Lucas 8:7 - Biblia Pume

⁷ Ado cho üdë orë cjatäa̧de o̧ chiamȩ cärä cjitëpai̧ daräpȩ. Ado cho üdë buiutea̧de jabo chiatärea̧ ji̧, chiadëa̧de o̧ cärä üdë ma̧i̧ dari̧ cjitëa̧ oaiä, ma̧i̧ dari̧ boa̧ oaiä.

Lucas 8:7 Iomraidhean Croise

Taruparea̧ Ma̧ȩ 3:18

Ado pio ju̧i̧iä chiri üdë daäö̧ cärä oa chiadërërea̧ ji̧, jabechji̧ chiapadejȩ. Ado oro oro oa chiapade peaja̧di, babarë oabo. Ta guarea̧ o̧ to oa chiapade peaja̧di. Ado danȩ, mȩnȩ chirirä ja̧ oa, gärä ja̧ oa boa ta̧i̧mȩrȩ juraparenȩ.

Mateo 13:22

Ado o̧ cärä chiamȩ dabu üdë, peaja̧di pumȩ chji̧mi̧ dade. Ado pio jiro pumȩ judiro̧, o̧ cärä chiamȩ dabumi̧ da chji̧ chiaji̧ri̧ pio judiro̧ Ütë tjamo̧ ja̧ ma̧ȩ oa ta̧rërä, cjäri̧ madirȩ, ba chia pio ju̧i̧mo̧i̧ jo̧rȩtatärea̧ ji̧, badëra̧ pio ju̧ri̧ra̧ boë cjaeämi̧ dari̧ jo̧rȩtadiro̧jo̧ȩ. Tjamo̧ davä. Judiro̧ pio yoa chirirä cjo̧ro̧pea̧ pio ju̧i̧ chjiari ana̧ri̧ jo̧rȩta̧ oaiä, jënȩro̧ bücjüri̧ cjia tjamo̧ji̧ri̧rȩ cjo̧ro̧a̧ oaiä, jënȩro̧ chëre ji̧ra̧ tjamo̧ oa boapea̧ pio ju̧i̧ ana̧ri̧ jo̧rȩta̧ oaiä, jabechji̧ tuti chami̧ dari̧ japadejȩrȩ jibëa̧ chji̧ oa. Ado pio ju̧i̧iä chjaodëri̧ a̧dë jo̧rȩtadiro̧jo̧ȩ Ütë tjamo̧ ja̧ ma̧ȩ pio ju̧i̧. Jabechji̧ pio jiro ma̧ȩ üdë jibëa̧ chji̧rä chjadëri̧ chatärea̧ ji̧, cjäri̧ madejȩrȩ, tuti chami̧ dari̧ chade cho ji̧ra̧ tjamo̧ oa chiatärea̧ ji̧.

Mateo 13:7

Ado cho üdë, orë cjatäa̧de o̧ chiamȩ cärä cjitëpai̧ daräpȩ. Ado cho üdë buiua̧de, jabo chiatärea̧ ji̧, chiadëa̧de o̧ cärä üdë ma̧i̧ dari̧ cjitëa̧ oaiä, ma̧i̧ dari̧ boa̧ oaiä.

Marcos 4:7

Ado cho üdë, orë cjatäa̧de o̧ chiamȩ cärä maräpȩ. Buiua̧de, jabo jurarea̧ oa chjadëri̧ chiatärea̧ ji̧, chiadëa̧de o̧ cärä üdë ma̧i̧ dari̧ boa̧ oaiä.

