Lucas 7:2 - Biblia Pume

² Ado pio jiro japamitërä pio ju̧ri̧pȩrëremȩde domano̧ guadia ütë üdë, judiodërë. Ado pio judi ëbarëremȩde jibëa̧ mu̧i̧tjoi̧ pio ju̧i̧, jënȩ tjamo̧ri̧ ba chia daea̧ pio ju̧i̧. Ado mu̧i̧tjoi̧ pio judi gito oa ana̧ri̧ tara̧ oaiä, jabechji̧ ja̧bopea̧ ji̧ querediä tjamo̧mȩpea̧de.

Lucas 7:2 Iomraidhean Croise

Taruparea̧ Ma̧ȩ 24:27

Ado yo̧a̧dejȩ: —Jeova, chjadë tjamo̧renȩ. Ca̧ ano̧mȩ Abaraa̧ ja̧ Ütë judi chjadë tjamo̧renȩ. Mȩnȩ yo̧a̧mi̧ chjadëri̧ japea̧renȩjo̧ȩ. Jabechji̧ ca̧ ano̧mȩ pio ju̧i̧ ji̧dë ma eamȩrȩ cjäri̧ri̧ cjia darenȩjo̧ȩ, goarijämȩ earea̧ra̧ earea̧ decjiari̧. Ado ca̧ ano̧mȩ pio ju̧i̧ ja̧ pumȩiäpȩ chjadëri̧ go̧düna̧ra̧rea̧mi̧ dari̧ a̧doa̧renȩque chjadëri̧ —yo̧mȩrȩ yo̧rëremȩdejȩ.

Taruparea̧ Ma̧ȩ 35:8

Ado pio ju̧ri̧pȩ a̧dë ja̧borëreyi̧nȩjȩrȩ Debora quȩyi̧ jini̧, Rebeca ji̧ chjadëri̧ jidareyi̧ pio jini̧. Ado na̧ra̧diro̧jȩ torë cjiamȩräpȩ, Bete bë mari̧ dairäpȩ ju̧ri̧. Ado na̧ra̧rea̧räpȩ quȩparëreji̧ri̧diro̧jo̧ȩ. Aja̧, "Ejaro cjiarea̧ to" yo̧mȩ quȩra̧ pio ju̧ri̧ra̧ quȩparëreji̧ri̧diro̧jo̧ȩ.

Mateo 27:54

Ado domano tjamo̧ ja̧bepamȩ guadia judi, jibëa̧ jadüborë Jechu pio ju̧i̧ jida cjiarërea̧ ji̧, jabechji̧ chiri oa ma̧i̧ dari̧ jö̧nö̧jö̧nö̧a maeari̧ cjiamȩ oa darëreji̧ri̧diro̧jo̧ȩ. Bagönȩ mapea̧rä peaja̧di darëreji̧ri̧diro̧jo̧ȩ. Chjö̧na̧i̧ oa daea̧diro̧jo̧ȩ. Ado a̧dë chjäte uapape bagaji̧ri̧rȩ ja̧di ta̧rëri̧ yo̧rëreji̧ri̧dirȩ: ⁠—⁠Pio yodëje, jabechji̧ Ütë tjamo̧ pio ju̧i̧ ja̧ Joja tjamo̧remȩde ⁠—⁠yo̧a̧dirȩ.

Lucas 23:47

Ado domano̧ guadia ütë pio judi daea̧ ji̧, pumȩ ji̧ri̧ tjamo̧ ja̧bo tänȩmȩ pio judi daea̧ ji̧, Jechu pio ju̧i̧ chjiari chjö̧na̧i̧ oa daea̧ ji̧, jabechji̧ chjacjiamȩri̧ jo̧rȩtamȩpea̧dejȩ Ütë tjamo̧ ju̧i̧. Ado ana̧ri̧ jo̧rȩtamȩrȩ ja̧di ta̧rëri̧ yo̧a̧de: —Tjamo̧ri̧ dabarequede pio yoa üi̧ pio ju̧i̧ chjiari —yo̧a̧de—. 'Jabechji̧ judi chjai̧dë oa tjamo̧ri̧ japadëa̧dida, jabechji̧ coëma̧ cjiari̧ cjo̧ro̧rëremȩdida' quëna̧ dabarequede —yo̧a̧de.

