Ado Jechu judi dëbë yo̧a̧dejȩrȩ: —Jabechji̧ pio cüdë chjai̧dë oa chjätämi̧ dari̧ chjätäpanȩrȩ peaja̧di, gito ana̧ri̧ taraji̧ri̧rȩ. Jabo danȩrȩ, ütëbodärärë ca̧ chja̧oerä cjo̧ro̧pea̧ japamitërä, jabechji̧ cüdë pio dibë ca̧ yuroro cha tänȩrea̧mi̧dërequededibe —yo̧a̧dejȩrȩ—. Jabechji̧ pio cüdë ma ja̧didë jabo ca̧ Ama̧i̧ pio judide. Aja̧, pio judimo̧rȩ tänȩa̧ oa chapadirȩ ca̧ yuroro chapaji̧ri̧ judiro̧. Jabechji̧ ca̧ Ama̧i̧ judi jibëa̧ ma̧na̧ri̧ jo̧rȩtamȩrȩ mitëa̧ pio judiro̧mo̧rȩ chapadirȩ ca̧ yuroro —yo̧mȩrȩ yo̧a̧dejȩrȩ.
Jechurë Na̧rȩrërea̧ Ma̧ȩ 1:9 - Biblia Pume9 Danȩrȩ, dibëa̧ omȩ pio judirequede cüdë. Juan pio judirequede. Pio dibë nö̧ta cjiami̧ dari̧ cjiarequede a̧ro̧rȩ Jechu pio judiri ja̧ mapea̧ tara. Ado ja̧di tara pio dibë nö̧ta conȩda̧ oa cjiarequede peaja̧di. Danȩrȩ, a̧ro̧rȩ Ütërë yo̧a̧ chja̧oerä cjo̧ro̧ji̧ri̧pea̧ oaiä, jabechji̧ chjai̧dë oa chjätärea̧rȩ. Jabo goae tjamo̧dë oa chjätäräbo, jabechji̧ chjuari̧ quëna̧rea̧rȩ Ütë tjamo̧ ju̧i̧ jaepeparea̧ decjiari̧. Danȩrȩ, ma̧i̧ dari̧ japea̧diro̧coe ca̧ oti̧. Pio coa jaepë ma̧ȩa̧diro̧coe. Jachi tjamo̧räpȩ jaepë ma̧ȩa̧diro̧coe cüdë Ütë tjamo̧ ja̧ ma̧ȩ oa a̧ra̧ano̧a̧ oaiä. Tjamo̧ davä. Ui ana̧ tjoro chamȩ chiriräpȩ tutimi̧ dari̧ jaepë ma̧ȩa̧diro̧coe, Patamo̧ quȩmȩräpȩ. Aja̧, ja̧di dari̧ japea̧diro̧coe cüdë Jechurë daba tänȩa̧ ma̧ȩ pio ju̧i̧ a̧ra̧ano̧a̧ oaiä. Ado pio jiro chiri tjaoëräpȩ cjo̧ro̧mȩpea̧requede yaba̧. Aja̧, pio yoa chiri tjaoëräpȩ ano̧ mire cjo̧ro̧mȩpea̧requede. Faic an caibideil |
Jechurë Na̧rȩrërea̧ Ma̧ȩ 1:9
35 Iomraidhean Croise
Ado pio coadimȩ tara, ja̧di ta̧rëri̧ ni̧bä chjaorequededibe mȩnȩro̧ pio coaiä chji̧ goaera̧ ma̧ chjupi̧ cjiari̧ jo̧rȩtarea̧ dapea̧ oa. Danȩrȩ, dai chirirä ja̧ jo̧rȩtarea̧ra̧ jo̧rȩtaji̧ri̧ judiro̧, dëdë, conȩdapadiro̧dibe. Jabo ja̧di dari̧ japea̧räbo, järichji̧vä. Uapadëchji̧vä. Jabechji̧ dai chirirä ja̧ chjai̧dë pio ju̧i̧ boadäräa̧reconȩ chjö̧na̧i̧ oa —yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi.
