Jechurë Na̧rȩrërea̧ Ma̧ȩ 1:5 - Biblia Pume5 Ado Jechu Quiricho pio ju̧i̧iäbo goë cjo̧dërequede. Aja̧, Ütë ja̧ ma̧ȩ oa coëma cjiari̧ daba tänȩmȩ pio ju̧i̧iä, o ji̧ri̧ ja̧ yaboi̧ bëdüa̧ oa cjiamȩ pio ju̧i̧iä, ja̧boa̧remȩrȩ bëdüa̧ oa cjiamȩ pio ju̧i̧iäbo goë cjo̧dërequede, a̧dë chjäte tjamo̧ yo̧mȩ pio ju̧i̧iä, ado cja̧rȩmo̧rȩ nö̧tadärärea̧mi̧dëri̧ cjiamȩ Ütë pio ju̧i̧iä. Jabechji̧ pio ju̧i̧iäbo goë cjo̧dërequede, judi pio dibë cjäri̧ri̧ cjiamȩrȩ yürütä, mȩnȩro̧ ma̧ chjupi̧ cjiari̧ jo̧rȩtarea̧mi̧ dari̧. Jabechji̧ ji̧dë ma idami̧ dari̧ ea tjamo̧diibe Quiricho judi, eadëpe bagarea̧ decjiari̧. Ado pio ibë chjiari goe gu̧rori̧ ano̧ mire ja̧borërea̧ oaiä, jabechji̧ jare chjadüa̧ oa cjiami̧ dari̧ cjiarea̧rȩ yaba̧, a̧ro̧rȩ ibëa̧ icjararä chjai̧dërë yo̧a̧ chja̧oerä cjo̧ro̧chea oa. Faic an caibideil |
Jechurë Na̧rȩrërea̧ Ma̧ȩ 1:5
53 Iomraidhean Croise
Ado cjitëno̧ ëte, chjaodëri̧ yo̧a̧dejȩrȩ jibëa̧ mu̧i̧tjoi̧ ji̧ri̧ ëna̧diätä, jauëchja cjiari̧ japarea̧ dabaji̧ri̧ pio ji̧ri̧ ëna̧diätä. Ado pio ju̧i̧iä ëna̧diäepea̧diro̧jȩrȩ. Tjamo̧ davä. To̧je go̧a̧ji̧ri̧ pio ji̧ri̧, to̧je tuti go̧a̧rea̧ chiaji̧ri̧ pio ji̧ri̧, yo̧to̧parea̧ chiaji̧ri̧ pio ji̧ri̧, yo̧mirea̧ dabaji̧ri̧ pio ji̧ri̧, ado büë oa ütararea̧ dabaji̧ri̧ pio ji̧ri̧ ëna̧diäepea̧diro̧jȩrȩ. Ado judiro̧ ütëborë ütë pio ju̧i̧iäpȩ go̧düdäräa̧rä, jabechji̧ chiri ütë cjo̧ro̧mȩ ja̧ dëbëräpȩ cjiadäräa̧dirȩ.
Ado ja̧dëa ji̧ charea̧ ba chia tjamo̧ro chamȩ pio judi tjamo̧ yo̧rea̧ yürüa̧dejȩ pio ju̧i̧ ja̧ dëbëräpȩmȩ oa, judi a̧dë chjäte chiri Ütëmȩrȩ cjo̧ro̧pea̧ oa. Ado a̧dë chjäte tatari̧ cjiamȩ jauëchjarea̧ oa yürüa̧dejȩ peaja̧di. Aja̧, pio judi tjamo̧ yo̧mȩrȩ cjo̧ro̧pea̧ oa, chiriräpȩti̧ oa cjo̧ro̧ji̧ri̧ pio judiro̧ pio ju̧i̧ ja̧ chja̧oerämo̧ cjo̧ro̧pea̧ oa, yürüa̧dejȩ tjamo̧ yo̧rea̧ oa, pumȩ judiro̧ ütëbodärärë pio ju̧i̧iäpȩmo̧ ma ba chia dapea̧ oa. Aja̧, ado cja̧rȩmo̧ chiriräpȩ cjo̧ro̧ji̧ri̧ pio judiro̧, ado cja̧rȩmo̧ tarurea̧ chiaji̧ri̧ pio judiro̧, ado cja̧rȩmo̧ ma̧ȩ oa ni̧bäji̧ri̧ pio judiro̧ pio ju̧i̧ chjadëri̧ ta̧rëdiäpea̧ oa tjamo̧ yo̧rea̧ yürüa̧dejȩ. Ado ja̧dëa ji̧ judi a̧dë chjäte chiri Ütëmȩrȩ cjo̧ro̧ro, jabechji̧ bucho ana̧ tjamo̧ yo̧mȩrȩ cjo̧ro̧pade yuroparea̧ decjiari̧. Jabechji̧ ado cja̧rȩmo̧rȩ boadärärea̧mi̧dëri̧ tjamo̧ yo̧mȩrȩ cjo̧ro̧pade, ado cja̧rȩmo̧rȩ goarijä tänȩrea̧mi̧dëri̧.
