Lucas 9:41 - Biblia Pume

⁴¹ Ado Jechu judi pio ju̧i̧ ta̧rëa̧ oaiä, ado pumȩ judiro̧ no̧i̧dërë pio jȩaiäpȩmo̧ tjamo̧ri̧ quëna̧dëji̧ri̧ oa daea̧ oaiä, jabechji̧ to̧bari̧ yo̧rëremȩdejȩrȩ: —Jabo cjäri̧ manȩrȩ, pio yaba̧mȩ yoaiä cjo̧ro̧ji̧ri̧ pio mȩnȩro̧ chjadëri̧ jo̧rȩtarea̧ chiadëji̧ri̧ti̧nȩrȩ —yo̧a̧dejȩrȩ—. Ji̧dë ma chjai̧dëri̧ jape chjaonȩrȩ. Jaboti̧ri̧ baä jiadarenȩro̧coe. ¿Napai̧rä yuro chjuari̧ jiadaparenȩro̧coe? ¿Napai̧rä yuro jidatapea̧ chiarequededibe mȩnȩro̧ quëna̧pea̧ ji̧? ¿Napai̧ japamitë ëba cjiapea̧ chiarequededibe, mȩnȩro̧ chjadëri̧ quëna̧pea̧ oa —yo̧mȩrȩ yo̧a̧dejȩrȩ ütëbo oa. Ado Jechu judi pumȩ pio ji̧ri̧iäpȩmo̧ to̧bari̧ yo̧ ëte, jabechji̧ yo̧a̧dejȩ yaröca chiamȩ ja̧ jäjäa pio ju̧i̧iäpȩmo̧: —Danȩ, ëba jana̧jo̧ȩ na̧ ja pio ju̧i̧ jauëräpȩmo̧ —yo̧a̧dejȩ.

Lucas 9:41 Iomraidhean Croise

Go̧dürea̧ Ma̧ȩ 10:3

Ja̧di tara Moiche judi, Aro̧borë goëdepea̧diro̧jo̧ȩ pjarao̧ ju̧i̧. Ado ja̧di ta̧rëri̧ yo̧a̧diro̧jo̧ȩ: —Danȩ pjarao̧, Jeova judi, ebereo pio ji̧ri̧ ja̧ Ütë pio judi ja̧di ta̧rëri̧ yo̧dimȩ: "¿Napai̧ japamitë jiade chjaoparenȩque? ¿Na̧parä ta̧rëdiäparenȩque? Jabechji̧ go̧dürea̧ yürüjȩrȩ ca̧ pumȩ ji̧ri̧ judiro̧ pio coaiäpȩmo̧ chjacjiamȩri̧ jo̧rȩtapea̧ oa.

Go̧dürea̧ Ma̧ȩ 16:28

Ja̧dëa ji̧ Jeova judi icharaita ütëbo oa yo̧mi̧ dari̧ yo̧rëremȩdejȩ Moiche ju̧i̧: —¿Na̧pai̧ japamitë ta̧rë ja̧bodëparenȩro̧coe? ¿Na̧pai̧ japamitë jiadaparenȩro̧jo̧ȩ ca̧ ma̧ȩ oa?

Ütararea̧ Ma̧ȩ 14:11

Ado Jeova pio judi yo̧a̧dejȩ Moiche ju̧i̧iäpȩmo̧: —¿Napai̧rä yuro badë jo̧rȩtapadiro̧coe pio jiro pumȩ judiro̧? ¿Napai̧rä yuro ji̧dë ma chjuari̧ jiadapadiro̧coe pio coaiäpȩmo̧ chjadëri̧ quëna̧tärea̧ ji̧? Danȩ, cüdë ana̧ri̧ na̧rȩa̧räbo, cüdë ana̧ri̧ tuti japea̧räbo, jabechji̧ chjuari̧ quëna̧dëdiro̧coe. Pio ju̧i̧iä iëno̧ë ta̧rërequedemȩ. ¿Napai̧rä yuro ja̧di dari̧ japapadiro̧coe?

Ütararea̧ Ma̧ȩ 14:27

—Danȩrȩ, ji̧dë ma ma̧ȩ goaedëti̧ oa ni̧bä chjaodiro̧coe pio jiro icharaita judiro̧ chjadëdërë. ¿Napai̧rä yuro ja̧di tärëri̧ ni̧bäji̧ri̧rȩ aeno̧padiro̧coe pio coaiäpȩmo̧? A̧dë chjäte ma̧i̧ dari̧ jape chjaodiro̧coe.

