Lucas 9:3 - Biblia Pume

³ Ado ji̧ri̧iäpȩmo̧ ni̧bä chjaomȩrȩ ja̧di ta̧rëri̧ yo̧rëremȩdejȩrȩ: —Danȩrȩ, mȩnȩro̧ järä, jabechji̧ eami̧ oa goa jädë machji̧vä —yo̧a̧dejȩrȩ—. Jabechji̧ dibëa̧ tjätjäpë tai̧rea̧ to oa, ma̧chi̧ra̧ joë oa, chja̧pe oa, chëre oa goa jädë machji̧vä. Ado peaja̧di ano̧ mire ina̧rea̧ oa goa jädëpea̧de.

Lucas 9:3 Iomraidhean Croise

Marcos 6:7

Ado Jechu judi jibëa̧ jadü pio ji̧ri̧, 12 oa, jabechji̧ pio jȩa nö̧ta a̧dopatä yo̧rëremȩdejȩrȩ. Ado a̧dopea̧ji̧ri̧ oa, tjamo̧ yo̧rea̧ oa yürürëremȩdejȩrȩ judiro̧ ira̧diä cjaeäji̧ri̧ pio ji̧ri̧ chjadëri̧ baä tänȩpea̧ oa. Aja̧, ja̧di dari̧ ja̧bepatä yo̧mȩrȩ chjadürëremȩdejȩrȩ yo̧a̧ri̧ra̧ jadü.

Lucas 12:22

Ja̧dëa ji̧ Jechu judi jibëa̧ jadü pio ji̧ri̧iäpȩmo̧ mȩmȩrȩpe cjiadiäa̧mȩrȩ yo̧rëremȩdejȩrȩ: —Ja̧di tara yo̧requededibe ca̧ pumȩ. Danȩrȩ, mȩnȩro̧ Ütë pio ju̧i̧ ja̧ maea oa ja̧bepa tara, jabechji̧ bücjüri̧ cjiaji̧ri̧rȩ cjo̧ro̧dë matärereji̧ri̧nȩrȩ —yo̧a̧dejȩrȩ—. Tjamo̧ davä. Mȩnȩro̧ pio yoa chirirä cjo̧ro̧a̧ nö̧ta, jabechji̧ bücjüri̧ cjiadëtäreji̧ri̧nȩrȩ. Jabechji̧ mȩnȩro̧ jurapea̧ pio ju̧i̧ chjiari bücjüri̧ cjiadëtäreji̧ri̧nȩrȩ. Ado ana̧ri̧ jo̧rȩtadëtäreji̧ri̧nȩrȩ dibëa̧ icjara oa ina̧pea̧ pio ju̧i̧ chjiari.

Lucas 12:28

Ado danȩrȩ, Ütë tjamo̧ judi chjuchju pio ju̧i̧ chjadëri̧ jidarä judi, chjaodëri̧ goarijäpamȩ to chjuchju pio ju̧i̧ chjadëri̧ jidarä judi, chjaodëri̧ acjürüa̧ oa cjiapai̧ damȩ pio ju̧i̧ chjacjiamȩri̧ cjitë tänȩrä judi, ¿peaja̧dimi̧ dari̧ chjadëri̧ jidadëpadidibe pio dibë? Dëdë, chjadëri̧ jidapadidibe peaja̧di. Jabo cjäri̧ manȩrȩ, ibëa̧ Ütë pio ju̧i̧ chjuari̧ jo̧rȩtatärea̧ ji̧, chjuari̧ jo̧rȩtadë marenȩro̧jo̧ȩ, jabo jabëtari̧mi̧ maea oa quëna̧renȩro̧jo̧ȩ.

Lucas 22:35

Ja̧dëa ji̧ Jechu judi iëno̧ë ta̧rëa̧dejȩrȩ jibëa̧ jadü ji̧ri̧: —Danȩrȩ, cüdë dibë no̧mȩrä judirä ma̧ȩ oa a̧ra̧ano̧pea̧ oa chjadürërea̧ ji̧, jabechji̧ mö̧na̧ maea oa chjadürëremȩrequededibe —yo̧a̧dejȩrȩ—. Chëre boearea̧ joë chiadë maea oa, tati̧goe oa chiadë maea oa chjadüa̧requededibe, ta joë ano̧ mire go̧iorea̧ goadë maea oa. Ado danȩrȩ, ¿eami̧ oa jabëdiädëa̧nȩrȩ? —iëno̧ë ta̧rëa̧dejȩrȩ. Ado judiro̧ dëbë yo̧a̧diro̧jo̧ȩ: —Cjäri̧ marea̧rȩ, eami̧ oa jabëdiädëa̧rea̧rȩ —dëbë yo̧a̧diro̧jo̧ȩ.

Lucas 3:11

Ado Juan judi dëbë yo̧a̧dejȩrȩ: —Tjana̧ oa japadë, jabechji̧ mȩnȩro̧ yo̧a̧ri̧ chjibo oa goarä judi, jabechji̧ cja̧rȩmȩ chjibo oa yürüchji̧jo̧ȩ cjäri̧ ja̧bomȩ pio ju̧i̧iäpȩmo̧. Ado mȩnȩro̧ jurarea̧ goarä judi, jabechji̧ ëba jurachji̧jȩrȩ ta̧mȩcho̧ ja̧boji̧ri̧ pio ji̧ri̧ —dëbë yo̧a̧dejȩrȩ.

Lucas 5:29

Ado ji̧dë duri oa jibëa̧ bëräpȩ ju̧ri̧, Devi pio judi jurarea̧ ji̧ra̧ tjamo̧ oa yürürëremȩdejȩrȩ Jechu pio ju̧i̧ ja̧ oa, jibëa̧ jadü ja̧bo. Ado peaja̧di ëba jura charëreji̧ri̧diro̧jȩrȩ Devi pio ju̧i̧ nö̧ta ëba ja̧bepaji̧ri̧ pio judiro̧, domano ja̧ ütëti̧ pio ji̧ri̧ ja̧ oa chëre boaji̧ri̧ pio judiro̧.

Lucas 9:4

Ado mȩnȩro̧ eami̧ bë ma̧ri̧räpȩ go̧düdäräa̧rä, mȩnȩro̧ eami̧ bërä cjo̧ro̧pea̧ oa yu̧a̧rä, jabechji̧ pio ju̧ri̧pȩ cjiadiächji̧vä mȩnȩro̧ pio jiro bë ma̧ri̧ri pio judiri a̧dë baäa̧rä yuro.

Timoteo Ma̧ȩ 2 2:4

Danȩ, ¿yö̧ta dari̧ cjo̧ro̧de guadia chjadërë? Yö̧ta dari̧dë, jabechji̧ guadia ütë pio ju̧i̧ ja̧ ma̧ȩrämo̧ ja̧bepatämi̧ cjiade, pio ju̧i̧iäpȩmo̧ ma̧ chiadëri̧ cjiaparȩpea̧ oa. Ado pio ju̧i̧iä o judiro̧ japami̧ japadëde. Guadiadë pio judiro̧ japami̧ japadëde. Jabechji̧ judiro̧ japea̧ pio ju̧i̧iä oëra̧diädëde, jabo jibëa̧ ütë pio judi yo̧a̧ pio ju̧i̧mo̧ jo̧rȩtamȩrȩ ja̧bepade. Ado peaja̧dimi̧ dari̧ ja̧bepatäremȩrenȩ ibëa̧ Ano̧mȩ ja̧ oa.