Jechurë Na̧rȩrërea̧ Ma̧ȩ 2:7 - Biblia Pume

⁷ "Danȩrȩ, ta̧rë puë chiami̧ dari̧ cjo̧ro̧ji̧ri̧ judiro̧ ütëborë chjadëri̧ acji cjaeä ta̧rëtäreji̧ri̧diro̧jo̧ȩ Tjo tjamo̧ pio ju̧i̧. Jabechji̧ ma̧ȩ ba chia tjamo̧ oa yo̧de ca̧ a̧doparea̧ pio ji̧ri̧iäpȩmo̧, oëra̧ti̧ oa a̧dopaji̧ri̧ oa. Ja̧di ta̧rëri̧ yo̧diibe: 'Boadäräa̧ji̧ri̧ pio ji̧ri̧ jura tänȩparequedejȩrȩ bucho ana̧ cjo̧ro̧rea̧ to ja̧ jurarea̧ pio ju̧i̧. Tjamo̧ davä. Pio jiro to üdë Ütë tjamo̧ ja̧ tjadoräpȩde. Ado pio ju̧i̧ ja̧ jurarea̧ oa jura tänȩparequededibe boadäräa̧ji̧ri̧ pio ji̧ri̧iäpȩmo̧.' Aja̧, ja̧di ta̧rëri̧ yo̧de Tjo tjamo̧ judi. Ta̧rë ja̧bochji̧jo̧ȩ.“ Aja̧ Juan, pio ju̧i̧mo̧ go̧ȩpe chjadütä earequedemȩ Epjecho quȩmȩ bë ma̧ri̧räpȩ a̧doparea̧ ja̧ tjamo̧ jidamȩ pio ju̧i̧iäpȩmo̧. Aja̧, ja̧di ta̧rëri̧ yo̧mȩrȩ ma̧ȩ yürüa̧dique Jechu judi Epjecho quȩmȩ bë ma̧ri̧räpȩ a̧dopaji̧ri̧ ja̧ oa.

Jechurë Na̧rȩrërea̧ Ma̧ȩ 2:7 Iomraidhean Croise

Taruparea̧ Ma̧ȩ 2:9

Ado ja̧dëa ji̧ to chjö̧na̧i̧ oa daburi pio judiri cjitë tänȩrëremȩdejȩ Jeova judi. Chjacjiamȩri̧ dapea̧ oa, goae tarari̧ jurapea̧ oa cjitë tänȩa̧dejȩ jurarea̧ to chjö̧na̧i̧ oa. Ado tjado tjoräpȩ ju̧ri̧ cji̧därëremȩdejȩ yo̧a̧ri̧ jurarea̧ to oa. Jabechji̧ bucho ana̧ cjo̧ro̧rea̧ yürümȩ to oa cji̧därëremȩdejȩ. Ado pio ju̧i̧ uëri chjai̧dëbo dabaparȩrea̧ to oa cji̧därëremȩdejȩ peaja̧di.

Mateo 11:15

Danȩrȩ, mȩnȩro̧ ta̧ra̧ puë chiami̧ dari̧ cjo̧ro̧rä judi, jabechji̧ chjadëri̧ acji cjaeä ta̧rëchji̧vä ⁠—⁠yo̧a̧dejȩrȩ.

Mateo 13:43

Jabo coëma cjiari̧ cjo̧ro̧ji̧ri̧ pio judiro̧, jabechji̧ dorë tatami̧ dari̧ cjo̧ro̧padirȩ Jäjäarë yo̧a̧ chja̧oerä. Pio ju̧i̧iä yo̧requededibe ⁠—⁠yo̧a̧dejȩrȩ⁠—⁠. Ta̧ra̧ cotomi̧ dari̧ cjo̧ro̧dëji̧ri̧ pio judiro̧ chjadëri̧ jo̧rȩtatäreji̧ri̧dirȩ pio yoa ma̧ȩ oa, urëdi oa jo̧rȩtaji̧ri̧rȩ ⁠—⁠yo̧mȩrȩ areiami̧ dari̧ dabapa tänȩrëremȩdejȩrȩ jibëa̧ jadü pio ji̧ri̧iäpȩmo̧ Jechu judi, teracaba cärä cho quiba chedemȩ pio ju̧i̧ chjiari.