Ado pio ju̧i̧ ja̧ u̧ri̧pea̧ tara, jabechji̧ mitërea̧ daparea̧rȩ a̧dë chjäte ba chia pio ju̧i̧, Ütë tjamo̧ judi a̧dëräpȩ goë boea̧ pio ju̧i̧. Tjamo̧ davä. Pio ibëiäpȩmo̧ yürüpea̧ oa ji̧ra̧ tjamo̧ oa goë boea̧ oa goade. Jabo pio ju̧i̧iämo̧i̧ mitërea̧ dadëparea̧rȩ jabo Quiricho pio ju̧i̧iäbo mitërea̧ daparea̧rȩ. Jabechji̧ Quiricho judi mitëpea̧ pio ju̧i̧bo mitërea̧ daparea̧rȩ. Tjamo̧ davä. Quiricho pio ju̧i̧ nö̧ta mitëpaji̧ri̧rea̧rȩ. Jabo a̧ro̧rȩ pio yoa chirirä jabë cjo̧ro̧a̧ nö̧ta, jabechji̧ conȩda̧ oa cjiapea̧ chiarea̧rȩ. Aja̧, Jechu pio judi conȩda̧ oa cjiarërea̧mi̧ conȩda̧ oa cjiapea̧ chiarea̧rȩ a̧ro̧rȩ pio ju̧i̧ nö̧ta peaja̧di ba chiaparȩa̧ oa cjiami̧ dari̧ cjiapea̧ oa, pio ju̧i̧ nö̧ta a̧dë chjäte tatari̧ cjiari̧ cjiapea̧ oa.
Ado mȩnȩro̧ pio ibë nö̧ta chjai̧dë oa chjätäji̧ri̧rȩ cjo̧ro̧a̧ oaiä, mȩnȩro̧ pio ibë nö̧ta ëba tarami̧ dari̧ cjo̧ro̧a̧ oaiä, jabechji̧ Ütë tjamo̧ judi pio ibëiäpȩmo̧ cjatäcjie jo̧rȩtarea̧ yürüa̧ra̧ pio ju̧ri̧ra̧ peaja̧di chjadëri̧ ano̧ mire a̧doparea̧ro̧dibe pio dibë, pio mȩnȩro̧borë cjatäcjie jo̧rȩtarea̧ dapea̧ oa. Pio ju̧i̧ tjamo̧ri̧ dabarea̧rȩ pio dibë chjiari, chjara chia jo̧rȩtarea̧ decjiari̧.
Danȩrȩ ca̧ oti̧, cjäri̧ri̧ cjia jo̧rȩtamȩrȩ yürürëremȩdiibe Ütë tjamo̧ judi ibëa̧ ja̧beparea̧ oa. Ado pio ju̧i̧iä ji̧mo̧ ja̧beparea̧rȩ jadü maearë. Jabechji̧ cüdë ja̧bepamȩ oa, chjadëri̧ a̧dorëreji̧ri̧renȩro̧coe. Chaäa̧ oa cjiamȩ oa, chaäa̧ oa cjiadëmȩbo, chjadëri̧ a̧doa̧renȩro̧coe. Ado ma̧ȩ chjadëi̧ a̧ra̧ano̧a̧mȩ oa, ma̧ȩ chjadëi̧ oa eadëji̧ri̧ pio ji̧ri̧ goë tuti yo̧mȩbo, chjadëri̧ a̧doa̧ marenȩro̧coe peaja̧di. Pio ju̧i̧iä jabechji̧ cjäri̧ri̧ cjia tjamo̧mȩrȩ jo̧rȩtarequededibe ca̧ oti̧, ma̧ chiadëri̧ cjiamȩrȩ. Ado cüdë pio dibë chjiari ja̧di dari̧ jo̧rȩta̧ üdë, jabechji̧ chjadëde, mȩnȩro̧ pio coaiä goae tjamo̧ tara, a̧ro̧rȩ ji̧mo̧ ja̧bepa tara.
Ado pio ju̧i̧iä Timoteo yo̧requedemȩ ado ja̧di. Ibëa̧ Ano̧mȩ pio ju̧i̧ chjiari ni̧bä chjaopea̧ ji̧ idëri̧ cjiadëvä. “Aja̧, Jechu judi ca̧ Ano̧mȩ pio judide” yo̧pea̧ ji̧ idëri̧ cjiadëvä. Goaditadëvä. Ado pio coa chjiaribo idëri̧ cjiadëvä. “Aja̧, Pablo judi, chaäa̧ oa cjiamȩ pio judi ca̧ jadüde” yo̧pea̧ pio ju̧i̧bo idëri̧ cjiadëvä. Dëdë, chaäa̧ oa cjiarequede Jechu pio ju̧i̧ ja̧ ma̧ȩrä cjo̧ro̧a̧ oaiä, jabo pio coa chjiari idëri̧ cjiadëvä. Jabechji̧ chjai̧dë oa chjätäräbo, ji̧dë ma a̧ra̧ano̧vä a̧ra̧ano̧ ano̧rea̧ decjiari̧. Ji̧dë ma a̧ra̧ano̧vä ma̧ȩ chjadëi̧ pio ju̧i̧. Ado mȩnȩ a̧ra̧ano̧a̧ nö̧ta, jabechji̧ Ütë tjamo̧ pio judi yürüa̧ ju chiarea̧ra̧ pio ju̧ri̧ra̧ cjo̧ro̧emȩrenȩ, chjai̧dë pio ju̧i̧ chjadëri̧ chjätärea̧mi̧ dari̧.