Mateo 11:28

Ado Jechu judi ji̧dë u̧i̧ ni̧bämȩrȩ ja̧di ta̧rëri̧ a̧de ni̧bä chjaorëremȩdejȩrȩ: ⁠—⁠Danȩrȩ, pio coaiäpȩ ma̧na̧mi̧ dari̧ quëna̧chji̧coe. Järätä tjamo̧mi̧ dari̧ ja̧bepaji̧ri̧ pio judiro̧, chacha tjamo̧ oa arami̧ dari̧ cjiaji̧ri̧ pio judiro̧ ma̧na̧mi̧ dari̧ quëna̧chji̧coe, ado jabechji̧ järätä chjapami̧ dari̧ cjo̧ro̧rea̧ yürüparequededibe.

Mateo 12:39

Jabo Jechu judi ja̧di ta̧rëri̧ dëbë yo̧rëremȩdejȩrȩ: ⁠—⁠Cjäri̧ manȩrȩ, pio yaba̧ domȩ oa cjo̧ro̧ji̧ri̧ pumȩ pio judiro̧ chjai̧dë tjamo̧nȩrȩ. Jabechji̧ Ütë tjamo̧ pio ju̧i̧ putu jura̧ a̧dë chami̧ dari̧ a̧dë jo̧rȩtarenȩro̧jo̧ȩ. Ado pio ju̧i̧iä na̧rȩrea̧ pio ju̧i̧mo̧ jo̧rȩtanȩrȩ. Aja̧, jauëchja cjiari̧ na̧rȩrea̧ datämi̧ cjianȩrȩ, jabo cjäri̧ marequededibe, eami̧ na̧rȩrea̧ oa na̧rȩdëparequededibe. Jabo dëdë, pio yoamo̧i̧ na̧rȩrea̧ oa yürüparequededibe Jona̧ quȩmȩrea̧ pio ju̧i̧ chjiari, Ütërë ea jana̧ chjadüa̧ oa ni̧bärëremȩ pio ju̧i̧ chjiari.

Mateo 12:45

Jabo judi pumȩ ja̧ icjara oa yu̧a̧bea yaboi̧, jabechji̧ jäeno̧dejȩrȩ jibëa̧ jadü pio ji̧ri̧iäpȩ, pio ji̧ri̧iäpȩmo̧ yabëpea̧ oa. Jabechji̧ pio jȩaiä ji̧dë u̧i̧ chjai̧dë tjamo̧ pio ji̧ri̧ yabëdejȩrȩ ado cja̧rȩmo̧ yaröca 7 oa. Ado ja̧dëa ji̧ ëba baädejȩrȩ jënȩ cjo̧ro̧rërea̧ icjararäpȩmo̧ pio ji̧ri̧ nö̧ta bëpapea̧ oa. Ado pio jiro pumȩ judi, cjäri̧ made, jënȩ pearä cjo̧ro̧rërea̧mi̧ cjo̧ro̧dëpade. Jabechji̧ ji̧dë u̧i̧ chjadëdëri̧ cjo̧ro̧pade. Ado peaja̧dimi̧ dari̧ cjo̧ro̧panȩrȩ pio yaba̧mȩ yoaiä cjo̧ro̧ji̧ri̧ pio judiro̧. Jabechji̧ mȩnȩro̧ pio coa ji̧dë ma jiada̧ oaiä, cüdë a̧ra̧ano̧a̧ pio ju̧i̧ ji̧dë ma jiade ta̧rëa̧ oaiä, jabechji̧ ji̧dë u̧i̧ chjai̧dëri̧ ano̧ mire cjo̧ro̧panȩrȩ, mȩnȩro̧ pearä cjo̧ro̧rërea̧mi̧dëri̧ ⁠—⁠yo̧mȩrȩ ni̧bä chjaorëremȩdejȩrȩ judio ütëti̧ pio ji̧ri̧iäpȩmo̧ Jechu judi.

