Techaronichȩche Ma̧ȩ 1:2 - Biblia Pume

² Ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ ju̧i̧ pio dibëiä. 'Jabechji̧ Ütë tjamo̧ judi chjadëri̧ japadiji̧ri̧da, chjadë tjamo̧diji̧ri̧da' quëna̧ jo̧rȩtaji̧ri̧rȩ goë cjo̧dë chjaorea̧ro̧jo̧ȩ pio dibë chjiari.

Techaronichȩche Ma̧ȩ 1:2 Iomraidhean Croise

Domano Ma̧ȩ 6:17

Pearä judi chjai̧dë ja̧ mu̧i̧tjoi̧ji̧ri̧rȩ cjo̧ro̧rëreji̧ri̧nȩrȩ mȩnȩro̧. Jabo ja̧dëa ji̧ cüdë a̧ra̧ano̧a̧ pio ju̧i̧ ta̧rë ja̧boa̧ oaiä, jabechji̧ ya maeara̧ quëna̧rea̧ decjiari̧ quëna̧ji̧ri̧pea̧nȩrȩ järi tjamo̧ji̧ri̧rȩ. Ado pio ju̧i̧iä jabechji̧ ma̧ chiadëri̧ cjiamȩrȩ jo̧rȩtareconȩ Ütë tjamo̧ ju̧i̧iäpȩmo̧.

Cori̧tio Ma̧ȩ 1 1:4

Ji̧dë ma ma̧ chiadëri̧ cjiari̧ jo̧rȩtareconȩ Ütë tjamo̧ pio ju̧i̧iäpȩmo̧ pio dibë chjiari. ‘Jabechji̧ pio judirimȩ maearë cjäri̧ri̧ cjiamȩrȩ yürürëremȩdiji̧ri̧da, judiro̧ chjadëri̧ japadëa̧ ba oa chjadëri̧ yürüa̧diji̧ri̧da, jabechji̧ Jechu Quiricho pio judiri ja̧ji̧ri̧ oa chjadëri̧ yürüa̧diji̧ri̧da’ quëna̧ jo̧rȩtamȩrȩ ji̧dë ma ma̧ chiadëri̧ cjiari̧ jo̧rȩtareconȩ pio dibë chjiari, ‘chjadë tjamo̧ri̧ japea̧diji̧ri̧da’ quëna̧ jo̧rȩtamȩrȩ.

Corochȩche Ma̧ȩ 1:3

A̧ro̧rȩ pio dibë jo̧rȩta̧mi̧ nö̧ta, a̧ro̧rȩ pio dibë chjiari goë cjo̧dëa̧mi̧ nö̧ta, ‘jabechji̧ chjadëri̧ japea̧diji̧ri̧da’ quëna̧ jo̧rȩtarea̧ro̧jo̧ȩ ibëa̧ Ano̧mȩ Jechu Quiricho pio ju̧i̧ ja̧ Ama̧i̧ Ütë pio ju̧i̧, ma̧ chiadëri̧ cjiaji̧ri̧rȩ. 'Aja̧, pumȩ ji̧ri̧ chjadëri̧ japea̧diji̧ri̧da’ quëna̧ jo̧rȩtaji̧ri̧rȩ ni̧bärea̧ro̧jo̧ȩ.

Techaronichȩche Ma̧ȩ 2:13

Ado pio ju̧i̧iä ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ ju̧i̧ mȩnȩro̧ quëna̧ji̧ri̧pea̧ tara. Jabechji̧ mȩnȩro̧ pearä ta̧rërërea̧ ji̧, 'jabechji̧ Ütë tjamo̧ ja̧ ma̧ȩdida, pumȩ ja̧ ma̧ȩdëdida, jabo Ütë tjamo̧ pio ju̧i̧ ja̧ ma̧ȩdida' quëna̧ jo̧rȩtaji̧ri̧rȩ quëna̧ji̧ri̧pea̧nȩrȩ. Tjamo̧ davä. Ütë tjamo̧ ja̧ ma̧ȩ pio ju̧i̧ quëna̧ji̧ri̧pea̧nȩrȩ ado cja̧rȩmo̧ ma̧ȩdë oa. Ado pio jiro ma̧ȩ üdë, jabechji̧ chjadëri̧ a̧do chjaorëremȩdidibe mȩnȩro̧ tjaoëpai̧ dari̧ cjo̧ro̧pe järea̧mi̧ dari̧.

Techaronichȩche Ma̧ȩ 3:9

Ado pio ju̧i̧iä a̧dë chjäte ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ ju̧i̧, 'chjadë tjamo̧ri̧ japea̧diji̧ri̧da' quëna̧ jo̧rȩtamȩrȩ. Ado chji̧ goae tjamo̧ra̧ jo̧rȩtarea̧rȩ pio dibëiä, mȩnȩro̧ chjuari̧ quëna̧ oaiä.

Techaronichȩche Ma̧ȩ 2 1:3

Danȩrȩ ca̧ oti̧, pio dibë jo̧rȩtaji̧ri̧rȩ ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ pio ju̧i̧, 'chjadëri̧ a̧doa̧diji̧ri̧da' quëna̧ jo̧rȩtaji̧ri̧rȩ. Ado ja̧di dari̧ jo̧rȩtapea̧ üdë jabechji̧ chjadë tjamo̧de. Jabechji̧ mȩnȩro̧ ji̧dë u̧i̧ chjuari̧ quëna̧ji̧ri̧pe baga̧ oaiä, mȩnȩro̧ dibëa̧ pumȩ ji̧ri̧ ji̧dë u̧i̧ eaji̧ri̧pe baga̧ oaiä, dibëa̧ dëbëti̧ra̧ chia ji̧dë u̧i̧ eaji̧ri̧pe baga̧ oaiä, jabechji̧ ji̧dë ma ma̧ chiadëri̧ cjiari̧ jo̧rȩtarea̧ro̧jo̧ȩ Ütë tjamo̧ pio ju̧i̧.

Pjiremo̧ 1:4

Cüdë pio mȩa chjiari Ütë tjamo̧ pio ju̧i̧iä goë cjo̧dëa̧mi̧ nö̧ta, jabechji̧ ma̧ chiadëri̧ cjiamȩrȩ jo̧rȩtareconȩ Ütë tjamo̧ ju̧i̧, 'chjadëri̧ japea̧diji̧da’ quëna̧ jo̧rȩtamȩrȩ.