Jechurë Na̧rȩrërea̧ Ma̧ȩ 4:9 - Biblia Pume

⁹ Aja̧, ja̧di dari̧ go̧a̧ chjaoreji̧ri̧dirȩ jibëa̧ icjara nö̧tai̧ oa dacho chiaji̧ri̧ judiro̧. Charea̧ ba chiaräpȩ chamȩ pio ju̧i̧iäpȩmo̧, bucho ana̧ cjiamȩ pio ju̧i̧iäpȩmo̧ ji̧dë ma go̧a̧reji̧ri̧diro̧jo̧ȩ, 'chjadëri̧ japea̧diibëda’ quëna̧ jo̧rȩtaji̧ri̧rȩ. Ado judiro̧ go̧a̧ ji̧,

Jechurë Na̧rȩrërea̧ Ma̧ȩ 4:9 Iomraidhean Croise

Go̧dürea̧ Ma̧ȩ 15:18

'Jeova pio judidida, pio judimo̧diibëda, Ütëdëpe bagarea̧ decjiari̧ Ütëdida, bucho ana̧ Ütëdida, pio ju̧i̧ ja̧ chja̧oerämo̧ cjo̧ro̧quëda' quëna̧mȩrȩ go̧a̧coni̧da, Jeova quȩmȩ ju̧i̧ go̧a̧coni̧da."

Da̧de 12:7

Ja̧dëa ji̧ chjibo bërebëreai̧ tjamo̧ra̧ ina̧ oa cjiamȩ mu̧i̧tjoi̧ üdë, bea uëmo̧ cjiamȩ mu̧i̧tjoi̧ pio judi, jibëa̧ ichi ju dëbëribo uëräpȩmo̧ cjiari̧ ichipe cjiamȩpea̧de a̧dë iräpȩmo̧. Ado ja̧di ta̧rëri̧ dëbë yo̧a̧dejȩ ado cja̧rȩmo̧ mu̧i̧tjoi̧ oa: —Napai̧ japamitëdë, pio jiro ma̧i̧ da chjai̧dë üdë yuropapade japamitë chjätä ëte, tjarari̧ ui codë tjomo̧ra̧ a̧de chjätä ëte. Jabechji̧ Ütë tjamo̧ ja̧ pumȩ pio ji̧ri̧ ja̧ ju chiarea̧ üdë goarijäa̧rä, judiro̧ acji jana̧ji̧ri̧ pio ji̧ri̧ dëbëpe chjaorea̧ chiadëji̧ri̧pea̧rä yuropapade pio jiro chjai̧dë üdë. Aja̧, ja̧di ta̧rëri̧ yo̧requedemȩ, bucho ana̧ cjo̧ro̧mȩ Ütë pio ju̧i̧ ja̧ dachoro cjiamȩrȩ, mȩa tjamo̧i̧ cjiari̧ baämȩ ma̧ȩ oa yo̧mȩrȩ —yo̧a̧dejȩ.

Da̧de 4:34

Ado Nabucodonocho judi ji̧dë u̧i̧ ni̧bämȩrȩ ja̧di ta̧rëri̧ a̧de ni̧bä chjaorëremȩdejȩrȩ jibëa̧ pumȩ ütëbodärä oa: —Ado danȩrȩ ca̧ pumȩ, 7 ui üdë chjätä ëte, cüdë, Nabucodonocho pio judi, jabë chiri tjoräpe cjo̧ro̧rä judirä, jabechji̧ uëräpȩmo̧ gatë damȩrȩ gatë daea̧requede. 'Aja̧, Ütë tjamo̧ pio judimo̧dida, tjamo̧ yo̧mȩ pio judidida' quëna̧ dabamȩpea̧mȩrȩ a̧dëräpȩmo̧ gatë daea̧requede. Ado ja̧dëa ji̧ chjadëri̧ jo̧rȩtamȩpea̧requede ado chjereno̧, cüdë jo̧rȩtarërea̧mi̧. Ado a̧dë chjäte Ütë pio ju̧i̧ chjacjiamȩri̧ jo̧rȩtamȩrȩ ni̧bämȩpea̧requede davä pio ju̧i̧ chjiari. Ba chiaparȩmi̧ dari̧ ni̧bäa̧requede bucho ana̧ cjo̧ro̧mȩ Ütë pio ju̧i̧ chjiari. Aja̧, ja̧di ta̧rëri̧ yo̧mȩrȩ yo̧a̧requede: "A̧dë chjäte Ütë judi bucho ana̧ tjamo̧ yo̧mȩrȩ cjiade. Jabechji̧ judi yo̧a̧ chja̧oerä cjo̧ro̧rea̧ üdë yuroparea̧mi̧dëde, jabo bucho ana̧ Ütëmȩrȩ cjiade goarijärea̧mi̧dëri̧.