Mateo 16:4

Jabechji̧ pio yaba̧ domȩ oa cjo̧ro̧ji̧ri̧ pio mȩnȩro̧, chjai̧dë tjamo̧nȩrȩ. Jabechji̧ Ütë tjamo̧ pio ju̧i̧ putu jura̧ a̧dë chami̧ dari̧ a̧dë jo̧rȩtarenȩro̧jo̧ȩ. Jabechji̧ na̧rȩrea̧ pio ju̧i̧mo̧i̧ jo̧rȩtanȩrȩ. Tjamo̧ davä, jauëchja cjiari̧ na̧rȩrea̧ pio ju̧i̧mo̧i̧ datämi̧ cjianȩrȩ. Jabo cjäri̧ marequededibe, eami̧ na̧rȩrea̧ oa yürüdëparequededibe, jabo Jona̧ quȩmȩrea̧ pio ju̧i̧ chjiarimo̧i̧ na̧rȩrea̧ oa yürüparequededibe ⁠—⁠yo̧a̧dejȩrȩ. Ado Jechu judi ja̧di ta̧rëri̧ ni̧bä ëte, a̧dë baärëremȩdejȩrȩ.

Mateo 17:17

Ado Jechu judi ja̧di ta̧rëri̧ ta̧rëa̧ oaiä, ja̧di ta̧rëri̧ yo̧a̧dejȩrȩ pumȩ ütëbo oa: ⁠—⁠Jabo cjäri̧ manȩrȩ, pio yaba̧mȩ yoaiä cjo̧ro̧ji̧ri̧ pio mȩnȩro̧ chjadëri̧ jo̧rȩtarea̧ chiadëti̧nȩrȩ ⁠—⁠yo̧a̧dejȩrȩ⁠—⁠. Ji̧dë ma chjai̧dëri̧ jape chjaonȩrȩ. Jaboti̧ri̧ jiadarenȩro̧coe. ¿Naparä quëna̧parenȩro̧coe? ¿Napai̧rä yuro chjuari̧ jiadaparenȩro̧coe? ¿Napai̧rä yuro jidatapea̧ chiarequededibe mȩnȩro̧ quëna̧pea̧ ji̧? Jabë japamitë ana̧ri̧ ëba cjiapea̧ chia jirorequededibe, mȩnȩro̧ chjadëri̧ dabapea̧rä yuro ⁠—⁠yo̧mȩrȩ yo̧rëremȩdejȩrȩ ütëbo oa. Ado Jechu judi pumȩ pio ji̧ri̧iäpȩmo̧ ja̧di ta̧rëri̧ yo̧ ëte, yo̧a̧dejȩ yaröca chiamȩ ja̧ jäjäa pio ju̧i̧iäpȩmo̧: ⁠—⁠Ëba jana̧jo̧ȩ jauëräpȩmo̧ na̧ ja pio ju̧i̧ ⁠—⁠yo̧a̧dejȩ.

Mateo 23:36

Tjamo̧i̧ cjiari̧ yo̧requededibe ⁠—⁠yo̧a̧dejȩrȩ⁠—⁠. Dibëa̧ ütëti̧rea̧ judiro̧ coëma cjiari̧ cjo̧ro̧rëreji̧ri̧ no̧i̧dë tjamo̧ oa ja̧bo tänȩa̧ ba oa bape chjaoa̧ oa cjiapanȩrȩ mȩnȩro̧, pio yaba̧mȩ yoaiä cjo̧ro̧ji̧ri̧ pio judiro̧ ⁠—⁠yo̧mȩrȩ cjiadiärëremȩde Jechu judi tjamo̧ yo̧ji̧ri̧ pio ji̧ri̧iäpȩmo̧ ya̧mȩmi̧ ta̧rëri̧ ni̧bä chjaorërea̧ ji̧.

