Lucas 8:44 - Biblia Pume

⁴⁴ Ado pio jiro iei̧ jini̧ Jechu pio ju̧i̧ chjiari goë ta̧rëa̧ oaiä, peaja̧di cho̧rë järëreyi̧nȩjȩ. Ado pio ju̧i̧ ja̧ duri oa jäyi̧rȩ goadi ga̧re tara̧nȩjȩ ju̧i̧ ja̧ chjibo yuroi̧ oa. Ado chjaodëri̧ chjapea̧nȩ. Goe gu̧rodë mapea̧de.

Lucas 8:44 Iomraidhean Croise

Go̧dürea̧ Ma̧ȩ 15:26

Ja̧di ta̧rëri̧ yo̧mȩrȩ yo̧a̧dejȩrȩ: "Danȩrȩ, dibëa̧ Ütërërequede cüdë. Jeova pio judirequede. Ado mȩnȩro̧ pio coa nötadäräri̧ ta̧rë ta̧rë japarä judi, cüdë yo̧a̧ ma̧ȩ pio ju̧i̧ ji̧dë ma ta̧rëdiäji̧ri̧rȩ cjo̧ro̧rä judi, mȩnȩro̧ ca̧ ma̧ȩrä coëma cjiari̧ cjo̧ro̧rä judi, jabechji̧ bape chjaodëparequededibe. Tjamo̧ davä, mȩnȩro̧ ca̧ ma̧ȩrä cjo̧ro̧rä judi, cüdë Ejitoräpȩ cjo̧ro̧ji̧ri̧ ji̧ri̧ gitora̧ pio ju̧ri̧ra̧ bape chjaorërea̧mi̧ bape chjaodëparequededibe, jabo chjadëri̧ cjo̧ro̧rea̧ yürüparequededibe. Jabechji̧ Jeova pio judirequede cüdë. Dibë chjaparȩmȩ pio judirequede." Aja̧, ja̧di ta̧rëri̧ yo̧mȩrȩ yo̧rëremȩdejȩrȩ icharaita ji̧ri̧ Ütë tjamo̧ judi.

Mateo 20:34

Ado Jechu judi pio jiro oari pio ji̧ri̧ cjäri̧ri̧ cjia damȩrȩ pio ji̧ri̧iäpȩmo̧ jäeno̧a̧de. Ado ga̧re tara̧dejȩrȩ jibëa̧ dacho oa. Ado chjaodëri̧ chjapea̧ oa cjiadiäa̧dirȩ. Ado chjaodëri̧ daji̧ri̧pea̧dirȩ. Ado chjapea̧ oa cjiadiäa̧ oaiä, jabechji̧ cho̧rë järëreji̧ri̧diro̧jo̧ȩ pio jibë chjaparëremȩ pio ju̧i̧.

Mateo 8:3

Ado Jechu judi ichipë cjiamȩrȩ ga̧re tara̧dejȩ. Ado dëbë yo̧mȩrȩ yo̧a̧dejȩ: ⁠—⁠Aja̧, chjapatämi̧ cjiarequedemȩ. Jabechji̧ chjapea̧ oa cjiavä ⁠—⁠yo̧a̧dejȩ. Ado chjaodëri̧ chjapea̧de ma̧i̧ da co chiaremȩ üdë.

Mateo 9:20

Ado tjamo̧ yo̧mȩ pio ju̧i̧ cho̧rë jäa̧mȩ oa, cja̧rȩmȩ iei̧ jini̧, no̧mȩ tjamo̧ri ja̧ gitoyi̧ pio jini̧, 12 uiri ja̧ nö̧ri nö̧ripë tara cjiayi̧ pio jini̧ peaja̧di ëba järëreyi̧nȩjȩ. Ado pio ju̧i̧ ja̧ duri oa jäyi̧rȩ goadi ga̧re tara̧nȩjȩ ju̧i̧ ja̧ chjibo yuroi̧ oa.

Marcos 6:56

Ado Jechu judi eami̧ chiriräpȩ jäa̧mi̧ nö̧ta, judi eami̧ bë ma̧ri̧räpȩ jäa̧mi̧ nö̧ta, jabechji̧ ara jäa̧ maeadiro̧jȩrȩ gito ja̧boji̧ri̧ ji̧ri̧ järea̧ no̧ro ju̧ri̧. Ado cjo̧dë chjaoa̧diro̧jo̧ȩ jibëa̧ chjibo oa ga̧re tarapea̧ ji̧. Ado ju̧i̧ ja̧ chjibo oa ga̧re taraji̧ri̧ pio judiro̧ ütëborë chjapea̧ oa cjo̧ro̧rëreji̧ri̧dirȩ.