Danȩrȩ, pio coa cho̧rëdiä matäreji̧ri̧renȩro̧coe, Pumȩrȩ Ara̧ Tjamo̧ pio ju̧i̧. Ado cüdë a̧dëri pio judiri birë ma̧na̧rä, jabechji̧ pumȩ pio judiro̧ ca̧ mu̧i̧tjoi̧mi̧ da maearë cjo̧ro̧pea̧ oa birë ma̧na̧dërëremȩrequede. Pio judiro̧ coa ji̧dë ma a̧dopea̧ oa birë ma̧na̧dëa̧requede, jabo jabechji̧ pio ji̧ri̧ ja̧ mu̧i̧tjoi̧mi̧ dari̧ cjo̧ro̧pea̧ oa birë ma̧na̧requede cüdë. Tjamo̧ davä. Pio ji̧ri̧ chjadëri̧ a̧dopea̧ oa birë ma̧na̧requede. Ado pio ju̧i̧iä ca̧ icjara pio ju̧i̧ yürüparequede pumȩ ja̧ oa. Tjamo̧ davä. Pumȩ pio ji̧ri̧ chjiari ano̧ mire ja̧bopea̧ oa, pio judiro̧ chjai̧dëri̧ japea̧ pio ju̧i̧ chjiari tuti ba ano̧a̧ cjiapea̧ oa, jabechji̧ ca̧ icjara oa yürüparequede —yo̧a̧dejȩrȩ. Aja̧, ja̧di ta̧rëri̧ yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi Ütë tjamo̧ pio ju̧i̧ ja̧ mu̧i̧tjoi̧mi̧ dari̧ cjo̧ro̧pea̧ pio ju̧i̧ chjiari.
Ado Jechu judi jibëa̧ jadü pio ji̧ri̧ ja̧ queri̧ tjamo̧räpȩ jana̧mȩrȩ yo̧rëremȩdejȩrȩ: —Ütë tjamo̧ pio judi tjamo̧ yo̧rea̧ yürüa̧ oa, jabechji̧ chiri tjamo̧ cjiamȩpea̧requede cüdë —yo̧a̧dejȩrȩ—. Ado Ütë tjamo̧ pio judi tjamo̧ yo̧rea̧ yürüa̧ oa, peaja̧di a̧dë tjamo̧ cjiamȩpea̧requede, eami̧rȩ coa dëbëparea̧ decjiari̧.
Ado uëmo̧ a̧dë chjätärea̧ do üdë ma̧na̧pea̧ ji̧ querediä tjamo̧rëremȩde. Cja̧rȩmȩ do chjätä ëte tarupapea̧ jabërëremȩde do chjätärea̧ do üdë. Ado Jechu judi, jabechji̧ dabarëremȩde pio jȩa chjiari. ‘Aja̧, cüdë pio yoa chiri oa a̧dë baäpea̧ ji̧ querediäquëda, ca̧ Ama̧i̧ pio ju̧i̧iäpȩ baäpea̧ ji̧ querediäquëda yaba̧’ quëna̧ dabarëremȩde. Ado jibëa̧pea̧ji̧ri̧ pio ji̧ri̧ peadëri ja̧ ea tjamo̧rëremȩdejȩrȩ jibëa̧ jadü pio ji̧ri̧, dai chirirä cjo̧ro̧ji̧ri̧ pio ji̧ri̧. Jabechji̧ eadëpe bagarea̧ decjiari̧ earëremȩdejȩrȩ.
Pio ju̧i̧ ta̧rëa̧ oaiä, Pirato judi iëno̧ë ta̧rëa̧dejȩ: —¿Jabo mȩnȩ tjamo̧ yo̧mȩrȩ cjo̧ro̧dënȩ? —yo̧a̧dejȩ. Ado Jechu judi dëbë yo̧a̧dejȩ: —Dëdë, tjamo̧ yo̧mȩre cjo̧ro̧quede. Birë ma̧na̧mȩrȩ ara̧ oa cjiarëremȩrequede pio yoa chirirä cjo̧ro̧pea̧ oa, tjamo̧i̧ cjiari̧ baämȩ ma̧ȩ pio ju̧i̧ ni̧bäpea̧ oa. Tjamo̧i̧ cjiari̧ baämȩ ma̧ȩ pio ju̧i̧ ta̧rë ja̧boji̧ri̧ pio judiro̧, ta̧rë ja̧bodiro̧coe —yo̧a̧dejȩ.
