Jechurë Na̧rȩrërea̧ Ma̧ȩ 10:1 - Biblia Pume

¹ Ja̧dëa ji̧ daea̧requede ado cja̧rȩmo̧ mu̧i̧tjoi̧ oa. Ju chiamȩ tjamo̧ oa daea̧reconȩ a̧dëri biramȩ oa. Go̧a̧ra̧ ëra̧ pio ju̧ri̧ra̧ ina̧mi̧ dari̧ bira̧mȩ oa daea̧reconȩ. Ado ju̧i̧ ja̧ tjübë uëmo̧ cjiaremȩde jochebürüri üdë. Jibëa̧ chamacho üdë ma̧i̧ dari̧ tataremȩde do pio judimi̧ dari̧. Ado jibëa̧ yai ju üdë, cja̧rȩmȩ gärimȩ go̧a̧ti̧mi̧ dari̧ cjiaremȩde.

Jechurë Na̧rȩrërea̧ Ma̧ȩ 10:1 Iomraidhean Croise

Go̧dürea̧ Ma̧ȩ 16:10

Pio Aro̧ judi yo̧a̧ pio ju̧i̧iä a̧doparëreji̧ri̧dirȩ icharaita judiro̧. Ado Aro̧ judi ni̧bä chjaoa̧dejȩrȩ. Ado judi pio ji̧ri̧iäpȩmo̧ ni̧bä chjaoa̧ nöta chjaodëri̧ darëreji̧ri̧diro̧jo̧ȩ go̧a̧ra̧ ë oa chiri maearäpȩmo̧. Ado Jeova judi uapai̧ dari̧ na̧rȩa̧dejȩrȩ jibëa̧ jauëchja oa, a̧dë chjäte ma̧i̧ dari̧ tatamȩ oa. Go̧a̧ra̧ ë tjori judiri na̧rȩa̧dejȩrȩ.

Da̧de 10:6

Ado pio ju̧i̧ ja̧ icjara üdë jabechji̧ tatari̧ cjiaremȩde topachio quȩmȩ ta̧dë ba chiami̧ dari̧. Ado jibëa̧ chamacho üdë, jabechji̧ bërepe chjaomȩmi̧ dari̧ tatari̧ cjiaremȩde, a̧dë chjäte tatari̧ cjiari̧. Ado jibëa̧ dacho üdë ma̧i̧ dari̧ cjo̧dë gäri baämȩmi̧ dari̧ cjiaremȩde, coëcoëari̧ tümi̧ dari̧. Ado jibëa̧ ichi ju üdë, jibëa̧ ta ju üdë tatari̧ cjiaremȩde peaja̧di. Aja̧, boro̧che üdë goae tarari̧ bubëgua̧ oaiä tatari̧ cjiami̧ dari̧ tatari̧ cjiaremȩde jibëa̧ i üdë. Ado judi ni̧bäa̧ ji̧, pumȩ bubarë ni̧bämi̧ dari̧ ni̧bäremȩde, to̧bari̧ ni̧bämȩrȩ.

Da̧de 7:13

Ado cüdë gȩnȩrä ji̧dë u̧i̧ darämi̧ cjia nö̧ta, jabechji̧ a̧dëri pio judiri birë ma̧na̧mȩ oa darämi̧ cjiaremȩreconȩ cja̧rȩmȩ oa, go̧a̧ra̧ ë chjarerä ma̧na̧mȩ oa. Pumȩrȩ Ara̧ Tjamo̧mi̧ da oa daea̧reconȩ. Ado Pearä judiräri ja̧mȩ Ütë pio ju̧i̧iäpȩ ëba jäa̧diro̧jo̧ȩ pio ju̧i̧ ja̧ dëbëräpȩ.

