Jechurë Na̧rȩrërea̧ Ma̧ȩ 7:9 - Biblia Pume9 Ado pio ju̧i̧ duri oa daea̧requede pumȩ bubati̧ oa, pumȩrȩ ütararea̧mi̧dë oa. Chiri nö̧tai̧ oa cjo̧ro̧ji̧ri̧ pumȩ pio ji̧ri̧, ado cja̧rȩmo̧ jo̧rȩtarea̧ chiaji̧ri̧ pio ji̧ri̧, ado cja̧rȩmo̧ ma̧ȩ oa ni̧bäji̧ri̧ pio ji̧ri̧, ado cja̧rȩmo̧ taruri ja̧ pumȩ pio ji̧ri̧ daea̧requede, a̧dë chjäte ji̧ra̧ tjamo̧ oa. Aja̧, Ütë ja̧ charea̧ dëbëräpȩ cjiaji̧ri̧ oa daea̧requedejȩrȩ, Oveja pëi̧ chjamȩmi̧ da pio ju̧i̧ ja̧ dëbëräpȩ cjiaji̧ri̧ oa. Chjibo bërebërea maeara̧ ina̧ji̧ri̧ oa, tjotjo pjö̧dami̧ da oa ara cjiaji̧ri̧ oa daea̧requedejȩrȩ. Faic an caibideil |
Jechurë Na̧rȩrërea̧ Ma̧ȩ 7:9
41 Iomraidhean Croise
Ado danȩ Juda, na̧ea̧ri ja̧ji̧ri̧ judiro̧ chiri ütëji̧ri̧rȩ cjo̧ro̧padirȩ. Tjamo̧ yo̧ji̧ri̧rȩ cjo̧ro̧padirȩ. Jabechji̧ ji̧dë ma ütërë cjo̧ro̧padirȩ ütëdëpe järea̧ decjiari̧. Aja̧, Ütë tjamo̧ pio judi birë ma̧na̧rä yuro ja̧di dari̧ cjo̧ro̧padirȩ. Ado ja̧dëa ji̧ Ütë judi pio judi birë ma̧na̧rä, jabechji̧ pumȩ ütëborë ta̧rëdiä mapadiro̧jo̧ȩ na̧ea̧ri ja̧mȩ pio ju̧i̧.
Ado cja̧rȩmo̧ uiremȩrä, chiri ütë cjo̧ro̧mȩ Nabucodonocho judi, jënȩ chjätärërea̧ pio ju̧i̧ chjiari go̧ȩpamȩrȩ ma̧ȩ chjadürëremȩdejȩrȩ jibëa̧ pumȩ ji̧ri̧, ja̧di ta̧rëri̧ yo̧mȩrȩ: —Aja̧, cüdë, Nabucodonocho pio judi ma̧ȩ chjadürequededibe ca̧ chja̧oerä cjo̧ro̧ji̧ri̧ ütëbodärä oa. Aja̧, ado cja̧rȩmo̧ taru ëbaji̧ri̧ pio ji̧ri̧, ado cja̧rȩmo̧ chiriräpȩ cjo̧ro̧ji̧ri̧ pio ji̧ri̧, ado cja̧rȩmo̧ ma̧ȩ oa ni̧bäji̧ri̧ pio ji̧ri̧ ma̧ȩ chjadürequededibe oëra̧ti̧ oa cjiaji̧ri̧ oa. Aja̧, jearea̧ chjadürequededibe mȩnȩro̧ chjadëri̧ cjo̧ro̧tä eamȩrȩ, mȩnȩro̧ jabëdiärea̧ decjiari̧ cjo̧ro̧tä eamȩrȩ.
