̧ a̧dëräpȩ cjiaji̧ri̧ mu̧i̧tjoi̧ pio judiro̧borë järi tjamo̧ji̧ri̧rȩ gürü toboe dae cjiaji̧ri̧mi̧ dari̧ japadirȩ, a̧ro̧rȩ pio jiro ma̧ȩrä chjätärea̧ dapea̧ pio ju̧i̧ chjiari tjamo̧ri̧ dabapatämi̧ cjiaji̧ri̧rȩ, ‘¿yö̧ta dari̧ chjätärea̧ dapadiro̧da?’ quëna̧ dabatämi̧ cjiaji̧ri̧rȩ.
Chjacjiamȩri̧ ni̧bäpea̧de ibëa̧ Ano̧mȩ Jechu pio ju̧i̧ ja̧ Ütë judi, Quiricho pio ju̧i̧ ja̧ Ama̧i̧ judi. Jabechji̧ pio judi ibë a̧dë chjäte cjäri̧ri̧ cjiamȩrȩ jo̧rȩtarërea̧ oaiä, ado nö̧ria̧ oa cjiaji̧ri̧pea̧rea̧rȩ. Tjamo̧ davä. Jechu Quiricho judi ja̧borëremȩrȩ bëdüa̧ oaiä, ado nö̧ria̧ oa cjiaji̧ri̧pea̧rea̧rȩ, a̧ro̧rȩ ma̧diä ma̧diä cjia tänȩdëmȩ jidatarea̧ oa chiaji̧ri̧rȩ cjo̧ro̧pea̧ oa.
Jabo chiri ütë cjo̧ro̧ji̧ri̧ pio judiro̧ japami̧ dari̧ japadëchji̧jȩrȩ. Jabechji̧ ërecjiaji̧ri̧rȩ to̧bari̧ yo̧dëchji̧jȩrȩ, jabo ma̧ȩ bücüi̧ra̧ chjadëri̧ chi̧dëeachji̧jȩrȩ. Jabechji̧ Ütë tjamo̧ judi dibë yürüa̧ pio ji̧ri̧, mȩnȩro̧ chjadëri̧ jidapea̧ oa yürüa̧ pio ji̧ri̧ chjadëri̧ jidachji̧jȩrȩ, cjäri̧ri̧ cjia daji̧ri̧rȩ. Jabechji̧ dibë chjadëri̧ cho̧rëdiärea̧mi̧ dari̧ na̧rȩriä cjo̧ro̧chji̧jȩrȩ.
Ja̧di tara ca̧ oti̧, mȩnȩro̧ järirërea̧ ji̧, jabechji̧ ji̧dë u̧i̧ järipe bagachji̧vä pio jiro cjo̧ro̧rea̧ ba chiara̧ pio ju̧ri̧ra̧ ji̧dë ma na̧rȩriä cjo̧ro̧pea̧ ji̧. Jabechji̧ mȩnȩro̧ ja̧di dari̧ cjo̧ro̧a̧ oaiä, na̧rȩnȩrȩ davä mȩnȩro̧ Ütë tjamo̧ ja̧ pumȩpea̧ pio ju̧i̧ chjiari. Jabechji̧ Ütë tjamo̧ pio judi ëna̧diärëremȩdidibe. Mitërëremȩdidibe. Ado pio ju̧i̧iä jabechji̧ a̧de goaji̧ri̧mi̧ dari̧ na̧rȩriä cjo̧ro̧chji̧vä. Jabechji̧ mȩnȩro̧ ja̧di dari̧ cjo̧ro̧a̧ oaiä no̧dë oa jämi̧ dari̧ cjo̧ro̧dëpanȩrȩ.
Ado pio ju̧i̧iä ji̧dë u̧i̧ chjuari̧ quëna̧ji̧ri̧pea̧rea̧ro̧jo̧ȩ davä Ütërë ea jana̧ chjadüa̧ oa ni̧bäji̧ri̧ judiro̧ go̧ȩparërea̧ ma̧ȩ pio ju̧i̧. Tjamo̧ davä. A̧ro̧rȩ irä daea̧ oaiä, irä ta̧rëa̧ oaiä, ‘jabechji̧ judiro̧ no̧mȩ tjamo̧ri ja̧ go̧ȩparërea̧ üdë tjamo̧i̧ cjiari̧ baädida’ quëna̧ji̧ri̧pea̧rea̧rȩ, ji̧dë u̧i̧ chjuari̧ quëna̧ji̧ri̧rȩ. Ado pio ju̧i̧iä yo̧requededibe ca̧ oti̧. Jabechji̧ ji̧dë ma̧ jo̧rȩtachji̧jo̧ȩ. Ji̧dë ma̧ ta̧rëdiächji̧jo̧ȩ. Jabechji̧ ma̧i̧ da bagönȩräpȩ ju̧ri̧ tataparea̧mi̧ dade ma̧ȩ üdë. No̧ tjamo̧i̧ oa jämi̧ dari̧ cjo̧ro̧pea̧ oa tatami̧ dari̧ a̧dodiibe. Jabechji̧ a̧ro̧rȩ pio yoa chirirä jabë cjo̧ro̧a̧ nö̧ta, a̧ro̧rȩ jabë gȩnȩmi̧ darä cjo̧ro̧a̧ nö̧ta, jabechji̧ tatami̧ darä chjadëri̧ cjo̧ro̧pea̧ oa a̧dodiibe ma̧ȩ üdë a̧ro̧rȩ no̧ oa chjadëri̧ da mirerea̧mi̧ dari̧. Jabechji̧ pio jiro ma̧ȩrä chjadëri̧ cjo̧ro̧täreji̧ri̧nȩrȩ ibëa̧ Ano̧mȩ Jechu Quiricho pio judi ma̧na̧rä yuro, doparä go̧dümȩ büëmi̧ dari̧ cjiamȩ pio judi ma̧na̧rä yuro. Jabechji̧ pio judi ma̧na̧rä, tatami̧ darä jo̧rȩtarea̧ yürüpadiibe jibëa̧ ma̧ȩ pio ju̧i̧ chjiari, a̧ro̧rȩ nö̧tadäräri̧ dabaparea̧mi̧ dari̧.
Sanasan