Mateo 3:7

Ado pjaricheo pio judiro̧, ado chaducheo pio judiro̧borë go̧düdärärëreji̧ri̧dirȩ Juan pio judi a̧ra̧ano̧mȩräpȩ. Peaja̧di chuda̧ oa cjiatämi̧ cjiaji̧ri̧rȩ go̧düdärärëreji̧ri̧dirȩ. Jabo Juan judi pio ji̧ri̧ chjiari na̧e chiamȩrȩ darëremȩdejȩrȩ. Jabechji̧ tjamo̧ri̧ ano̧ mire jo̧rȩtadëri̧ cjiaji̧ri̧ oa darëremȩdejȩrȩ. Ado pio ju̧i̧iä ja̧di ta̧rëri̧ yo̧mȩrȩ yo̧a̧dejȩrȩ: ⁠—⁠Cjäri̧ manȩrȩ, po pio judimi̧ danȩrȩ ⁠—⁠yo̧a̧dejȩrȩ⁠—⁠. Oëadëji̧ri̧ tjamo̧ tara, po pio judimi̧ danȩrȩ. Dibëa̧ chji̧ra̧ tjamo̧ri̧ ano̧ mire jo̧rȩtadëri̧ cjianȩrȩ jabomo̧ ano̧ mire jo̧rȩtacji̧ quëna̧ japa maeanȩrȩ. Ado pio ju̧i̧iä chudarea̧mi̧dënȩrȩ ⁠—⁠yo̧a̧dejȩrȩ⁠—⁠. Danȩrȩ, iëno̧ë ta̧rërequededibe. ¿Yö̧ta dari̧ jo̧rȩtanȩrȩ? ‘Jaeboquëda, cüdë chuda̧ oa cjia̧ pio ju̧i̧iä Ütë ja̧ ërecjiarea̧ üdë acji cjatädëpa jirodicoada’ quëna̧ jo̧rȩtadënȩrȩ?

Marcos 10:14

Ado Jechu judi pio ju̧i̧ daea̧ oaiä, ërecjiape jämȩrȩ yo̧a̧dejȩrȩ: —Chja jabechji̧ ëba jana̧tädiro̧coe bori̧ ji̧ri̧. Tja̧reparȩdëchji̧jȩrȩ. Jabechji̧ pio jiro bori̧mi̧ darë yu̧a̧rea̧ dapadirȩ Ütërë yo̧a̧ chja̧oerä. Chja jabechji̧ jana̧tädiro̧coe —yo̧a̧dejȩrȩ—.

Marcos 10:49

Ado Jechu judi cjiadärämȩrȩ yo̧a̧dejȩrȩ pumȩ ji̧ri̧: —Ëna̧diächji̧jo̧ȩ judi pio jauëräpȩmo̧ jana̧tä. Pio ju̧i̧iä ëna̧diäa̧diro̧jo̧ȩ. Ado yo̧a̧diro̧jo̧ȩ: —Ma̧ chiadëri̧ cjiavä. Cjitëvä. Jabechji̧ ëna̧diädimȩ. Jävä —yo̧a̧diro̧jo̧ȩ.

Marcos 9:19

Ado Jechu ja̧di ta̧rëri̧ ta̧rëa̧ oaiä, yo̧a̧dejȩrȩ pumȩ ütëbo oa: —Jabo cjäri̧ manȩrȩ, ji̧dë ma darequedediibe tjamo̧ri̧ quëna̧dëji̧ri̧ oa. Pio yaba̧mȩ yoaiä cjo̧ro̧ji̧ri̧ pio mȩnȩro̧ chjadëri̧ jo̧rȩtarea̧ chiadëji̧ri̧ti̧nȩrȩ —yo̧a̧dejȩrȩ—. Danȩrȩ, ¿napai̧rä yuro jidatapea̧ chiarequededibe mȩnȩro̧ quëna̧pea̧ ji̧? ¿Napai̧ japamitë ëba cjiapea̧ chiarequededibe mȩnȩro̧ chjadëri̧ quëna̧pea̧ oa —yo̧mȩrȩ yo̧a̧dejȩrȩ ütëbo oa—. Jabo danȩrȩ, ëba jana̧chji̧coe üi̧ bo pio ju̧i̧.

Lucas 8:25

Ado ja̧dëa ji̧ iëno̧ë ta̧rëa̧dejȩrȩ Jechu judi: —Danȩrȩ, ¿tjana̧ ju̧i̧iä quëna̧dëa̧renȩro̧coe cüdë dibë chjadëri̧ a̧dopea̧ ji̧? Ado Jechu ja̧ jadü judiro̧ uapa tjamo̧ji̧ri̧pea̧dirȩ. Jabechji̧ Jechu judi tuti japea̧ pio ju̧i̧ irä daea̧ oaiä, ana̧ri̧ jo̧rȩtaji̧ri̧pea̧dirȩ, dacho bëremi̧ cjiami̧ dari̧. Ado jibëa̧ dëbëti̧ra̧ chia yo̧a̧dirȩ: —¿Jabo chjia tjamo̧de pio yodë üi̧ üdë? ¿Tjana̧ pumȩde? Jabechji̧ pumȩ chjami̧ dadëde. Jabechji̧ judi eami̧ oa yo̧ro, chia chia, pumȩ pio judiro̧mo̧rȩ ta̧rë japadëdiro̧jo̧ȩ, jabo pjaepamȩ pio judiborë ta̧rë ja̧bomi̧ dari̧ japadejȩ, gö̧ma̧borë —yo̧rëreji̧ri̧dirȩ, ana̧ tjamo̧ri̧ jo̧rȩtaji̧ri̧rȩ.

