Jechurë Na̧rȩrërea̧ Ma̧ȩ 5:2 - Biblia Pume

² Ja̧dëa ji̧ a̧dërimȩ mu̧i̧tjoi̧ pio ju̧i̧ daea̧reconȩ, ju chia tjamo̧mȩ oa. Ado goae tarari̧ ni̧bämȩrȩ ja̧di ta̧rëri̧ yo̧remȩde jachipadärärea̧mi̧ dari̧: —¿Chjiarë nö̧tade pio yoa go̧ȩ i oa mu̧i̧ iapea̧ oa? —iëno̧ë ta̧rëa̧de—. ¿Chjiade a̧dë chjäte ba chiamȩ judi pio yoa go̧ȩ i oa mu̧i̧ ipea̧ oa? ¿Chjiarë nö̧tade ji̧cha̧parea̧ pio ju̧i̧ mu̧i̧ iapea̧ ji̧ —yo̧a̧de.

Jechurë Na̧rȩrërea̧ Ma̧ȩ 5:2 Iomraidhean Croise

Jechurë Na̧rȩrërea̧ Ma̧ȩ 10:1

Ja̧dëa ji̧ daea̧requede ado cja̧rȩmo̧ mu̧i̧tjoi̧ oa. Ju chiamȩ tjamo̧ oa daea̧reconȩ a̧dëri biramȩ oa. Go̧a̧ra̧ ëra̧ pio ju̧ri̧ra̧ ina̧mi̧ dari̧ bira̧mȩ oa daea̧reconȩ. Ado ju̧i̧ ja̧ tjübë uëmo̧ cjiaremȩde jochebürüri üdë. Jibëa̧ chamacho üdë ma̧i̧ dari̧ tataremȩde do pio judimi̧ dari̧. Ado jibëa̧ yai ju üdë, cja̧rȩmȩ gärimȩ go̧a̧ti̧mi̧ dari̧ cjiaremȩde.

Jechurë Na̧rȩrërea̧ Ma̧ȩ 18:21

Ja̧dëa ji̧ a̧dërimȩ mu̧i̧tjoi̧ üdë, jauëchja tjamo̧mȩ üdë mitëa̧dejȩ ta̧dë boi̧dë oa. Ado goae tarari̧ aeno̧a̧dejȩ ui ana̧räpȩ. Ado to̧bari̧ yo̧mȩrȩ ja̧di ta̧rëri̧ yo̧a̧de: —Peaja̧dimi̧ dari̧ aeno̧a̧ oa cjiapade Babironia quȩmȩ bë ma̧ri̧ üdë uapai̧ da tjamo̧ri̧ —yo̧a̧de—. Jiro decjiape bagari̧ cjiadiäpade bucho ana̧.

Jechurë Na̧rȩrërea̧ Ma̧ȩ 5:1

Ado mire damȩrȩ daea̧requede cja̧rȩmȩ go̧ȩ i go̧a̧ti̧ oa, puria̧ oa cjiamȩ oa. Ütërë charea̧ ba chiaräpȩ chamȩ pio ju̧i̧ ja̧ ichirä daea̧reconȩ mu̧i̧ chjuari goa chamȩ oa. Go̧ȩpea̧ oa chiaremȩde dëbëribo. Ado tata yo̧ uira̧ gu̧ro tänȩa̧ oa cjiaremȩde. Aja̧, 7 co gu̧ro tänȩ ëte yo̧ra̧ tutia̧ oa cjiaremȩde. Ji̧cha̧parȩa̧ oa cjiaremȩde jare baärea̧mi̧dëri̧. Ado tata yo̧ra̧ gu̧ro tänȩa̧ nö̧ta oa acji cjaeäa̧ oa cjiaremȩde 7 ji̧cha̧ra̧. Aja̧, pio jiro go̧ȩ i puria̧ oa cjiamȩ pio ju̧i̧ daea̧reconȩ tata yo̧ra̧ tutia̧ oa cjiamȩ oa.

Jechurë Na̧rȩrërea̧ Ma̧ȩ 5:5

Jabo ja̧dëa ji̧ tjamo̧ yo̧mȩ pio judi cja̧rȩmȩrȩ cjatäcjie jo̧rȩtarea̧mi̧ dari̧ yo̧a̧dique. Ja̧di ta̧rëri̧ yo̧a̧dique: —Danȩ, ejaro cjiadëvä —yo̧a̧dique—. Jabechji̧ pa̧rȩmȩmi̧ damȩ pio judi nö̧tadejȩ puria̧ oa cjiamȩ go̧ȩ pio ju̧i̧ mu̧i̧ iapea̧ oa. Tjamo̧ davä. Juda quȩmȩ buba pio judiri ja̧mȩ judi, ibëa̧ taru ba chiamȩ pio judiri ja̧mȩ judi, Davirea̧ pio judiri ja̧mȩ pio judi nö̧tadejȩ. Jabechji̧ boadäräa̧mȩ pio judide. Ado pio ju̧i̧iä jabechji̧, mu̧i̧ iapai̧ dadejȩ davä ji̧cha̧parea̧ oa, 7 oa. Tjamo̧ davä. Puria̧ oa cjiamȩ go̧ȩ i pio ju̧i̧ mu̧i̧ iapai̧ dadejȩ —yo̧a̧dique.