Lucas 8:54 - Biblia Pume

⁵⁴ Jabo Jechu judi ja̧boa̧yi̧ pio ji̧ ja̧ ichi oa mitëmȩrȩ to̧bari̧ yo̧a̧dejȩ jibëa̧ ni̧bärea̧ ma̧ȩra̧: —Cjitëje iei̧ boi̧ —yo̧a̧dejȩ.

Lucas 8:54 Iomraidhean Croise

Mateo 9:25

Jabo judiro̧ pio jȩa chjiari airi̧ cjiaräbo, jabechji̧ bë dairäpȩmo̧ go̧dü tänȩrëremȩdejȩrȩ. Ado ja̧dëa ji̧ judiro̧ dairäpȩ cjiadiäa̧rä, järëremȩde iei̧ boi̧ pio ji̧iäpȩ. Ado pio ji̧ ja̧ ichi oa mitëa̧ oaiä, ja̧boa̧reyi̧ pio jini̧ chjaodëri̧ cjitëa̧nȩ.

Marcos 1:31

Ado Jechu judi goëdepea̧dejȩ. Ado ji̧ ja̧ ichi oa mitë ëte mu̧i̧ gatëmȩrȩ a̧doa̧dejȩ cjitëpea̧ ji̧. Ado chjaodëri̧ chjapea̧nȩ taipa ja̧bodëyi̧pe bagarea̧mi̧ dari̧. Ado chjaodëri̧ taruparëreyi̧nȩ ja̧bepapea̧ ji̧. Ado jurarea̧ oa jëdano̧ ëte goë yürürëreyi̧nȩjȩrȩ.

Marcos 8:23

Ado Jechu judi, da cotomȩ ja̧ ichi oa mitëmȩrȩ mu̧i̧ go̧dürëremȩdejȩ bë ma̧ri̧ri pio judiri. Ado jibëa̧ dacho oa pju̧i̧no̧ ëte, jibëa̧ ichi dëbëribora̧ ga̧re tara̧dejȩ jibëa̧ dacho oa. Ado ja̧dëa ji̧ iëno̧ë ta̧rëa̧dejȩ: —¿Eami̧ oa dadënȩ?

Marcos 9:27

Jabo Jechu judi ju̧i̧ ja̧ ichi oa mu̧i̧mȩrȩ a̧doa̧dejȩ cjitëpea̧ ji̧. Ado cjiamȩpea̧de.

Lucas 8:51

Ja̧dëa ji̧ judiro̧ Jairo ja̧ bëräpȩ go̧düdäräa̧rä, jabechji̧ ütëbo oa yu̧a̧rea̧ yürüdëa̧dejȩrȩ Jechu judi, jabo yo̧a̧ri̧mo̧i̧ oa yu̧a̧rea̧ yürüa̧dejȩrȩ. Jabechji̧ jojabi pio ji̧ nö̧riji̧ri̧ pio ji̧ri̧, ado jibëa̧ jadü tjarari̧ oa yu̧a̧rea̧ yürüa̧dejȩrȩ. Aja̧, Pedro pio ju̧i̧, Juan pio ju̧i̧, ado Santiago pio ju̧i̧bo yu̧a̧rea̧ yürüa̧dejȩrȩ. O judiro̧ dairäpȩ cjiadiäa̧dirȩ.

Lucas 8:53

Jabo pumȩ judiro̧ pio ju̧i̧ ta̧rëa̧ oaiä airi̧ cjiapea̧diro̧jo̧ȩ. 'Cjäri̧ madida, oëra̧ yo̧dida, jabechji̧ ja̧boa̧mi̧ ja̧boa̧ni̧da' quëna̧ jo̧rȩtaji̧ri̧rȩ ai̧ri̧ cjiapea̧diro̧jo̧ȩ.