Lucas 13:13

Ado Jechu judi jibëa̧ ichira̧ iei̧ ji̧ idamȩrȩ chjaodëri̧ chjapea̧dejȩ. Toboe cjitërea̧mi̧ dari̧ chjaparȩa̧dejȩ. Ado Ütë tjamo̧ pio ju̧i̧iäpȩmo̧ chjacjiamȩri̧ jo̧rȩtayi̧rȩ ni̧bäyi̧pea̧nȩ.

Lucas 7:38

Ado bëräpȩ yu̧a̧ ëte, Jechu ja̧ duriräpȩ cjiayi̧pea̧nȩ. Ado ja̧dëa ji̧ ejaro cjiayi̧rȩ ju chatura̧ cjiadäräa̧nȩ. Ado Jechu ja̧ taräpȩmo̧ gu̧roa̧de jibëa̧ da ui üdë ejaro cjia̧ oaiä. Ado ja̧dëa ji̧ jibëa̧ ta oa gaüparȩpea̧ oa, bubëgua̧nȩjȩ jibëa̧ cö̧ra̧. Ado ja̧dëa ji̧ Jechu ja̧ ta oa goaeri̧ pjȩa̧mȩ joarea̧ oa arë cjaräyi̧rȩ ji̧dë ma ya i̧bu chjaorëreyi̧nȩjȩ jibëa̧ ta oa.

Lucas 8:43

Ado peaja̧di ëba järëreyi̧nȩjȩ iei̧ jini̧, gito ja̧boyi̧ pio jini̧. Nö̧ri nö̧ripë tara cjiayi̧rȩ cjo̧ro̧rëreyi̧nȩ 12 ui nö̧ta. Ado chjapea̧ oa cjiatämi̧ cjiayi̧rȩ jä chjaotarëreyi̧nȩ chjaparȩji̧ri̧ pio ji̧ri̧räpȩ, jabo cjäri̧ madiro̧jȩ, a̧dodëa̧diro̧jȩ. Jini̧ cjatäcjiarea̧ datärea̧ ji̧, ji̧dë u̧i̧ tarayi̧pea̧nȩ.

Lucas 8:45

Ado ja̧dëa ji̧ Jechu judi chjaodëri̧ yo̧a̧de: —¿Chjiarë ga̧re tara̧dique? Jabo ütëborë dëbë yo̧a̧diro̧jo̧ȩ: —Cjäri̧ marea̧rȩ, ga̧re taradëa̧rea̧ro̧mȩ —yo̧a̧. Ado ja̧dëa ji̧ Pedro judi yo̧a̧dejȩ: —Danȩ Ano̧mȩ, mȩa tjoro tänȩa̧ji̧ri̧ pio judiro̧ no̧i̧dë tjamo̧dirȩ. Jabechji̧ gi̧de ae chjaoriä jä maeadiro̧mȩ.

Juan 5:13

Jabo chjapea̧ oa cjiamȩ üdë, ‘Aja̧, pio coa chjaparȩa̧mȩ pio judidida’ quëna̧ dabadërëremȩde. Ado pumȩ buba oaiä chjaodëri̧ a̧dë cjarapami̧ dari̧ cjiadiäa̧de Jechu judi pumȩ ju̧i̧ chjaparȩ ëte.

Japarea̧ 19:12

Ado pio ju̧i̧iä pumȩ judiro̧ chjapea̧ oa cjo̧ro̧rëreji̧ri̧dirȩ. Jabechji̧ Pablo ja̧ chjibo oa gito ja̧boji̧ri̧ pio ji̧ri̧iäpȩ a̧depea̧ oaiäbo chjapea̧ oa cjo̧ro̧rëreji̧ri̧dirȩ gito ja̧boreji̧ri̧ judiro̧. Ado yaröca chiaji̧ri̧ pio judiro̧ peaja̧di chjapea̧ oa cjo̧ro̧rëreji̧ri̧dirȩ.

Japarea̧ 5:15

Ado Jechurë chjadüa̧ judiro̧ ji̧dë ma ana̧ri̧ na̧rȩ chjaoa̧ oaiä, jabechji̧ pumȩ judiro̧ gito ja̧boji̧ri̧ pio ji̧ri̧ jibëa̧ bëri pio judiri ara jä chjaorëreji̧ri̧diro̧jȩrȩ järea̧ no̧räpȩ yuro pio ju̧ri̧pȩ ano̧ mire a̧rȩpea̧ oa. Ado Pedro judi chjätäa̧rä, ju̧i̧ ja̧ chja̧oe üdë pio ji̧ri̧ ja̧ icjara uëmo̧ chja̧oe chjätäpea̧ oa, gito ja̧boji̧ri̧ judiro̧ chjaparȩa̧ oa cjiarëreji̧ri̧dirȩ. Jabechji̧ ja̧di dari̧ japarëreji̧ri̧dirȩ.