Jabechji̧ Ütë tjamo̧ judi pumȩ ütëbodärä oa ea tjamo̧ tara, tuti yürürëremȩdejȩ jibëa̧ Ja oa pumȩ pio ji̧ri̧ chjiari ano̧ mire ja̧bopea̧ oa. Yo̧a̧ri̧ oa ëbadëmȩborë chjadürëremȩdejȩ, pio ju̧i̧mo̧i̧ ëbamȩrȩ. Ado eami̧ pumȩ judi, pio ju̧i̧iäpȩmo̧ quëna̧mȩ judi, jabechji̧ bucho ana̧ cjo̧ro̧rea̧ dapade aeno̧rea̧ decjiari̧.
Ado pio ju̧i̧iä yo̧requededibe yaba̧ ca̧ oti̧. Jabechji̧ mȩnȩro̧ pio coaiä dabapea̧ pio ju̧i̧ jo̧rȩtaji̧ri̧rȩ cjo̧ro̧chji̧vä. Na̧e chiachji̧vä. Chjadëri̧ jidachji̧vä dibëa̧ chji̧ oa mȩnȩro̧ u̧i̧pea̧ oa cjiadiächea oa, oëra̧diächea oa. Peaja̧di chjadëri̧ jidatäreji̧ri̧nȩrȩ ovejami̧ da pio ji̧ri̧, oveja oa jidamȩrȩ japarëmi̧ cjiari̧. Jabechji̧ Tjo tjamo̧ pio judi mitëa̧ oa tjamo̧ jidaji̧ri̧pea̧nȩrȩ. Ja̧di tara chjadëri̧ jidatäreji̧ri̧nȩrȩ Ütë tjamo̧ ja̧ a̧doparea̧ pio ju̧i̧, Joja ja̧ goera̧ gatërërea̧ pio ju̧i̧, jibëa̧pe baga̧ pio ju̧i̧ —yo̧a̧dejȩrȩ—.
Tjamo̧ davä. Chjätä Tänȩmȩ judi cjo̧ro̧pea̧ pio ju̧i̧ chjiari, judi ma̧i̧ dari̧ conȩda̧ oa cjiapea̧ pio ju̧i̧ chjiari, judi ja̧bo ëte bëdüpea̧ pio ju̧i̧ chjiari, ado o ji̧ri̧ ja̧ yaboi̧ bëdüpea̧ pio ju̧i̧ chjiari jabërä go̧ȩparëreji̧ri̧dirȩ. Ado bëdüa̧ oa cjiamȩ pio judi judio pio ji̧ri̧iäpȩmo̧ chjätärea̧ ma̧ȩ pio ju̧i̧ a̧ra̧ano̧pea̧ pio ju̧i̧ chjiari, judi judiodë pio ji̧ri̧iäpȩmo̧bo a̧ra̧ano̧pea̧ pio ju̧i̧ chjiari jabërä go̧ȩparëreji̧ri̧dirȩ peaja̧di. Ado judiro̧ jabërä go̧ȩparërea̧ pio ju̧i̧ chjiari ma̧ȩ oa a̧ra̧ano̧mȩrȩ doparequede cüdë —yo̧mȩrȩ ni̧bä chjaorëremȩdejȩ Pablo judi Agiripa quȩmȩ ütë pio ju̧i̧iäpȩmo̧.
Tjamo̧ davä. Joja pio ju̧i̧ tuti yürürea̧ jo̧rȩtamȩrȩ tuti yürürëremȩdejȩ goe gu̧rori̧ ja̧bopea̧ oa, Ütë ja̧ ërecjiarea̧ üdë pio ibëiäpȩmo̧ acji cjatächea oa, judi cjatäcjie jo̧rȩtarea̧ dapea̧ oa. Ado pio ju̧i̧ ja̧ goe oaiä, jabechji̧ quëna̧mȩ pio ju̧i̧ cjäri̧ri̧ cjiamȩrȩ duridëparȩdejȩ. Ado danȩrȩ, Ütë tjamo̧ judi chjai̧dëri̧ japamȩ pio ju̧i̧ duridëparȩa̧ oaiä, jabechji̧ chjadëri̧ na̧rȩdiibe pio jȩa chjiari. 'Aja̧, Ütë tjamo̧ judi a̧dë chjäte coëma cjiari̧ cjiamȩdida, a̧dë chjäte tatachjadida, pumȩ judiro̧ pearä judi chjai̧dëri̧ japarërea̧ pio ju̧i̧ a̧dë dami̧ dari̧ japarea̧mi̧dëdida, jabo ba eamȩrȩ bape chjaomȩdida, ado pumȩ pio ji̧ri̧ bape chjaotärea̧ ji̧, Joja pio ju̧i̧ ano̧ mire bape chjaoa̧diji̧da, pumȩ judiro̧ chjai̧dëri̧ japea̧ ba oa ba eadärärea̧ daea̧dida' quëna̧rea̧mi̧ dari̧ na̧rȩdiibe Ütë tjamo̧ judi chjai̧dëri̧ japamȩ pio ju̧i̧ duridëparȩa̧ pio ju̧i̧iä. Jabo pearä judi, jabechji̧ ma̧ chjua damȩrȩ darëremȩdejȩrȩ pumȩ ji̧ri̧. Judiro̧ chjai̧dëri̧ japarërea̧ pio ju̧i̧ uëmo̧ a̧dë dami̧ dari̧ darëremȩdejȩ, jo̧ȩra̧pe bape chjaodëmȩrȩ.
