Ado ja̧dëa ji̧ pio jiro mu̧i̧tjoi̧ üdë, jabechji̧ ütararea̧mi̧dëri̧ bacjiarërea̧ ji̧, bacjiadëmȩrȩ go̧düa̧de chiri ütë cjo̧ro̧mȩ ja̧ bëri pio judiri. Eami̧ oa bacjiadëmȩrȩ baärëremȩde bücjüchjai̧mi̧ darë, cjatäcjie jo̧rȩtamȩrȩ. Jabechji̧ a̧dë chjäte chachami̧ dari̧ cjiarërea̧ ji̧, bücjüchjami̧ dari̧ baärëremȩde. Jabo cjäri̧ made, judi baäa̧rä, pio jȩa nö̧ta ja̧bepamȩ mu̧i̧tjoi̧ pio ju̧i̧ dëbëdiäa̧dejȩ, pio jȩaiäpȩmo̧ bacjiamȩ pio ju̧i̧, cja̧rȩmȩ chëre maea oa bacjiamȩ ju̧i̧. Ado ërecjiapea̧mȩrȩ chjuari̧ mitërëremȩdejȩ jibëa̧ gürü ju oa. Ado to̧bari̧ yo̧a̧dejȩ: "Ba anocoe mȩnȩ coa bacjia̧ pio ju̧i̧" yo̧a̧dejȩ.
Lucas 7:41 - Biblia Pume41 Ja̧dëa ji̧ Jechu judi pio yoa ma̧ȩ oa ni̧bä chjaorëremȩdejȩ, na̧rȩrea̧ ma̧ȩmi̧ dara̧: —Danȩ, chëre oa eopamȩrȩ cjo̧ro̧mȩ pio judi eoparëremȩdejȩ chëre oa yo̧a̧ri̧ pumȩ ji̧ri̧ —yo̧a̧dejȩ—. Cja̧rȩmȩ oa eoparëremȩdejȩ 500 chëre oa, ji̧ra̧ tjamo̧ oa. Ado cja̧rȩmo̧ oa 50 chëre maea oa eoparëremȩdejȩ. Faic an caibideil |
Lucas 7:41
17 Iomraidhean Croise
Jabo Jechu judi dëbë yo̧a̧dejȩrȩ: —Pio mȩnȩro̧ jurarea̧ oa yürüchji̧jȩrȩ. Ado dëbë yo̧a̧diro̧jo̧ȩ: —Jabo cjäri̧ marea̧rȩ. Japarea̧ decjiade. ¿Yö̧ta dari̧ japatäreji̧ri̧cji̧vaa̧ro̧? Danȩ, 8 gupënȩ nö̧ta ja̧bepea̧ bara̧ gatërä judimo̧ nö̧tatäremȩde chëre üdë pio jiro pumȩ ja̧ oa chja̧pe oa gatëpea̧ ji̧. Jabo a̧ro̧rȩ, cjäri̧ marea̧rȩ, japarea̧mi̧dëde.
Ado a̧ro̧rȩ chjai̧dëri̧ japea̧ pio ju̧i̧ duridëparȩmi̧ dari̧ japaibe Ama̧i̧. Aja̧, a̧ro̧rȩ pio ibëiäpȩmo̧ chjai̧dëri̧ japea̧ji̧ri̧ pio ji̧ri̧ duridëparȩmi̧ dari̧ japaibe peaja̧di. Ado chjadëri̧ tuti japaibe Ama̧i̧, a̧ro̧rȩ ma̧i̧ da chjai̧dë oa chjätärä oëra̧diä jo̧rȩtachea oa. Aja̧ Ama̧i̧, ja̧di ta̧rëri̧ yo̧mȩrȩ ni̧bärequedemȩ. Ja̧ditäde." Aja̧ ca̧ pumȩ, ja̧di ta̧rëri̧ ni̧bätäreji̧ri̧renȩro̧jo̧ȩ Ütë tjamo̧ pio ju̧i̧iäpȩmo̧ —yo̧mȩrȩ ni̧bä chjaorëremȩdejȩrȩ Jechu judi.