Lucas 7:1

Jechu judi pumȩ ji̧ri̧ ni̧bä chjaoa̧ duri oa ado chjereno̧ baärëremȩde Capanau̧ quȩmȩ bë ma̧ri̧räpȩ jibëa̧ jadü pio ji̧ri̧ nö̧ta.

Lucas 7:3

Ado pio ju̧i̧ä guadia ütë pio judi Jechu pio ju̧i̧ chjiari goë ta̧rëa̧ oaiä, jabechji̧ ma̧ȩ chjadürëremȩdejȩrȩ judio ütëti̧ pio ji̧ri̧, o ji̧ri̧. Jabechji̧ Jechu judi pio jȩaiäpȩ jana̧tä yo̧mȩrȩ yo̧ chjadüa̧dejȩrȩ. Aja̧, jënȩ ea̧ mu̧i̧tjoi̧ pio ju̧i̧ chjaparȩra̧tä eamȩrȩ yo̧ chjadüa̧dejȩrȩ chjadëri̧ ma̧ȩ yürütä.

Lucas 8:42

Jabechji̧ jibëa̧ jabi pio ji̧mo̧i̧ ëbarëremȩde, 12 ui goayi̧ i̧a, ja̧bopea̧ querediäyi̧ i̧a. Ado Jechu judi pio ju̧i̧ ta̧rëa̧ oaiä, ëba jäa̧dejȩ. Ado pumȩ no̧i̧dë tjamo̧rȩ peaja̧di ëba jäa̧diro̧jo̧ȩ. Ado tjoromȩ oa gi̧de ariä järëreji̧ri̧diro̧jo̧ȩ Jechu ju̧i̧.

Japarea̧ 10:1

Ado cja̧rȩmȩrȩ, Corenerio quȩmȩ pio judi cjo̧ro̧rëremȩde Checharea quȩmȩ bë ma̧ri̧räpȩ. Domano guadia ütëmȩrȩ cjo̧ro̧rëremȩde. Itariano quȩmȩ guadia buba pio ju̧i̧ tjamo̧ yo̧mȩrȩ cjo̧ro̧rëremȩde.

Japarea̧ 10:7

Ado a̧dërimȩ mu̧i̧tjoi̧ judi, Corenerio pio ju̧i̧ nö̧ta ni̧bäremȩ pio judi a̧dë cjarapea̧rä, chjaodëri̧ ëna̧diäa̧dejȩrȩ jibëa̧ mu̧i̧tjoi̧ yo̧a̧ri̧ oa. Cja̧rȩmȩ guadia oa peaja̧di ëna̧diäa̧dejȩ, pio jȩa chjadëri̧ ta̧rëdiämȩ pio ju̧i̧, Ütë tjamo̧ ju̧i̧iäpȩmo̧ jo̧rȩtamȩ ju̧i̧.

Japarea̧ 22:26

Ado tjamo̧ yo̧mȩ guadia üdë pio ju̧i̧iä ta̧rëa̧ oaiä, chjaodëri̧ jäëno̧a̧de guadia ütë pio ju̧i̧iäpȩ. Ado yo̧a̧dejȩ: —Oëra̧ japami̧ dari̧ japarenȩ ütë —yo̧a̧dejȩ—. Danȩ, pio jiro üi̧ üdë domano chjade. Domano go̧ȩ i goade.

Japarea̧ 23:17

Ado Pablo judi pio ju̧i̧ ta̧rëa̧ oaiä, yo̧a̧dejȩ tjamo̧ yo̧mȩ guadia oa: —Danȩ, pio yoa pëi̧ chja oa chjadëri̧ ëba jäjo̧ȩ guadia ütë pio ju̧i̧iäpȩ. Ma̧ȩ ba chia oa ni̧bä chjaopadejȩ.

