Jabo dëdë, judiro̧ a̧dë baäa̧diro̧coe, jabo Ano̧mȩ judi a̧dë baädëa̧dique. Jabechji̧ ji̧dë ma chjadëri̧ ëba cjiadique. Chjadëri̧ a̧dodique. Ju chiarea̧ yürüdique. Jabechji̧ judiodë pio ji̧ri̧ chjadëri̧ a̧ra̧ano̧pea̧ oa ju chiarea̧ yürüa̧dique. Ado judiro̧ coa ja̧bo tänȩtärea̧ ji̧, pa̧rȩmȩ chjuaji̧ri̧mi̧ dari̧ ja̧bo tänȩtärea̧ ji̧, jabechji̧ Ütë tjamo̧ judi ja̧bo tänȩrea̧ yürüdëa̧dejȩrȩ jabë. Chjadëri̧ jida̧dique.
Jechurë Na̧rȩrërea̧ Ma̧ȩ 13:2 - Biblia Pume2 Aja̧, chirirä cjo̧ro̧mȩmi̧ da pio ju̧i̧ daea̧reconȩ pa̧rȩmȩ ca̧ra̧ca̧ra̧mi̧ da oa, boi̧dë oa. Ado jibëa̧ ta bori̧dë oa chiaremȩde jibëa̧ ta cö̧ ji̧ra̧ oa chiamȩrȩ, ivë go̧a̧ti̧ chiamȩrȩ. Ochjo quȩmȩ ja̧ tami̧ da oa chiaremȩde. Ado ju̧i̧ ja̧ ya üdë pa̧rȩmȩ coë ja̧ yami̧ daremȩde. Ado chö̧ri̧mi̧ damȩ pio judi jibëa̧ jauëchja oa yürüa̧dejȩ. Uiri judiri uapai̧ damȩ ju̧i̧iäpȩmo̧, chirirä cjo̧ro̧mȩmi̧ da pio ju̧i̧iäpȩmo̧ yürüa̧dejȩ. Ado tjamo̧ yo̧rea̧ pio ju̧i̧bo yürüa̧dejȩ. Pumȩ judiro̧ pio ju̧i̧ ja̧ chja̧oerä cjo̧ro̧pea̧ oa ja̧di dari̧ yürüa̧dejȩ. Ado jënȩ charea̧mi̧ daräpȩ yürüa̧dejȩ peaja̧di, ba chia tjamo̧mi̧ daräpȩ cjo̧ro̧pea̧ oa. Faic an caibideil |
Jechurë Na̧rȩrërea̧ Ma̧ȩ 13:2
27 Iomraidhean Croise
Ado na̧e chiachji̧vä. Jabechji̧ tüdüa̧mi̧ darä cjo̧ro̧rea̧mi̧ dari̧ chjadëri̧ jidachji̧vä dibëa̧ chji̧ oa, mo̧a̧ji̧ri̧mi̧ dari̧ cjo̧ro̧rea̧ decjiari̧. Jabechji̧ Ichiae pio judi pa̧rȩmȩ chjuamȩmi̧ darë oëra̧ti̧ oa na̧riämȩmi̧ dari̧ tai̧de pumȩ pio ji̧ri̧ acji bagurami̧ dari̧ japapea̧ oa, pio ji̧ri̧ jurami̧ dari̧ u̧i̧papea̧ oa.
Ado pio ju̧i̧iä aeno̧a̧diro̧jo̧ȩ daburäpȩmo̧, jibëa̧ mu̧i̧tjoi̧ pio ji̧ri̧bo. Aja̧, chö̧ri̧mi̧ damȩ pio ju̧i̧, no̧mȩ tjamo̧ri ja̧ cjo̧ro̧mȩ po ana̧ pio ju̧i̧ aeno̧a̧diro̧jo̧ȩ. Tjamo̧ aechide ni̧bämȩ pio judide. Ichiae pio judide. Chiriräpȩti̧ oa cjo̧ro̧ji̧ri̧ pio ji̧ri̧ ma̧ȩ chjádë yürümȩ pio judide. Ado pio judi a̧dëri pio judiri aeno̧a̧ oa cjiadiäa̧de jibëa̧ mu̧i̧tjoi̧ pio ji̧ri̧ nö̧ta.
Ado uirimȩ pio judi jibëa̧ jauëchja oa yürüa̧ oaiä, jënȩ tjamo̧ yo̧rea̧ oa yürüa̧ oaiä, jabechji̧ tjamo̧ yo̧mȩrȩ ja̧beparemȩde pio jȩaiäpȩmo̧ yürüa̧mȩ ja̧ oa. Ado pio ju̧i̧iämȩrȩ uirimȩ pio ju̧i̧iäpȩmo̧ chjacjiamȩri̧ jo̧rȩta tänȩa̧dejȩrȩ chiriräpȩti̧ oa cjo̧ro̧ji̧ri̧ pio ji̧ri̧. Tjamo̧ davä. Ma̧i̧ da co chiaremȩ pio ju̧i̧iäpȩmo̧, chjapea̧ oa cjiaremȩ pio ju̧i̧iäpȩmo̧ chjacjiamȩri̧ jo̧rȩta tänȩa̧dejȩrȩ pumȩ ütëbo oa daburimȩ pio judi.
