Abara̧ judi ui ji̧ra̧ri̧ goamȩpea̧mȩ oa, 99 ui goamȩpea̧mȩ oa, ma̧ȩ yürürëremȩdejȩ Jeova judi. Na̧rȩmȩrȩ ma̧ȩ yürürëremȩdejȩ ja̧di ta̧rëri̧ yo̧mȩrȩ: —Danȩ, Ütë tjamo̧ pio judirequede. A̧dë chjäte ju chiamȩ Ütë pio judirequede. Coëma cjiari̧ cjo̧ro̧tä, co chjami̧ dari̧ cjo̧ro̧tä earequedemȩ, ca̧ ma̧ȩ pio ju̧i̧ chjadëri̧ ta̧rëdiämȩrȩ.
Jechurë Na̧rȩrërea̧ Ma̧ȩ 4:8 - Biblia Pume8 Ado pio jiro cjo̧ro̧ji̧ri̧ judiro̧ jadüchiami̧rȩ pjö̧dato chia mareji̧ri̧dirȩ. Cja̧ȩta̧ra̧ ichiri cja̧rȩmȩ pjö̧dato oa chia mareji̧ri̧dirȩ. Ado dëdë, jibëa̧ icjara nö̧tai̧ oa dacho chiareji̧ri̧dirȩ. Tjamo̧ davä. Jibëa̧ icjara nö̧tai̧ oa ina̧ oa cjiami̧ dari̧ cjiaremȩde dacho maeara̧. Ado ji̧dë ma go̧a̧reji̧ri̧dirȩ do yoa, gȩnȩ yoa. Go̧a̧dëpe bagarea̧ decjiari̧ go̧a̧reji̧ri̧dirȩ Ütë tjamo̧ pio ju̧i̧iäpȩmo̧, chjacjiamȩri̧ jo̧rȩtaji̧ri̧rȩ. Ja̧di ta̧rëri̧ go̧a̧reji̧ri̧dirȩ: ‘A̧dë chjäte tatachjade Ütë tjamo̧ judi, ibëa̧ Ano̧mȩ judi. A̧dë chjäte ju chiamȩ pio judide. Pearämȩ pio judide. Tarupadëmȩ pio judide. Jabechji̧ cjiamȩde. Ado yuropadëmȩde. Bucho ana̧ cjiamȩde’ Aja̧, ja̧di ta̧rëri̧ go̧a̧ji̧ri̧rȩ go̧a̧reji̧ri̧dirȩ. Faic an caibideil |
Jechurë Na̧rȩrërea̧ Ma̧ȩ 4:8
42 Iomraidhean Croise
Ja̧di tara na̧e chia tjamo̧chji̧vä uapai̧ da oaiä. Ado a̧dë jo̧rȩtadëchji̧vä cüdë dibëa̧ charerä japarërea̧ ji̧. Jabechji̧ tjarari̧ ui nö̧ta ji̧dë ma a̧ra̧ano̧ chjaorëremȩrequededibe pumȩ nö̧tai̧ oa. Doromo̧dë jabo gȩnȩräbo chi̧dëea̧requededibe, pio dibë tjamo̧ri̧ a̧dotämi̧ cjiamȩrȩ. Ado tjaoërä, dëdë, da ui gu̧rori̧ chi̧dëearëremȩrequededibe, pio dibë chjiari bücjüri̧ cjiamȩrȩ. Aja̧ ca̧ oti̧, a̧dë jo̧rȩtadëchji̧vä cüdë dibëa̧ chjarerä japarërea̧ pio ju̧i̧ —yo̧a̧dejȩrȩ.
Ado dibëa̧ Ama̧i̧parequede. Ado pio mȩnȩro̧ ca̧ u̧ri̧ maparenȩrȩ. Aja̧, ca̧ ja maearë, ca̧ jabi maearë cjo̧ro̧panȩrȩ.” Aja̧, ja̧di ta̧rëri̧ yo̧mȩrȩ yo̧rëremȩde ibëa̧ Ano̧mȩ judi, a̧dë chjäte jauëchjamȩ pio judi. Tjamo̧ davä. Judi ibëa̧ icjararä jabë bëpadëa̧rä, ja̧di ta̧rëri̧ yo̧rëremȩde jabërä pio ibë chjiari jo̧rȩtamȩrȩ.