Jabo danȩrȩ, eami̧ mu̧i̧tjoi̧ üdë tjamo̧ri̧ dabadërä judi, jibëa̧ ano̧mȩ judi yo̧a̧ pio ju̧i̧ dabadërä judi, 'Aja̧, ja̧di dari̧ japatä eadicoada' quëna̧ dabadërä judi, jabechji̧ ana̧ tjamo̧ri̧ bape chjaoa̧ oa cjiadëpade judi dabadëremȩ tara. Jabechji̧ judi jibëa̧ ano̧mȩ judi o ji̧ri̧iäpȩmo̧ yo̧a̧mi̧ japadëa̧räbo, pio ju̧i̧ ja̧ ma̧ȩrä japadëa̧räbo, jabechji̧ jabomo̧ tocoi̧mi̧ oa bape chjaoa̧ oa cjiapade judi tjamo̧ri̧ dabadëremȩ tara. Jabo tjamo̧ri̧ dabapea̧mȩ mu̧i̧tjoi̧ pio judi, ji̧ra̧ri̧ dabapea̧mȩ pio judi, jabechji̧ ji̧dë u̧i̧ ta̧rëdiäpea̧ chiade jënȩ dabamȩpea̧ tara. Ado judi dabapea̧mi̧ ta̧rëdiädërä judi, dëdë, bape chjaoa̧ oa cjiapade —yo̧mȩrȩ ni̧bä chjaorëremȩdejȩrȩ Jechu judi.
Ado danȩrȩ, peaja̧di ja̧borëreji̧ri̧dirȩ pumȩ judiro̧ Jerucharȩräpȩ ju̧ri̧. Jabechji̧ Chiroe quȩmȩ tja yuroro cjiamȩ bë ana̧ üdë cjätäa̧ ji̧, uë tjamo̧ cjiamȩ bë üdë cjatäa̧ ji̧, pumȩ pio ji̧ri̧ acji cjatärëremȩdejȩrȩ. Aja̧, 18 pumȩrea̧ ja̧borëreji̧ri̧dirȩ. ¿Ado danȩrȩ, yö̧ta dari̧ jo̧rȩtatäreji̧ri̧rea̧rȩ pio ji̧ri̧ chjiari? ¿Jerucharȩräpȩ cjo̧ro̧ji̧ri̧ pio ji̧ri̧iä ji̧dë u̧i̧ chjai̧dëri̧ cjo̧ro̧rëreji̧ri̧dirȩ? Ado judiro̧ o ji̧ri̧iä ji̧dë u̧i̧ chjai̧dëri̧ cjo̧ro̧a̧ oaiä 'ja̧boa̧diro̧da' ¿quëna̧pea̧?
Ado pio ju̧i̧iä yo̧requedemȩ Chimo̧: Danȩ, pio yi̧në iei̧ inë, jabechji̧ jënȩ jana̧ pio judiri yurori ji̧dë ma na̧rȩnȩ davä jënȩ pio coaiäpȩmo̧ tjamo̧ri̧ eapea̧ pio ju̧i̧ chjiari. Jabechji̧ jënȩ co ji̧ra̧ tjamo̧ri̧ chjai̧dëri̧ japea̧ üdë duridëparȩa̧ oa cjia tara, jabechji̧ ana̧ri̧ na̧rȩni̧que davä jënȩ pio coaiäpȩmo̧ ana̧ri̧ eapea̧ pio ju̧i̧ chjiari. Jabo ado cja̧rȩmo̧ üdë, 'Aja̧, jabomo̧ yo̧a̧ri̧mo̧i̧ co chjai̧dëri̧ japea̧quëda, co ji̧ra̧ri̧ chjai̧dëri̧ japadëa̧quëda' quëna̧mȩ pio judi, 'jabechji̧ jabëtari̧mi̧ maea oa duridëparȩa̧dicoada' quëna̧ jo̧rȩta̧de. Ado pio ju̧i̧iä jabëtari̧mi̧ maeari̧ na̧rȩde jënȩ pio coa eapea̧ pio ju̧i̧ chjiari.
Moicherë go̧ȩparërea̧ ma̧ȩ üdë yürüa̧ oa cjiarëremȩde pume judiro̧ chjai̧dëri̧ japea̧ üdë ji̧ra̧ tjamo̧pe bagapea̧ oa, chjadë maearä cjiami̧ dari̧ cjiapea̧ oa. Jabo pumȩ judiro̧ chjai̧dëri̧ japea̧ üdë ji̧ra̧ tjamo̧pe baga̧ oaiä ji̧dë u̧i̧ ji̧ra̧pe bagarëremȩde davä Ütërë cjäri̧ri̧ cjia da̧ üdë. Jabechji̧ Ütërë cjäri̧ri̧ cjia da̧ pio judi a̧dë chjäte boa̧dejȩ pumȩrȩ chjai̧dëri̧ japea̧ chjö̧na̧i̧ oa.
Sanasan