Mateo 13:9

Aja̧, ta̧ra̧ cotomi̧ dari̧ cjo̧ro̧dëji̧ri̧ pio judiro̧ chjadëri̧ jo̧rȩtatäreji̧ri̧dirȩ pio yoa ma̧ȩ oa, urëdi oa jo̧rȩtaji̧ri̧rȩ ⁠—⁠yo̧mȩrȩ a̧ra̧ano̧rëremȩdejȩrȩ Jechu judi na̧rȩrea̧mi̧ da ma̧ȩra̧ pio ju̧ri̧ra̧.

Marcos 4:9

Ado ji̧dë u̧i̧ yo̧mȩrȩ a̧de yo̧a̧dejȩrȩ Jechu judi: —Danȩrȩ, mȩnȩro̧ ta̧ra̧ puë chiami̧ dari̧ cjo̧ro̧rä judi, jabechji̧ chjadëri̧ acji cjaeä ta̧rëchji̧vä —yo̧rëremȩdejȩrȩ.

Marcos 7:15

Danȩrȩ, eami̧ pumȩ üdë igȩrȩ chiamȩrȩ jura̧ oaiä pumȩ chjadëdëpe jädëde Ütë tjamo̧ ju̧i̧iä. Tjamo̧ davä. Eami̧ pumȩ üdë, jënȩ jura̧ pio ju̧i̧iä chjadëdëpe jädë made, jabo jibëa̧ chji̧ri pio judiri cjitëmȩ pio ju̧i̧iämo̧i̧ chjadëdëpe jäde.

Marcos 7:16

Chjadëri̧ acji cjaeä ta̧rëchji̧coe ta̧ra̧ puë chiaji̧ri̧mi̧ dari̧ —yo̧mȩrȩ yo̧a̧dejȩrȩ pumȩ ji̧ri̧.

Lucas 23:43

Ado Jechu judi dëbë yo̧a̧dejȩ: —Danȩ, tjamo̧i̧ cjiari̧ yo̧requedemȩ. Pio yaba̧ domȩ oa pio coadi ëba cjiaparenȩque chjadë tjamo̧räpȩ ju̧ri̧ —dëbë yo̧rëremȩdejȩ.

Lucas 8:8

Jabo orë cjatäa̧de dabu chjadëräpȩ. Ado buiu ëte, gägäari̧ cjitëmȩpea̧de. Ado cho chiamȩpea̧de. Aja̧, 100 cho chiamȩpea̧de cja̧rȩmȩ chorëremȩrȩ. Aja̧, ja̧di dari̧ chiamȩpea̧de dabu chjadëräpȩ cjitëa̧ oaiä —yo̧a̧dejȩrȩ. Ado Jechu judi pio jiro ma̧ȩ oa ni̧bä chjao ëte, to̧bari̧ yo̧rëremȩdejȩrȩ, ja̧di ta̧rëri̧ yo̧mȩrȩ: —Danȩrȩ, mȩnȩro̧ ta̧ra̧ puë chiami̧ dari̧ cjo̧ro̧rä judi, jabechji̧ chjadëri̧ acji cjaeä ta̧rëchji̧vä —yo̧rëremȩdejȩrȩ.