Ado danȩrȩ ca̧ oti̧, ¿jo̧rȩtadënȩrȩ? A̧ro̧rȩ dibëa̧ chjarerä ana̧ri̧ ja̧beparërea̧ ji̧ ¿jo̧rȩtadënȩrȩ? Doromo̧dë oa jabo gȩrȩräbo ja̧bepe cjiarëreji̧ri̧rea̧rȩ ibëa̧ chëre oa boapea̧ oa. Jabechji̧ pio dibëiä cjo̧dëtärea̧ ji̧, cjäri̧ marea̧rȩ, ibëa̧ oa ja̧beparëreji̧ri̧rea̧rȩ ibëa̧ jurarea̧ oa gatëpea̧ oa. Tjamo̧ davä. A̧ro̧rȩ Ütë ja̧ ma̧ȩ chjadëi̧ oa a̧ra̧ano̧rërea̧ ji̧, ja̧di da maeari̧ ja̧bepe cjiarëreji̧ri̧rea̧rȩ pio dibëiä cjo̧dëchea oa.
Ado ji̧dë ma nae chiavä pio mȩa chjiari. Ado mȩnȩ ji̧dë ma coëma cjiari̧ a̧ra̧ano̧pea̧ ji̧ peaja̧di na̧e chiavä. Jabechji̧ coëma cjiari̧ baämȩ no̧ro tai̧mi̧ dari̧ cjo̧ro̧vä, tjamo̧i̧ cjiari̧ baämȩ ma̧ȩ oa acji mitëmi̧ dari̧. Jabechji̧ mȩnȩ chjadëri̧ ta̧rëdiäa̧ oaiä, jabechji̧ chjadëri̧ chjätärea̧ daparenȩ, pio mȩa ta̧rë ja̧boji̧ri̧ pio judiro̧borë.
Jabechji̧ ji̧dë ma a̧ra̧ano̧vä Ütë tjamo̧ ja̧ ma̧ȩ oa, a̧ra̧ano̧e ano̧rea̧ decjiari̧. Jabechji̧ a̧ra̧ano̧rea̧mi̧dëräbo a̧ra̧ano̧tä yo̧tarequedemȩ, goaedëräbo, mȩnȩ taradëräbo, judiro̧ ta̧rëtämi̧ cjiadëräbo. Jabechji̧ a̧ra̧ano̧jȩrȩ. Jëreeamȩmi̧ dari̧ a̧ra̧ano̧jȩrȩ. Aechide yo̧mȩmi̧ dari̧ a̧ra̧ano̧jȩrȩ, judiro̧ poë cürë jo̧rȩtarea̧mi̧ dari̧. ‘Aja̧, oëra̧diäa̧quëda, jëdano̧pea̧ chiaquëda’ quëna̧rea̧mi̧ dari̧ a̧ra̧ano̧jȩrȩ. Oëra̧diäa̧ji̧ri̧ pio ji̧ri̧bo chi̧dëeajȩrȩ. Ado pume ji̧ri̧ järiparȩpea̧ oa peaja̧di a̧ra̧ano̧jȩrȩ. Jabechji̧ judiro̧ cjätäcjie jo̧rȩtarea̧ dapea̧ oa a̧ra̧ano̧jȩrȩ, chjichjipami̧ dari̧. Jabechji̧ ma̧ chjua jo̧rȩtamȩrȩ a̧ra̧ano̧jȩrȩ. ‘Jabechji̧ cja̧rȩmȩ como̧ a̧ra̧ano̧a̧ üdë jabechji̧ jirodida’ quëna̧rea̧ decjiari̧ ji̧dë ma a̧ra̧ano̧jȩrȩ.
