Jechurë Na̧rȩrërea̧ Ma̧ȩ 7:3 - Biblia Pume3 Ado ja̧dëa ji̧ a̧dërämȩ ja̧ mu̧i̧tjoi̧ pio judi yo̧a̧dejȩrȩ: —Jabo cjäri̧ ma, jabëchji̧vä —yo̧a̧dejȩrȩ—. Jabë chiri oa chjai̧dëparȩdëpea̧de —yo̧a̧dejȩrȩ—. Ui ana̧ üdë jabë conȩdami̧ dari̧ japadëpea̧de. Chirirä cjo̧ro̧mȩ to oa peaja̧di jabë japadëpea̧de. Jabechji̧ Ütë tjamo̧ ja̧ pumȩ mu̧i̧tjoi̧ pio ji̧ri̧ go̧ȩ cäami̧ dari̧ japapea̧de yabochja. Aja̧, pio ji̧ri̧ ja̧ daitoro go̧ȩ cäami̧ dari̧ japapea̧de yabochja. Pio ji̧ri̧ go̧ȩ cäadäräa̧rämo̧ japapea̧de —yo̧mȩrȩ yo̧a̧dejȩrȩ conȩdarea̧ chiaji̧ri̧ mu̧i̧tjoi̧ pio ji̧ri̧. Faic an caibideil |
Jechurë Na̧rȩrërea̧ Ma̧ȩ 7:3
31 Iomraidhean Croise
Ado Jeova judi Ejito chiri nöta oa acji tai̧rä, ejichio pio ji̧ri̧ ja̧bo tänȩpea̧ oa acji tai̧rä, ado joë ya toräpȩ cjiamȩ goe oa darä, jabechji̧ uëmo̧ a̧dë chjätäpade. Tjamo̧ davä. A̧dërimȩ mu̧i̧tjoi̧ üdë, ja̧bo tänȩmȩ mu̧i̧tjoi̧ pio judi dibëa̧ bëräpȩ acji yu̧a̧tärea̧ ji̧, dibëa̧ u̧ri̧ yaboji̧ri̧ pio ji̧ri̧ ja̧bo tänȩtärea̧ ji̧, ja̧bo tänȩrea̧ yürüdëpadejȩ Jeova judi.
Ja̧dëa ji̧ Nabucodonocho pio judi jäeno̧a̧de joë ya queri̧räpȩ. Ado ja̧di ta̧rëri̧ ëna̧diämȩrȩ ëna̧diäa̧dejȩrȩ: —Danȩrȩ, a̧dë chjäte Ütë pio ju̧i̧ ja̧ oa ja̧bepaji̧ri̧ oa yo̧requededibe —yo̧a̧dejȩrȩ—. Aja̧, Chadaca, Mechaca, ado Abenego go̧düchji̧vä cjo̧dëri pio judiri. Jabechji̧ jauëräpȩmo̧ ma̧na̧chji̧vä —ëna̧diäa̧dejȩrȩ. Ado pio ju̧i̧iä Chadaca judi, Mechaca judi, ado Abenego judi ma̧i̧ dari̧ tüe baämȩ joëri pio judiri go̧düa̧dirȩ.
Ja̧dëa ji̧ japamitë chjätä ëte, chiri ütë cjo̧ro̧mȩ judi Da̧de pio ju̧i̧ ja̧bo tänȩdëri̧ cjiamȩborë, yo̧ chjadüa̧dejȩrȩ jibëa̧ guadia ji̧ri̧ Da̧de pio ju̧i̧ mitëtä pa̧rȩmȩrȩ cjo̧ro̧mȩ puëräpȩ aeno̧a̧ oa cjiapea̧ oa. Jabo jabë aeno̧a̧ oa cjiadëa̧rä, chiri ütë cjo̧ro̧mȩ pio judi yo̧a̧dejȩ Da̧de ju̧i̧: —Danȩ Da̧de, na̧ Ütë pio judi, mȩnȩ ji̧dë ma chjadëri̧ ja̧bepë yürüa̧ Ütë pio judi chjadëri̧ go̧dürea̧ yürütädimȩ —yo̧a̧dejȩ.