Lucas 21:34

Ado Jechu judi ji̧dë u̧i̧ ni̧bä chjaomȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Jabo Ano̧mȩ judi ma̧na̧pea̧ do üdë ma̧na̧pea̧ queri̧na̧ra̧ tara, jabechji̧ ji̧dë ma na̧e chiachji̧vä mȩnȩro̧ dadiädëji̧ri̧mi̧ dari̧ cjo̧ro̧chea oa, mo̧a̧ji̧ri̧mi̧ dari̧ cjo̧ro̧chea oa —yo̧a̧dejȩrȩ—. Ado pio ju̧i̧iä teracabara̧ pio ju̧ri̧ra̧ boadäräa̧ oa cjiadë matäreji̧ri̧nȩrȩ. Jabechji̧ ërü oaiä, airi̧ cjia airi̧ cjia a̧dope chjaoa̧ pio oaiä, ado pio yoa chirirä cjo̧ro̧pea̧ pio ju̧i̧ chjiari ji̧dë ma bücjüri̧ cjia̧ pio oaiä boadäräa̧ oa cjiadë matäreji̧ri̧nȩrȩ jabo ji̧dë ma dadiäji̧ri̧mi̧ dari̧ na̧e chia tjamo̧täreji̧ri̧nȩrȩ pio jiro do üdë pio dibëiäpȩmo̧ acji ma̧na̧mi̧ dari̧ ma̧na̧chea oa,

Lucas 8:14

Ado pumȩ judiro̧ orë o̧ cärä chiamȩ dabumi̧ dadirȩ. Jabechji̧ cärä chiamȩ dabu üdë jibëa̧ chji̧mi̧ dade. Ado pio jiro pumȩ judiro̧ Ütë tjamo̧ ja̧ ma̧ȩ oa ta̧rërä, cjäri̧ madirȩ, ba chia pio ju̧i̧mo̧i̧ jo̧rȩtatärea̧ ji̧, badëra̧ pio ju̧ri̧ra̧ boë cjaeämi̧ dari̧ jo̧rȩtadiro̧jo̧ȩ. Jabechji̧ judiro̧ pio yoa chirirä cjo̧ro̧pea̧ pio ju̧i̧ chjiari ana̧ri̧ jo̧rȩta̧ oaiä, jënȩro̧ bücjüri̧ cjia tjamo̧ji̧ri̧rȩ cjo̧ro̧a̧ oaiä, jënȩro̧ chëre ji̧ra̧ tjamo̧ oa boapea̧ pio ju̧i̧ ana̧ri̧ jo̧rȩte chjaoa̧ oaiä, jabechji̧ tuti chami̧ dari̧ japadejȩrȩ jibëa̧ chji̧ oa. Ado pio ju̧i̧iä chjaodëri̧ a̧dë jo̧rȩtadiro̧jo̧ȩ Ütë tjamo̧ ja̧ ma̧ȩ pio ju̧i̧. Jabechji̧ pio jiro ma̧ȩ üdë jibëa̧ chji̧rä chjadëri̧ chatärea̧ ji̧, cjäri̧ madejȩrȩ, tuti chami̧ dari̧ chade cho ji̧ra̧ tjamo̧ oa chiatärea̧ ji̧, üi̧padärämi̧ dari̧ cjo̧ro̧tärea̧ ji̧.

Lucas 8:6

Ado cho üdë orë cjatäa̧de ta̧dë chiamȩ daburäpȩ, dabu ji̧ra̧ri̧ chiadëräpȩ. Ado chjaodëri̧ buiutea̧de cho üdë. Jabo cjäri̧ made, gägäari̧ cjitërea̧ dadëa̧ oaiä, jabechji̧ chjaodëri̧ gapea̧de.

Lucas 8:8

Jabo orë cjatäa̧de dabu chjadëräpȩ. Ado buiu ëte, gägäari̧ cjitëmȩpea̧de. Ado cho chiamȩpea̧de. Aja̧, 100 cho chiamȩpea̧de cja̧rȩmȩ chorëremȩrȩ. Aja̧, ja̧di dari̧ chiamȩpea̧de dabu chjadëräpȩ cjitëa̧ oaiä —yo̧a̧dejȩrȩ. Ado Jechu judi pio jiro ma̧ȩ oa ni̧bä chjao ëte, to̧bari̧ yo̧rëremȩdejȩrȩ, ja̧di ta̧rëri̧ yo̧mȩrȩ: —Danȩrȩ, mȩnȩro̧ ta̧ra̧ puë chiami̧ dari̧ cjo̧ro̧rä judi, jabechji̧ chjadëri̧ acji cjaeä ta̧rëchji̧vä —yo̧rëremȩdejȩrȩ.