Jechurë Na̧rȩrërea̧ Ma̧ȩ 10:7 - Biblia Pume

⁷ Danȩ Juan —yo̧a̧dique—, cjiadiäa̧mȩ mu̧i̧tjoi̧ judi, a̧dërämȩ ja̧ mu̧i̧tjoi̧ pio judi jibëa̧ pjurarea̧ra̧ pjurarä, 6 mu̧i̧tjoi̧ judiro̧ jibëa̧ pjurarea̧ra̧ pjura̧ duri oa pjurarä, jabechji̧ Ütërë pearä judi goadi ütarë jo̧rȩtarërea̧ pio ju̧i̧ japadäräpade. Tjamo̧ davä. Jënȩ Ütërë ea jana̧ chjadüa̧ oa ni̧bäji̧ri̧ pio ji̧ri̧iäpȩmo̧ pearä ea jana̧ chjadürërea̧mi̧, jibëa̧ mu̧i̧tjoi̧rëreji̧ri̧ pio ji̧ri̧iäpȩmo̧ pearä ea jana̧ chjadürërea̧mi̧, tjamo̧ri̧ japadäräpade. Aja̧, ja̧di ta̧rëri̧ yo̧mȩrȩ yo̧a̧dique ju chiamȩ mu̧i̧tjoi̧ üdë.

Jechurë Na̧rȩrërea̧ Ma̧ȩ 10:7 Iomraidhean Croise

Japarea̧ 3:21

Jabo jabëde jabo. A̧dëräpȩ ju̧ri̧ cjiade. Ado pio ju̧ri̧pȩ cjiadiäpea̧ chiade Ütë tjamo̧ judi chjö̧na̧i̧ oa pea chja mape bagari̧ jëdano̧a̧ yuro. Jabo jëdano̧rea̧ japamitërä, dëdë, ado chjereno̧ chjadüpadejȩ Ütë tjamo̧ judi —yo̧a̧dejȩrȩ—. Peaja̧di ta̧rëri̧ go̧ȩpea̧ oa cjiade ma̧ȩ üdë, Ütërë ea jana̧ chjadüa̧ oa ni̧bäji̧ri̧ pio judiro̧ go̧ȩparërea̧ oaiä.

Domano Ma̧ȩ 11:25

Danȩrȩ ca̧ jadü, judio pio ji̧ri̧ chjiari goadia̧ oa cjiami̧ dari̧ cjiarërea̧ ma̧ȩ pio ju̧i̧ chjadëri̧ dabatä earequededibe mȩnȩro̧ oëra̧ jo̧rȩtachea oa, 'Aja̧, o ji̧ri̧ u̧i̧ dabaji̧ri̧rȩ cjo̧ro̧a̧ro̧da' quëna̧chea oa. Danȩrȩ, judio judiro̧ orë bucho ana̧ jiadaji̧ri̧rȩ cjo̧ro̧dëpadirȩ jabo ado chjereno̧ quëna̧padirȩ. Ado chjereno̧ ta̧rë ja̧bopadirȩ. Danȩrȩ, Ütërë ütara̧ judiodë pio judiro̧ quëna̧ji̧ri̧pea̧rä, judi mitëa̧ judiodë pio judiro̧ ütëbodärärë quëna̧ji̧ri̧pea̧rä, jabechji̧ ado chjereno̧ quëna̧padirȩ judio judiro̧.

Domano Ma̧ȩ 16:25

Ütë tjamo̧ pio ju̧i̧iäpȩmo̧ chjacjiamȩ tjamo̧ri̧ jo̧rȩtatäreji̧ri̧rea̧ro̧jo̧ȩ. Danȩrȩ, pio judi tjamo̧de dibë a̧domȩ judi, dibë ju chiarea̧ yürümȩ judi. Cüdë dibë ni̧bäa̧ ma̧ȩ chjadëi̧ pio ju̧i̧ chjuari̧ quëna̧ tänȩmȩ pio judide. Jechu Quiricho pio ju̧i̧ chjiari ma̧ȩ pio ju̧i̧ to̧ba cjiami̧ dari̧ quëna̧ tänȩmȩ pio judide. Jabo pearä judi pio jiro ma̧ȩ chjadëi̧ üdë dabarea̧mi̧dërëremȩde. Pumȩrȩ dabarea̧mi̧dë marëremȩde. Ütë tjamo̧ pio judimo̧rȩ dabarëremȩdejȩ. Jabechji̧ goadia̧ oa cjiami̧ dari̧ cjiarëremȩde.

Jechurë Na̧rȩrërea̧ Ma̧ȩ 14:6

Ja̧dëa ji̧ daea̧reconȩ ado cja̧rȩmo̧ mu̧i̧tjoi̧ oa, a̧dërämȩ ja̧ mu̧i̧tjoi̧ oa. Uë tjamo̧ oa puarë pjo̧a̧ baämi̧ dari̧ baämȩ oa daea̧reconȩ. Ütë tjamo̧ ja̧ ma̧ȩ chjadëi̧ pio ju̧i̧ goa jana̧remȩde, bucho ana̧mȩ ma̧ȩ oa. Ado pio jiro ma̧ȩ üdë pumȩ ütëbodärä ja̧de. Pumȩ ütëbodärä oa a̧ra̧ano̧pea̧de. Chiri nö̧tai̧ oa cjo̧ro̧ji̧ri̧ pumȩ pio ji̧ri̧iäpȩmo̧, ado cja̧rȩmo̧ jo̧rȩtarea̧ chiaji̧ri̧ pio ji̧ri̧iäpȩmo̧, ado cja̧rȩmo̧ ma̧ȩ oa ni̧bäji̧ri̧ pio ji̧ri̧iäpȩmo̧, ado cja̧rȩmo̧ taruri ja̧ pumȩ pio ji̧ri̧iäpȩmo̧bo a̧ra̧ano̧pea̧de pio jiro ma̧ȩ üdë.

Jechurë Na̧rȩrërea̧ Ma̧ȩ 17:17

Jabechji̧ Ütë tjamo̧ pio judi jo̧rȩta tänȩa̧ oa pio jiro chiri ütëti̧ judiro̧ ichi chjö̧na̧i̧rȩ yürüpadiro̧jo̧ȩ chirirä cjo̧ro̧mȩmi̧ da pio ju̧i̧iäpȩmo̧. Aja̧, jënȩro̧ tjamo̧ yo̧rea̧ pio ju̧i̧ yürüpadiro̧jo̧ȩ pio judi tjamo̧ cjo̧ro̧mȩmi̧ dari̧ ano̧ mire cjo̧ro̧pea̧ oa, judi chiriräpȩti̧ oa ütëmȩrȩ cjo̧ro̧mȩmi̧ dari̧ ano̧ mire cjo̧ro̧pea̧ oa. Aja̧, Ütë tjamo̧ ja̧ ma̧ȩ üdë chjadëri̧ japadäräa̧ oa cjiapea̧ oa, jënȩ pearä ütarë jo̧rȩtarërea̧ ma̧ȩ pio judi nö̧tadäräri̧ japadäräa̧ oa cjiapea̧ oa, ja̧di dari̧ japapadirȩ ütëti̧ judiro̧, Ütë tjamo̧ pio judi jo̧rȩta tänȩa̧ oaiä. Aja̧, ja̧di ta̧rëri̧ yo̧mȩrȩ yo̧a̧dique mu̧i̧tjoi̧ üdë.