Juan 16:33

Ado pio coadimȩ tara, ja̧di ta̧rëri̧ ni̧bä chjaorequededibe mȩnȩro̧ pio coaiä chji̧ goaera̧ ma̧ chjupi̧ cjiari̧ jo̧rȩtarea̧ dapea̧ oa. Danȩrȩ, dai chirirä ja̧ jo̧rȩtarea̧ra̧ jo̧rȩtaji̧ri̧ judiro̧, dëdë, conȩdapadiro̧dibe. Jabo ja̧di dari̧ japea̧räbo, järichji̧vä. Uapadëchji̧vä. Jabechji̧ dai chirirä ja̧ chjai̧dë pio ju̧i̧ boadäräa̧reconȩ chjö̧na̧i̧ oa —yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi.

Cori̧tio Ma̧ȩ 1 2:10

Jabo danȩrȩ ca̧ oti̧, goadia̧ oa cjiarërea̧ ma̧ȩ pio ju̧i̧ daba tänȩrëremȩdiibe yaba̧ Ütë tjamo̧ judi Tjo tjamo̧ pio ju̧i̧iä. Tjamo̧ davä. Goadia̧ oa cjiarërea̧ ma̧ȩ pio ju̧i̧, pio jȩaiäpȩmo̧ ea tjamo̧ji̧ri̧ ja̧ oa goë boea̧ pio ju̧i̧ daba tänȩrëremȩdiibe yaba̧ Tjo tjamo̧ pio ju̧i̧iä. Jabechji̧ chjö̧na̧i̧däräti̧ oa dabamȩde Tjo tjamo̧ judi a̧dë jo̧rȩtarea̧ decjiari̧. Jabechji̧ Ütë tjamo̧ judi urëdi tjamo̧ oa jo̧rȩta̧ pio ju̧i̧bo dabamȩde.

Cori̧tio Ma̧ȩ 2 12:4

Jabo pio ju̧i̧mo̧i̧ dabarequede ca̧ oti̧. Tjamo̧ri̧ mitëa̧ oa cjiarëremȩrequede chjaodëri̧, ado a̧dëräpȩ yuro ëba jäa̧ oa cjiarëremȩrequede Ütërë cjiamȩräpȩ yuro. Ado ja̧dëa ji̧ cüdë cja̧rȩmȩ co ta̧rëdërërea̧ pio ju̧i̧ ta̧rërëremȩrequede a̧dë chjäte chjacjiamȩri̧ baämȩ ma̧ȩ oa. Jabechji̧ dai chirirä ni̧bärea̧ ma̧ȩra̧ pio ju̧ri̧ra̧ ni̧bä chjaorea̧mi̧dë pio ju̧i̧ ta̧rërämi̧ cjiarëremȩrequede cja̧rȩmȩ co ta̧rëdërërea̧ pio ju̧i̧.

Juan Ma̧ȩ 1 2:13

Ado danȩrȩ, pea ütëpea̧mi̧ daji̧ri̧ pio ji̧ri̧bo go̧ȩpe chjadürequededibe mȩnȩro̧ jo̧rȩtadëpe bagachea oa. Jabechji̧ mȩnȩro̧ Ichiae pio ju̧i̧ boadärärea̧ tjamo̧ri̧ daea̧ tara go̧ȩpe chjadürequededibe, 'tjamo̧ri̧ boadärärea̧ dadëa̧ jiroquëda' quëna̧chea oa. Ado go̧ȩpe chjadürequededibe ütama̧i̧mi̧ dape jäji̧ri̧ pio ji̧ri̧ peaja̧di. Jabechji̧ mȩnȩro̧ Quiricho pio ju̧i̧ peadëri ja̧ tjamo̧ri̧ dabaji̧ri̧pea̧ tara, mȩnȩro̧ pearä judiräri ja̧mȩ pio ju̧i̧ peadë dabaji̧ri̧pea̧ tara, jabechji̧ go̧ȩpe chjadürequededibe, 'tjamo̧ri̧ dabadë jirocuni̧da' quëna̧chea oa.