Ado pio mȩnȩro̧ orë peaja̧dimi̧ dari̧ jape chjaorëreji̧ri̧nȩrȩ pearä judi, jabo yaba̧ tjaoëpai̧ dari̧ cjo̧ro̧ji̧ri̧pea̧nȩrȩ. Quiricho pio ju̧i̧ ja̧ quȩ ba chia oaiä, pio ju̧i̧ ja̧ ma̧ȩ oaiä ado cja̧rȩmo̧ pumȩpea̧nȩrȩ. Jabechji̧ chjai̧dë gȩrȩ chiadëji̧ri̧mi̧ dari̧ joa̧ oa cjiami̧ dari̧ cjiaji̧ri̧pea̧nȩrȩ. Ütë tjamo̧ ja̧ pumȩpe bagarea̧mi̧ dari̧ china̧chjari̧ tutia̧ oa cjiaji̧ri̧pea̧nȩrȩ. Chjai̧dë chiadëpe bagarea̧mi̧ dari̧ jabechji̧parȩa̧ oa cjiaji̧ri̧pea̧nȩrȩ. Tjamo̧ davä ca̧ oti̧, ibëa̧ Ano̧mȩ Jechu Quiricho pio judi tuti japea̧ oaiä, ibëa̧ Ütë ja̧ Tjo pio ju̧i̧ ja̧ jauëchja oaiä chjai̧dë chiadëpe bagarea̧mi̧ dari̧ jabechji̧parȩa̧ oa cjiaji̧ri̧pea̧nȩrȩ. Aja̧ ca̧ oti̧, ado cja̧rȩmo̧ pumȩ tjamo̧pea̧nȩrȩ. Ado pio ju̧i̧iä quëna̧dëji̧ri̧ pio judiro̧ japami̧ dari̧ japarea̧mi̧dëpea̧nȩrȩ yaba̧. Ado pio ju̧i̧iä jabechji̧, dibëa̧ omȩ pio ju̧i̧ tjamo̧ yo̧ji̧ri̧ pio ji̧ri̧iäpȩ ëba jädë matäreji̧ri̧renȩro̧jo̧ȩ. Tjamo̧ davä. A̧dë chjäte ma̧i̧ dari̧ japaji̧ri̧ pio ji̧ri̧iä, cüdë pio yabo ütarë yo̧a̧ji̧ri̧ pio ji̧ri̧iä tuti chi̧dëeapea̧ oa ëba jädë matäreji̧ri̧renȩro̧jo̧ȩ dibëa̧ omȩ oa. Jabechji̧ a̧dë chjäte ma̧i̧ dari̧ japaji̧ri̧ pio judiro̧ dibë chi̧dëearea̧mi̧dë madiro̧dibe.
Jabechji̧ Quiricho pio ju̧i̧ nö̧ta toro cji̧däa̧ oa ja̧boa̧requede. Jabo pio ju̧i̧ nö̧ta ja̧boa̧mȩborë, jabechji̧ cjo̧ro̧requede ado chjereno̧. Jabo cüdë tjamo̧dërequede, jabo Quiricho pio judide. Jabechji̧ ca̧ icjararä chjai̧dërë chi̧dëea̧ chja̧oerä cjo̧ro̧dërequede, jabo tjamo̧ cjo̧ro̧mȩ Quiricho pio ju̧i̧ ja̧ chja̧oerämo̧ ano̧ mire cjo̧ro̧requede yaba̧. Aja̧, pio judi tjamo̧de pio coaiä ja̧bepamȩ judi. Ado yaba̧ Ütë tjamo̧ pio ju̧i̧ ja̧ Joja pio ju̧i̧ quëna̧mȩrȩ cjo̧ro̧requede, pio coa ea tjamo̧mȩ pio ju̧i̧. Aja̧, jibëa̧ icjara oa tuti yürürëremȩ pio ju̧i̧ quëna̧mȩrȩ cjo̧ro̧requede yaba̧ pio cüdë ano̧ mire cjo̧ro̧pea̧ oa.
Jabo Ütë tjamo̧ judi a̧ro̧rȩ chjai̧dëri̧ japea̧ ba oa bape chjaotärea̧ ji̧, cjäri̧ri̧ cjiamȩrȩ jo̧rȩtarëremȩdiibe, pio ibë ütararea̧mi̧dëri̧ eamȩrȩ. Ado bëdü tänȩrëremȩdiibe Quiricho pio ju̧i̧ nö̧ta. Aja̧, nö̧tadäräri̧ japadëji̧ri̧ oa, ja̧boa̧mi̧ dari̧ cjiaji̧ri̧ oa bëdü tänȩrëremȩdiibe. Jabechji̧ cjäri̧ri̧ cjia tjamo̧mȩrȩ chjätärea̧ yürürëremȩdiibe, pio judirimȩ marë.