Ebereo Ma̧ȩ 7:25

Ado pio ju̧i̧iä nö̧tade pumȩ ji̧ri̧ ji̧dë ma chjätä tänȩpea̧ ji̧. Ado pio ju̧i̧iä eami̧ pumȩ oa, Jechu pio ju̧i̧ quëna̧mȩ oa, Ütë tjamo̧ pio ju̧i̧iäpȩ jämi̧ dari̧ quëna̧mȩ oa, jabechji̧ chjätärea̧ yürüdejȩ. Jabechji̧ judi bucho ana̧mȩ tara, judi ja̧bodëmȩ tara, jabechji̧ pio ibë chjiari ji̧dë ma goë tuti cjo̧dëpai̧ dade Ütë tjamo̧ pio ju̧i̧iä.

Ebereo Ma̧ȩ 7:8

Devirea̧ pio judiri ja̧ji̧ri̧ judiro̧, goë tuti ja̧bepaji̧ri̧ pio judiro̧, jabechji̧ cja̧rȩmȩmi̧ da oa boarëreji̧ri̧dirȩ jibëa̧ pumȩ pio ji̧ri̧iä, jënȩro̧ cjo̧ro̧a̧ nö̧ta. Jabo cjäri̧ madirȩ, ja̧borea̧ chia tara, japamitë ana̧ri̧ ja̧beparea̧ dadërëreji̧ri̧dirȩ. Jabechji̧ ja̧bo ga̧re baä marëreji̧ri̧dirȩ. Ado pio ju̧i̧iä ji̧dë u̧i̧ ba chiamȩde Mequichede judi, ja̧bodëmȩ goë tuti ja̧bepami̧ dari̧ cjia tara. Jabechji̧ judi ja̧boa̧ pio ju̧i̧ chjiari go̧ȩpea̧ oa cjiadë oaiä, jabechji̧ ji̧dë ma goë tuti ja̧bepamȩmi̧ dari̧ cjo̧ro̧de.

Jechurë Na̧rȩrërea̧ Ma̧ȩ 1:18

Cjo̧ro̧rea̧ yürümȩ pio judirequede. Ja̧boa̧rëremȩrȩ bëdüa̧requede davä bucho ana̧ cjo̧ro̧pea̧ oa. Danȩ, ja̧borea̧ üdë ca̧ mu̧i̧tjoi̧mi̧ dade. Ca̧ chja̧oerä cjiami̧ dari̧ cjiade. Ado joë ya coërea̧ oa goarequede ja̧boa̧ji̧ri̧ judiro̧ tutia̧ oa cjiamȩräpȩ arë goëpea̧ oa, chjuari̧ tuti carapea̧ oa.

