Ado a̧dopaji̧ri̧ pio judiro̧ Santiago pio ju̧i̧ ja̧ ma̧ȩ oa ta̧rëa̧ oaiä, 'jabechji̧ chjadëdida' quëna̧ jo̧rȩtarëreji̧ri̧diro̧jo̧ȩ. Pio ju̧i̧iä Jechurë chjadüa̧ judiro̧, ado tjamo̧ jidaji̧ri̧ pio judiro̧borë mitërëreji̧ri̧diro̧jȩrȩ yo̧a̧ri̧ oari ji̧ri̧, a̧dopaji̧ri̧ ütëbo pio ji̧ri̧ nö̧ta. 'Jabechji̧ ibëa̧ chjareräji̧ri̧ oa mitëtäreji̧ri̧a̧ro̧da, Pablo pio ju̧i̧ nö̧ta, Bernabe pio ju̧i̧ nö̧ta jäpea̧ ji̧ mitëtäreji̧ri̧a̧ro̧da, pio yudirije A̧tioquia quȩmȩräpȩ chjadütäreji̧ri̧a̧ro̧ji̧ri̧da' quëna̧ jo̧rȩtaji̧ri̧rȩ mitërëreji̧ri̧dirȩ yo̧a̧ri̧ oari ji̧ri̧. Aja̧, Juda quȩmȩ pio ju̧i̧ mitëa̧diro̧jo̧ȩ. Ado Juda pio ju̧i̧, peaja̧di Bachaba yo̧rëreji̧ri̧diro̧jo̧ȩ. Ado pio ju̧i̧ uëri Chira quȩmȩ pio ju̧i̧bo a̧de mitëa̧diro̧jo̧ȩ. Aja̧, Jerucharȩräpȩ quëna̧ji̧ri̧ judiro̧ ba chia daea̧ pio ji̧ri̧ mitëa̧diro̧jȩrȩ.
Techaronichȩche Ma̧ȩ 1:1 - Biblia Pume1 Pablo pio judirequede. Ado pio yoa ma̧ȩ oa go̧ȩparequede ca̧ jadü pio ji̧ri̧ nö̧ta, Chivano̧ pio ju̧i̧ nö̧ta, Timoteo pio ju̧i̧ nö̧ta. Pio ji̧ri̧ nö̧ta go̧ȩpe chjadürequededibe Techaronica bë ma̧ri̧räpȩ a̧dopaji̧ri̧ oa. Ibëa̧ Ama̧i̧ Ütë ja̧ maea oa, Ano̧mȩ Jechu Quiricho pio judiri ja̧ maea oa go̧ȩpe chjadürequededibe. Cjäri̧ri̧ cjia jo̧rȩtatädidibe Ütë tjamo̧ judi mȩnȩro̧ ma̧ chjupi̧ cjiari̧ jo̧rȩtarea̧mi̧ dari̧. Faic an caibideil |
Techaronichȩche Ma̧ȩ 1:1
30 Iomraidhean Croise
Jabo iei̧ mu̧i̧tjoi̧ ana̧ji̧ri̧ judiro̧ pio ji̧ daea̧ oaiä, ana̧ri̧ jo̧rȩtaji̧ri̧pea̧dirȩ ma̧ cjüëtü tjamo̧pe bagari̧. 'Jabo cjäri̧ madida, yaröca üdë a̧dë baäa̧diji̧da, chëre boarea̧mi̧dëpea̧ni̧da yaba̧, badëri̧ cjiadiäpaa̧ro̧da' quëna̧ jo̧rȩtaji̧ri̧rȩ chjuari̧ mitëa̧diro̧jo̧ȩ Pablo ju̧i̧, Chira pio ju̧i̧bo. Ado chjua̧ri̧ mitë ëte mu̧i̧ järëreji̧ri̧diro̧jȩrȩ domano tjamo̧ yo̧ji̧ri̧ pio ji̧ri̧iäpȩ, gatë tänȩrea̧ bë ji̧ra̧räpȩ.