Jabechji̧ Quiricho judi dibë ea̧ra̧ pio ju̧ri̧ra̧ eachji̧jȩrȩ dibëa̧ pumȩ ji̧ri̧. Danȩrȩ, ibë ea tjamo̧mȩrȩ ja̧boera̧parëremȩde. Aja̧, Ütë tjamo̧ pio ju̧i̧iäpȩmo̧ goaeri̧ pjȩa̧ cjitëmi̧ dari̧ ja̧bopea̧ oa yürürëremȩde jibëa̧ icjara oa, ovejami̧darë ja̧bopea̧ oa. Ado pio jiro earea̧ra̧ pio ju̧ri̧ra̧ eatäreji̧ri̧rea̧ro̧jȩrȩ ibëa̧ pumȩ ji̧ri̧ peaja̧di.
Ado tjübëmi̧ dade. Danȩrȩ, ju̧i̧ ja̧ a̧doparea̧ üdë, pio ju̧i̧ ja̧ icjarami̧ dade. Ado icjarami̧ da pio ju̧i̧ ja̧ tjübëmi̧ da üdë, Quiricho pio judide. Pio ju̧i̧iämo̧i̧ pumȩdiëno̧rea̧ dade icjarami̧ da üdë. Ado ja̧boa̧remȩrȩ bëdürëremȩde ado chjereno̧ cjo̧ro̧pea̧ oa. Jabechji̧ pio judide yabo bëdüa̧mi̧ bëdümȩ judi. Ado pio ju̧i̧iä a̧dë chjäte Ütëmȩrȩ cjiade a̧dë chjäte ba chia tjamo̧räpȩ ju̧ri̧.
Ado yaba̧ to̧bari̧ chi̧dëearequedemȩ ado chjereno̧, mȩnȩ cjiadiädëri̧ ta̧rë ta̧rë japatä cüdë mȩa̧ go̧ȩpe chjadüa̧ ma̧ȩ pio ju̧i̧. Aja̧, Ütë tjamo̧ ja̧ dachoro, chjö̧na̧i̧ti̧ oa quirë baä quirë baä cjiarea̧ yürümȩ pio ju̧i̧ ja̧ dachoro to̧bari̧ chi̧dëearequedemȩ, Timoteo. Ado Jechu Quiricho ja̧ dachoro chi̧dëearequedemȩ peaja̧di. Aja̧, Po̧chio Pirato ja̧ dëbëräpȩ cjiarëremȩ pio ju̧i̧ ja̧ dachoro, Ütë tjamo̧ pio ju̧i̧ chjiari uapadëmȩrȩ ni̧bärëremȩ pio ju̧i̧ ja̧ dachoro to̧bari̧ chi̧dëearequedemȩ mȩnȩ chjadëri̧ ta̧rë ta̧rë japatä cüdë mȩa̧ yürüa̧ ma̧ȩ pio ju̧i̧. Aja̧, nötadäräri̧ ta̧rë ta̧rë japavä o judiro̧ pio mȩaiäpȩmo̧ aechide yo̧rea̧mi̧dëri̧. Ja̧di dari̧ cjo̧ro̧vä Jechu Quiricho pio judi jana̧rä yuro.
Jabechji̧ ütara̧ doro Ütë tjamo̧ pio judi ana̧ri̧ na̧rȩmȩrȩ bira tänȩpadejȩ Jechu Quiricho pio ju̧i̧. Aja̧, a̧dë chjäte chjadëri̧ cjiamȩ Ütë pio judi, a̧dë chjäte Tjamo̧ Yo̧mȩ Ütë pio judi, a̧dë chjäte ba chiamȩ Chiri Ütë pio judi, ado cja̧rȩmo̧rȩ nö̧tarea̧mi̧dëri̧ cjiamȩ Ano̧mȩ pio judi bira tänȩpadejȩ ado.