Ja̧dëa ji̧ chiri ütë cjo̧ro̧mȩ judi, Dario pio judi pio yoa ma̧ȩ oa go̧ȩpe chjadürëremȩdejȩrȩ jibëa̧ chja̧oerä cjo̧ro̧ji̧ri̧ pumȩ pio ji̧ri̧. Ja̧di ta̧rëri̧ go̧ȩpea̧ oa cjiamȩ ma̧ȩ oa go̧ȩpe chjadürëremȩdejȩrȩ go̧ȩ irä: —Aja̧ ca̧ pumȩ, jearea̧ chjadürequededibe ütëbodärä oa, chiriräpȩti̧ oa cjo̧ro̧ji̧ri̧ pio ji̧ri̧. Aja̧, ado cja̧rȩmo̧ ma̧ȩ oa ni̧bäji̧ri̧ oa, ado cja̧rȩmo̧ chiriräpȩ cjo̧ro̧ji̧ri̧ oa, ado cja̧rȩmo̧ taru ëbaji̧ri̧ oa jȩarea̧ chjadürequededibe. Jabechji̧ chjadëri̧ cjo̧ro̧tä eamȩrȩ jearea̧ chjadürequededibe mȩnȩro̧ chjai̧dë oa chjätädëji̧ri̧rȩ cjo̧ro̧tä, mȩnȩro̧ jabëdiärea̧ decjiari̧ goaji̧ri̧rȩ cjo̧ro̧tä.
Ado pumȩ noi̧dërë Jechu pio ju̧i̧ iëno̧ iëno̧ cjia̧ nö̧ta, pumȩ buba tjamo̧rȩ a̧doparëreji̧ri̧dirȩ a̧dë chjäte no̧i̧dërë. Ado ji̧ra̧ tjamo̧pe baga̧ oaiä, jabechji̧ o ji̧ri̧ ja̧ ta oa boa boa cjaeä chjätä chjaorëreji̧ri̧dirȩ, goë pjo̧ra̧ cjia oaiä. Ado Jechu judi jibëa̧ jadü pio ji̧ri̧iäpȩmo̧ mȩmȩrȩpë damȩrȩ yo̧a̧dejȩrȩ: —Quëna̧chji̧vä. Na̧e chiachji̧vä —yo̧a̧dejȩrȩ—. Pjaricheo ja̧ pjuru chiaparȩrea̧mi̧ da pio ju̧i̧ chjiari na̧ȩ chiachji̧vä. Ado Chaducheo pio ji̧ri̧ ja̧ pjuru chiaparȩrea̧mi̧ da pio ju̧i̧ chjiari na̧e chiachji̧vä peaja̧di —yo̧a̧dejȩrȩ—. Ado mȩnȩro̧ pio ju̧i̧ chjiari dabadëchea oa, mȩnȩro̧ 'pjaricheo pio ji̧ri̧ ja̧ pjuru chiaparȩrea̧mi̧ da üdë ¿tjana̧cjivadi?' quëna̧chea oa, jabechji̧ chjadëri̧ yo̧parequededibe —yo̧a̧dejȩrȩ—. Danȩrȩ, yo̧a̧ri̧ ya chiami̧ dari̧ ni̧bädirȩ pjaricheo judiro̧. Dëdë, chjadëri̧ japaji̧ri̧mi̧ dari̧ cjo̧ro̧dirȩ jabo cjäri̧ madirȩ, chjai̧dë pio ju̧i̧ jape chjaoji̧ri̧rȩ cjo̧ro̧dirȩ. Jabechji̧ pjuru chiaparȩrea̧ üdë tirigo pjo̧no̧ pio ju̧i̧ nö̧ta a̧de mirea̧ oaiä ji̧dë u̧i̧ ana̧pe bagami̧ dari̧ japadejȩ, pjo̧no̧ codë oa boamȩrȩ. Ado peaja̧dimi̧ dari̧ japadirȩ pio jiro pumȩ judiro̧. Jabechji̧ judiro̧ chjai̧dëri̧ japea̧ üdë ji̧dë u̧i̧ ana̧pe bagami̧ dari̧ cjiade o ji̧ri̧iäpȩmo̧ boamȩmi̧ dari̧. Ado pio ju̧i̧iä na̧e chiatä earequededibe.