Ado pumȩ judiro̧ ütëbodärärë pio jiro japamitërä goarijächea oa, jabechji̧ jabërä tuti japapade Ütë tjamo̧ judi, pio jiro japamitë üdë japamitëdiächea oa. Jabechji̧ judi ja̧di dari̧ tuti japadërä judi, yuropea̧ oa cjia matäreji̧ri̧dirȩ pumȩ judiro̧, cja̧rȩmȩrȩ cjiarea̧mi̧dëri̧. Ado pio ju̧i̧iä tuti japapade. Jabechji̧ jënȩ mitëa̧ pumȩ pio judiro̧ ji̧dë ma chjai̧dë oa chjätächea oa, jabechji̧ pio ji̧ri̧iä chjadëri̧ tuti japapade —yo̧mȩrȩ ni̧bä chjaorëremȩdejȩrȩ Jechu judi.
Ado ja̧dëa ji̧ chjadüparequedejȩrȩ a̧dëriji̧ri̧ mu̧i̧tjoi̧ pio ji̧ri̧ chiri cotoi̧räpȩ yuro. Tjamo̧ davä. Ma̧i̧ dari̧ ea cjiari̧ pjurarea̧ra̧ pio ju̧ri̧ra̧ chjadüparequedejȩrȩ oëra̧ti̧ oa jäpea̧ oa. Jabechji̧ chjiaräpȩmo̧ jäpea̧ oa, taruräpȩmo̧ jäpea̧ oa, cjae ta̧ra̧ pënȩräpȩmo̧ jäpea̧ oa, ado dëbëräpȩmo̧ jäpea̧ oa chjadüparequedejȩrȩ a̧dë chjäte jachiti̧ oa, cja̧rȩmȩ chirirë cjiadiärea̧mi̧dëri̧. Jabechji̧ chiriräpȩti̧ oa jätä eamȩrȩ chjadüparequedejȩrȩ Ütërë mitëa̧ pumȩ ütëbodärä oa a̧dopa tänȩpea̧ oa —yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi, jënȩ ado chjereno̧ ma̧na̧pea̧ pio ju̧i̧ chjiari.
Jabo danȩrȩ ca̧ oti̧, jare chjadüa̧ oa cjiami̧ dari̧ cjianȩrȩ yaba̧. Chjai̧dërë yo̧a̧ chja̧oeri pio judiri go̧düa̧ oa cjianȩrȩ jare chjadüa̧ cjiami̧ dari̧. Tjamo̧ davä. Chjai̧dërë yo̧a̧ chja̧oerä cjo̧ro̧rërea̧ ji̧, Ütë tjamo̧ pio ju̧i̧ ja̧ mu̧i̧tjoi̧pea̧nȩrȩ. Ado pio ju̧i̧iä Ütë tjamo̧ pio ju̧i̧ ja̧ mape bagari̧ cjianȩrȩ, china̧chjari̧ tutia̧ oa cjiaji̧ri̧rȩ. Ado ju̧i̧ uëri bucho ana̧ cjo̧ro̧rea̧ dapanȩrȩ peaja̧di. Ado pio ju̧i̧iä yo̧requededibe ca̧ oti̧.
Ado ja̧dëa ji̧ daburimȩ pio judi pumȩ ütëbodärä oa go̧ȩra̧ pio ju̧ri̧ra̧ cji̧däa̧ oa cjia tänȩa̧dejȩrȩ jibëa̧ irä. Tjamo̧ davä. Jibëa̧ daitoro cjiari̧, jabo jibëa̧ mu̧i̧ chjuari cjiari̧ cji̧däa̧ oa cjia tänȩa̧dejȩrȩ jiadarea̧ decjiari̧. Aja̧, tjamo̧ yo̧ji̧ri̧ pio ji̧ri̧, mu̧i̧tjoi̧ pio ji̧ri̧, chëre ji̧ra̧ri̧ goaji̧ri̧ pio ji̧ri̧, cjäri̧ ja̧boji̧ri̧ pio ji̧ri̧ cji̧däa̧ oa cjia tänȩa̧dejȩrȩ ütëbo oa jibëa̧ go̧ȩra̧ pio ju̧ri̧ra̧.
Ado jiro go̧ȩ oa cji̧däa̧ oa cjiadëmȩ judi, jabechji̧ gatërea̧ dadëa̧de. Ado peaja̧di gatë tänȩrea̧ dadëa̧de. Jabechji̧ go̧ȩ oa cji̧däa̧rämo̧ chjadëri̧ cjo̧ro̧rea̧ daea̧dirȩ pumȩ judiro̧. Ado pio jiro go̧ȩ üdë, jabechji̧ chirirä cjo̧ro̧mȩmi̧ da pio ju̧i̧ ja̧ quȩde. Ado pio ju̧i̧ ja̧ quȩ üdë peaja̧di ütararea̧ maeara̧ yo̧rea̧mi̧ dade.