Devitico Ma̧ȩ 16:2

Ado Jeova judi yo̧rëremȩdejȩ Moiche ju̧i̧: "Danȩ, chjadëri̧ yo̧tä earequedemȩ na̧ ayima̧i̧ ju̧i̧iäpȩmo̧, Aro̧ pio ju̧i̧iäpȩmo̧. Jabechji̧ jibëa̧ ma̧na̧ri̧ jo̧rȩtamȩrȩ yu̧a̧dëtäde. Aja̧, a̧dë chjäte china̧chja jo̧ tjoräpȩ jibëa̧ ma̧na̧ri̧ jo̧rȩtamȩrȩ yu̧a̧dëtäde. Jabechji̧ china̧chjade. Teracabari̧ yu̧a̧rea̧mi̧dëde jabo cüdë ütara̧rämo̧ yu̧a̧pea̧de. Danȩ, pio ju̧ri̧pȩ cjiadäräparequede, go̧a̧ra̧ ërä cjiamȩrȩ. Ji̧dë u̧i̧ tjoro cjiamȩ jo̧ tjorä ju̧ri̧, ca̧ to cjara ja̧ cjae ina̧rea̧ uërä ju̧ri̧ cjiadäräparequede, goe pjo̧dechäa̧ uëräpȩ ju̧ri̧. Pio ju̧i̧iä jabechji̧, teracabari̧ järea̧mi̧dëde tuti märäa̧ oëräpȩmo̧. Judi teracabari̧ yu̧a̧rä judi ja̧bopade. Pio ju̧i̧iä yo̧requedemȩ pio ju̧i̧iäpȩmo̧ chjadëri̧ yo̧tä.

Mateo 17:2

Ado ya̧mi̧ uëräpȩ go̧düdäräa̧ duri oa, Jechu judi tjaoëpai̧ da tjamo̧pe bagarëremȩde. Jabechji̧ a̧dë chjäte tatari̧ cjiamȩpea̧de jibëa̧ chamacho üdë, dorë tatami̧ dari̧. Ado jibëa̧ chjibo üdë ma̧i̧ dari̧ a̧dë chjäte bërëbërëai̧pe baga̧de, tatape bagami̧ dari̧.

Lucas 21:27

Ado ja̧dëa ji̧ dapadiro̧coe Pumȩrȩ Ara̧ Tjamo̧ pio ju̧i̧ —yo̧a̧dejȩrȩ—. Tjamo̧ davä. Ma̧i̧ da tatari̧ cjiamȩ oa, go̧a̧ra̧ ërä birë ma̧na̧mȩ oa dapadiro̧coe a̧dë chjäte jauëchjamȩ oa.

Japarea̧ 26:13

Ado ja̧dëa ji̧ ca̧ ütë, dorë tjomo̧ro, a̧ro̧rȩ järea̧ no̧ro tai̧ji̧ri̧ oa, chjaodëri̧ tatarëremȩdiibe. Aja̧, a̧dëri pio judiri chjaodëri̧ tatarëremȩdiibe a̧dë chjäte tatari̧ cjiamȩ pio judi. Pio coa, ca̧ jadü pio ji̧ri̧bo ma̧i̧ dari̧ tatarëremȩdiibe do ju̧i̧ u̧i̧ tatamȩ pio judi.

Jechurë Na̧rȩrërea̧ Ma̧ȩ 1:7

Danȩrȩ, go̧a̧ra̧ ë oaiä ma̧na̧padiibe Jechu Quiricho judi. Ado ütëbodärärë irä dapadiro̧jo̧ȩ. Jibëa̧ icjara oa cjacjarë guarëreji̧ri̧ pio judiro̧borë irä dapadiro̧jo̧ȩ. Ado chiri nö̧tai̧ oa cjo̧ro̧ji̧ri̧ judiro̧, ado cja̧rȩmo̧ ma̧ȩ oa ni̧bäji̧ri̧ judiro̧ to̧bari̧ ejaro cjiaji̧ri̧rȩ dapadiro̧jo̧ȩ. ‘Aja̧, uapai̧ dari̧ bape chjaopadiibëda’ quëna̧ jo̧rȩtaji̧ri̧rȩ ejaro cjiapadirȩ. Aja̧, ütëbodärärë datädiro̧jo̧ȩ.

Jechurë Na̧rȩrërea̧ Ma̧ȩ 18:1

Ado ja̧dëa ji̧ cüdë iei̧ ji̧ daea̧ duri oa, chirirä cjo̧ro̧mȩ coëcoëami̧ damȩ pio ju̧i̧iä buë chayi̧ ji̧ daea̧ duri oa, ado cja̧rȩmo̧ mu̧i̧tjoi̧ oa daea̧requede a̧dërämȩ ja̧ mu̧i̧tjoi̧ oa. A̧dëri pio judiri biramȩ oa daea̧reconȩ ju chia tjamo̧mȩ oa, tjamo̧ yo̧mȩ oa. A̧dë chjäte tata cjiari̧ bira̧de chiriräpȩti̧ oa tatarea̧mi̧ dari̧.