Ado Berearäpȩ cjo̧ro̧ji̧ri̧ judio judiro̧ Techaronicaräpȩ cjo̧ro̧ji̧ri̧ pio judiromi̧ dadërëreji̧ri̧dirȩ. Jabechji̧ ji̧dë u̧i̧ järirëreji̧ri̧dirȩ Ütë tjamo̧ ja̧ ma̧ȩ oa dabapapea̧ ji̧. Ta̧ra̧ puë chia maearë ta̧rë ja̧borëreji̧ri̧diro̧jo̧ȩ ma̧ȩ oa, tjamo̧ri̧ dabapatämi̧ cjiaji̧ri̧rȩ. Ji̧dë ma go̧ȩ ni̧bä chjaorëreji̧ri̧diro̧jo̧ȩ Ütë tjamo̧ ja̧ ma̧ȩ oa chjadëri̧ ütarapea̧ ji̧ Pablorë a̧ra̧ano̧a̧ pio ju̧i̧. 'Aja̧, ja̧di dari̧ a̧ra̧ano̧diibëda, ado judi a̧ra̧ano̧a̧ ma̧ȩ üdë coëma cjiadida, jabechji̧ Ütë ja̧ ma̧ȩ pio ju̧i̧ nö̧ta ji̧mo̧ baädida, Ütë tjamo̧ ja̧ ma̧ȩ pio ju̧i̧ tjamo̧ri̧ a̧ra̧ano̧diibëda' quëna̧ jo̧rȩtaji̧ri̧rȩ ji̧dë ma ütarë ta̧rë chjaorëreji̧ri̧diro̧jo̧ȩ Pablorë a̧ra̧ano̧a̧ pio ju̧i̧, tjamo̧ri̧ dabapatämi̧ cjiaji̧ri̧rȩ.
Jabo Chira judi, Timoteo pio judiborë, Machedonia quȩmȩ chiriri pio judiri go̧düdäräa̧rä, Pablo judi ira̧ japea̧ cjiamȩ jo̧ oa chjarapë ja̧beparërea̧ ji̧, jabechji̧ oëra̧diärea̧ decjiari̧ ano̧ mire ja̧bepamȩpea̧de Ütë tjamo̧ ja̧ ma̧ȩ maea oa a̧ra̧ano̧pea̧ oa. Aja̧, judio judiro̧ chjadëri̧ quëna̧pea̧ oa, 'Aja̧, Jechu judi Ütërë mitëa̧ pio judidida, Ütërë mitëa̧ Chjätä Tänȩmȩ pio judidida' quëna̧pea̧ oa goae tarari̧ a̧ra̧ano̧tarëremȩdejȩrȩ.
Pio ju̧i̧iä Machedoniaräpȩmo̧ jabërä chjadürëremȩdejȩrȩ pio jȩa a̧doji̧ri̧ pio ji̧ri̧. Aja̧, jibëa̧ yaboi̧ go̧düdäräpea̧ oa jabërä chjadüa̧dejȩrȩ yo̧a̧ri̧ oa, Timoteo pio ju̧i̧, Eratu pio ju̧i̧bo. Jabo Pablo judi pio ji̧ri̧ nö̧ta jätärea̧ ji̧, jabechji̧ japamitë boi̧chji̧ a̧dë cjiadiärëremȩdejȩrȩ Achia chiriräpȩ.
Jabo jadü chiamȩrȩ baärëremȩde. Aja̧, Chopatoro quȩmȩ judi, Piro joja pio judi, Berea quȩmȩ bë ma̧ri̧rimȩ pio judi ëba baärëremȩdejȩ. Ado Aritaraco judi, ado Checu̧do judi, Techaronica pio judiriji̧ri̧ pio judiro̧ peaja̧di ëba baärëreji̧ri̧diro̧jo̧ȩ. Ado Gayo judi, Derebe quȩmȩ bë ma̧ri̧rimȩ pio judi, ado Timoteo judi, Tiquico judi, ado Toropjimo̧ judi peaja̧di ëba baärëreji̧ri̧diro̧jo̧ȩ.