Aja̧, Juan pio judi tjamo̧requede cüdë. Pio yoa ma̧ȩ oa go̧ȩpe chjadürequedejȩrȩ Quiricho ja̧ a̧doparea̧ oa, cja̧ȩta̧ra̧ ichiri yo̧a̧ri̧ buba oa, Achia quȩmȩ chiriräpȩ tjaoëpa a̧dopaji̧ri̧ oa. Ado pio dibë chjiari goë cjo̧dërequede Ütë tjamo̧ pio ju̧i̧iä. Tjamo̧ davä. Pearämȩ pio ju̧i̧iä, jabechji̧ cjiamȩ pio ju̧i̧iä, yuropadëmȩrȩ cjiamȩ pio ju̧i̧iä goë cjo̧dërequede pio dibë chjiari. Aja̧, pio dibëiäpȩmo̧ cjäri̧ri̧ cjiamȩrȩ yürütä goë cjo̧dërequede, mȩnȩro̧ ma̧ chjupi̧ cjiari̧ jo̧rȩtarea̧mi̧ dari̧. Jabo pio ju̧i̧iämo̧ cjo̧dëdërequede. Jabechji̧ Tjo tjamo̧ pio ju̧i̧iäbo goë cjo̧dërequede. Tjamo̧ davä, Tjo tjamo̧ pio ju̧i̧iä, Ütë ja̧ charea̧ ba chia ja̧ dëbëräpȩ cjiamȩ pio ju̧i̧iä, cja̧ȩta̧ra̧ ichiri yo̧a̧ri̧ na̧rȩrea̧ chiamȩ Tjo tjamo̧ pio ju̧i̧iä peaja̧di goë cjo̧dërequede pio dibë chjiari.
Ado Ano̧mȩ Ütë judi, a̧dë chjäte jauëchjamȩ pio judi, ja̧di ta̧rëri̧ yo̧de: “Pio cüdë pearä judirä pareaparërea̧ oaiä, jabechji̧ chjö̧na̧i̧rȩ taruparëremȩde. Pio coaiämo̧ taruparëremȩde. Ado yaba̧ pio cüdë tänȩa̧ oaiä, yuropea̧ oa cjiapade goarijädärärea̧mi̧ dari̧. Jabechji̧ pearämȩ pio judimȩrȩ cjiarequede yuropadëmȩrȩ cjiamȩ judi.” Aja̧, ja̧di ta̧rëri̧ yo̧de Ano̧mȩ Ütë judi.
Ado Ütë tjamo̧ pio ju̧i̧iäpȩmo̧ yo̧a̧diro̧jo̧ȩ: “Aja̧, ibëa̧ Ütërenȩ. Ibëa̧ Ano̧mȩrenȩ. A̧dë chjäte jauëchjamȩ pio judirenȩ. Jabechji̧ peadëri ja̧ cjiamȩrenȩ taruparea̧ decjiamȩrȩ. ‘Ado chjadëri̧ japadida’ quëna̧ jo̧rȩtaji̧ri̧rȩ chjacjiamȩri̧ jo̧rȩtarea̧ro̧mȩ ibëa̧ Ütë. Jabechji̧ na̧ jauëchjara̧ pio ju̧ri̧ra̧ chiri tjamo̧ cjo̧ro̧mȩpea̧renȩ yaba̧, pumȩ ütëbodärärë na̧ chja̧oerämo̧ cjo̧ro̧pea̧ oa.
Ado judiro̧ cjo̧dëra̧ conȩdari pio judiri ji̧dë ma cjitëpade chjä üdë, cjitëdëpe bagarea̧ decjiari̧. Aja̧, ji̧dë ma tüea̧ oaiä, jabechji̧ bucho ana̧ cjitëpade. Ado cjatäcjiarea̧ dadëpadirȩ ju̧ri̧pȩ. Jabechji̧ doro cjatäcjia datärea̧ ji̧, cjäri̧ madirȩ, cjatäcjiarea̧ dadëpadirȩ. Ado gȩnȩrä cjatäcjiarea̧ datärea̧ ji̧, peaja̧di cjatäcjiarea̧ dadëpadirȩ. Jabechji̧ cjatäcjiarea̧ decjiaräpȩ cjiadiäpadirȩ bucho ana̧. Aja̧, judiro̧ uirimȩ pio ju̧i̧iäpȩmo̧ chjacjiamȩri̧ jo̧rȩta̧ oaiä, ado pio judimi̧ dari̧ jëdano̧a̧ ütë pio ju̧i̧iäpȩmo̧ chjacjiamȩri̧ jo̧rȩta̧ oaiä, jabechji̧ ja̧di dari̧ cjiadiäpadirȩ. Tjamo̧ davä. Judiro̧ jibëa̧ irä chiaji̧ri̧pea̧ oaiä, pio ju̧i̧ ja̧ quȩ oa ütararea̧ go̧ȩ chiaji̧ri̧pea̧ oaiä, jabechji̧ ja̧di dari̧ cjiadiäpadirȩ bucho ana̧. Aja̧, ja̧di ta̧rëri̧ yo̧mȩrȩ yo̧a̧dique a̧dërimȩ mu̧i̧tjoi̧ üdë.