Lucas 9:40

Jabechji̧ na̧ jadü pio ji̧ri̧ cjo̧dëtea̧requedejȩrȩ jabo cjäri̧ madiro̧jo̧ȩ, icjararä ira̧diä cjaeämȩ pio ju̧i̧ baä tänȩrea̧ dadëa̧diro̧jo̧ȩ —yo̧a̧dejȩ jäjäa judi—.

Lucas 9:42

Ado ju̧i̧ ja̧ joja judi, üi̧ pëi̧ chja pio judi Jechu pio ju̧i̧iäpȩmo̧ jäa̧ ji̧, jabechji̧ chjaodëri̧ idë cürëa̧dejȩ daburäpȩmo̧ yaröca üdë. Ado ma̧i̧ dari̧ conȩda̧dejȩ ana̧ri̧ bübürepe chjaori̧. Jabo Jechu judi ya̧mi̧ ta̧rëri̧ yo̧a̧dejȩ yaröca pio ju̧i̧. Ado chjaodëri̧ a̧dë go̧deno̧a̧dejȩ. Ado pëi̧ chja pio judi chjaodëri̧ chjapea̧ oa cjiadiäa̧de. Ado ja̧dëa ji̧ Jechu judi ado chjereno̧ yürüa̧dejȩ jäja pio ju̧i̧.

Juan 14:9

Jabo Jechu judi dëbë yo̧a̧dejȩ: —Chia chia, cüdë mȩa nö̧ta no̧mȩ tjamo̧ri ja̧ ëba cjo̧ro̧räbo, jabë tjamo̧ri̧ dabadërenȩque —yo̧a̧dejȩ—. Danȩ Pjeripe, pio coa daea̧mȩ judi, Ama̧i̧ tjamo̧ pio ju̧i̧bo daea̧dejȩ. Pio ju̧i̧iä, “Chjadëri̧ na̧rȩibe Ama̧i̧ pio ju̧i̧” yo̧rea̧mi̧dëde.

Juan 20:27

Ado ja̧dëa ji̧ Jechu judi yo̧a̧dejȩ Toma ju̧i̧: —Jana̧vä. Davä ca̧ ichi oa. Ca̧ ichirä coremȩ pio ju̧i̧ ga̧re taravä na̧ ichira̧. Ado peaja̧di ca̧ pjatëtu ju chjia yuroi̧rä coremȩ pio ju̧i̧bo ga̧re taravä. Jabechji̧ na̧e chia cjiari̧ jo̧rȩtavä. Quëna̧dëmȩrȩ cjo̧ro̧dëvä, jabo quëna̧coe —yo̧a̧dejȩ.

Japarea̧ 13:18

Ado ibëa̧ ütëti̧rea̧ ji̧ri̧ chiri maearäpȩ chjätäti̧ cjiaji̧ri̧ oa chjadëri̧ jidarëremȩdejȩrȩ 40 ui nö̧ta. Pio jȩaiäpȩmo̧ chjai̧dëri̧ jape chjaoa̧räbo, jabechji̧ chjadëri̧ jidarëremȩdejȩrȩ.

Japarea̧ 2:40

Pio ju̧i̧mo̧i̧ ma̧ȩ oa ni̧bä chjaodëa̧dejȩrȩ Pedro judi, jabo ma̧ȩ ji̧ra̧ tjamo̧ oa ni̧bä chjaorëremȩdejȩrȩ pio ji̧ri̧ ana̧ tjamo̧ri̧ jo̧rȩta tänȩpea̧ oa. Ja̧dëa ji̧ japamitë chjätä ëte, to̧bari̧ chi̧dëeamȩrȩ a̧de yo̧rëremȩdejȩrȩ, ja̧di ta̧rëri̧ yo̧mȩrȩ: —Danȩrȩ ca̧ pumȩ, a̧dë jo̧rȩtachji̧jȩrȩ dibëa̧ pumȩ ji̧ri̧, jabë oëra̧ quëna̧ji̧ri̧ pio ji̧ri̧. Jabechji̧ chjai̧dëri̧ jape chjaoji̧ri̧ pio ji̧ri̧ a̧dë quëna̧chji̧jȩrȩ pio mȩnȩro̧borë cjo̧dë tja ana̧räpȩ bucho ana̧ gitoi̧ dari̧ aeno̧a̧ oa cjiachea oa —yo̧a̧dejȩrȩ.