Ado pio dibëiäpȩmo̧ go̧ȩpe chjadürequededibe Ütërë ea̧ chja̧oerä cjiaji̧ri̧ oa, Domaräpȩji̧ri̧ oa. Aja̧, Ütërë mitëa̧ oa cjiaji̧ri̧ oa go̧ȩpe chjadürequededibe, Quiricho pio ju̧i̧iä tutia̧ oa cjiaji̧ri̧ pumȩ pio ji̧ri̧. Danȩrȩ ca̧ pumȩ, ibëa̧ Ama̧i̧ Ütë pio ju̧i̧iä goë cjo̧dërequede, Ano̧mȩ Jechu Quiricho pio ju̧i̧iäbo. Aja, pio dibë chjiari goë cjo̧dëreconȩ ma̧ chjupi̧ cjiari̧ jo̧rȩtarea̧ yürütä, jënȩ cjäri̧ri̧ cjia da̧ chja̧oerä goae tarari̧ cjo̧ro̧rea̧ yürütä. Ja̧di ta̧rëri yo̧mȩrȩ goë cjo̧dëreconȩ.
Aja̧, Ütë tjamo̧ ja̧ a̧doparea̧ oa go̧ȩpe chjadürequededibe Cori̧tioräpȩji̧ri̧ oa. Tjamo̧ davä, Jechu Quiricho pio judiri ja̧ maea oa, Quiricho pio ju̧i̧iä china̧chjari̧ tutia̧ oa cjiaji̧ri̧ oa go̧ȩpe chjadürequededibe. Jabechji̧ mȩnȩro̧, Ütë tjamo̧ ja̧ pumȩpea̧ji̧ri̧rȩ Quiricho pio ju̧i̧iä ëna̧diäa̧ oa cjiaji̧ri̧pea̧nȩrȩ china̧chjari̧ tutia̧ oa cjiapea̧ oa. Ado pio dibëiäpȩmo̧ go̧ȩpe chjadürequededibe ca̧ oti̧. Ado pio dibëmo̧dë oa, jabo oëra̧ti̧ oa cjo̧ro̧ji̧ri̧ pio ji̧ri̧bo jo̧rȩtamȩrȩ go̧ȩpe chjadürequedejȩrȩ, Ano̧mȩ Jechu Quiricho ju̧i̧ quëna̧ji̧ri̧ pio ji̧ri̧.
Danȩrȩ ca̧ oti̧, pio dibë jo̧rȩtamȩrȩ go̧ȩpe chjadürequededibe. ¿Jabënȩrȩ? ¿Jabë cjo̧ro̧ baänȩrȩ? ‘Jabë cjo̧ro̧ baä jirodiro̧da’ quëna̧ jo̧rȩtamȩrȩ go̧ȩpe chjadürequededibe. Danȩrȩ, Pablo pio judirequede. Ado Ütë tjamo̧ pio judi ütarë jo̧rȩtarërea̧mi̧ Jechu Quirichorë chjadüa̧requede. Ado pio yoa ma̧ȩ oa go̧ȩpe chjadürequededibe yaba̧. Tjamo̧ davä. Cüdë, ado ibëa̧ omȩ Timoteo pio judiborë go̧ȩpe chjadürea̧ro̧dibe pio yoa ma̧ȩ oa. Aja̧, Cori̧tio quȩmȩ bë ma̧ri̧räpȩ a̧dopaji̧ri̧ oa go̧ȩpe chjadürea̧ro̧dibe Ütë tjamo̧ ja̧ a̧doparea̧ pio ji̧ri̧. Ado Acaya quȩmȩ chiriräpȩ quëna̧ji̧ri̧ pio ji̧ri̧bo jo̧rȩtaji̧ri̧rȩ go̧ȩpe chjadürea̧ro̧jȩrȩ pio yoa ma̧ȩ oa, tutia̧ oa cjiaji̧ri̧ pumȩ pio ji̧ri̧iäpȩmo̧.