Jechurë Na̧rȩrërea̧ Ma̧ȩ 13:9

Pio ju̧i̧iä ta̧rë puë chiaji̧ri̧ pio judiro̧ chjadëri̧ ta̧rëdiätäreji̧ri̧dirȩ.

Jechurë Na̧rȩrërea̧ Ma̧ȩ 14:13

Ja̧dëa ji̧ ta̧rëa̧reconȩ ado cja̧rȩmo̧ oa, a̧dëri pio judiri ni̧bämȩ oa. Ja̧di ta̧rëri̧ yo̧a̧dique: —Pio yoa ma̧ȩ oa go̧ȩpatä earequedemȩ cüdë mȩa yo̧pea̧ ma̧ȩ oa —yo̧a̧dique—. Aja̧, pio yoa ma̧ȩ oa go̧ȩpavä: "Pio yaba̧ domȩri ja̧ eami̧ pumȩ üdë Ano̧mȩ Jechu pio judiri ja̧mȩrȩ ja̧borä judi, a̧dë chjäte ma̧ chiadëri̧ cjiamȩrȩ cjo̧ro̧pade." Aja̧, pio ju̧i̧mo̧i̧ go̧ȩpavä. Aja̧, ja̧di ta̧rëri̧ yo̧mȩrȩ yo̧a̧dique ma̧ȩ go̧a̧ti̧dë oa. Jabo ja̧dëa ji̧ peaja̧di dari̧ jo̧rȩtamȩ pio judi a̧de yo̧a̧diqueTjo tjamo̧ pio judi: —Aja̧, tjamo̧ri̧ yo̧de mu̧i̧tjoi̧ üdë —yo̧a̧dique—. Ma̧ chiadëri̧ cjiapadirȩ. Goae tarari̧ cjatäcjiarea̧ dapadirȩ ana̧ri̧ ja̧beparërea̧ ji̧. Ado judiro̧ ja̧bepea̧ üdë, jabechji̧ badëri̧ cjiadiädëpade, jabo chjadëri̧ ba ano̧padejȩrȩ Ütë tjamo̧ judi a̧dëräpȩ ju̧ri̧. Aja̧, ja̧di ta̧rëri̧ yo̧mȩrȩ a̧de yo̧a̧dique Ütë ja̧ tjo pio judi.

Jechurë Na̧rȩrërea̧ Ma̧ȩ 15:2

Ja̧dëa ji̧ daea̧reconȩ ui ana̧mi̧ da oa, dacho darea̧ ana̧mi̧ da oa. Cjo̧dëra̧ pio ju̧ri̧ra̧ mirea̧ oa cjiamȩmi̧ da oa daea̧reconȩ tatari̧ cjiamȩ oa. Peaja̧di daea̧requedejȩrȩ pumȩ ji̧ri̧, chirirä cjo̧ro̧mȩmi̧ da pio ju̧i̧ boadäräa̧ji̧ri̧ pio ji̧ri̧. Tjamo̧ davä. Chirirä cjo̧ro̧mȩmi̧ damȩ oa jëdano̧a̧ ütë pio ju̧i̧ boadäräa̧ji̧ri̧ pio ji̧ri̧ daea̧requedejȩrȩ. Aja̧, pio ji̧ri̧ daea̧requedejȩrȩ jibëa̧ irä ütararea̧ go̧ȩ chiadëji̧ri̧ oa, chirirä cjo̧ro̧mȩmi̧ da pio ju̧i̧ ja̧ quȩ oa ütararea̧ go̧ȩ chiadëji̧ri̧ oa. Ui ana̧ yuroti̧ oa tatari̧ a̧rȩmȩ yuroro cjiaji̧ri̧ oa daea̧requedejȩrȩ, Ütërë yürüa̧ carecare guarea̧ oa araji̧ri̧ oa.

