Jabechji̧ teracabari̧ ni̧bädërequededibe —yo̧a̧dejȩrȩ—. Danȩrȩ, a̧dë üdë goarijäpade. Ado dabu üdë peaja̧di yuropapade. Jabechji̧ bucho ana̧dëmȩ tara, yuropapade. Jabo cüdë dibë ni̧bä chjaoa̧ ma̧ȩ üdë goarijädëpade. Jabechji̧ bucho ana̧mȩ ma̧ȩ tara, yuropadëpade. Jabechji̧ tjamo̧i̧ cjiari̧ cjiadiä maearë cjiadiäpade, oëra̧ cjiarea̧ decjiari̧ —yo̧mȩrȩ ni̧bä chjaorëremȩdejȩrȩ Jechu judi.
Jechurë Na̧rȩrërea̧ Ma̧ȩ 21:4 - Biblia Pume4 Ado pumȩ judiro̧ ejaro cjiarërea̧ ji̧, jabechji̧ Ütë tjamo̧ pio judi cjatëcjie jo̧rȩtarea̧ yürüpadejȩrȩ. Ado judiro̧ ja̧bo ga̧re baäji̧ri̧rȩ cjo̧ro̧rërea̧ ji̧, cjäri̧ madirȩ, Ütë tjamo̧ pio judi tänȩa̧ oaiä ja̧borea̧ taradëpadirȩ. Ja̧borea̧ decjiapade. Jabechji̧ odai̧ tarari̧ jo̧rȩtarea̧ decjiari̧, ejaro cjiarea̧ decjiari̧, gito ja̧borea̧ decjiari̧ cjo̧ro̧padirȩ. Jabechji̧ pearä cjo̧ro̧rërea̧ üdë yuropea̧de. A̧dë tjaoëpea̧ maeade yaba̧. Peaja̧ mapea̧de. Aja̧, ja̧di ta̧rëri̧ yo̧a̧mȩ oa ta̧rëa̧reconȩ. Faic an caibideil |
Jechurë Na̧rȩrërea̧ Ma̧ȩ 21:4
26 Iomraidhean Croise
Jabechji̧ a̧ro̧rȩ, quëna̧ji̧ri̧ pio judiro̧ pio yoa chirirä ja̧ pio ju̧i̧iä tabüa̧ oa cjiami̧ dari̧ cjo̧ro̧dë matäreji̧ri̧rea̧rȩ. A̧ro̧rȩ goa̧ pio ju̧i̧iä, a̧ro̧rȩ eami̧ oa chjätäa̧ pio ju̧i̧iä tabüa̧ oa cjiami̧ dari̧ cjo̧ro̧dë matäreji̧ri̧rea̧rȩ jabo jabechji̧, ji̧dë ma järitäreji̧ri̧rea̧rȩ ibëa̧ Ano̧mȩ ja̧ ma̧ȩrä cjo̧ro̧pea̧ oa. Jabechji̧ pio yoa chiri üdë japamitë boi̧chji̧ chjätä ëte, yuropapade. Tjamo̧ davä, yuropapade. Ado pio yoa chirirä ja̧bo yuropapade. Ado pio ju̧i̧iä järiji̧ri̧rȩ ja̧bepatäreji̧ri̧rea̧rȩ ibëa̧ Ano̧mȩ ja̧ oa.
Jabechji̧ eami̧ pumȩ judi Quiricho pio judiri ja̧pe baga̧rä judi, jabechji̧ pea chjari̧ pareapea̧ oa cjiade, pumȩ peaja̧ mape bagarea̧mi̧ dari̧. Jabechji̧ no̧mȩ ja̧ jo̧rȩtarërea̧ üdë, no̧mȩ ja̧ cjo̧ro̧rërea̧ üdë goarijäa̧ oa cjiade. Ado cjo̧ro̧rea̧ peaja̧ra̧ pio ju̧ri̧ra̧ tarupade Quiricho pio ju̧i̧iä. Tjamo̧ davä. Tjaoëpai̧ dari̧ cjo̧ro̧rea̧mi̧ dari̧, tjaoëpai̧ dari̧ jo̧rȩtarea̧mi̧ dari̧ tarupade Quiricho pio ju̧i̧iä ado cja̧rȩmo̧ cjo̧ro̧rea̧ peaja̧ra̧ pio ju̧ri̧ra̧. Ado pio ju̧i̧iä yaba̧, a̧ro̧rȩ eami̧ pumȩ oa darä, quëna̧mȩ pio ju̧i̧ darä, jabechji̧ tjaoëpai̧ dari̧ jo̧rȩtaji̧ri̧rȩ darea̧ro̧jo̧ȩ, pumȩ peaja̧ maea oa.