Ado danȩrȩ, ji̧dë u̧i̧ uapai̧ dari̧ ütara̧ oa cjiapadirȩ Ja tjamo̧ pio ju̧i̧ putu jura̧ a̧dë chami̧ dari̧ jo̧rȩtaji̧ri̧ pio judiro̧, pio ju̧i̧ badë jo̧rȩtaji̧ri̧ pio judiro̧. Tjamo̧ davä. ‘Jechu ja̧ goe üdë badëdida, ibë a̧dorea̧mi̧dë goedida’ quëna̧ jo̧rȩtaji̧ri̧ pio judiro̧, ji̧dë u̧i̧ uapai̧ dari̧ ütara̧ oa cjiapadirȩ. Jabechji̧ Jechu ja̧ goe pio oaiä ba chiaparȩa̧ oa cjiadiärëremȩde ma̧ȩ peaja̧ üdë. Ado pio jiro goe üdë pumȩ pio ji̧ri̧ china̧chjari̧ tutia̧ oa cjia tänȩmȩ goe pio judide. Jabo judiro̧ pio ju̧i̧ ba chia jo̧rȩtatärea̧ ji̧, cjäri̧ madiro̧jo̧ȩ, badë jo̧rȩtadiro̧jo̧ȩ. Pio jibë china̧chjari̧ tutia̧ oa cjia tänȩmȩ goe pio ju̧i̧ badë jo̧rȩtadiro̧jo̧ȩ. Ado judiro̧ ja̧di dari̧ japea̧ oaiä, jabechji̧ pio jibë cjäri̧ri̧ cjiamȩrȩ a̧domȩ pio ju̧i̧ a̧dë chjäte ërecjia tänȩa̧diro̧jo̧ȩ Tjo tjamo̧ pio ju̧i̧. Ado pio ju̧i̧iä, dëdë, Moicherë go̧ȩparërea̧ ma̧ȩ oa jiada̧ ba oa bape chjaoa̧ oa cjiarëreji̧ri̧ pio ji̧ri̧ u̧i̧ uapai̧ dari̧ ütara̧ oa cjiapadirȩ a̧dë chjäte uapai̧ dari̧.
Jabo danȩrȩ, ji̧dë u̧i̧ ba chiade davä Quiricho pio ju̧i̧ ja̧ goe üdë. Jabechji̧ yuropadëmȩ Tjo tjamo̧ pio judi ju chiarea̧ yürüa̧ oaiä Jechu judi jibëa̧ icjara oa yürürërëmȩdejȩ Ütë tjamo̧ ju̧i̧. Oveja co chjami̧ da oa yürürëremȩdejȩ goe gu̧rori̧ ja̧bopea̧ oa. Ado yaba̧ pio jiro goe oaiä ja̧bodëmȩ Ütë pio ju̧i̧ ja̧ oa ja̧beparea̧ daji̧ri̧pea̧rea̧rȩ. Ado pio jiro goe oaiä peaja̧di joa̧ oa cjiami̧ dari̧ cjiade ibëa̧ chji̧ üdë, a̧ro̧rȩ chji̧ chjadëra̧ jo̧rȩtariä cjo̧ro̧pea̧ oa, a̧ro̧rȩ teracaba ma̧ȩrä jo̧rȩtariä cjo̧ro̧chea oa.
Jabo jabechji̧ Quiricho pio ju̧i̧ ja̧ goe ba chia tjamo̧ra̧ pio ju̧ri̧ra̧ ba ano̧a̧ oa cjiarëreji̧ri̧nȩrȩ ca̧ oti̧. Jabechji̧ oveja co chjami̧ darë goe gu̧rori̧ ja̧borëremȩde. Goë tuti ja̧bepaji̧ri̧ pio judiro̧ oveja co chja oa ja̧bo tänȩrërea̧mi̧ ja̧borëremȩde Jechu judi peaja̧di, oveja co chjami̧ darë. Tjamo̧ davä. Goe gu̧rori̧ ja̧borëremȩde pio dibë chjiari tuti ba ano̧pea̧ oa.
Aja̧, pio ibë tjamo̧ri̧ eamȩrȩ ja̧di dari̧ japarëremȩde. Jabechji̧ tjamo̧ri̧ earea̧ üdë pio ibëiä tarupadëa̧de. Jabechji̧ a̧ro̧rȩ pearä judi Ütë tjamo̧ pio ju̧i̧iäpȩmo̧ eadërëreji̧ri̧rea̧ro̧jo̧ȩ, jabo pio judide pio ibëiäpȩmo̧ pearä earëremȩ judi. Jabechji̧ pio ju̧i̧iä taruparëremȩde, pio ibëiädë. Ado pio ibë ea tjamo̧mȩrȩ chjadürëremȩdejȩ Joja pio ju̧i̧. Jabechji̧ a̧ro̧rȩ pio ju̧i̧iäpȩmo̧ eadëa̧räbo, eamȩrȩ darëremȩdiibe. Ado pio ju̧i̧iä pio ibë eamȩrȩ Joja pio ju̧i̧ chjadürëremȩdejȩ pio ibë chjiari goe gu̧rori̧ yürüa̧ oa cjiapea̧ oa, Ütë tjamo̧ ja̧ ërecjia̧ üdë pio ibëiäpȩmo̧ acji cjatächea oa.