Domano Ma̧ȩ 2:4

Jabo jidatadidibe jabo mȩnȩro̧ ano̧ mire jo̧rȩtapea̧ oa. Judi jabërä chjaodëri̧ bape chjaotärea̧ ji̧, jidatadidibe. Cjäri̧ri̧ cjiamȩrȩ jidatadidibe ma̧ chjua damȩrȩ. Jabo cjäri̧ manȩrȩ, badë jo̧rȩtarenȩro̧jo̧ȩ. Jënȩ cjäri̧ri̧ cjia da̧ pio ju̧i̧, jënȩ ma̧ chjua da̧ pio ju̧i̧ badë jo̧rȩta maeanȩrȩ. Ütë tjamo̧ pio ju̧i̧ uapai̧ tarari̧ jo̧rȩtatärea̧ ji̧, ja̧di dari̧ jo̧rȩtadë manȩrȩ.

Ebereo Ma̧ȩ 3:19

Aja̧ ca̧ oti̧, Ütë tjamo̧ judi yürüa̧ chiriräpȩ yu̧a̧rea̧ dadërëreji̧ri̧dirȩ judiro̧ Ütë tjamo̧ pio ju̧i̧ quëna̧dëa̧ oaiä.

Ebereo Ma̧ȩ 4:11

Ado pio ju̧i̧iä ca̧ oti̧, a̧ro̧rȩ nö̧tarä yuro järi tjamo̧täreji̧ri̧rea̧rȩ a̧ro̧rȩ Ütë ja̧ järätä chjaparea̧räpȩ chjadëri̧ yu̧a̧pea̧ ji̧. Jabechji̧ na̧e chia tjamo̧pea̧ chiarea̧rȩ a̧ro̧rȩ ütëborë Ütë tjamo̧ pio ju̧i̧ ta̧rëdiädëchea oa, a̧ro̧rȩ yu̧a̧rea̧ dadëchea oa, a̧ro̧rȩ ibëa̧ ütëti̧rea̧ pio ji̧ri̧ cho̧rëdiächea oa.

Ebereo Ma̧ȩ 4:2

Jabechji̧ pio a̧ro̧rȩ ma̧ȩ chjadëi̧ oa ta̧rëa̧mi̧ ta̧rërëreji̧ri̧dirȩ peaja̧di ibëa̧ ütëti̧rea̧ judiro̧. Tjamo̧ davä. Pio a̧ro̧rȩ järätä chjaparea̧räpȩ yu̧a̧pea̧ pio ju̧i̧ chjiari ma̧ȩ chjadëi̧ oa ta̧rëa̧mi̧ ta̧rërëreji̧ri̧dirȩ peaja̧di. Jabo cjäri̧ madirȩ, quëna̧dëa̧diro̧jo̧ȩ. Jabechji̧ judiro̧ ta̧rë ëte quëna̧tärea̧ ji̧, quëna̧dëa̧diro̧jo̧ȩ. Ado pio ju̧i̧iä a̧dodëa̧dejȩrȩ.

Ebereo Ma̧ȩ 7:25

Ado pio ju̧i̧iä nö̧tade pumȩ ji̧ri̧ ji̧dë ma chjätä tänȩpea̧ ji̧. Ado pio ju̧i̧iä eami̧ pumȩ oa, Jechu pio ju̧i̧ quëna̧mȩ oa, Ütë tjamo̧ pio ju̧i̧iäpȩ jämi̧ dari̧ quëna̧mȩ oa, jabechji̧ chjätärea̧ yürüdejȩ. Jabechji̧ judi bucho ana̧mȩ tara, judi ja̧bodëmȩ tara, jabechji̧ pio ibë chjiari ji̧dë ma goë tuti cjo̧dëpai̧ dade Ütë tjamo̧ pio ju̧i̧iä.