Ado yaba̧ chi̧dëeatämi̧ cjiarequededibe tjamo̧ jidaji̧ri̧ pio ji̧ri̧iäpȩmo̧. Jabechji̧ pio cüdëborë tjamo̧ jidamȩrequede pio dibë nö̧ta. Tjamo̧ davä. Pio cüdëborë jidarequedejȩrȩ quëna̧ji̧ri̧ pio ji̧ri̧. Ado danȩrȩ ca̧ oti̧, cüdë Jechu Quiricho pio ju̧i̧ irä daea̧ tara, ma̧i̧ dari̧ conȩda̧ oa cjiarëremȩ pio ju̧i̧ irä daea̧ tara, toro cji̧de ja̧bo tänȩa̧ oa cjiarëremȩ pio ju̧i̧ irä daea̧ tara, jabechji̧ chjadëri̧ ta̧rë ja̧bo ta̧rëtäreji̧ri̧renȩro̧coe. Jabechji̧ Jechu judi ji̧dë duri oa a̧dëri pio judiri ado ma̧na̧rä, japamitë chjätä ëte a̧dë chjäte tatari̧ na̧rȩmȩ pio judi ado ma̧na̧rä, jabechji̧ pio cüdëborë cjiaparequede pio ju̧i̧ nö̧ta. Ado pio ju̧i̧iämȩrȩ chi̧dëeatämi̧ cjiarequededibe pio dibë, tjamo̧ jidaji̧ri̧ pio ji̧ri̧.
Juan pio judirequede. Ado Ütë tjamo̧ pio ju̧i̧ ja̧ mu̧i̧tjoi̧mȩrȩ go̧ȩparequede pio yoa ma̧ȩ oa. Jechu judi pio coaiäpȩmo̧ na̧rȩa̧ pio ju̧i̧ go̧ȩparequede, cja̧rȩmȩ co na̧rȩdërërea̧ pio ju̧i̧. Tjamo̧ davä. Pio yoa ma̧ȩ üdë Jechu Quiricho judi na̧rȩrërea̧ ma̧ȩ pio judide. Ütë tjamo̧ judi jiro ma̧ȩ oa Joja pio ju̧i̧ daba tänȩrëremȩdejȩ, judi jibëa̧ pumȩ pio ji̧ri̧iäpȩmo̧ ano̧ mire daba tänȩpea̧ oa. jibëa̧ mu̧i̧tjoi̧ pio ji̧ri̧iäpȩmo̧ daba tänȩpea̧ oa. Aja̧, judiro̧ dabadëchea oa, ma̧na̧pea̧ querediäa̧ japamitë pio ju̧i̧ chjiari dabadëchea oa, jabechji̧ Joja pio ju̧i̧ daba tänȩrëremȩdejȩ Ütë tjamo̧ judi. Ado pio ju̧i̧iä a̧dërimȩ mu̧i̧tjoi̧ pio ju̧i̧ chjadürëremȩdique Jechu judi. Pio coa ano̧ mire daba tänȩpea̧ oa, pio coa na̧rȩpea̧ oa chjadürëremȩdique.