Ja̧dëa ji̧ ado cja̧rȩmo̧ mu̧i̧tjoi̧ üdë pjura̧dejȩ jibëa̧ pjurarea̧ra̧. Cja̧ȩta̧ra̧ ichiri cja̧rȩmȩ mu̧i̧tjoi̧rȩ jibëa̧ra̧ pjurarërea̧ ji̧, cjiadiäa̧mȩ pio judi pjura̧dejȩ jibëa̧ra̧. Ado a̧dëräpȩji̧ri̧ pio judiro̧ chjaodëri̧ ni̧bäji̧ri̧pea̧dirȩ to̧bari̧. Ado ja̧di ta̧rëri̧ yo̧a̧dirȩ: —Pio yaba̧ doro Ütë tjamo̧ judi tjamo̧ cjo̧ro̧mȩrȩ cjo̧ro̧pade daburäpȩ —yo̧a̧dirȩ—. Pumȩ ütëbodärärë pio ju̧i̧ ja̧ chja̧oerämo̧ cjo̧ro̧padirȩ, ja̧di dari̧ cjo̧ro̧dërërea̧ ji̧. Ado Chjätä Tänȩmȩ pio ju̧i̧ ja̧ chja̧oerä cjo̧ro̧padirȩ peaja̧di, Ütërë chjadüa̧ pio ju̧i̧ ja̧ chjaoerä. Jabechji̧ pio judiro̧ tjamo̧ cjo̧ro̧ji̧ri̧rȩ cjo̧ro̧padirȩ bucho ana̧, yuroparea̧ decjiari̧. Aja̧, ja̧di ta̧rëri̧ yo̧ji̧ri̧ oa ta̧rëa̧requedejȩrȩ.
Jabo danȩ, chjadüparequedejȩrȩ pio coa chjiari ni̧bäpaji̧ri̧ pio ji̧ri̧, yo̧a̧ri̧ oa. Töca chiamȩ ina̧rea̧ oa ina̧ji̧ri̧ oa chjadüpaquedejȩrȩ. Ado pio cüdë ea jana̧ chjadüa̧ oa ni̧bäpadirȩ. Aja̧, cüdë chjadüa̧ ma̧ȩ pio ju̧i̧ ni̧bäpadirȩ tjarari̧ ui tjomo̧ra̧ a̧de. Aja̧, 1260 do nö̧ta ni̧bäpadirȩ, japamitë ana̧ nö̧ta. Aja̧, ja̧di ta̧rëri̧ yo̧a̧dique Ano̧mȩ judi.
Ado pio judiro̧ ütëborë Oveja pëi̧ chjamȩmi̧ da pio ju̧i̧iäpȩmo̧ dëbëpe chjaotapadiro̧jo̧ȩ. Tjamo̧ davä. chirirä cjo̧ro̧mȩmi̧ da pio judi, ado pio jȩadi ütëreji̧ri̧ pio judiro̧borë dëbëpe chjaotapadiro̧jo̧ȩ. Jabo cjäri̧ madiro̧jo̧ȩ, japarea̧ dadëpadiro̧jo̧ȩ. Oveja pëi̧ chjamȩmi̧ da pio judi boadäräpadiro̧jȩrȩ. Tjamo̧ davä. Oveja pëi̧ chjamȩmi̧ da pio judi, jënȩ mitëa̧ pio ji̧ri̧ nö̧ta, pio jȩaiäpȩmo̧ chjadëri̧ ta̧rëdiäa̧ji̧ri̧ pio ji̧ri̧ nö̧ta boadäräpadiro̧jȩrȩ. Jabechji̧ Oveja pëi̧ chjamȩmi̧ da pio judi a̧dë chjäte Ano̧mȩ pio judide. Ado cja̧rȩmo̧rȩ nö̧tadë madejȩ. Ado pio judide chiri tjamo̧ cjo̧ro̧mȩ Ütë üdë. Ado cja̧rȩmo̧rȩ pio ju̧i̧iäpȩmo̧ boadärärea̧mi̧dëde. Aja̧, ja̧di ta̧rëri̧ yo̧mȩrȩ yo̧a̧dique mu̧i̧tjoi̧ üdë.
Ja̧dëa ji̧ daea̧reconȩ a̧dë oa. Ado ju̧ri̧pȩ tuti cararea̧ joë ya oa daea̧reconȩ areia̧ oa cjiamȩ oa. Ado chjaodëri̧ daea̧reconȩ yae bërebërea oa. Ado yae bërebërearä buë chamȩ oa daea̧reconȩ peaja̧di. Aja̧, “Coëma cjiari̧ Jo̧rȩtamȩ” quȩmȩ oa, “Judi yo̧a̧mi̧ Japamȩ” quȩmȩ oa daea̧reconȩ yaerä buë chamȩ oa. Ado judi, jabechji̧ coëma cjiari̧ ütarë bape chjaomȩrȩ acji tai̧dejȩrȩ pio jȩa dëbëpe chjaoji̧ri̧ pio ji̧ri̧iäpȩmo̧.