Ado cüdë ta̧rëa̧ pio jiro pumȩ judiro̧ no̧i̧dëreji̧ri̧dirȩ. Aja̧, 144 mil pumȩreji̧ri̧dirȩ. Ado Ütë ja̧ charea̧ ba chia dëbëräpȩ cjiareji̧ri̧dirȩ. Aja̧, Ütë ja̧ dëbëräpȩ ju̧ri̧, jibëa̧ icjara nö̧ta oa dacho chiaji̧ri̧ pio ji̧ri̧ ja̧ dëbëräpȩ ju̧ri̧, tjamo̧ yo̧ji̧ri̧ pio ji̧ri̧ ja̧ dëbëräpȩ ju̧ri̧ cjiareji̧ri̧dirȩ. Ado jënȩro̧ dabapea̧ pio ju̧i̧ go̧a̧reji̧ri̧dirȩ go̧a̧rea̧ peaja̧ oa, o judiro̧ dabaparea̧mi̧dëri̧ go̧a̧rea̧ oa. Jabechji̧ pio judiro̧ gatëa̧ oa cjia tara, dai chirirä ja̧ jo̧rȩta̧ chja̧oeri pio go̧dü tänȩa̧ oa cjia tara, jabechji̧ pio judiro̧mo̧rȩ go̧a̧rea̧ daea̧diro̧jo̧ȩ.
Ado Moicherë go̧a̧rërea̧ duri pio ju̧i̧ go̧a̧reji̧ri̧dirȩ, Oveja pëi̧ chjamȩmi̧ darë go̧a̧rërea̧ duri pio ju̧i̧. Tjamo̧ davä, pio judiro̧ go̧a̧rërea̧ duri pio ju̧i̧ go̧a̧reji̧ri̧dirȩ. Ja̧di ta̧rëri̧ go̧a̧reji̧ri̧dirȩ: “Ano̧mȩ Ütë, a̧dë chjäte ju chiamȩrenȩ. A̧dë chjäte chjadëri̧ japamȩrenȩ a̧ro̧rȩ dabarea̧mi̧dë pio ju̧i̧. Dacho bëremi̧ cjiari̧ jo̧rȩtaji̧ri̧rȩ darea̧rȩ davä mȩnȩ japea̧ pio ju̧i̧. Aja̧, chiriräpȩti̧ oa cjo̧ro̧ji̧ri̧ pumȩ pio ji̧ri̧ ja̧ Ano̧mȩrenȩ. Ado coëma cjiari̧ japamȩrenȩ tjamo̧i̧ cjiari̧.
Ja̧dëa ji̧ jibëa̧ icjara nö̧tai̧ oa dacho chiaji̧ri̧ judiro̧ cja̧rȩmȩrȩ goë yürüa̧dejȩrȩ cja̧ȩta̧ra̧ ichiri yo̧a̧ri̧ tachja oa. Cjarȩmȩ tachja oa yürüa̧dejȩ mu̧i̧tjoi̧ nö̧ta oa. Bucho ana̧ cjiamȩ Ütë pio ju̧i̧ ja̧ ërecjiarea̧ chia maea oa yürüa̧dejȩrȩ tachja oa, tjuri cjia oa. Orora̧ japea̧ oa cjiamȩ tachja maea oa yürüa̧dejȩrȩ.
Pio jiro yaröca judiro̧ jauëchja cjiari̧ na̧rȩrea̧ chiadirȩ. Ado chiriräpȩti̧ oa tai̧mi̧ dari̧ jäpadirȩ. Chiriräpȩti̧ oa tai̧mi̧ dari̧ jäpadirȩ tjamo̧ cjo̧ro̧ji̧ri̧ ütëti̧ pio judiro̧ ütëborë cja̧rȩmȩräpȩ a̧dopapea̧ oa, jibëa̧ guadia pio ji̧ri̧ nö̧ta. Tjamo̧ davä, ütëbodärä oa a̧dopa tänȩpadiro̧jȩrȩ a̧dë chjäte ju chiamȩ Ütë pio ju̧i̧ dëbëpe chjaopea̧ oa. Ütërë ütara̧ do üdë, a̧dë chjäte uapai̧ da do üdë ma̧na̧na̧ra̧rä, ütëbodärärë dëbëpe chjaopadiro̧jo̧ȩ.
