Jechurë Na̧rȩrërea̧ Ma̧ȩ 5:3 - Biblia Pume

³ Jabo cjäri̧ made, eami̧ oa mu̧i̧ iapea̧ oa dadärädëa̧de. Jabechji̧ a̧dëräpȩji̧ri̧ judiro̧ nö̧tadëa̧dirȩ. Ado chiriräpȩ cjo̧ro̧ji̧ri̧ judiro̧ peaja̧di nö̧tadëa̧diro̧jo̧ȩ. Ado dabu ëteräpȩji̧ri̧ pio judiro̧borë nö̧tadëa̧diro̧jo̧ȩ.

Jechurë Na̧rȩrërea̧ Ma̧ȩ 5:3 Iomraidhean Croise

Domano Ma̧ȩ 11:34

Danȩrȩ, ¿chjiade Ano̧mȩ tjamo̧ ja̧ chji̧räpȩmo̧ cjacjarë damȩ judi? Cjäri̧ made, jiro decjiade. Ado ¿chjiade Ütë tjamo̧ pio ju̧i̧iäpȩmo̧ a̧ra̧ano̧mȩ judi? ¿Chjiade pio ju̧i̧iäpȩmo̧ chi̧dëeamȩ judi? Cjäri̧ made, ado cja̧rȩmo̧rȩ chi̧dëea̧ oa jo̧rȩtadëmȩde.

Pjiripo Ma̧ȩ 2:10

Ado Jechu judi a̧dë chjäte ba chia tjamo̧ tara, jabechji̧ pumȩ judiro̧ ütëbodärärë pio ju̧i̧ ja̧ dëbëräpȩ cjiadiä mapadirȩ a̧dë chiquirea̧ decjiari̧. 'Aja̧, ba chia tjamo̧dida' quëna̧ jo̧rȩta mapadiro̧jo̧ȩ chjacjiamȩri̧ jo̧rȩtaji̧ri̧rȩ. Tjamo̧ davä. A̧dëräpȩji̧ri̧ judiro̧, daburäpȩji̧ri̧ judiro̧, na̧ra̧ oa cjiaji̧ri̧ pio judiro̧, tjo maearë cjiaji̧ri̧ judiro̧ ütëborë Jechu ja̧ dëbëräpȩ cjiadiä mapadirȩ, 'ba chia tjamo̧dida' quëna̧ jo̧rȩtaji̧ri̧rȩ.

Jechurë Na̧rȩrërea̧ Ma̧ȩ 5:13

Ado o ji̧ri̧ peaja̧di ta̧rëa̧requedejȩrȩ cjo̧ro̧ji̧ri̧ ütëbodäräti̧ oa. Ütë tjamo̧ pio ju̧i̧iäpȩmo̧ go̧a̧ji̧ri̧ oa ta̧rëa̧requedejȩrȩ. Daburo cjo̧ro̧ji̧ri̧ pio ji̧ri̧, a̧dëräpȩ cjiaji̧ri̧ pio ji̧ri̧, dabu ëteräpȩ cjiaji̧ri̧ pio ji̧ri̧ ta̧rëa̧requedejȩrȩ, ui ëteräpȩ cjiaji̧ri̧ pio ji̧ri̧bo. Ütëbodäräti̧ oa ta̧rëa̧requedejȩrȩ Ütë tjamo̧ ju̧i̧iäpȩmo̧ go̧a̧ji̧ri̧ oa. Ja̧di ta̧rëri̧ go̧a̧reji̧ri̧dirȩ: “Ütërë charea̧räpȩ chamȩ pio ju̧i̧iäpȩmo̧ go̧a̧rea̧ro̧jo̧ȩ. Ado Oveja pëi̧ chjamȩmi̧ da pio ju̧i̧iäpȩmo̧bo go̧a̧rea̧ro̧jo̧ȩ. Ji̧dë ma chjacjiamȩri̧ jo̧rȩtaji̧ri̧rȩ ni̧bäpea̧de pio ji̧ri̧iäpȩmo̧, a̧dë chjäte tatari̧ cjiaji̧ri̧ pio ji̧ri̧iäpȩmo̧. Bucho ana̧ ba chia jo̧rȩtapea̧de a̧dë chjäte ju chiaji̧ri̧ pio ji̧ri̧iäpȩmo̧. Pio ji̧ri̧iäpȩmo̧ bucho ana̧ chjacjiamȩri̧ jo̧rȩtapea̧de, jo̧rȩtadëpe bagarea̧ decjiari̧.” Aja̧ ja̧di ta̧rëri̧ go̧a̧ji̧ri̧ oa ta̧rëa̧requedejȩrȩ.

Jechurë Na̧rȩrërea̧ Ma̧ȩ 5:4

Ado pio ju̧i̧iä ana̧ri̧ ejaro cjiamȩpea̧requede, gito ana̧ri̧ jo̧rȩtamȩrȩ. Jabechji̧ eami̧ üdë mu̧i̧ iarea̧ dadëa̧ oaiä, eami̧ üdë pio ju̧i̧ mu̧i̧ ipea̧ oa nö̧tadëa̧ oaiä, jabechji̧ ejaro cjiamȩpea̧requede.