Jechurë Na̧rȩrërea̧ Ma̧ȩ 7:7 - Biblia Pume

⁷ Ado Chimeo̧ quȩmȩ pio judiri ja̧ji̧ri̧ judiro̧, Devi quȩmȩ pio judiri ja̧ji̧ri̧ judiro̧, Ichaca quȩmȩ pio judiri ja̧ji̧ri̧ judiro̧,

Jechurë Na̧rȩrërea̧ Ma̧ȩ 7:7 Iomraidhean Croise

Taruparea̧ Ma̧ȩ 35:23

Ado Dea jini̧ ara̧ judiro̧ ja̧di quȩji̧ri̧dirȩ: Cja̧rȩmȩrȩ Rubȩ quȩmȩde. Ado cja̧rȩmo̧rȩ Chimeo̧ quȩmȩde. Ado cja̧rȩmo̧rȩ Devi quȩmȩde. Ado cja̧rȩmo̧rȩ Juda quȩmȩde. Ado cja̧rȩmo̧rȩ Ichaca quȩmȩde. Ado cja̧rȩmo̧rȩ Chaburo̧ quȩmȩde. Aja̧, pio judiro̧dirȩ Dea jini̧ ara̧ pio judiro̧. Ado yabomȩ judi Rubȩ pio judide.

Taruparea̧ Ma̧ȩ 49:5

Ado pio ju̧i̧ ni̧bä chjao ëte ano̧ mire ni̧bä chjaorëremȩdejȩrȩ Chimeo̧ ju̧i̧, Devi ju̧i̧. Ja̧di ta̧rëri̧ yo̧mȩrȩ yo̧rëremȩdejȩrȩ: —Danȩrȩ, Chimeo̧, Devi, yo̧requededibe. Ji̧mo̧ ja̧nȩrȩ. Jabo ma̧i̧ dari̧ japanȩrȩ. Coana̧rea̧ra̧ pio ju̧ri̧ra̧ goe chiari̧ jape chjaonȩrȩ o ji̧ri̧iäpȩmo̧.

Taruparea̧ Ma̧ȩ 30:18

Ja̧dëa̧ ji̧ Dea jini̧ ara ëte yo̧a̧nȩ. "Jabechji̧ Ütë tjamo̧ judi chjadëri̧ yürüa̧dique. Cüdë no̧mȩ judi ca̧ mu̧i̧tjoi̧ i̧a Jacobo ju̧i̧ ano̧ mire ëba mo̧a̧pea̧ oa yürüa̧ ba oa, jabechji̧ chjadëri̧ ba ano̧a̧dique yaba̧. Ado pio ju̧i̧iä jabechji̧, Ichaca quȩmȩra̧ pio ju̧ri̧ra̧ quȩparecone" yo̧a̧nȩ Dea jini̧. Aja̧, “Ba ano̧a̧” yo̧mȩ quȩra̧ pio ju̧ri̧ra̧ quȩpea̧nȩjȩ jini̧ pea a̧ra̧ pio ju̧i̧.

Taruparea̧ Ma̧ȩ 29:34

Ado japa mitë chjätä ëte ado ara̧nȩ Dea jini̧. Ado ara̧nȩjȩ üi̧ boi̧ oa. Ja̧dea̧ ju̧i̧ ara ëte, yo̧rëreyi̧nȩ, "Aja̧, yaba̧ ji̧dë u̧i̧ jo̧rȩtapadique ca̧ üi̧ judi cüdë tjarari̧ ja oa ëba ara̧ tara" yo̧yi̧rȩ yo̧a̧nȩ. Jadi tara Devi quȩra̧ pio ju̧ri̧ra̧ quȩparëreyi̧nȩjȩ Dea jini̧. Aja̧, "Jo̧rȩta" yo̧mȩ quȩra̧ pio ju̧ri̧ra̧ quȩpea̧nȩjȩ.

Taruparea̧ Ma̧ȩ 49:11

Ado danȩ, na̧ea̧ri ja̧ji̧ri̧ judiro̧ cjäri̧ ja̧boji̧ri̧rȩ cjo̧ro̧dëpadirȩ, jabo tjado boi̧dë tjamo̧ oa goaji̧ri̧rȩ cjo̧ro̧padirȩ, tjado ji̧ra̧ oa. Jabechji̧ eami̧ti̧ oa jabëdiärea̧ decjiari̧ goapadirȩ. 'Tjana̧ jurapacjivaa̧ro̧, uva decjiaa̧ro̧da' quëna̧ jo̧rȩtadëpadirȩ. Jabechji̧ uva to oa a̧dë chjäte ji̧ra̧ri̧ goapa tara, jabechji̧ yurapadiro̧jo̧ȩ jibëa̧ buro oa uva toräpȩ ju̧ri̧ pjö̧da oa jurapea̧ oa. Jabechji̧ uva to ji̧ra̧ oaiä, bücjüri̧ cjiadëpadirȩ burorë jura̧ oaiä. Ado uva to ji̧ra̧ tjamo̧ oa goapa tara, jabechji̧ uva uira̧ japapadirȩ ërü ji̧ra̧ tjamo̧ oa. Ado danȩ, na̧ea̧ri ja̧ji̧ri̧ pio judiro̧ chjibo oa joa̧ domȩ ju̧i̧iä ui decjiape baga̧rä judi, jabechji̧ uva ërüra̧ pio ju̧ri̧ra̧ ano̧ mire joapai̧ dadiro̧jo̧ȩ davä jibëa̧ chjibo oa, uva ui ji̧ra̧ tjamo̧ tara.

Jechurë Na̧rȩrërea̧ Ma̧ȩ 7:6

Ado Ache quȩmȩ pio judiri ja̧ji̧ri̧ judiro̧ peaja̧di 12 mil pumȩ go̧ȩ cäa̧ oa cjiadirȩ. Ado Netari quȩmȩ pio judiri ja̧ji̧ri̧ judiro̧, peaja̧di 12 mil go̧ȩ cäa̧ oa cjiadirȩ. Ado peaja̧di dari̧ cjiadiäa̧dirȩ Manache pio judiri ja̧ji̧ri̧ judiro̧. Aja̧, 12 mil go̧ȩ cäa̧ oa cjiadirȩ peaja̧di.

Jechurë Na̧rȩrërea̧ Ma̧ȩ 7:8

Chaburo̧ quȩmȩ pio judiri ja̧ji̧ri̧ judiro̧, Joche quȩmȩ pio judiri ja̧ji̧ri̧ judiro̧, Bejami̧ quȩmȩ pio judiri ja̧ji̧ri̧ judiro̧ peaja̧di 12 mil pumȩ ji̧ri̧ go̧ȩ cäa̧ oa cjia maeadirȩ. Ja̧di maeade.“ Aja̧, ja̧di ta̧rëri̧ yo̧a̧ oa ta̧rëa̧requede.