Ado ütëbodärärë chjacjiamȩri̧ jo̧rȩtareji̧ri̧diro̧jo̧ȩ chjö̧ri̧mi̧ damȩ pio ju̧i̧. Jabechji̧ jibëa̧ jauëchja oa uiri judiri uapai̧ damȩ pio ju̧i̧iäpȩmo̧ yürüa̧ oaiä, tjamo̧ yo̧rea̧ ji̧ra̧ oa pio ju̧i̧iäpȩmo̧ yürüa̧ oaiä, chjacjiamȩri̧ jo̧rȩtareji̧ri̧diro̧jo̧ȩ. Ado uirimȩ pio ju̧i̧iäpȩmo̧bo chjacjiamȩri̧ jo̧rȩtareji̧ri̧diro̧jo̧ȩ. Ado ja̧di ta̧rëri̧ yo̧a̧dirȩ pio ju̧i̧ chjiari: —Aja̧, chirirä cjo̧ro̧mȩmi̧ da pio judi ba chia tjamo̧de —yo̧a̧dirȩ—. Ado cja̧rȩmo̧rȩ nö̧tadë madejȩ. Pio judimo̧de. Ado cja̧rȩmo̧rȩ pio ju̧i̧iäpȩmo̧ dëbëparea̧mi̧dëde. Pio ju̧i̧iäpȩmo̧ acji jana̧rea̧mi̧dëde. Aja̧, ja̧di ta̧rëri̧ yo̧reji̧ri̧dirȩ uirimȩ pio ju̧i̧ chjiari.
Ja̧dëa ji̧ daea̧reconȩ ado cja̧rȩmo̧ mu̧i̧tjoi̧ oa. Jadüchiami̧rȩ arë cjarärërea̧ ji̧, daea̧reconȩ ado cja̧rȩmo̧ oa jibëa̧ tachja oa jämȩ oa. Ado tachjaräremȩ pio ju̧i̧ arë cjaräa̧dejȩ chirirä cjo̧ro̧mȩmi̧ darë chamȩräpȩ, judi tjamo̧ yo̧mȩrȩ chamȩräpȩ. Ado chjaodëri̧ acji cjatäa̧dejȩ uapai̧ da bagönȩrea̧ üdë, da mirerea̧ decjiape bagari̧. Ju̧i̧ ja̧ chja̧oerä cjo̧ro̧ji̧ri̧ pio ji̧ri̧iäpȩmo̧, ju̧i̧ ja̧ oa ja̧bepaji̧ri̧ pio ji̧ri̧iäpȩmo̧ acji cjatäa̧dejȩrȩ. Ado pumȩ judiro̧ a̧dë chjäte uapa tjamo̧ji̧ri̧rȩ tuti juia̧diro̧jo̧ȩ jibëa̧ tjopono̧ oa, ma̧i̧ dari̧ conȩda̧ oa cjiaji̧ri̧rȩ.
Ado mu̧i̧tjoi̧ üdë pio coaiäpȩmo̧ ji̧dë u̧i̧ ni̧bä chjaomȩrȩ ja̧di ta̧rëri̧ a̧de yo̧a̧dique: —Ado mȩnȩ daea̧ yatë üdë, ichi chjö̧na̧i̧ yatë üdë, peaja̧di ütëti̧ yo̧rea̧de —yo̧a̧dique—. Ichi chjö̧na̧i̧ ütë yo̧rea̧de. Jabo jabëdirȩ jabo. Jabë tarupadëa̧dirȩ ütëji̧ri̧rȩ cjo̧ro̧pea̧ ji̧. Jabo cja̧rȩmȩrȩ yürüa̧ oa ütëji̧ri̧rȩ cjo̧ro̧padirȩ jabo. Chiri ütëji̧ri̧rȩ cjo̧ro̧padirȩ chirirä cjo̧ro̧mȩmi̧ da pio ju̧i̧ nö̧ta. Jabo japamitë ana̧ri̧ ütëdëpadirȩ. Jabomo̧ japamitë boi̧chji̧ mai̧ ütëji̧ri̧rȩ cjo̧ro̧padirȩ, cja̧rȩmȩ ora maea nö̧ta.