Ja̧dëa ji̧ daea̧reconȩ Oveja pëi̧ chjamȩmi̧ da pio ju̧i̧. Chio̧ quȩmȩ ya̧mi̧räpȩ cjiamȩ oa daea̧reconȩ. Ado pio ju̧i̧ ja̧ yuroro cjiaji̧ri̧ oa daea̧requedejȩrȩ pumȩ ji̧ra̧ tjamo̧ oa, 144 mil pumȩ oa. Ado pio jibë nö̧ta ëba cjiamȩ pio ju̧i̧ ja̧ quȩ oa go̧ȩpea̧ oa goa mareji̧ri̧dirȩ jibëa̧ daitoro. Ado jibë nö̧ta cjiamȩ pio ju̧i̧ ja̧ Ama̧i̧ ja̧ quȩbo go̧ȩpea̧ oa goareji̧ri̧diro̧jo̧ȩ daitoro.
Ado coa ni̧bäremȩ mu̧i̧tjoi̧ judi coa a̧dë cjarapea̧rä, ado cja̧rȩmo̧ oa daea̧reconȩ. Ado to̧bari̧ yo̧mȩ oa ta̧rëa̧reconȩ peaja̧di. Ja̧di ta̧rëri̧ yo̧a̧dique: —Chjadëri̧ ta̧rëcoe —yo̧a̧dique—. Eami̧ pumȩ üdë oëra̧ jo̧rȩtarä judi, conȩda̧ oa cjiapade. Tjamo̧ davä. Eami̧ pumȩ üdë chirirä cjo̧ro̧mȩmi̧ da ju̧i̧iäpȩmo̧ chjacjiamȩri̧ jo̧rȩtarä judi, uirimȩ pio ju̧i̧iäpȩmo̧ chjacjiamȩri̧ jo̧rȩtarä judi, pio judimi̧ dari̧ jëdano̧a̧ ütë pio ju̧i̧iäpȩmo̧ chjacjiamȩri̧ jo̧rȩtarä judi, jabechji̧ a̧dë chjäte conȩda̧ oa cjiapade. Ado eami̧ pumȩ üdë jibëa̧ ichirä, jabo jibëa̧ daitoro cji̧däa̧ oa cjiarä judi, uirimȩ pio ju̧i̧ ja̧ go̧ȩra̧ cji̧däa̧ oa cjiarä judi, jabechji̧ Ütë ja̧ ërecjia̧ üdë pio ju̧i̧iäpȩmo̧ acji cjatäpadejȩ uapai̧ da tjamo̧ri̧, popë chiquimi̧ dari̧. Ado Ütë ja̧ ërecjia̧ üdë, jabechji̧ uira̧ mirea̧ oa cjiami̧ dari̧ cjiadëpade. Danȩrȩ, bino quȩmȩ ërü üdë uira̧ pio ju̧ri̧ra̧ mirea̧ oa cjiami̧ dari̧ cjiadëde. Uirë boa̧ oa cjiami̧ dari̧ cjiadëde. Ado peaja̧dimi̧ dari̧ cjiapade Ütë ja̧ ërecjia̧ üdë. Uirë boa̧ oa cjiami̧ dari̧ cjiadëpade, jabo a̧dë chjäte uapai̧ dari̧ acji cjatäpadejȩrȩ pumȩ ji̧ri̧, a̧dë chjäte gitoi̧ dari̧ cjo̧ro̧ tänȩpea̧ oa. Ado pio ju̧i̧iä jabechji̧, cjüëtü tjamo̧ra̧ pio ju̧ri̧ra̧ conȩda̧ oa cjo̧ro̧padirȩ cjo̧dë oaiä, a̧dë chjäte cjüëtüri̧ tümȩ achjupjere quȩmȩ pio ju̧i̧iä. Oveja pëi̧ chjamȩmi̧ da pio ju̧i̧ ja̧ dachoro conȩda̧ oa cjo̧ro̧padirȩ, Ütë tjamo̧ ja̧ mu̧i̧tjoi̧ ja̧ dachorobo, a̧dëriji̧ri̧ mu̧i̧tjoi̧ pio ji̧ri̧ ja̧ dachorobo.