Ado jibëa̧ chjibo ina̧rea̧ go̧a̧ti̧rä go̧ȩpea̧ oa cjiaremȩde jibëa̧ quȩ üdë, jibëa̧ yai tarurobo. Aja̧, ja̧di dari̧ go̧ȩpea̧ oa cjiaremȩde quȩ ji̧ra̧ri̧ chiamȩrȩ. “Ado cja̧rȩmo̧rȩ dëbëparea̧mi̧dëri̧ a̧dë chjäte chiri Ütëmȩde” yo̧mȩ quȩ üdë go̧ȩpea̧ oa cjiade. Ado pio yoa quȩ üdë, “Ado cja̧rȩmo̧rȩ nö̧tadärärea̧mi̧dëri̧ a̧dë chjäte Ano̧mȩde” yo̧mȩ quȩbo go̧ȩpea̧ oa cjiade peaja̧di. Aja̧, pio jiro quȩmi̧ da oa chiaremȩde.
Danȩrȩ, pio dibë chjiari dabarequede. ‘Ichiaerë ana̧ tjamo̧ri̧ ja̧bepea̧räpȩ cjo̧ro̧diro̧da, Ichiaerë tjamo̧ cjo̧ro̧a̧mi̧ daräpȩ cjo̧ro̧diro̧da’ quëna̧ dabarequededibe. Jabo ja̧di daräpȩ cjo̧ro̧räbo, jabechji̧ coëma cjiari̧ cjo̧ro̧nȩrȩ. Jabechji̧ pio coaiäpȩmo̧ quëna̧dëpe bagadëa̧nȩrȩ. Ado dibëa̧ chjarerä cjo̧ro̧remȩ pio ju̧i̧ ja̧bo tänȩrërea̧ ji̧, pio coa chjiari ji̧dë ma ni̧bäremȩ pio ju̧i̧ ja̧bo tänȩrërea̧ ji̧, Atipa quȩmȩ pio ju̧i̧ ja̧bo tänȩa̧ ji̧, jabechji̧ mȩnȩro̧ quëna̧dëpe bagatärea̧ ji̧, cjäri̧ manȩrȩ, quëna̧dëpe bagadëa̧nȩrȩ, jabo jabechji̧ pio coaiäpȩmo̧ chjuari̧ quëna̧ji̧ri̧rȩ cjo̧ro̧rëreji̧ri̧renȩrȩ chjao tjamo̧räbo, Ichiaerë bëpea̧mi̧ daräpȩ cjo̧ro̧räbo.
Ja̧dëa ji̧ coa ni̧bämȩ judi, ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaoa̧dique: —Danȩ, ja̧di ta̧rëri̧ ma̧ȩ go̧ȩpe chjadütä earequedemȩ ca̧ mu̧i̧tjoi̧ pio ju̧i̧iäpȩmo̧, Daodichea quȩmȩ bë ma̧ri̧räpȩ a̧doparea̧ oa tjamo̧ jidamȩ pio ju̧i̧iäpȩmo̧ —yo̧a̧dique—. Aja̧, pio jȩa nö̧ta a̧dopaji̧ri̧ pio ji̧ri̧iäpȩmo̧ ja̧di ta̧rëri̧ ni̧bä chjaotä eareconȩ: “Danȩrȩ, ‘Ja̧ditäde’ quȩmȩ pio judirequede. Pio coaiä tjamo̧i̧ cjiari̧ cjiade Ütë tjamo̧ ja̧ ma̧ȩ üdë. Pio judi yo̧a̧mi̧ japadärämȩrequede a̧dë chiquirea̧ decjiari̧. Jabechji̧ judi pearä judirä pareaparërea̧ üdë pio coaiämo̧i̧ taruparëremȩde. Ado pio judimȩrȩ ma̧ȩ yürürequededibe.
Jabo cüdë dabadëmȩrȩ dëbë yo̧a̧reconȩ: —Cjäri̧ marequede, dabadërequede, jabo pio mȩnȩ daba jirorenȩ —dëbë yo̧a̧reconȩ. Ja̧dëa ji̧ yo̧a̧dique: —Danȩ, pio yodëro̧je a̧dë chjäte chjai̧dë pio ju̧i̧ chjätäa̧ji̧ri̧ pio judiro̧dirȩ —yo̧a̧dique—. Aja̧, ana̧ tjamo̧ri̧ tararëreji̧ri̧ pio judiro̧dirȩ jabo yaba̧ chjadëri̧ ma̧na̧rea̧ daea̧dirȩ chjadëri̧ go̧dürea̧mi̧ dari̧. Ado jibëa̧ chjibo üdë Oveja pëi̧ chjamȩmi̧ da pio ju̧i̧ ja̧ goera̧ pio ju̧ri̧ra̧ joa̧ oa cjiami̧ dari̧ cjiade, bërebërea tjamo̧pe järea̧mi̧ dari̧.
Sanasan