Ado pio ju̧i̧iä ja̧di ta̧rëri̧ a̧de yo̧rëremȩde Ütë tjamo̧ judi. Ta̧rëchji̧vä. “Ja̧di tara a̧dë go̧düchji̧jȩrȩ pio coaiäpȩmo̧ quëna̧dëji̧ri̧ pio ji̧ri̧. Jabechji̧ pio ji̧ri̧ a̧dë tutia̧ oa cjiami̧ dari̧ cjiachji̧vä china̧chjari̧. Jabechji̧ pio ji̧ri̧ nö̧ta eami̧ chjai̧dë oa, eami̧ china̧chja oa japadë machji̧vä. Jabechji̧ mȩnȩro̧ ja̧di dari̧ cjo̧ro̧a̧ oaiä, mȩnȩro̧ ca̧ ma̧ȩrä chjadëri̧ cjo̧ro̧a̧ oaiä, jabechji̧ pio dibë cjäri̧ri̧ cjiamȩrȩ chjadëri̧ yu̧a̧rea̧ yürüparequededibe, ori̧ bagari̧ ëba cjiarea̧mi̧ dari̧.
Jabo judi ja̧di ta̧rëri̧ yo̧a̧ ji̧, “Aja̧, ado chjereno̧ japapareconȩ” yo̧a̧ ji̧, ¿tjana̧ yo̧rea̧de? Tjana̧ yo̧rea̧dë, jabechji̧ jënȩ pareapea̧ üdë chjö̧na̧i̧rȩ ado chjereno̧ ana̧ri̧ jö̧nö̧jö̧nö̧a maeari̧ japa ëte goarijäa̧ oa cjiapade yo̧rea̧de. Jabechji̧ jö̧nö̧jö̧nö̧a maeari̧ japarea̧mi̧ da pio judi goarijäpade, jabo jö̧nö̧jö̧nö̧a maeari̧ japarea̧mi̧ dadë pio judi goarijädëpade.
Jabo ibëa̧ Ano̧mȩ judi jo̧ȩra̧pe ma̧na̧dëräbo, jabechji̧ judi ma̧na̧pea̧ do üdë acji ma̧na̧padejȩrȩ. Garümȩmi̧ dari̧ acji ma̧na̧pade pumȩ judiro̧ daba quëna̧dërä. Ado cjo̧dë oaiä chjaodëri̧ yuropea̧ oa cjiapade a̧dë üdë, do üdë, gupënȩ üdë, a̧dëräpȩ chamȩ boë üdë chjö̧na̧i̧rȩ. Jabechji̧ ma̧i̧ dari̧ järä ea cjiari̧ tüe baäa̧ oa cjiapade yuroparea̧mi̧ dari̧. Do decjiape bagari̧, gupënȩ decjiape bagari̧, büë decjiape bagari̧ tüea̧ oa cjiapade, cjiadiärea̧ decjiari̧. Ado dabu üdë, chiri nö̧tadäräti̧rȩ tüe baäa̧ oa cjia mapade peaja̧di jiro decjiape bagari̧, chiriräremȩ üdë cjiadiärea̧ decjiari̧. Tjamo̧ davä ca̧ oti̧. Ütë tjamo̧ ja̧ ma̧ȩ pio ju̧i̧ chjiari airi̧ cjia airi̧ cjia ya̧ji̧ri̧ pio judiro̧ yo̧a̧räbo, “Cjäri̧ made, ado ma̧na̧dëpade” yo̧a̧räbo, jabechji̧ ibëa̧ Ano̧mȩ pio judi tjamo̧ri̧ ma̧na̧pade, jënȩ yo̧rërea̧mi̧.
