Jechurë Na̧rȩrërea̧ Ma̧ȩ 16:3 - Biblia Pume

³ Ja̧dëa ji̧ daea̧reconȩ ado cja̧rȩmo̧ mu̧i̧tjoi̧ oa. Ado pio judiborë jäa̧de jibëa̧ tachjaräremȩ oa arë cjaräpea̧ oa. Ado chiriräpȩmo̧ arë cjarätärea̧ ji̧, ui ana̧räpȩmo̧ arë cjaräa̧dejȩ. Ado chjaodëri̧ uiremȩ üdë goe mapea̧de. Pea ja̧boa̧mȩ pio ju̧i̧ ja̧ goemi̧ dapea̧de. Ado ui ana̧rä cjo̧ro̧ji̧ri̧ chjö̧na̧i̧rȩ ja̧boa̧ maeadirȩ cjiadiädëri̧.

Jechurë Na̧rȩrërea̧ Ma̧ȩ 16:3 Iomraidhean Croise

Taruparea̧ Ma̧ȩ 7:22

Ado chiriräpȩ cjo̧ro̧ji̧ri̧ pio judiro̧, jȩoaji̧ri̧ pio judiro̧ peaja̧di ja̧boa̧ maeadirȩ chjö̧na̧i̧ti̧rȩ.

Japarea̧ 2:41

Ado Pedro judi pio jiro doro a̧ra̧ano̧a̧ oaiä, no̧i̧dërë quëna̧ji̧ri̧pea̧dirȩ goëje ji̧ra̧ tjamo̧pe järea̧mi̧ dari̧. Jabechji̧ 3 mil pumȩ quëna̧ji̧ri̧pea̧dirȩ quëna̧dërërea̧ ji̧. Ado judiro̧ ütëborë chjaodëri̧ go̧e cjaeä chuda̧ oa cjiadiärëreji̧ri̧dirȩ.

Jechurë Na̧rȩrërea̧ Ma̧ȩ 10:2

Ado jibëa̧ ichirä ado cja̧rȩmo̧ go̧ȩ i oa goaremȩde puria̧ oa cjiamȩ go̧ȩ i boi̧chji̧ oa, mu̧i̧ ia̧ oa cjiamȩ oa. Ado jibëa̧ ta üdë, mu̧i̧ chjuari ja̧ ta pio judi boë cjaeä cjiaremȩde ui ana̧räpȩ ju̧ri̧. Ado cja̧ȩta̧ra̧ri ja̧ ta üdë daburäpȩmo̧ boë cjaeä cjiaremȩde.

Jechurë Na̧rȩrërea̧ Ma̧ȩ 11:6

Jabechji̧ jauëchjaji̧ri̧rȩ cjo̧ro̧padirȩ, dami̧ti̧ conȩdarea̧ oa yürüpai̧ daji̧ri̧rȩ. Ado peaja̧di cjüdëparȩrea̧ chiapadirȩ. Ado ui oa goe mape baga tänȩrea̧ chiapadirȩ peaja̧di. Jabechji̧ judiro̧ a̧ra̧ano̧a̧ nö̧ta, eami̧ti̧ conȩdarea̧ra̧ japapai̧ dadiro̧jo̧ȩ chiri oa, pumȩ pio ji̧ri̧bo. Aja̧, jënȩro̧ tara̧mi̧ japapai̧ dadirȩ.

Jechurë Na̧rȩrërea̧ Ma̧ȩ 13:1

Ja̧dëa ji̧ daea̧reconȩ chirirä cjo̧ro̧mȩmi̧ da oa, ui ana̧ri pio judiri go̧dümȩ oa. Uapai̧ da oa daea̧reconȩ yatë ji̧ra̧ri̧ chiamȩ oa, ichi chjö̧na̧i̧ yatë chiamȩ oa. Ado yatë nö̧tai̧ oa yuarea̧ ba chiara̧ mu̧i̧ idäa̧ oa cjiaremȩde, ütërë yuarea̧ ba chiami̧ dara̧. Ado tjübë ji̧ra̧ oa chiaremȩde peaja̧di. Cja̧ȩta̧ra̧ ichiri yo̧a̧ri̧ tjübë oa chiaremȩde quȩ chia maea oa. Tjamo̧ davä. Tjübë nö̧tai̧rȩ quȩ chiaremȩde. Quȩ china̧chja oa, Ütë tjamo̧ ja̧ quȩmi̧ da maea oa, pio ju̧i̧ ja̧ quȩdë oa chiaremȩde, pio ju̧i̧iäpȩmo̧ ya̧mȩmi̧ dari̧. Ado goae tjamo̧dëremȩde davä Ütë tjamo̧ pio ju̧i̧iä.