Ado peaja̧di dari̧ ni̧bämȩde Jechu Quiricho judi, Ütë tjamo̧ ja̧ Joja pio judi. Jabechji̧ ano̧ mire quëna̧dëmȩde. Ano̧ mire jo̧rȩtadëmȩde. Ado cüdë dibë Jechu pio ju̧i̧ chiari a̧ra̧ano̧rërea̧ ji̧, Timoteo pio ju̧i̧ nö̧ta, Chivano quȩmȩ pio ju̧i̧ nö̧ta a̧ra̧ano̧rërea̧ ji̧, jabechji̧ ji̧dë ma ano̧ mire jo̧rȩtamȩ pio ju̧i̧ chjiari, tjaoëpe bagami̧ dari̧ jo̧rȩtamȩ pio ju̧i̧ chjiari a̧ra̧ano̧dërëremȩrequededibe, jabo cja̧rȩmȩ coëma maea oa jo̧rȩtamȩ pio ju̧i̧ chjiari a̧ra̧ano̧rëremȩrequededibe. Jabechji̧ a̧ro̧rȩ araano̧rërea̧ pio judi, jabechji̧ Jechu judi jo̧rȩta̧mi̧ yo̧mȩde. Ado judi yo̧a̧mi̧ japamȩde peaja̧di u̧i̧parea̧ decjiari̧, ji̧dëdiä ni̧bärea̧ decjiari̧.
Ado pio judi chjadüa̧ oa go̧ȩpe chjadürequededibe. Ado danȩrȩ, jearea̧ chjadürequededibe, pio dibë cjäri̧ri̧ cjia jo̧rȩtamȩrȩ. Ado pio coadiji̧ri̧ pio judiro̧borë jearea̧ chjadüdiro̧dibe, ibëa̧ oti̧ pio judiro̧borë. Tjamo̧ davä. Garachia quȩmȩ chiriräpȩ a̧dopë cjiaji̧ri̧ oa, buba ji̧ra̧ oa, Ütë tjamo̧ pio ju̧i̧iäpȩmo̧ quëna̧ji̧ri̧ oa jearea̧ chjadürea̧ro̧dibe.
Pablo pio judirequede cüdë. Ado Timoteo pio ju̧i̧ nö̧tamȩrȩ go̧ȩpe chjadürequededibe pio yoa ma̧ȩ oa. Jabechji̧ Jechu Quiricho pio ju̧i̧ ja̧ mu̧i̧tjoi̧rea̧rȩ. Ado Pjiripo quȩmȩ bë ma̧ri̧räpȩji̧ri̧ oa, tutia̧ oa cjiaji̧ri̧ pumȩ ütëbodärä oa go̧ȩpe chjadürequededibe, Jechu Quiricho pio judiri ja̧ maea oa. Ado tjamo̧ jidaji̧ri̧ pio ji̧ri̧bo go̧ȩpe chjadürequededibe, tjamo̧ a̧doji̧ri̧ pio ji̧ri̧bo.
Pablo quȩmȩrequede cüdë. Ca̧ jadü pio ji̧ri̧ nötamȩrȩ go̧ȩpe chjadürequededibe Timoteo quȩmȩ pio ju̧i̧ nöta, Chivano̧ quȩmȩ pio ju̧i̧ nöta. Aja̧, pio ji̧ri̧ nöta cjiamȩrȩ go̧ȩpe chjadürequededibe Techaronica quȩmȩ bë ma̧ri̧räpȩ a̧dopaji̧ri̧ oa. Ibëa̧ Ama̧i̧ ja̧ maea oa, Ano̧mȩ Jechu Quiricho pio judiri ja̧ maea oa go̧ȩpe chjadürequededibe.
Pio yoa ma̧ȩ oa go̧ȩpe chjadürequedemȩ Timoteo, ca̧ ja tjamo̧ oa. Jabechji̧ pio cüdë a̧ra̧ano̧a̧ oaiä, quëna̧mȩpea̧renȩ. Ja̧di tara jarequedemȩ. Ibëa̧ Ama̧i̧ Ütë judi, ibëa̧ Ano̧mȩ Jechu Quiricho pio judiborë chjamȩ yürütädiro̧mȩ. Aja̧, cjäri̧ri̧ cjia jo̧rȩtatädiro̧mȩ, mȩnȩ ma̧ chjupi̧ cjiari̧ jo̧rȩtarea̧mi̧ dari̧.