Lucas 8:55

Ado jibëa̧ tjo üdë baärëremȩrȩ ado chjereno̧ ma̧neno̧a̧dejȩ jibëa̧ icjararä. Ado pio ju̧i̧iä chjaodëri̧ cjiteno̧a̧nȩ iei̧ boi̧chji̧ jini̧. Ado tai̧yi̧pea̧nȩ. Ado pio ji̧iäpȩmo̧ jurarea̧ oa yürütä yo̧a̧dejȩrȩ o ji̧ri̧ Jechu judi.

Juan 11:43

Ado ja̧di dari̧ yo̧ ëte, ma̧ȩ to̧bari̧ ëna̧diämȩrȩ ëna̧diärëremȩde ütëborë ta̧rërea̧mi̧ dari̧: —Dacharo, go̧düvä —ëna̧diäa̧de.

Juan 5:21

Jabechji̧ Ama̧i̧ tjamo̧ judi ja̧boa̧ji̧ri̧ pio ji̧ri̧ bëdü tänȩdejȩrȩ. Cjo̧ro̧rea̧ yürüdejȩrȩ. Ado peaja̧dimi̧ dari̧ japarequede, Ja tjamo̧mȩrȩ. Aja̧, cüdë jo̧rȩtami̧ bëdü tänȩrequedejȩrȩ pumȩ ji̧ri̧. Cjo̧ro̧rea̧ yürürequedejȩrȩ.

Japarea̧ 9:40

Jabo Pedro judi pio jiro ivi ütëbo oa dairäpȩ go̧dü tänȩa̧ duri oa, ju chatura̧ cjiamȩrȩ ni̧bäa̧dejȩ Ütë tjamo̧ ju̧i̧. Ado ni̧bäa̧ duri oa, icjara pio ju̧i̧iäpȩmo̧ gatë damȩrȩ yo̧a̧dejȩ: —Tabita. Cjitëvä. Ado chjaodëri̧ are ië daea̧nȩ jibëa̧ dacho oa. Ado Pedro pio ju̧i̧ dayi̧rȩ chayi̧pea̧nȩ.

Domano Ma̧ȩ 4:17

Peaja̧di ta̧rëri̧ go̧ȩpea̧ oa cjiarëremȩde ma̧ȩ üdë, Ütë tjamo̧ judi Abaraa̧ pio ju̧i̧iäpȩmo̧ yo̧rërea̧ ma̧ȩ üdë. Ta̧rëchji̧vä: “Aja̧, pio cüdë tänȩa̧ oa jadama̧i̧ tarumi̧ dari̧ cjiaparenȩ pumȩ no̧i̧dë tjamo̧ ja̧ oa. Ado cja̧rȩmo̧ pumȩ ja̧ oa, ado cja̧rȩmo̧ ma̧ȩ ni̧bäji̧ri̧ ja̧ oa, ado cja̧rȩmo̧ chiriräpȩ cjo̧ro̧ji̧ri̧ ja̧ oa, tarumi̧ dari̧ cjiaparenȩ.” Aja̧, ja̧di ta̧rëri̧ yo̧ë cji̧dämȩrȩ yo̧rëremȩde Ütë tjamo̧ judi Abaraa̧ pio ju̧i̧iäpȩmo̧. Ado Abaraa̧ judi pio jiro ma̧ȩ oa ta̧rërërea̧ ji̧, jabechji̧ quëna̧rëremȩdejȩ. Jënȩ quëna̧rërea̧ Ütë pio ju̧i̧ ja̧ dachoromȩrȩ quëna̧rëremȩdejȩ. Jabechji̧ pio ju̧i̧iäpȩmo̧ chjuari̧ quëna̧rea̧mi̧ dade. Danȩrȩ, ja̧boa̧ji̧ri̧ pio ji̧ri̧ chjaodëri̧ bëdü tänȩmȩ pio judide. Pio judide jibëa̧ ma̧ȩ maeara̧ pareapamȩ judi. Jabechji̧ ichi mö̧na̧mȩrȩ eami̧ oa pareapapai̧ dade, chjaodëri̧ idëpea̧ oa cjiape bagari̧.