Jabechji̧ coëma cjiari̧ ütaramȩ pio judide. Coëma cjiari̧ ütarë bape chjaomȩ pio judide. Ado chjadëri̧ ütarë bape chjaoa̧dejȩ üi̧ goarayi̧ iei̧mi̧ da pio ju̧i̧. Aja̧, chiriräpȩti̧ oa cjo̧ro̧ji̧ri̧ pio ji̧ri̧iäpȩmo̧ chjai̧dëri̧ japayi̧mi̧ da pio ju̧i̧ bape chjaoa̧dejȩ. Jabechji̧ pio jiro bë ma̧ri̧ üdë japea̧ oaiä, yu̧i̧a̧ oa cjiami̧ dari̧ cjiadiäa̧dirȩ, dami̧ti̧ chjai̧dë oa japatämi̧ cjiaji̧ri̧rȩ. Idi̧ dari̧ baë ëba mo̧a̧rea̧ maeara̧ yu̧i̧a̧ oa cjiami̧ dari̧ cjiadiäa̧dirȩ. Jabechji̧ a̧dë chjäte chjai̧dë üdë boa̧dejȩrȩ davä, ërürë japami̧ dari̧. Ado pio ju̧i̧iä chjadëri̧ bape chjaoa̧dejȩ Ütë tjamo̧ judi. Ju̧i̧ ja̧ mu̧i̧tjoi̧ pio ji̧ri̧ goe gu̧rori̧ ja̧bo tänȩa̧ ba oa chjadëri̧ bape chjaoa̧dejȩ. Aja̧, ja̧di ta̧rëri̧ yo̧ë cji̧däriä go̧a̧reji̧ri̧dirȩ Ütë tjamo̧ pio ju̧i̧iäpȩmo̧.
Ja̧dëa ji̧ daea̧requede charea̧ ji̧ra̧ oa, ütërë charea̧ ba chia tjamo̧ oa. Ado pio jiro charea̧rä chaji̧ri̧ pio ji̧ri̧ daea̧requedejȩrȩ. Cja̧rȩmȩrȩ yürüa̧ oa ütarë bape chjaorea̧ chiaji̧ri̧pea̧dirȩ. Jabo pio ji̧ri̧mo̧ dadëa̧requede, jabo pumȩ tjo ji̧ra̧ oa daea̧requede peaja̧di. Ja̧bo tänȩa̧ oa cjiareji̧ri̧ pio ji̧ri̧, jibëa̧ tjübë decjiari gürü oa tuti gu̧na̧ oa cjiareji̧ri̧ pio ji̧ri̧ daea̧requedejȩrȩ peaja̧di. Tjamo̧ davä. Jechu judi daba tanȩa̧ ma̧ȩ pio ju̧i̧ a̧ra̧ano̧a̧ oaiä, Ütë tjamo̧ ja̧ ma̧ȩ pio ju̧i̧ a̧ra̧ano̧a̧ oaiä, gürü coto tänȩa̧diro̧jȩrȩ. Aja̧, judiro̧ chirirä cjo̧ro̧mȩmi̧ da pio ju̧i̧iäpȩmo̧ chjacjiamȩri̧ jo̧rȩtadëa̧ oaiä, judiro̧ chirirä cjo̧ro̧mȩ pio judimi̧ dari̧ jëdano̧a̧ ütë pio ju̧i̧iäpȩmo̧ chjacjiamȩri̧ jo̧rȩtadëa̧ oaiä, judiro̧ chirirä cjo̧ro̧mȩmi̧ da pio ju̧i̧ chjiari ütararea̧ go̧ȩ oa chiadëa̧ oaiä, jabechji̧ ja̧bo tänȩa̧diro̧jȩrȩ. Tjamo̧ davä. Jibëa̧ daitoro cji̧däpea̧ ji̧ yürüdëa̧ oaiä, jibëa̧ ichirä cji̧däpea̧ oa yürüdëa̧ oaiä ja̧bo tänȩa̧diro̧jȩrȩ. Ado pio judiro̧ ja̧boa̧reji̧ri̧rȩ bëdüa̧ oa cjiadiäa̧dirȩ chiri ütë cjo̧ro̧ji̧ri̧rȩ ja̧bepapea̧ oa Quiricho pio ju̧i̧ nö̧ta, japamitë ana̧ nö̧ta, cja̧rȩmȩ mil ui nö̧ta.