Ado pio ju̧i̧iä jabechji̧, ji̧dë ma dadiäji̧ri̧mi̧ dari̧ na̧e chiaji̧ri̧rȩ cjo̧ro̧chji̧vä tjaoërämo̧dë. Ado ji̧dë ma goë cjo̧dëriä cjo̧ro̧chji̧vä Ütë tjamo̧ pio ju̧i̧iä, judi dibë ju chiarea̧ yürütä, mȩnȩro̧ chjai̧dë oa chjätäa̧ oaiä oëra̧diädëtä. Tjamo̧ davä, mȩnȩro̧ dami̧ti̧ uapai̧ da oa chjadëri̧ chjätärea̧ datä, mȩnȩro̧ Pumȩrȩ Ara̧ Tjamo̧ pio ju̧i̧ ja̧ dëbëräpȩ idëri̧ cjiadëji̧ri̧rȩ cjiatä, jabechji̧ goë cjo̧dëchji̧jo̧ȩ pio ju̧i̧iä, ji̧dë ma goë cjo̧dëji̧ri̧rȩ —ni̧bä chjaomȩrȩ cjiadiärëremȩde Jechu judi, jibëa̧ jadü pio ji̧ri̧iäpȩmo̧ ana̧ri̧ ni̧bä chjaorërea̧ ji̧, ji̧dë duri oa ma̧na̧pamȩ pio ju̧i̧ chjiari ni̧bä chjaorërea̧ ji̧.
Ado Jechu pio jui̧ chjiari̧ ta̧rëa̧ oaiä, chjaodëri̧ budeno̧a̧dirȩ tjotjo a̧rümi̧ da oa, ji̧ra̧ tjamo̧ oa. Ado mu̧i̧ji̧ri̧rȩ järëreji̧ri̧dirȩ jana̧pamȩ pio ju̧i̧ dëbëdiäpea̧ oa. Ado ja̧dëa ji̧ Jechu pio ju̧i̧ no̧ro jana̧mȩ oa daea̧ji̧ri̧rȩ ja̧di ta̧rëri̧ ëna̧diäa̧dirȩ: —Ibëa̧ Ano̧mȩ pio yoa chjacjiamȩri̧ ni̧bätäro̧jo̧ȩ. Jabechji̧ a̧dëräpȩ cjiamȩ Ano̧mȩ pio judi chjadüa̧ oa ma̧na̧diibe. Jabechji̧ chjacjiamȩri̧ ni̧bätäro̧jo̧ȩ ibëa̧ Ütë oa, Icharai pio judiri ja̧ji̧ri̧ ja̧ Ütë oa —yo̧ji̧ri̧rȩ ëna̧diärëreji̧ri̧dirȩ.
Danȩrȩ ca̧ jadü, judio pio ji̧ri̧ chjiari goadia̧ oa cjiami̧ dari̧ cjiarërea̧ ma̧ȩ pio ju̧i̧ chjadëri̧ dabatä earequededibe mȩnȩro̧ oëra̧ jo̧rȩtachea oa, 'Aja̧, o ji̧ri̧ u̧i̧ dabaji̧ri̧rȩ cjo̧ro̧a̧ro̧da' quëna̧chea oa. Danȩrȩ, judio judiro̧ orë bucho ana̧ jiadaji̧ri̧rȩ cjo̧ro̧dëpadirȩ jabo ado chjereno̧ quëna̧padirȩ. Ado chjereno̧ ta̧rë ja̧bopadirȩ. Danȩrȩ, Ütërë ütara̧ judiodë pio judiro̧ quëna̧ji̧ri̧pea̧rä, judi mitëa̧ judiodë pio judiro̧ ütëbodärärë quëna̧ji̧ri̧pea̧rä, jabechji̧ ado chjereno̧ quëna̧padirȩ judio judiro̧.