Ja̧dëa ji̧ ta̧rëa̧reconȩ ma̧ȩ oa. Yürürea̧ mechjari pio judiri ma̧na̧mȩ ma̧ȩ oa ta̧rëa̧reconȩ. Ja̧di ta̧rëri̧ yo̧a̧mȩ oa ta̧rëa̧reconȩ: —Ano̧mȩ Ütë, a̧dë chjäte ju chiamȩrenȩ. Coëma cjiari̧ ütaramȩrȩ chjadüa̧renȩ conȩdarea̧ oa. Pumȩ judiro̧ chjai̧dëri̧ japea̧ ba oa bape chjaorenȩjȩrȩ chjadëri̧. Aja̧, jadi ta̧rëri̧ ni̧bämȩ oa ta̧rëa̧reconȩ ma̧ȩ oa.
Ado Ütë tjamo̧ ja̧ Ma̧ȩmi̧ damȩ pio ju̧i̧ ja̧ yari pio judiri go̧düa̧ oa cjiaremȩde dëbëribo jo̧dë chiamȩ coana̧rea̧ jujuai̧rȩ. Ado pio jiro cjacjarë guarea̧ra̧ pio ju̧ri̧ra̧ chjaodëri̧ boadäräpadejȩrȩ chiriräpȩti̧ oa cjo̧ro̧ji̧ri̧ pumȩ pio ji̧ri̧. Ado pio ju̧i̧ ja̧ chja̧oerä cjo̧ro̧padirȩ pumȩ judiro̧ jiadarea̧ decjiari̧. Jabechji̧ chiri tjamo̧ cjo̧ro̧mȩ Ütëmȩrȩ cjo̧ro̧pade ju chiamȩrȩ, ado cja̧rȩmo̧rȩ dëbëparea̧ decjiari̧. Jibëa̧ ërecjia̧ pio ju̧i̧ ana̧ri̧ na̧rȩpadejȩrȩ uapai̧ da tjamo̧ oa. Jabechji̧ pumȩ üdë uva cho oa papëpe boa boa cjaeämi̧ dari̧ bape chjaopadejȩrȩ, Ütë ja̧ ërecjiarea̧ra̧ pio ju̧ri̧ra̧.
Ja̧dëa ji̧ tjamo̧ jidaji̧ri̧ judiro̧ ta ütëbo jadüchiami̧rȩ, 24rë juchatura̧ cjiadäräa̧dirȩ Ütë tjamo̧ ja̧ dëbëräpȩ, pio ju̧i̧iäpȩmo̧ chjacjiamȩri̧ jo̧rȩtapea̧ oa, charea̧ ba chiaräpȩ chamȩ oa jo̧rȩtapea̧ oa. Ado peaja̧di dari̧ japea̧dirȩ jibëa̧ icjara nö̧tai̧ oa dacho chiaji̧ri̧ judiro̧. Peaja̧di chjacjiamȩri̧ jo̧rȩtareji̧ri̧diro̧jo̧ȩ. Ado ji̧mo̧ ni̧bäji̧ri̧rȩ yo̧a̧diro̧jo̧ȩ: —Tjamo̧de —yo̧a̧dirȩ—. Chjacjiamȩri̧ jo̧rȩtarea̧ro̧mȩ Ütë —yo̧a̧dirȩ.
Ja̧dëa ji̧ cüdë daea̧ üdë, ji̧dë u̧i̧ yo̧mȩrȩ ja̧di ta̧rëri̧ ni̧bä chjaoa̧dique: —Danȩ, ja̧di ta̧rëri̧ ma̧ȩ go̧ȩpe chjadütä earequedemȩ ca̧ mu̧i̧tjoi̧ pio ju̧i̧iäpȩmo̧, Pjiradepjia quȩmȩ bë ma̧ri̧räpȩ tjamo̧ jidamȩ pio ju̧i̧iäpȩmo̧ —yo̧a̧dique—. Pio jȩa nö̧ta a̧dopaji̧ri̧ pio ji̧ri̧iäpȩmo̧ ja̧di ta̧rëri̧ ni̧bä chjaotä eareconȩ: “Danȩrȩ, chjai̧dëra̧ mirea̧ oa cjiadëmȩ pio judirequede. Tjamo̧i̧ cjiari̧ cjiamȩ pio judirequede. Ado Davi quȩmȩrea̧ ütë pio ju̧i̧ ja̧ joë ya coërea̧ pio ju̧i̧ goarequede. Ado pio ju̧i̧iä cüdë eami̧ tuti cararea̧ joë ya oa chjuari̧ tuti cararä judi, jabechji̧ chjuari̧ tuti cara̧ oa cjiapade, ado cja̧rȩmo̧rȩ areiarea̧ decjiari̧. Ado cüdë eami̧ tuti cararea̧ joë ya oa areiarä judi, jabechji̧ chjuari̧ tuti cararea̧mi̧dëri̧ areia̧ oa cjiapade. Jabechji̧ cüdë ütärë jo̧rȩta̧mi̧ japadärärea̧ chiarequede, ado cja̧rȩmo̧rȩ dëbëparea̧ decjiari̧.