Jechurë Na̧rȩrërea̧ Ma̧ȩ 10:6

Ado jibëa̧ ichira̧ a̧dëräpȩmo̧ goë mitëmȩrȩ tarupea̧de ni̧bäpea̧ ji̧. Ja̧di ta̧rëri̧ yo̧a̧dique: —Danȩ Juan —yo̧a̧dique—. Ji̧dë ma jidatadëpade Ütë tjamo̧ judi jabo jabechji̧, jënȩ pearä judi ütarë jo̧rȩtarërea̧mi̧ japadäräpade —yo̧a̧dique—. Aja̧, Ütë tjamo̧ ja̧ quȩrä tjamo̧i̧ cjiari̧ yo̧mȩrȩ ma̧ȩ yürürequedemȩ, teracabari̧ yo̧rea̧ decjiari̧. Bucho ana̧ cjiamȩ pio ju̧i̧ ja̧ quȩrä, a̧dë oa Pareapamȩ pio ju̧i̧ ja̧ quȩrä, dabu oa, ado ui ana̧ oa Pareapamȩ pio ju̧i̧ ja̧ quȩrä ma̧ȩ yürürequedemȩ judi jo̧ȩra̧pe japadäräpea̧ pio ju̧i̧ chjiari. Tjamo̧ davä. Pio judimo̧de. Uirä cjo̧ro̧mȩ chjö̧na̧i̧ oa Pareapamȩ pio judide. Daburo cjo̧ro̧mȩ chjö̧na̧i̧ oa Pareapamȩ pio judide. Ado pio ju̧i̧ ja̧ quȩrä tjamo̧i̧ cjiari̧ yo̧mȩrȩ ma̧ȩ yürürequedemȩ, teracabari̧ yo̧rea̧ decjiari̧. Aja̧, jidatadëmȩrȩ japadäräpade davä jënȩ pearä jo̧rȩtarërea̧mi̧.

Jechurë Na̧rȩrërea̧ Ma̧ȩ 15:7

Ja̧dëa ji̧ jibëa̧ icjara nö̧tai̧ oa dacho chiaji̧ri̧ judiro̧ cja̧rȩmȩrȩ goë yürüa̧dejȩrȩ cja̧ȩta̧ra̧ ichiri yo̧a̧ri̧ tachja oa. Cjarȩmȩ tachja oa yürüa̧dejȩ mu̧i̧tjoi̧ nö̧ta oa. Bucho ana̧ cjiamȩ Ütë pio ju̧i̧ ja̧ ërecjiarea̧ chia maea oa yürüa̧dejȩrȩ tachja oa, tjuri cjia oa. Orora̧ japea̧ oa cjiamȩ tachja maea oa yürüa̧dejȩrȩ.

Jechurë Na̧rȩrërea̧ Ma̧ȩ 21:5

Ja̧dëa ji̧ ta̧rëa̧reconȩ Ütë ja̧ charea̧räpȩ chamȩ oa. Ja̧di ta̧rëri̧ ni̧bämȩ oa ta̧rëa̧reconȩ Ütë tjamo̧ ju̧i̧: —Jabechji̧ chjö̧na̧i̧däräti̧ oa peaja̧ mape bagari̧ jëdano̧requede yaba̧. Aja̧, ja̧di ta̧rëri̧ yo̧mȩ oa ta̧rëa̧reconȩ. Ado ja̧dëa ji̧ ji̧dë u̧i̧ yo̧mȩrȩ ja̧di ta̧rëri̧ yo̧a̧dique pio coaiäpȩmo̧. —Go̧ȩpavä —yo̧a̧dique—. Pio jiro ma̧ȩ üdë tjamo̧i̧ cjiari̧ baäde. Ma̧diä ma̧diä cjia tänȩrea̧ ma̧ȩdëde, jabo quëna̧pea̧ ma̧ȩde. Go̧ȩpavä —yo̧a̧dique.

Jechurë Na̧rȩrërea̧ Ma̧ȩ 4:2

Ado chjaodëri̧ cjiana̧ra̧dique Tjo tjamo̧ judi. Ado pio ju̧i̧ ja̧ chja̧oerä cjiamȩrȩ chjaodëri̧ daea̧reconȩ charea̧ ba chia oa, a̧dëräpȩmȩ oa. Ado cja̧rȩmȩrȩ charemȩde charea̧rä.