Ja̧di tara yo̧requediibe ca̧ oti̧. Jabechji̧ Ütërë yürüa̧ra̧ pio ju̧ri̧ra̧ tuti inëno̧chji̧vä. Chjiparari pjatë chiamȩ ina̧rea̧mi̧ dara̧ pio ju̧ri̧ra̧ inëno̧chji̧vä a̧dë ina̧rea̧ decjiari̧. Jabechji̧ chjadëri̧ ina̧ oa cjiami̧ dari̧ cjia oaiämo̧i̧ dëbëpe chjaodärärea̧ daparenȩro̧jȩrȩ dibë boata domȩ ju̧i̧iä. Aja̧, duriräpȩmo̧ a̧dë bagurarea̧ decjiari̧ dëbëpe chjaorea̧ daparenȩrȩ u̧i̧pataji̧ri̧ yaröca pio judiro̧ dibë a̧dë baäa̧rä yuro.
Ado pio ju̧i̧iä yo̧requededibe ca̧ oti̧. Taruparea̧mi̧dërä taruparëreji̧ri̧dirȩ Abaraa̧rea̧ pio judiri ja̧ji̧ri̧ judiro̧. Jabechji̧ Abaraa̧rea̧ pio judi a̧dë chjäte ütama̧i̧rëremȩde. Bo nö̧rirea̧mi̧dëri̧ cjo̧ro̧rëremȩde peadë. Jabo ja̧di dari̧ cjiaräbo, jabechji̧ Abaraa̧rea̧ pio ju̧i̧iä taruparëreji̧ri̧dirȩ, cja̧rȩmȩ üi̧ pio ju̧i̧iä. Ado yaba̧ jabechji̧ a̧dëräpȩ cjiamȩ büëmi̧ dari̧ ji̧ra̧ tjamo̧pea̧dirȩ Abaraa̧rea̧ pio judiri ja̧ji̧ri̧ judiro̧, ui ana̧ yuroro china̧mȩ dabu nȩgȩ chomi̧ dari̧. Jabechji̧ ütararea̧mi̧dëri̧ cjiaji̧ri̧pea̧dirȩ yaba̧.
Jabo cjäri̧ manȩrȩ ca̧ oti̧, judiro̧ go̧düdärärërea̧räpȩ go̧düdärädëa̧rea̧rȩ. Judiro̧ jibëa̧ dachora̧ darërea̧mi̧ dadëa̧rea̧rȩ jabo ado cja̧rȩmo̧räpȩ go̧düdäräa̧mi̧ dari̧ cjiarea̧rȩ. Jabechji̧ a̧dëräpȩ cjiamȩ Jerucharȩ quȩmȩ bë ma̧ri̧räpȩ ju̧ri̧ go̧düdäräa̧mi̧ dari̧ cjiarea̧rȩ, Chio̧ quȩmȩ ya̧mi̧räpȩ ju̧ri̧. Ja̧bodëmȩ pio ju̧i̧ ja̧ bë ma̧ri̧räpȩ ju̧ri̧ go̧düdäräa̧mi̧ dari̧ cjiarea̧rȩ. A̧dëräpȩ cjiamȩ mu̧i̧tjoi̧ ütararea̧mi̧dërë cjiamȩräpȩ ju̧ri̧ go̧düdäräa̧mi̧ dari̧ cjiarea̧rȩ, judiro̧ Ütë tjamo̧ pio ju̧i̧iäpȩmo̧ chjacjiamȩri̧ ni̧bäpea̧ oa a̧dopë cjiamȩräpȩ ju̧ri̧.
Ja̧dëa ji̧ ado cja̧rȩmo̧ mu̧i̧tjoi̧ üdë pjura̧dejȩ jibëa̧ pjurarea̧ra̧. Cja̧ȩta̧ra̧ ichiri cja̧rȩmȩ mu̧i̧tjoi̧rȩ jibëa̧ra̧ pjurarërea̧ ji̧, cjiadiäa̧mȩ pio judi pjura̧dejȩ jibëa̧ra̧. Ado a̧dëräpȩji̧ri̧ pio judiro̧ chjaodëri̧ ni̧bäji̧ri̧pea̧dirȩ to̧bari̧. Ado ja̧di ta̧rëri̧ yo̧a̧dirȩ: —Pio yaba̧ doro Ütë tjamo̧ judi tjamo̧ cjo̧ro̧mȩrȩ cjo̧ro̧pade daburäpȩ —yo̧a̧dirȩ—. Pumȩ ütëbodärärë pio ju̧i̧ ja̧ chja̧oerämo̧ cjo̧ro̧padirȩ, ja̧di dari̧ cjo̧ro̧dërërea̧ ji̧. Ado Chjätä Tänȩmȩ pio ju̧i̧ ja̧ chja̧oerä cjo̧ro̧padirȩ peaja̧di, Ütërë chjadüa̧ pio ju̧i̧ ja̧ chjaoerä. Jabechji̧ pio judiro̧ tjamo̧ cjo̧ro̧ji̧ri̧rȩ cjo̧ro̧padirȩ bucho ana̧, yuroparea̧ decjiari̧. Aja̧, ja̧di ta̧rëri̧ yo̧ji̧ri̧ oa ta̧rëa̧requedejȩrȩ.