Aja̧, Juan pio judi tjamo̧requede cüdë. Pio yoa ma̧ȩ oa go̧ȩpe chjadürequedejȩrȩ Quiricho ja̧ a̧doparea̧ oa, cja̧ȩta̧ra̧ ichiri yo̧a̧ri̧ buba oa, Achia quȩmȩ chiriräpȩ tjaoëpa a̧dopaji̧ri̧ oa. Ado pio dibë chjiari goë cjo̧dërequede Ütë tjamo̧ pio ju̧i̧iä. Tjamo̧ davä. Pearämȩ pio ju̧i̧iä, jabechji̧ cjiamȩ pio ju̧i̧iä, yuropadëmȩrȩ cjiamȩ pio ju̧i̧iä goë cjo̧dërequede pio dibë chjiari. Aja̧, pio dibëiäpȩmo̧ cjäri̧ri̧ cjiamȩrȩ yürütä goë cjo̧dërequede, mȩnȩro̧ ma̧ chjupi̧ cjiari̧ jo̧rȩtarea̧mi̧ dari̧. Jabo pio ju̧i̧iämo̧ cjo̧dëdërequede. Jabechji̧ Tjo tjamo̧ pio ju̧i̧iäbo goë cjo̧dërequede. Tjamo̧ davä, Tjo tjamo̧ pio ju̧i̧iä, Ütë ja̧ charea̧ ba chia ja̧ dëbëräpȩ cjiamȩ pio ju̧i̧iä, cja̧ȩta̧ra̧ ichiri yo̧a̧ri̧ na̧rȩrea̧ chiamȩ Tjo tjamo̧ pio ju̧i̧iä peaja̧di goë cjo̧dërequede pio dibë chjiari.
Ado pio judi tänȩa̧ oa, jabechji̧ o ji̧ri̧ chjiari goë tuti ja̧bepaji̧ri̧ mapea̧rea̧rȩ yaba̧, pio ju̧i̧ ja̧ Ama̧i̧ Ütë ja̧ oa ja̧bepë yürüpea̧ oa. Ado pio ju̧i̧iä yo̧requededibe. Jabechji̧ Jechu Quiricho pio ju̧i̧iäpȩmo̧ a̧dë chjäte chjacjiamȩri̧ jo̧rȩtapea̧de bucho ana̧. Ji̧dë ma a̧dë chjäte ju chiarea̧ra̧ pio ju̧ri̧ra̧ ja̧bepatäde, tjamo̧ yo̧mȩrȩ. Ja̧ditäde.
Jabechji̧ ibëa̧ oti̧ judiro̧ pio ju̧i̧ boadäräa̧diro̧jo̧ȩ. Tjamo̧ davä. Boadäräa̧diro̧jo̧ȩ Ichiae pio ju̧i̧. Oveja pëi̧ chjamȩmi̧ da pio ju̧i̧ ja̧ goera̧ pio ju̧ri̧ra̧ joa̧ oa cjiami̧ dari̧ cjia̧ oaiä, ado tjamo̧i̧ cjiari̧ baämȩ ma̧ȩ pio ju̧i̧ ji̧dë ma a̧ra̧ano̧a̧ oaiä, jabechji̧ boadärärea̧ daea̧diro̧jo̧ȩ. Jabechji̧ ja̧bopai̧ daräbo a̧ra̧ano̧rëreji̧ri̧dirȩ uapadëji̧ri̧rȩ.
Ado pio ju̧i̧iä a̧dë chjäte ërecjiapea̧dejȩ iei̧ ji̧ chö̧ri̧mi̧ damȩ pio judi. Jabo cjäri̧ madejȩ, eami̧ oa japarea̧ dadëa̧dejȩ. Pio ju̧i̧iä ano̧ mire acji jäa̧dejȩrȩ iei̧ pio judiri ja̧ji̧ri̧ pio ji̧ri̧iäpȩmo̧. Tjamo̧ davä, Ütë tjamo̧ ja̧ ma̧ȩ oa ta̧rëdiäji̧ri̧ pio ji̧ri̧iäpȩmo̧, Jechurë yürüa̧ ma̧ȩ tjamo̧i̧ cjia oa ta̧rë japaji̧ri̧ pio ji̧ri̧iäpȩmo̧ ano̧ mire acji jäa̧dejȩrȩ.
Danȩrȩ, Ütë tjamo̧ judi tänȩa̧ oa dami̧ti̧ oa chjätäpai̧ dadirȩ quëna̧ji̧ri̧ judiro̧. Jabechji̧ Ütë judi jo̧rȩtarä judi, ‘Aja̧, pio jiro pumȩ judiro̧ chaärea̧ bëräpȩ chaäa̧ oa cjiapadiro̧da’ quëna̧ jo̧rȩtarä judi, peaja̧di chaäa̧ oa cjiapadirȩ. Ado judi jo̧rȩtarä judi, ‘Aja̧, pio jiro pumȩ judiro̧ dëbëribo jo̧dë chiamȩ tjapënȩ jujuai̧ra̧ pio ju̧ri̧ra̧ guë ja̧bo tänȩa̧ oa cjiapadiro̧da’ quëna̧ jo̧rȩtarä judi, peaja̧di dari̧ ja̧bopadirȩ. Aja̧, pio judide, a̧ro̧rȩdë. Ado pio ju̧i̧iä Ütë tjamo̧ ja̧ pumȩ judiro̧ ji̧dë ma chjuari̧ quëna̧pea̧ chiadiro̧jo̧ȩ jëreearea̧ decjiari̧, järidëpe bagarea̧ decjiari̧. Jabechji̧ goae tjamo̧dëräbo chjuari̧ quëna̧pea̧ chiadiro̧jo̧ȩ.