Jechurë Na̧rȩrërea̧ Ma̧ȩ 2:11

“Danȩrȩ, ta̧rë puë chiami̧ dari̧ cjo̧ro̧ji̧ri̧ judiro̧ ütëborë chjadëri̧ acji cjaeä ta̧rëtäreji̧ri̧diro̧jo̧ȩ Tjo tjamo̧ pio ju̧i̧. Jabechji̧ ma̧ȩ ba chia tjamo̧ oa yo̧de ca̧ a̧doparea̧ pio ji̧ri̧iäpȩmo̧, oërati̧ oa a̧dopaji̧ri̧ oa. Ja̧di ta̧rëri̧ yo̧diibe: ‘Boadärärea̧ daji̧ri̧ pio judiro̧, jabechji̧ ji̧dë duri oa ma̧na̧pamȩ ja̧borea̧ pio oaiä conȩda̧ oa cjiadëpadirȩ.' Aja̧, ja̧di ta̧rëri̧ yo̧de Tjo tjamo̧ judi. Ta̧rë ja̧bochji̧jo̧ȩ.” Aja̧ Juan, pio ju̧i̧mo̧ go̧ȩpe chjadütä earequedemȩ Echimira quȩmȩ bë ma̧ri̧räpȩ a̧doparea̧ ja̧ tjamo̧ jidamȩ pio ju̧i̧iäpȩmo̧. Aja̧ ca̧ oti̧, ja̧di ta̧rëri̧ yo̧mȩrȩ ma̧ȩ yürüa̧dique Jechu judi Echimira quȩmȩ bë ma̧ri̧räpȩ a̧dopaji̧ri̧ ja̧ oa.

Jechurë Na̧rȩrërea̧ Ma̧ȩ 2:17

“Danȩrȩ, ta̧rë puë chiami̧ dari̧ cjo̧ro̧ji̧ri̧ pio judiro̧ ütëborë chjadëri̧ acji cjaeä ta̧rëtäreji̧ri̧diro̧jo̧ȩ Tjo tjamo̧ pio ju̧i̧. Jabechji̧ ma̧ȩ ba chia tjamo̧ oa yo̧de ca̧ a̧doparea̧ pio ji̧ri̧iäpȩmo̧, oërati̧ cjiaji̧ri̧ oa. Ja̧di ta̧rëri̧ yo̧diibe: ‘Boadäräa̧ji̧ri̧ pio ji̧ri̧iäpȩmo̧ yürüparequedejȩrȩ ‘ma̧na̧’ quȩmȩ jurarea̧ oa, goadia̧ oa cjiarëremȩ jurarea̧ oa, a̧dëri ja̧ jurarea̧ oa. Ado ju̧i̧ uëri yürüparequedejȩrȩ ta̧dë pjatë oa. Aja̧, quȩ chiamȩ ta̧dë oa, quȩ peaja̧ oa chiamȩ ta̧dë oa yürüparequedejȩrȩ pumȩ nö̧ta oa. Ado ta̧dë mitëa̧ji̧ri̧ pio judiro̧ nö̧tai̧rȩ dabaeji̧ri̧dirȩ jibëa̧rä go̧ȩpea̧ oa cjiamȩ pio ju̧i̧, o judiro̧ dabarea̧mi̧dëri̧.’ Aja̧, ja̧di ta̧rëri̧ yo̧de Tjo tjamo̧ judi. Ta̧rë ja̧bochji̧jo̧ȩ.” Aja̧ Juan, pio ju̧i̧mo̧ go̧ȩpe chjadütä earequedemȩ Pegamo quȩmȩ bë ma̧ri̧räpȩ a̧doparea̧ ja̧ tjamo̧ jidamȩ pio ju̧i̧iäpȩmo̧. Aja̧, ja̧di ta̧rëri̧ yo̧mȩrȩ ma̧ȩ yürüa̧dique Jechu judi Pegamo quȩmȩ bë ma̧ri̧räpȩ a̧dopaji̧ri̧ ja̧ oa.