Ado uiräpȩ jemu̧i̧ ja̧borëreji̧ri̧ pio judiro̧ bëdüa̧dirȩ Ütë tjamo̧ ja̧ dëbëräpȩ cjiadäräpea̧ oa, ütara̧ oa cjiapea̧ oa. Ado daburo na̧ra̧ oa cjiarëreji̧ri̧ pio judiro̧, ado ja̧boa̧ji̧ri̧ judiro̧ tutia̧ oa cjiamȩräpȩ cjiaji̧ri̧ pio judiro̧ peaja̧di bëdüa̧dirȩ ju̧i̧ ja̧ dëbëräpȩ cjiadäräpea̧ oa, ütara̧ oa cjiapea̧ oa. Jabechji̧ ütëbodärärë bëdüa̧ oa cjiadiäa̧ maeadirȩ. Ado judiro̧ cjo̧ro̧a̧ nö̧ta japea̧ pio ju̧i̧ ütararemȩdejȩrȩ.
Ja̧dëa ji̧ ja̧borea̧ decjiape baga̧de. Jabechji̧ ja̧borea̧ üdë acji tai̧mi̧ dari̧ japarërea̧ ji̧, pumȩ ja̧ icjararemȩ pio ju̧i̧ yuropa tänȩrërea̧ ji̧, jabechji̧ aeno̧a̧ oa cjiami̧ dari̧ cjiadiäa̧de cjo̧dë tja ana̧räpȩ ju̧ri̧. Jabechji̧ jiro decjiapea̧de. Ado ja̧boa̧ji̧ri̧ judiro̧ tutia̧ oa cjiamȩräpȩ üdë cjo̧dë tja ana̧räpȩ aeno̧a̧ oa cjiami̧ dari̧ cjiadiäa̧de peaja̧di. Aja̧, ja̧boa̧ji̧ri̧ judiro̧ tutia̧ oa cjiamȩräpȩ üdë, ja̧boa̧ji̧ri̧ pio ji̧ri̧ ji̧dë ma chaäa̧ oa goami̧ dari̧ goarërea̧ ji̧, jabechji̧ cjo̧dë tja ana̧räpȩ aeno̧a̧ oa cjiami̧ dari̧ cjiadiäa̧de peaja̧di. Jabechji̧ jiro decjiapea̧de. Ado cjo̧dë tja ana̧räpȩmo̧ aeno̧pea̧ üdë, jabechji̧ duri oa ma̧na̧mȩ ja̧borea̧de. Duri oa cjiadiäa̧mȩ ja̧borea̧de.
Ado eami̧ti̧ china̧chja üdë, Ütë tjamo̧ pio ju̧i̧iä jabechji̧dëmȩ üdë, Ütë tjamo̧ ju̧i̧iä goaedëmȩ üdë, jabechji̧ bë ma̧ri̧räpȩ yu̧a̧rea̧ dadëpade. Jabo chjadë maearë yu̧a̧rea̧ dapade. Ado pio ju̧i̧iä Ütë ja̧ charea̧ üdë pio ju̧ri̧pȩde, bë ma̧ri̧räpȩ ju̧ri̧. Ado Oveja pëi̧ chjamȩmi̧ da pio ju̧i̧ ja̧ charea̧borë pio ju̧ri̧pȩ cjiade. Ado charea̧rä chaji̧ri̧ pio ji̧ri̧ ja̧ mu̧i̧tjoi̧ pio judiro̧ chjacjiamȩri̧ jo̧rȩtapadiro̧jȩrȩ.
Jabechji̧ Oveja pëi̧ chjamȩmi̧ da pio judi chjadëri̧ jidadejȩrȩ. Tjamo̧ davä. Ütërë chamȩ yuroräpȩ cjiamȩ pio judi chjadëri̧ jidadejȩrȩ. Jabechji̧ chjadëri̧ jidamȩrȩ ëba jäpadejȩrȩ bucho ana̧ cjo̧ro̧rea̧ yürümȩ uiräpȩ, ui goaeri̧ cjitëmȩräpȩ. Ado judiro̧ ejaro cjiaji̧ri̧rȩ cjo̧ro̧rërea̧ ji̧, gito ana̧ri̧ jo̧rȩtarërea̧ ji̧, jabechji̧ tjaoëpai̧ dari̧ cjo̧ro̧rea̧ dapadirȩ Ütë tjamo̧ pio judi tuti japea̧ oaiä.
Sanasan