Pio ju̧i̧iä a̧ro̧rȩ, Ütë tjamo̧ ja̧ oa tutia̧ oa cjiaji̧ri̧ pumȩ pio judiro̧ goae tjamo̧dë oa chjätäräbo, jabechji̧ ji̧dë ma ta̧rëdiätäreji̧ri̧rea̧ro̧jo̧ȩ Ütë judi yo̧a̧ pio ju̧i̧. Aja̧, jaepeparea̧ decjiari̧ ji̧dë ma ta̧rëdiätäreji̧ri̧rea̧rȩ, Jechu pio ju̧i̧ chjuari̧ quëna̧ji̧ri̧rȩ. Aja̧, ja̧di ta̧rëri̧ yo̧mȩrȩ ni̧bä chjaoa̧dique mu̧i̧tjoi̧ üdë.
Ado cüdë pio ju̧i̧ ta̧rëa̧ oaiä, chjaodëri̧ ju chatura̧ cjiadiäa̧requede jibëa̧ ta dëbëräpȩ. Ado tarupea̧requede pio ju̧i̧iäpȩmo̧ chjacjiamȩri̧ jo̧rȩtapea̧ ji̧. Jabo chjaodëri̧ tuti yo̧a̧dique: —Cjäri̧ ma, ja̧di dari̧ japarea̧mi̧dëde —yo̧a̧dique—. Jabechji̧ pio mȩnȩmi̧ darequede cüdë. Peaja̧di mu̧i̧tjoi̧requede. Ma̧ȩ coëma oa quëna̧ji̧ri̧ pio judiro̧mi̧ darequede. Jechu judi daba tänȩa̧ ma̧ȩ oa quëna̧ji̧ri̧ pio judiro̧mi̧ darequede. Pio ju̧i̧iä jabechji̧, Ütë tjamo̧ pio ju̧i̧iäpȩmo̧ ma chjacjiamȩri̧ jo̧rȩtapea̧de —yo̧a̧dique. Ja̧dëa ji̧ pio yoa ma̧ȩbo a̧de yo̧a̧dique: —Danȩ, Jechu judi daba tänȩrërea̧ ma̧ȩ oa a̧ra̧ano̧a̧ oaiä, järirea̧ daea̧dirȩ Ütërë ea jana̧ chjadüa̧ oa ni̧bäji̧ri̧ judiro̧. Aja̧, ja̧di ta̧rëri̧ a̧de yo̧a̧dique.
Ja̧dëa ji̧ daea̧requede charea̧ ji̧ra̧ oa, ütërë charea̧ ba chia tjamo̧ oa. Ado pio jiro charea̧rä chaji̧ri̧ pio ji̧ri̧ daea̧requedejȩrȩ. Cja̧rȩmȩrȩ yürüa̧ oa ütarë bape chjaorea̧ chiaji̧ri̧pea̧dirȩ. Jabo pio ji̧ri̧mo̧ dadëa̧requede, jabo pumȩ tjo ji̧ra̧ oa daea̧requede peaja̧di. Ja̧bo tänȩa̧ oa cjiareji̧ri̧ pio ji̧ri̧, jibëa̧ tjübë decjiari gürü oa tuti gu̧na̧ oa cjiareji̧ri̧ pio ji̧ri̧ daea̧requedejȩrȩ peaja̧di. Tjamo̧ davä. Jechu judi daba tanȩa̧ ma̧ȩ pio ju̧i̧ a̧ra̧ano̧a̧ oaiä, Ütë tjamo̧ ja̧ ma̧ȩ pio ju̧i̧ a̧ra̧ano̧a̧ oaiä, gürü coto tänȩa̧diro̧jȩrȩ. Aja̧, judiro̧ chirirä cjo̧ro̧mȩmi̧ da pio ju̧i̧iäpȩmo̧ chjacjiamȩri̧ jo̧rȩtadëa̧ oaiä, judiro̧ chirirä cjo̧ro̧mȩ pio judimi̧ dari̧ jëdano̧a̧ ütë pio ju̧i̧iäpȩmo̧ chjacjiamȩri̧ jo̧rȩtadëa̧ oaiä, judiro̧ chirirä cjo̧ro̧mȩmi̧ da pio ju̧i̧ chjiari ütararea̧ go̧ȩ oa chiadëa̧ oaiä, jabechji̧ ja̧bo tänȩa̧diro̧jȩrȩ. Tjamo̧ davä. Jibëa̧ daitoro cji̧däpea̧ ji̧ yürüdëa̧ oaiä, jibëa̧ ichirä cji̧däpea̧ oa yürüdëa̧ oaiä ja̧bo tänȩa̧diro̧jȩrȩ. Ado pio judiro̧ ja̧boa̧reji̧ri̧rȩ bëdüa̧ oa cjiadiäa̧dirȩ chiri ütë cjo̧ro̧ji̧ri̧rȩ ja̧bepapea̧ oa Quiricho pio ju̧i̧ nö̧ta, japamitë ana̧ nö̧ta, cja̧rȩmȩ mil ui nö̧ta.
