Jechurë Na̧rȩrërea̧ Ma̧ȩ 9:3 - Biblia Pume

³ Ado chjäri pio judiri go̧dü chjaoreji̧ri̧dirȩ tagarami̧ da judiro̧ no̧i̧dërë, ütararea̧mi̧dërë. Ado guarea̧ chiaji̧ri̧pea̧dirȩ chjiaarami̧ dari̧. Ë chiaji̧ri̧pea̧dirȩ. Cja̧rȩmȩrȩ yürüa̧ oa ja̧di dari̧ chiaji̧ri̧pea̧dirȩ.

Jechurë Na̧rȩrërea̧ Ma̧ȩ 9:3 Iomraidhean Croise

Lucas 10:19

Tjamo̧ davä ca̧ pumȩ, cüdë pio dibëiäpȩmo̧ tjamo̧ yo̧rea̧ pio ju̧i̧ yürüa̧requededibe Ichiae pio ju̧i̧ chjadëri̧ boadäräpea̧ oa, pio ju̧i̧ ja̧ jauëchja oa chjadëri̧ dëbëpe chjaopea̧ oa. Ado cüdë ja̧di dari̧ yürüa̧ oaiä, jabechji̧ po oa boë cjaeäräbo, chjai̧dë oa chjätädëpanȩrȩ, chjia ara boë cjaeäräbo. Jabechji̧ cüdë dibë ca̧ tjamo̧ yo̧rea̧ oa yürüa̧ oaiä, jabechji̧ eami̧ üdë dibë gitori̧ japarea̧ dadëpadidibe. Aja̧, chjadëri̧ yürüa̧requededibe.

Jechurë Na̧rȩrërea̧ Ma̧ȩ 9:5

Pumȩ pio ji̧ri̧ ja̧bo tänȩrea̧ dadëa̧diro̧jȩrȩ, jabomo̧ conȩdae chjaoreji̧ri̧diro̧jȩrȩ cja̧rȩichimo̧ gupënȩ nö̧ta. Ado ji̧ri̧iäpȩmo̧ gua̧ üdë, chjiaararë gua̧ oa gitomi̧ tarari̧ gitoremȩde.

Jechurë Na̧rȩrërea̧ Ma̧ȩ 9:7

Ado tagarami̧ da pio judiro̧, jabechji̧ yaemi̧ dareji̧ri̧dirȩ. Danȩrȩ, guadia üdë jibëa̧ yaera̧ acji tai̧rä, jabechji̧ chjadëri̧ ina̧ oa cjiade yae üdë chiparari pjatëra̧ judi chjadëri̧ jida̧ oa cjiapea̧ oa, chjito̧ra̧ aea̧ oa cjiachea oa. Peaja̧dimi̧ dari̧ ina̧ oa cjiareji̧ri̧dirȩ taragami̧ da pio judiro̧. Ado peaja̧di orora̧ japea̧ oa cjiamȩ pachecherea̧ oa yuareji̧ri̧dirȩ, chiri ütërë yuami̧ dari̧. Ado jibëa̧ dacho üdë, jibëa̧ chamacho üdë, jabechji̧ pumȩ chamachomi̧ dari̧ cjiaremȩde. Aja̧, pumȩ dachorë cjiami̧ dari̧ cjiaremȩde.