Jechurë Na̧rȩrërea̧ Ma̧ȩ 4:8

Ado pio jiro cjo̧ro̧ji̧ri̧ judiro̧ jadüchiami̧rȩ pjö̧dato chia mareji̧ri̧dirȩ. Cja̧ȩta̧ra̧ ichiri cja̧rȩmȩ pjö̧dato oa chia mareji̧ri̧dirȩ. Ado dëdë, jibëa̧ icjara nö̧tai̧ oa dacho chiareji̧ri̧dirȩ. Tjamo̧ davä. Jibëa̧ icjara nö̧tai̧ oa ina̧ oa cjiami̧ dari̧ cjiaremȩde dacho maeara̧. Ado ji̧dë ma go̧a̧reji̧ri̧dirȩ do yoa, gȩnȩ yoa. Go̧a̧dëpe bagarea̧ decjiari̧ go̧a̧reji̧ri̧dirȩ Ütë tjamo̧ pio ju̧i̧iäpȩmo̧, chjacjiamȩri̧ jo̧rȩtaji̧ri̧rȩ. Ja̧di ta̧rëri̧ go̧a̧reji̧ri̧dirȩ: ‘A̧dë chjäte tatachjade Ütë tjamo̧ judi, ibëa̧ Ano̧mȩ judi. A̧dë chjäte ju chiamȩ pio judide. Pearämȩ pio judide. Tarupadëmȩ pio judide. Jabechji̧ cjiamȩde. Ado yuropadëmȩde. Bucho ana̧ cjiamȩde’ Aja̧, ja̧di ta̧rëri̧ go̧a̧ji̧ri̧rȩ go̧a̧reji̧ri̧dirȩ.

Jechurë Na̧rȩrërea̧ Ma̧ȩ 5:1

Ado mire damȩrȩ daea̧requede cja̧rȩmȩ go̧ȩ i go̧a̧ti̧ oa, puria̧ oa cjiamȩ oa. Ütërë charea̧ ba chiaräpȩ chamȩ pio ju̧i̧ ja̧ ichirä daea̧reconȩ mu̧i̧ chjuari goa chamȩ oa. Go̧ȩpea̧ oa chiaremȩde dëbëribo. Ado tata yo̧ uira̧ gu̧ro tänȩa̧ oa cjiaremȩde. Aja̧, 7 co gu̧ro tänȩ ëte yo̧ra̧ tutia̧ oa cjiaremȩde. Ji̧cha̧parȩa̧ oa cjiaremȩde jare baärea̧mi̧dëri̧. Ado tata yo̧ra̧ gu̧ro tänȩa̧ nö̧ta oa acji cjaeäa̧ oa cjiaremȩde 7 ji̧cha̧ra̧. Aja̧, pio jiro go̧ȩ i puria̧ oa cjiamȩ pio ju̧i̧ daea̧reconȩ tata yo̧ra̧ tutia̧ oa cjiamȩ oa.

Jechurë Na̧rȩrërea̧ Ma̧ȩ 6:16

Ado ëna̧ quira̧ti̧ cjiaji̧ri̧rȩ ëna̧tea̧diro̧jo̧ȩ ya̧mi̧ oa, ta̧dë chacha oa, ta̧rërea̧ chiadëmȩ oa. Ado ja̧di ta̧rëri̧ ëna̧diätea̧diro̧jo̧ȩ: —Goadirea̧ yürüibe. Ano̧ mire chami̧ dari̧ japachji̧vä ibë chjadëri̧ i̧äpapea̧ oa —ëna̧diätea̧dirȩ—. Ütërë charea̧räpȩ chamȩ pio judi ibë dachea oa, Oveja pëi̧ chjamȩmi̧ da pio ju̧i̧ ja̧ ërecjia̧ üdë pio ibëiäpȩmo̧ acji cjatächea oa, jabechji̧ chjadëri̧ i̧äpaibe.

Jechurë Na̧rȩrërea̧ Ma̧ȩ 7:15

Pio ju̧i̧iä ji̧dë ma ja̧bepe cjiadirȩ Ütërë chamȩ dëbëräpȩ ju̧ri̧. Aja̧, do nö̧ta, gȩnȩ nö̧ta Ütë tjamo̧ ja̧ bëräpȩ cjiadirȩ pio ju̧i̧ ja̧ oa ja̧bepë yürüpea̧ oa. Ado charea̧ ba chiaräpȩ chamȩ pio ju̧i̧ ja̧ chjo̧erä cjia oaiä, jabechji̧ pio ju̧i̧ ja̧ i̧ärä cjo̧ro̧padirȩ, chjadëri̧ jida̧ oa cjiaji̧ri̧rȩ.