Ado danȩrȩ, mȩnȩro̧ ca̧ ma̧ȩrä chjadëri̧ cjo̧ro̧a̧ oaiä, mȩnȩro̧ goaedë chjätäa̧räbo chjuari̧ quëna̧ oaiä, Ütë tjamo̧ pio ju̧i̧ jaepepami̧ dari̧ japadëa̧ oaiä, jabechji̧ chjadëri̧ jidaparequededibe, mȩnȩro̧ a̧dë chjäte chjai̧dëri̧ chjätächea oa. Tjamo̧ davä. Cüdë chiri nö̧tai̧ oa cjo̧ro̧ji̧ri̧ ütëbodärä oa a̧dë chjäte ma̧i̧ da conȩdarea̧ra̧ bape chjaoro, chiriräpȩti̧ oa cjo̧ro̧ji̧ri̧ pio ji̧ri̧ ana̧ri̧ ütararä, jabechji̧ chjadëri̧ boea̧ oa cjiami̧ dari̧ cjia tänȩparequededibe, mȩnȩro̧ chjadëri̧ cjo̧ro̧rea̧mi̧ dari̧.
Ja̧dëa ji Oveja pëi̧ chjamȩmi̧ da pio ju̧i̧ daea̧reconȩ ado. Puria̧ go̧ȩ irä cjiamȩ ji̧cha̧parea̧ pio ju̧i̧ mu̧i̧ ia̧mȩ oa daea̧reconȩ. Jadüchiami̧ oa mu̧i̧ iaremȩrȩ ado cja̧rȩmo̧ oa mu̧i̧ ia̧mȩ oa daea̧reconȩ. Ado ja̧dëa ji̧ quëna̧ji̧ri̧ ja̧ tjo pio ji̧ri̧ daea̧requedejȩrȩ. A̧dëräpȩ cjiamȩ yürürea̧ mechja ëteräpȩ ju̧ri̧ daea̧requedejȩrȩ tjo no̧i̧dë oa. Judiro̧ Ütë tjamo̧ ja̧ ma̧ȩrä cjo̧ro̧rërea̧ oaiä, ju̧i̧ ja̧ ma̧ȩ oa a̧ra̧ano̧rërea̧ oaiä, jabechji̧ ja̧bo tänȩa̧ oa cjiarëreji̧ri̧dirȩ. Ado pio ji̧ri̧ ja̧ tjo oa daea̧requedejȩrȩ.
Jabo cüdë dabadëmȩrȩ dëbë yo̧a̧reconȩ: —Cjäri̧ marequede, dabadërequede, jabo pio mȩnȩ daba jirorenȩ —dëbë yo̧a̧reconȩ. Ja̧dëa ji̧ yo̧a̧dique: —Danȩ, pio yodëro̧je a̧dë chjäte chjai̧dë pio ju̧i̧ chjätäa̧ji̧ri̧ pio judiro̧dirȩ —yo̧a̧dique—. Aja̧, ana̧ tjamo̧ri̧ tararëreji̧ri̧ pio judiro̧dirȩ jabo yaba̧ chjadëri̧ ma̧na̧rea̧ daea̧dirȩ chjadëri̧ go̧dürea̧mi̧ dari̧. Ado jibëa̧ chjibo üdë Oveja pëi̧ chjamȩmi̧ da pio ju̧i̧ ja̧ goera̧ pio ju̧ri̧ra̧ joa̧ oa cjiami̧ dari̧ cjiade, bërebërea tjamo̧pe järea̧mi̧ dari̧.
Sanasan