Ado pio yoa ma̧ȩ oa go̧ȩpe chjadürequedemȩ Timoteo, ca̧ jami̧ da oa. ¿Jabënȩ? ¿Jabë cjo̧ro̧ cjianȩ? 'Jabë cjo̧ro̧ baä jirodida, chjadëri̧ cjo̧ro̧ cjia jirodida' quëna̧ jo̧rȩtarequedemȩ. Danȩ, ea tjamo̧requedemȩ. Ado jabechji̧ chjadëri̧ japatädimȩ ibëa̧ Ama̧i̧ Ütë judi, ibëa̧ Ano̧mȩ Jechu Quiricho pio judiborë. Jabechji̧ cjäri̧ri̧ cjia daji̧ri̧rȩ chjadëri̧ jidatädiro̧mȩ. Chjadëri̧ a̧dotädiro̧mȩ, mȩnȩ chji̧ goaera̧ jo̧rȩtarea̧mi̧ dari̧, ma̧ chjupi̧ cjiari̧ jo̧rȩtarea̧mi̧ dari̧.
Danȩrȩ, Chivano quȩmȩ pio judi coa chjadëri̧ go̧ȩpe yürüa̧ oaiä, cüdë ni̧bä chjaoa̧ duri pio ju̧i̧ go̧ȩpe yürüa̧ oaiä, jabechji̧ pio yoa ma̧ȩ go̧a̧ti̧ tjamo̧dë oa go̧ȩpe chjadürequededibe ca̧ oti̧. Ado Chivano judi, jabechji̧ ibëa̧ omȩde. Ado Ütë tjamo̧ ja̧ ma̧ȩ oa ta̧rëdiämȩrȩ ja̧bepamȩde chjadëri̧. Ado pio judi chjadëri̧ a̧doa̧dique pio yoa ma̧ȩ oa go̧ȩpapea̧ ji̧. Ado pio yoa ma̧ȩra̧ pio ju̧ri̧ra̧ chi̧dëeatämi̧ cjiarequededibe ca̧ oti̧, mȩnȩro̧ chjadëri̧ dabatä. Jabechji̧ mȩnȩro̧ eami̧ti̧ chjai̧dë oa chjätärä, Ütë tjamo̧ pio judi cjäri̧ri̧ cjiamȩrȩ a̧dopadidibe. Ado pio ju̧i̧ tjamo̧ri̧ jo̧rȩtariä cjo̧ro̧tä earequededibe ca̧ oti̧, mȩnȩro̧ jo̧rȩtadëpe bagarea̧ decjiari̧.
Tjamo̧ davä. A̧ro̧rȩ irä darërea̧ pio ju̧i̧ chjiari, a̧ro̧rȩ irä ta̧rërërea̧ pio ju̧i̧ chjiari a̧ra̧ano̧rea̧ro̧dibe ca̧ oti̧, mȩnȩro̧ pio ibë nö̧ta ori̧ bagari̧ ëba cjiarea̧ dapea̧ oa. Jabo danȩrȩ, pio ibë nö̧tamo̧dë, jabo Ama̧i̧ tjamo̧ pio ju̧i̧ nö̧ta ori̧ bagari̧ ëba cjiarea̧ dapanȩrȩ peaja̧di. Ado jibëa̧ Ja pio ju̧i̧ nö̧ta ori̧ bagari̧ ëba cjiarea̧ dapanȩrȩ peaja̧di, Jechu Quiricho pio ju̧i̧ nö̧ta.
Danȩrȩ, jo̧rȩtarequededibe. ¿Jabënȩrȩ? ¿Jabëti̧ cjianȩrȩ? ‘Jabë cjo̧ro̧ cjia jirodiro̧da’ quëna̧ jo̧rȩtamȩrȩ go̧ȩpe chjadürequededibe ca̧ oti̧. Danȩrȩ, Juda quȩmȩrequede cüdë. Santiago pio ju̧i̧di ja̧mȩrequede. Ado Jechu Quiricho pio ju̧i̧ ja̧ mu̧i̧tjoi̧mȩrȩ ja̧beparequede. Ado Ütë tjamo̧ pio judi ëna̧diäa̧ oa cjo̧ro̧ji̧ri̧ pio ji̧ri̧iäpȩmo̧ ma̧ȩ oa go̧ȩpe chjadürequededibe, Ama̧i̧ Ütërë ea̧ chja̧oerä cjo̧ro̧ji̧ri̧ oa, Jechu Quiricho pio judi jida̧ oa cjo̧ro̧ji̧ri̧ oa.