Ado ja̧dëa ji̧ ni̧bämȩ pio ju̧i̧ ta̧rëa̧reconȩ ado cja̧rȩmo̧ oa. Jibëa̧ icjara nö̧tai̧ oa dacho chiaji̧ri̧ ja̧ chjarerä ni̧bämȩ pio ju̧i̧ ta̧rëa̧reconȩ. Ado ja̧di ta̧rëri̧ yo̧mȩ oa ta̧rëa̧reconȩ: —Jurarea̧ üdë jabëdiäpade —yo̧a̧de—. Jadi tara nö̧tadëpade. Cja̧rȩmȩ do ja̧bepea̧ ba üdë nö̧tadëpade jurarea̧ oa gatëpea̧ ji̧. Tirigo oa gatëpea̧ ji̧, cja̧rȩmȩ mö̧reda̧ gatëpea̧ ji̧ nö̧tadëpade. Ado chebada quȩmȩ jurarea̧ oa, tjarari̧ mö̧reda̧ oa gatëpea̧ ji̧ peaja̧di nö̧tadëpade. Jabo yo̧ üdë ba chiape jädëpade. Jabechji̧ ba chiaparȩdëpea̧de judi. Ado uvara̧ japea̧ ërü üdë peaja̧di ba chiaparȩdëpea̧de. Pio judimo̧rȩ ba chiaparȩdëpea̧de —yo̧a̧de.
Ado pio ju̧i̧ daea̧ duri oa, ano̧ mire daea̧requedejȩrȩ a̧dëriji̧ri̧ mu̧i̧tjoi̧ ji̧ri̧, jadüchiami̧ oa. Daburäpȩ cjiaji̧ri̧ oa daea̧requedejȩrȩ, chiri cotoräpȩ cjiaji̧ri̧ oa. Cja̧rȩmȩ oa daea̧reconȩ dorë cjitëmȩ chiri cotoräpȩ cjiamȩ oa. Ado cja̧rȩmo̧ oa daea̧reconȩ dorë biramȩ chiri cotoräpȩ cjiamȩ oa. Ado cja̧rȩmo̧ oa daea̧reconȩ chirina̧ cotoräpȩ cjiamȩ oa. Ado cja̧rȩmo̧ oa daea̧reconȩ chirina̧ dëbëräpȩ cjiamȩ oa. Aja̧, chiri bu nö̧ta oa cjiaji̧ri̧ oa daea̧requedejȩrȩ. Jadüchiami̧ pjaeparë pjaepachea oa tutireji̧ri̧diro̧jo̧ȩ. Aja̧, chiriräpȩmo̧ pjaepachea oa, ui ana̧räpȩmo̧ pjaepachea oa, chirirä cjiamȩ to pio ju̧i̧iäpȩmo̧ pjaepachea oa tutireji̧ri̧diro̧jo̧ȩ.
Ado ja̧dëa ji̧ pio ji̧ri̧ daea̧ duri oa, ado cja̧rȩmo̧ mu̧i̧tjoi̧ oa daea̧requede, a̧dërämȩ ja̧ mu̧i̧tjoi̧ pio ju̧i̧. Dorë cjitëmȩ pio judiri ma̧na̧mȩ oa daea̧reconȩ a̧dëräpȩmo̧ buamȩ oa. Ja̧bodëmȩ Ütë pio ju̧i̧ ja̧ go̧ȩ cäarea̧mi̧ da oa goa ma̧na̧mȩ oa daea̧reconȩ. Jabechji̧ pumȩ pio ji̧ri̧ go̧ȩ cäami̧ dari̧ japapea̧ oa goa ma̧na̧remȩdejȩ. Ado judi goae tarari̧ ëna̧diäa̧dejȩrȩ daburopȩmo̧ cjiaji̧ri̧ mu̧i̧tjoi̧ pio ji̧ri̧iäpȩmo̧. Aja̧, chiri oa ana̧ri̧ conȩdami̧ dari̧ japaji̧ri̧ pio ji̧ri̧iäpȩmo̧ goae tarari̧ ëna̧diäa̧dejȩrȩ, ui ana̧ pio ju̧i̧ conȩdami̧ dari̧ japaji̧ri̧ pio ji̧ri̧iäpȩmo̧.
Sanasan