Jabo chjaodëri̧ mitëa̧ oa cjiaremȩde chirirä cjo̧ro̧mȩmi̧ da pio judi. Ado ju̧i̧ nö̧ta ja̧beparemȩ pio judiborë mitëa̧ oa cjiaremȩde, Ütërë ea jana̧ chjadüa̧ oa ni̧bäcji̧ quëna̧ japamȩ pio judi. Aja̧, pio judiremȩde chirirä cjo̧ro̧mȩmi̧ da pio ju̧i̧ ja̧ dëbëräpȩ jauëchja cjiari̧ jape chjaoremȩ üdë. Ado judi ja̧di dari̧ japea̧ oaiä, jabechji̧ jibëa̧ irä go̧ȩ chiaji̧ri̧pea̧ pio judiro̧ u̧i̧pea̧ oa cjiadiäa̧dirȩ. Tjamo̧ davä. Chirirä cjo̧ro̧mȩmi̧ da ja̧ ütararea̧ go̧ȩ oa jibëa̧ irä chiaji̧ri̧ pio judiro̧ u̧i̧pea̧ oa cjiadiäa̧dirȩ. Ado pio ju̧i̧iä chirirä cjo̧ro̧mȩ pio judimi̧ dari̧ jëdano̧a̧ pio ju̧i̧iäpȩmo̧ chjacjiamȩri̧ jo̧rȩtaji̧ri̧pea̧diro̧jo̧ȩ. Jabo pumȩ pio ji̧ri̧ ana̧ri̧ u̧i̧paremȩ pio judiborë mitëa̧ oa cjiadiäa̧de. Ado judiro̧ yo̧a̧ri̧borë, pumȩborë cjüëtüräpȩ aeno̧a̧ oa cjiadiäa̧ maeadirȩ, cjo̧dë tja ana̧räpȩ achjupjere quȩmȩra̧ a̧dë chjäte cjüëtüri̧ tümȩräpȩ.
Danȩrȩ, pio dibë chjiari dabarequede. ‘Ichiaerë ana̧ tjamo̧ri̧ ja̧bepea̧räpȩ cjo̧ro̧diro̧da, Ichiaerë tjamo̧ cjo̧ro̧a̧mi̧ daräpȩ cjo̧ro̧diro̧da’ quëna̧ dabarequededibe. Jabo ja̧di daräpȩ cjo̧ro̧räbo, jabechji̧ coëma cjiari̧ cjo̧ro̧nȩrȩ. Jabechji̧ pio coaiäpȩmo̧ quëna̧dëpe bagadëa̧nȩrȩ. Ado dibëa̧ chjarerä cjo̧ro̧remȩ pio ju̧i̧ ja̧bo tänȩrërea̧ ji̧, pio coa chjiari ji̧dë ma ni̧bäremȩ pio ju̧i̧ ja̧bo tänȩrërea̧ ji̧, Atipa quȩmȩ pio ju̧i̧ ja̧bo tänȩa̧ ji̧, jabechji̧ mȩnȩro̧ quëna̧dëpe bagatärea̧ ji̧, cjäri̧ manȩrȩ, quëna̧dëpe bagadëa̧nȩrȩ, jabo jabechji̧ pio coaiäpȩmo̧ chjuari̧ quëna̧ji̧ri̧rȩ cjo̧ro̧rëreji̧ri̧renȩrȩ chjao tjamo̧räbo, Ichiaerë bëpea̧mi̧ daräpȩ cjo̧ro̧räbo.
Ado chjaodëri̧ mitëa̧dejȩ chjö̧ri̧mi̧ damȩ pio ju̧i̧. Tjamo̧ davä. No̧mȩ tjamo̧ri ja̧ cjiarëremȩ po ana̧ pio ju̧i̧, tjamo̧ aechide yo̧mȩ pio ju̧i̧ mitëa̧dejȩ Ichiae pio ju̧i̧. Ado chjiparari chatu chiamȩra̧ yurë cji̧däa̧dejȩ. Mil ui nö̧ta chaäa̧ oa cjiapea̧ oa yurë cji̧däa̧dejȩ. Ado ja̧dëa ji̧ a̧dë chjäte urëdi puëräpȩ aeno̧a̧dejȩ. Ado ja̧di dari̧ japa ëte, tuti cararea̧ pio ju̧i̧ chjuari̧ tuti cara̧dejȩ coërea̧ra̧. Ja̧dea̧ ji̧, go̧ȩ oa cji̧därëmȩdejȩ tuti cararea̧rä. Aja̧, ja̧di dari̧ japarëmȩde, ‘china̧chjadida, are goëdëpea̧dida’ quëna̧ dapea̧ oa japea̧dejȩ. Tjamo̧ davä. Ichiae judi chiriräpȩti̧ oa cjo̧ro̧ji̧ri̧ pumȩ pio ji̧ri̧ ji̧dë ma u̧i̧pe chjaochea oa, chjuari̧ tutia̧dejȩ. Jabo dëdë, mil ui chjätä ëte, go̧dürea̧ dapade jabo. Go̧dürea̧ dapade. Japamitë boi̧chji̧ ma go̧dürea̧ dapade, japamitë ana̧dëri̧.
Sanasan