Ado ütërë charea̧ ji̧ra̧ tjamo̧ oa peaja̧di daea̧requede ado cja̧rȩmo̧ oa. Ütë ja̧ charea̧ yuroti̧ oa cjiamȩ oa daea̧requede 24 charea̧ oa. Ado pio jiro charea̧rä chaji̧ri̧ oa daea̧requedejȩrȩ tjamo̧ yo̧ji̧ri̧ pio ji̧ri̧, yabo baäji̧ri̧mi̧ da pio ji̧ri̧. Chjibo bërebëreara̧ ina̧ oa cjiaji̧ri̧ oa daea̧requedejȩrȩ. Yuaji̧ri̧ oa, oro chjipararira̧ japea̧ pachecherea̧ oa yuaji̧ri̧ oa, uë chari̧ yuaji̧ri̧ oa daea̧requedejȩrȩ, chiri ütë cjo̧ro̧mȩrȩ yuami̧ dari̧ yuaji̧ri̧ oa.
Ado Ütë ja̧ charea̧ dëbëräpȩ ju̧ri̧ daea̧requede ui ana̧mi̧ da oa, chjäte darea̧mi̧ da oa, mo̧tea pjatërë tatari̧ cjiami̧ da oa. Ja̧dëa ji̧ daea̧requedejȩrȩ jadüchiami̧ oa, jibëa̧ icjara nö̧tai̧ oa dacho chiaji̧ri̧ pio ji̧ri̧. Ütë tjamo̧ ja̧ charea̧ yuro nö̧tai̧ oa cjiaji̧ri̧ oa daea̧requedejȩrȩ. Ütararea̧mi̧dëri̧ chiareji̧ri̧dirȩ jibëa̧ dacho oa. Ji̧ra̧ tjamo̧ oa, jibëa̧ icjara nö̧tai̧ oa dacho chiareji̧ri̧dirȩ yabori, apëribo.
Ado ja̧dëa ji̧ daea̧reconȩ Oveja pëi̧ chjamȩmi̧ da pio ju̧i̧. Ütërë chamȩ ba chiaräpȩmȩ oa daea̧reconȩ cjiamȩ oa. Ado jibëa̧ icjara nö̧tai̧ oa dacho chiaji̧ri̧ pio judiro̧ jadüchiami̧rȩ tjoro tänȩa̧diro̧jo̧ȩ jibëa̧ yuro nö̧tai̧ oa cjiari̧. Ado tjamo̧ yo̧ji̧ri̧ judiro̧ peaja̧di tjoro tänȩa̧diro̧jo̧ȩ ta ütëbo jadüchiami̧rȩ, 24rë. Ado Oveja pëi̧ chjamȩmi̧ da pio ju̧i̧ daea̧ ji̧, ja̧bo tänȩa̧ oa cjiami̧ da oa daea̧reconȩ. Ado yatë chiaremȩde cja̧ȩta̧ra̧ ichiri yo̧a̧ri̧ oa. Ado dacho chiaremȩde peaja̧di cja̧ȩta̧ra̧ ichiri yo̧a̧ri̧ oa. Ado pio jiro dacho üdë, jabechji̧ Tjo tjamo̧ pio ju̧i̧ chjiari na̧rȩrea̧de. Aja̧, cja̧ȩta̧ra̧ ichiri yo̧a̧ri̧ na̧rȩrea̧ chiamȩ Tjo tjamo̧ pio ju̧i̧ chjiari na̧rȩrea̧de. Ado pio jiro Tjo tjamo̧ pio judi peadë chjadüa̧ oa cjiade chiriräpȩti̧ oa Ütë tjamo̧ pio judi chjadüa̧ ju̧i̧iä.