Jechurë Na̧rȩrërea̧ Ma̧ȩ 18:21

Ja̧dëa ji̧ a̧dërimȩ mu̧i̧tjoi̧ üdë, jauëchja tjamo̧mȩ üdë mitëa̧dejȩ ta̧dë boi̧dë oa. Ado goae tarari̧ aeno̧a̧dejȩ ui ana̧räpȩ. Ado to̧bari̧ yo̧mȩrȩ ja̧di ta̧rëri̧ yo̧a̧de: —Peaja̧dimi̧ dari̧ aeno̧a̧ oa cjiapade Babironia quȩmȩ bë ma̧ri̧ üdë uapai̧ da tjamo̧ri̧ —yo̧a̧de—. Jiro decjiape bagari̧ cjiadiäpade bucho ana̧.

Jechurë Na̧rȩrërea̧ Ma̧ȩ 20:1

Ja̧dëa ji̧ a̧dëräpȩ cjiamȩ ja̧ mu̧i̧tjoi̧ oa daea̧reconȩ ado cja̧rȩmo̧ oa, joë ya coërea̧ goamȩ oa, a̧dëri pio judiri biramȩ oa. Aja̧, a̧dë chjäte urëdi puë oa tuti cararea̧ joë ya pio ju̧i̧ coërea̧ goamȩ oa daea̧reconȩ. Peaja̧di chjiparari ca̧i̧ go̧a̧ti̧ oa mu̧i̧mȩ oa, chatu chiamȩ chjiparari chacha tjamo̧ oa mu̧i̧mȩ oa daea̧reconȩ.

Jechurë Na̧rȩrërea̧ Ma̧ȩ 4:3

A̧dë chjäte tatari̧ cjiamȩ oa daea̧reconȩ jibëa̧ chamacho oa. Jabechji̧ coëcoëari̧ tatamȩ oa, chja̧chja̧ri̧ tatamȩ oa daea̧reconȩ, ta̧dë ba chia tjamo̧mi̧ dari̧ tatamȩ oa. Ado ju̧i̧ ja̧ charea̧ yuroti̧ oa cjiamȩ oa daea̧reconȩ jochebürüri oa. Cja̧rȩmȩ codë go̧a̧ti̧ cjiamȩ oa, a̧dë chjäte chacjiamȩri̧ tatamȩ oa daea̧reconȩ, chja̧chja̧ri̧ tatamȩ oa, emerada quȩmȩ ta̧dë ba chiami̧ da oa.

Jechurë Na̧rȩrërea̧ Ma̧ȩ 5:2

Ja̧dëa ji̧ a̧dërimȩ mu̧i̧tjoi̧ pio ju̧i̧ daea̧reconȩ, ju chia tjamo̧mȩ oa. Ado goae tarari̧ ni̧bämȩrȩ ja̧di ta̧rëri̧ yo̧remȩde jachipadärärea̧mi̧ dari̧: —¿Chjiarë nö̧tade pio yoa go̧ȩ i oa mu̧i̧ iapea̧ oa? —iëno̧ë ta̧rëa̧de—. ¿Chjiade a̧dë chjäte ba chiamȩ judi pio yoa go̧ȩ i oa mu̧i̧ ipea̧ oa? ¿Chjiarë nö̧tade ji̧cha̧parea̧ pio ju̧i̧ mu̧i̧ iapea̧ ji̧ —yo̧a̧de.

Jechurë Na̧rȩrërea̧ Ma̧ȩ 8:13

Ja̧dëa ji̧ pua oa daea̧requede iu puami̧ da oa. Uë tjamo̧ oa pjo̧a̧ baämȩ oa daea̧reconȩ. Ado to̧bari̧ ea cjiamȩrȩ yo̧a̧de: —A̧dëräpȩmȩ ja mu̧i̧tjoi̧ judiro̧ pjurapea̧ ji̧ jabë pjärämȩde. Aja̧, tjarari̧ pjurarea̧ra̧ jabë pjurapea̧de. Ado a̧dë chjäte uapai̧ dari̧ bape chjaopadejȩrȩ pumȩ ji̧ri̧. Tjamo̧ davä. Pio jiro pjurarea̧ra̧ pjura̧ oa cjiarä, pumȩ judiro̧ gito ana̧ tjamo̧ri̧ jo̧rȩtaji̧ri̧rȩ ejaro cjiapadirȩ, i ma̧na̧guraji̧ri̧rȩ. Aja̧, ja̧di ta̧rëri̧ yo̧mȩ oa ta̧rëa̧reconȩ.