Jechurë Na̧rȩrërea̧ Ma̧ȩ 21:7

Aja̧, chjai̧dë oa boadärärea̧ daji̧ri̧ pio ji̧ri̧, dami̧ti̧ ba chia oa yürüparequedejȩrȩ. Jabechji̧ pio ji̧ri̧ ja̧ Ütëmȩrȩ cjo̧ro̧parequede. Ado judiro̧ ca̧ pumȩ mapadirȩ. Ca̧ea̧ u̧ri̧ mapadirȩ.

Jechurë Na̧rȩrërea̧ Ma̧ȩ 22:14

Aja̧ ca̧ oti̧, jibëa̧ ina̧rea̧ oa igȩrȩ chiadëmi̧ dari̧ joaji̧ri̧ pio judiro̧, jabechji̧ a̧dë chjäte ma̧ chiadëri̧ cjiapadirȩ. Ado bucho ana̧ cjo̧ro̧rea̧ yürümȩ to ja̧ jurarea̧ pio ju̧i̧ dapadirȩ. Ado pio ju̧i̧iä bë ma̧ri̧räpȩ yu̧a̧rea̧ dapadirȩ.

Jechurë Na̧rȩrërea̧ Ma̧ȩ 22:17

Ado ja̧dëa ji̧ ta̧rëa̧reconȩ Tjo tjamo̧ pio ju̧i̧. Aja̧, Oveja pëi̧ chjamȩmi̧ da pio ju̧i̧ ja̧ iei̧payi̧ pio ji̧ nö̧ta ni̧bämȩ oa ta̧rëa̧reconȩ. Ado Jechu pio ju̧i̧iäpȩmo̧ ni̧bäji̧ri̧ oa ta̧rëa̧requedejȩrȩ judi jo̧ȩra̧pe ma̧na̧tä. Aja̧, ja̧di ta̧rëri̧ ni̧bäji̧ri̧ oa ta̧rëa̧requedejȩrȩ: —Ma̧na̧vä —yo̧a̧diro̧jo̧ȩ. Ado Tjo tjamo̧ judi Oveja pëi̧ chjamȩmi̧ da pio ju̧i̧ ja̧ iei̧payi̧ pio ji̧ nö̧ta ji̧dë u̧i̧ yo̧ji̧ri̧rȩ ja̧di ta̧rëri̧ yo̧a̧dirȩ: —Aja̧, ado eami̧ pumȩrȩ pio yoa ma̧ȩ oa ta̧rëmȩ pio judi peaja̧di dari̧ yo̧tädejȩ Jechu pio ju̧i̧iäpȩmo̧. Aja̧, “Ma̧na̧vä” yo̧tädejȩ. Ado eami̧ pumȩ üdë ui ja̧borä judi, jabechji̧ jarera̧täde bucho ana̧ cjo̧ro̧rea̧ yürümȩ ui pio ju̧i̧ jarapea̧ oa. Aja̧, badëri̧ jarera̧täde —yo̧a̧dirȩ.

Jechurë Na̧rȩrërea̧ Ma̧ȩ 22:2

No̧ tjomo̧ ca̧remȩde bea üdë. Tjamo̧ baämȩ no̧ tjoro ca̧remȩde bë ma̧ri̧räpȩ. Ado to üdë, bucho ana̧ cjo̧ro̧rea̧ yürümȩ to üdë, bea yuroro cjiaremȩde bea dëbëribo. Ado gupënȩ nö̧tai̧ chiade jurarea̧ oa, ichi chjö̧na̧i̧ yo̧a̧ri̧ co ui nö̧ta. Ado to pjö̧da üdë, chjaparȩrea̧ to pjö̧dami̧ dade. Chiriräpȩti̧ oa cjo̧ro̧ji̧ri̧ pio ji̧ri̧ ja̧de, pio judiro̧ chjadëri̧ cjo̧ro̧pea̧ oa, gitodë maearë cjo̧ro̧pea̧ oa.