Ja̧dëa ji daea̧reconȩ Oveja pëi̧ chjamȩmi̧ da pio ju̧i̧. Puria̧ oa cjiamȩ go̧ȩ i oa, ji̧cha̧parea̧ cja̧rȩmȩ oa mu̧i̧ iamȩ oa daea̧reconȩ. Cja̧ȩta̧ra̧ ichiri yo̧a̧ri̧remȩde ji̧cha̧parea̧ üdë, ado cja̧rȩmȩ oa mu̧i̧ iamȩ oa daea̧reconȩ. Ado judirä, chjaodëri̧ ta̧rëa̧reconȩ cja̧rȩmȩ oa, jibëa̧ icjara nö̧tai̧ oa dacho chiamȩ cja̧rȩmȩ oa. Mai̧ dari̧ dörö eami̧ ta̧rëri̧ ni̧bämȩ oa ta̧rëa̧reconȩ ado cja̧rȩmo̧ ju̧i̧iäpȩmo̧ ni̧bämȩ oa. —Jana̧vä —yo̧a̧mȩ oa ta̧rëa̧reconȩ.
Ado ja̧dëa ji̧ ni̧bämȩ pio ju̧i̧ ta̧rëa̧reconȩ ado cja̧rȩmo̧ oa. Jibëa̧ icjara nö̧tai̧ oa dacho chiaji̧ri̧ ja̧ chjarerä ni̧bämȩ pio ju̧i̧ ta̧rëa̧reconȩ. Ado ja̧di ta̧rëri̧ yo̧mȩ oa ta̧rëa̧reconȩ: —Jurarea̧ üdë jabëdiäpade —yo̧a̧de—. Jadi tara nö̧tadëpade. Cja̧rȩmȩ do ja̧bepea̧ ba üdë nö̧tadëpade jurarea̧ oa gatëpea̧ ji̧. Tirigo oa gatëpea̧ ji̧, cja̧rȩmȩ mö̧reda̧ gatëpea̧ ji̧ nö̧tadëpade. Ado chebada quȩmȩ jurarea̧ oa, tjarari̧ mö̧reda̧ oa gatëpea̧ ji̧ peaja̧di nö̧tadëpade. Jabo yo̧ üdë ba chiape jädëpade. Jabechji̧ ba chiaparȩdëpea̧de judi. Ado uvara̧ japea̧ ërü üdë peaja̧di ba chiaparȩdëpea̧de. Pio judimo̧rȩ ba chiaparȩdëpea̧de —yo̧a̧de.
Ado a̧dërämȩ ja̧ mu̧i̧tjoi̧ pio ji̧ri̧ peaja̧di daea̧requedejȩrȩ ütëbodärä oa. Ütë ja̧ charea̧ pio ju̧i̧ tjoro tänȩji̧ri̧ oa daea̧requedejȩrȩ. Ado tjamo̧ yo̧ji̧ri̧ pio ji̧ri̧bo daea̧requedejȩrȩ, 24 oa. Ado jibëa̧ icjara nö̧tai̧ oa dacho chiaji̧ri̧ pio ji̧ri̧bo daea̧requedejȩrȩ. Ado judiro̧ ütëbodärärë chjaodëri̧ toboe china̧däräa̧dirȩ Ütërë chamȩ dëbëräpȩ ju̧ri̧, Ütë tjamo̧ pio ju̧i̧iäpȩmo̧ chjacjiamȩri̧ jo̧rȩtaji̧ri̧rȩ.
Pio ju̧i̧iä ji̧dë ma ja̧bepe cjiadirȩ Ütërë chamȩ dëbëräpȩ ju̧ri̧. Aja̧, do nö̧ta, gȩnȩ nö̧ta Ütë tjamo̧ ja̧ bëräpȩ cjiadirȩ pio ju̧i̧ ja̧ oa ja̧bepë yürüpea̧ oa. Ado charea̧ ba chiaräpȩ chamȩ pio ju̧i̧ ja̧ chjo̧erä cjia oaiä, jabechji̧ pio ju̧i̧ ja̧ i̧ärä cjo̧ro̧padirȩ, chjadëri̧ jida̧ oa cjiaji̧ri̧rȩ.
Sanasan