Ado eami̧ti̧ china̧chja üdë, Ütë tjamo̧ pio ju̧i̧iä jabechji̧dëmȩ üdë, Ütë tjamo̧ ju̧i̧iä goaedëmȩ üdë, jabechji̧ bë ma̧ri̧räpȩ yu̧a̧rea̧ dadëpade. Jabo chjadë maearë yu̧a̧rea̧ dapade. Ado pio ju̧i̧iä Ütë ja̧ charea̧ üdë pio ju̧ri̧pȩde, bë ma̧ri̧räpȩ ju̧ri̧. Ado Oveja pëi̧ chjamȩmi̧ da pio ju̧i̧ ja̧ charea̧borë pio ju̧ri̧pȩ cjiade. Ado charea̧rä chaji̧ri̧ pio ji̧ri̧ ja̧ mu̧i̧tjoi̧ pio judiro̧ chjacjiamȩri̧ jo̧rȩtapadiro̧jȩrȩ.
Ado pio ju̧i̧iä chi̧dëearequededibe. Jabechji̧ pio coaiä oro chjami̧ da oa gatëtä yo̧tarequededibe mȩnȩro̧ tjamo̧ri̧ goaji̧ri̧mi̧ dari̧ cjo̧ro̧pea̧ oa. Peaja̧di chjibo bërebëreami̧ da pio ju̧i̧bo gatëtäreji̧ri̧nerȩ chjadëri̧ ina̧pea̧ oa, mȩnȩro̧ idi̧ dari̧ cjiami̧ dari̧ cjiachea oa. Ado dibëa̧ dacho oa joarea̧mi̧ da pio ju̧i̧bo gatëtäreji̧ri̧nȩrȩ mȩnȩro̧ chjaparȩa̧ oa cjiami̧ dari̧ cjiapea̧ oa, mȩnȩro̧ ado chjereno̧ chjadëri̧ dami̧ dari̧ cjo̧ro̧pea̧ oa.
Ado ütërë charea̧ ji̧ra̧ tjamo̧ oa peaja̧di daea̧requede ado cja̧rȩmo̧ oa. Ütë ja̧ charea̧ yuroti̧ oa cjiamȩ oa daea̧requede 24 charea̧ oa. Ado pio jiro charea̧rä chaji̧ri̧ oa daea̧requedejȩrȩ tjamo̧ yo̧ji̧ri̧ pio ji̧ri̧, yabo baäji̧ri̧mi̧ da pio ji̧ri̧. Chjibo bërebëreara̧ ina̧ oa cjiaji̧ri̧ oa daea̧requedejȩrȩ. Yuaji̧ri̧ oa, oro chjipararira̧ japea̧ pachecherea̧ oa yuaji̧ri̧ oa, uë chari̧ yuaji̧ri̧ oa daea̧requedejȩrȩ, chiri ütë cjo̧ro̧mȩrȩ yuami̧ dari̧ yuaji̧ri̧ oa.
Ja̧dëa̧ ji̧ mire damȩrȩ chjaodëri̧ ta̧rëa̧requedejȩrȩ a̧dëriji̧ri̧ mu̧i̧tjoi̧ no̧i̧dëti̧ oa, go̧a̧ji̧ri̧ oa. Aja̧, ütararea̧mi̧dë buba oa ta̧rëa̧requedejȩrȩ Ütë ja̧ charea̧ yuroti̧ oa cjiaji̧ri̧ oa, a̧dë chjäte ji̧ra̧ti̧ oa. Ado Oveja pëi̧ chjamȩmi̧ da pio ju̧i̧iäpȩmo̧ go̧a̧ji̧ri̧ oa ta̧rëa̧requedejȩrȩ. Ado jibëa̧ icjara nö̧tai̧ oa dacho chiaji̧ri̧ judiro̧ jadüchiami̧rȩ peaja̧di go̧a̧reji̧ri̧dirȩ, tjamo̧ yo̧ji̧ri̧ pio judiro̧borë.
Ado go̧a̧reji̧ri̧dirȩ go̧a̧rea̧ peaja̧ oa, judiro̧ cja̧rȩmȩ co go̧a̧dërërea̧ pio ju̧i̧. Ado ja̧di ta̧rëri̧ go̧a̧ji̧ri̧pea̧dirȩ: “Aja̧, pio mȩnȩmo̧rȩ nö̧tarenȩ ji̧cha̧parea̧ pio ju̧i̧ mu̧i̧ iapea̧ ji̧. Pio mȩnȩmo̧rȩ nö̧tarenȩ puria̧ go̧ȩ i oa mu̧i̧ iapea̧ ji̧. Jabechji̧ ja̧bo tänȩa̧ oa cjiarëremȩrenȩ. Ado mȩnȩ ano̧ mire ja̧boa̧ oaiä, jabechji̧ na̧ goera̧ pio ju̧ri̧ra̧ gatërëremȩrenȩ pumȩ no̧i̧dë tjamo̧ oa Ütë tjamo̧ ja̧ oa. Aja̧, chiri nö̧tai̧ oa cjo̧ro̧ji̧ri̧ pumȩ pio ji̧ri̧ gatërëremȩrenȩ. Ado cja̧rȩmo̧ jo̧rȩtarea̧ chiaji̧ri̧ pumȩ pio ji̧ri̧, ado cja̧rȩmo̧ ma̧ȩ oa ni̧bäji̧ri̧ pumȩ pio ji̧ri̧, ado cja̧rȩmo̧ taruri ja̧ pumȩ pio ji̧ri̧ gatërëremȩrenȩ Ütë tjamo̧ ja̧ oa.
Ado ja̧dëa ji̧ cja̧rȩmȩrȩ yürüa̧ oa ina̧rea̧ bërebërea oa mitëa̧dirȩ. Ado ja̧dëa ji̧ cja̧rȩmȩrȩ dëbë yo̧a̧ oa ta̧rëa̧dirȩ. “Aja̧, jabë pjärämȩde” yo̧a̧dejȩrȩ. “Jabë bape chjaodëpea̧de. Jabechji̧ ma̧ chjua jidachji̧jȩrȩ. Jëreeadëchji̧vä. Ja̧bo tänȩa̧ oa cjiapaji̧ri̧ judiro̧ jabë pjärämȩdirȩ orë. Pio dibë ja̧bo tänȩa̧mi̧ peaja̧di ja̧bo tänȩpadiro̧jȩrȩ o ji̧ri̧, Ütë tjamo̧ ja̧ mu̧i̧tjoi̧ pio ji̧ri̧. Ütë tjamo̧ ja̧ ma̧ȩ oa ta̧rëdiäji̧ri̧rȩ cjo̧ro̧ oaiä ja̧bo tänȩpadiro̧jȩrȩ. Jabo jabë ja̧bodëa̧dirȩ. Jabo judiro̧ orë ütara̧mi̧ ja̧boa̧rä, jabechji̧ bape chjaopea̧de pio dibë ja̧bo tänȩa̧ ba oa.” Ja̧di ta̧rëri̧ yo̧a̧mȩ oa ta̧rëa̧diro̧jo̧ȩ cja̧rȩmȩ oa, tjo maearë cjiaji̧ri̧ judiro̧.
Sanasan