Japarea̧ 27:1

Ado ja̧dëa ji̧ Pjeto pio judi jo̧rȩtamȩpea̧rä, 'Aja̧, chjadüpea̧diro̧da yaba̧, Pablo pio ju̧i̧ ado chaäa̧ oa cjiaji̧ri̧ pio ji̧ri̧bo chjadüpea̧diro̧da' quëna̧ jo̧rȩtamȩpea̧rä, jabechji̧ pio ji̧ri̧ yürürëremȩdejȩrȩ tjamo̧ yo̧mȩ guadia pio ju̧i̧iäpȩmo̧, Jurio quȩmȩ pio ju̧i̧iäpȩmo̧. Ado Jurio judi ¿chjiade? Chjiadëde, jabechji̧ ja̧bepamȩrȩ cjo̧ro̧rëremȩde guadia buba pio ji̧ri̧ nö̧ta. Aja̧, “Domaräpȩ cjo̧ro̧mȩ ütë tjamo̧ pio ju̧i̧ ja̧ buba” quȩmȩ guadia pio ji̧ri̧ nö̧ta ja̧beparëremȩde. Ado Pjeto judi chaäa̧ oa cjiaji̧ri̧ pio ji̧ri̧ yürüa̧ ji̧, jabechji̧ Jurio pio ju̧i̧iäpȩmo̧ yürürëremȩdejȩrȩ Doma bë ma̧ri̧räpȩ chjadëri̧ ëba baäpea̧ oa, Itaria quȩmȩ chiriräpȩ ëba baäpea̧ oa. Ado danȩrȩ, pio yoa ma̧ȩ oa go̧ȩpamȩ judi, jabechji̧ Uruca quȩmȩ pio judirequede. Aja̧, pio cüdëborë tai̧rëremȩrequede Pablo pio ju̧i̧ nöta.

Japarea̧ 27:3

Ado dopea̧rä, Chido̧ quȩmȩ bë ma̧ri̧räpȩ go̧düdärärëreji̧ri̧rea̧rȩ. Ado Jurio judi, tjamo̧ yo̧mȩ guadia pio judi Pablo pio ju̧i̧iäpȩmo̧ cjäri̧ri̧ cjia daea̧ oaiä, jabechji̧ ju̧ri̧pȩ pjurërea̧räpȩ go̧düdärä ëte birarea̧ yürürëremȩdejȩ chara ana̧ri pio judiri. Jabechji̧ jibëa̧ pumȩ pio ji̧ri̧ goëdapea̧ oa birarea̧ yürüa̧dejȩ, jibëa̧ pumȩ judiro̧ jëa̧ a̧dopea̧ oa, jënȩ goadëa̧ pio ju̧i̧ chjadëri̧ yürüpea̧ oa.

Japarea̧ 27:43

Jabo tjamo̧ yo̧mȩ guadia üdë ja̧di dari̧ japarea̧ yürüdëa̧dejȩrȩ. Jabechji̧ Pablo judi ja̧botä eadëa̧ oaiä tänȩrea̧ yürüdëa̧dejȩrȩ. Jabo ütëbo oa yo̧a̧dejȩrȩ: “Danȩrȩ, uirä bagurarea̧ dabaji̧ri̧ judiro̧ goë jaechji̧vä. O ji̧ri̧ ja̧ yaboi̧ uiräpȩmo̧ chiquichji̧vä chiriräpȩ yuro bagurapea̧ oa.

Corochȩche Ma̧ȩ 3:22

Ado yaba̧ ano̧ mire ni̧bärequededibe gatëa̧ mu̧i̧tjoi̧ pio ji̧ri̧iäpȩmo̧. Danȩrȩ, dibëa̧ ano̧mȩ judi, dai chirirä cjo̧ro̧mȩ pio judi, jabomo̧ pumȩde. Jabomo̧ pumȩbo, jabechji̧ nö̧tadäräri̧ ta̧rëdiächji̧jo̧ȩ dibëa̧ ano̧mȩ tara. Aja̧, pio dibë ütarë dadëräbo chjadëri̧ ta̧rëdiächji̧jo̧ȩ judi dibë chjiari chjadëri̧ dabapea̧ oa, ‘ca̧ mu̧i̧tjoi̧ üdë chjadë tjamo̧dida’ quëna̧ dabapea̧ oa. Danȩrȩ, ‘a̧dëräpȩ cjiamȩ Ano̧mȩ judi ba chia tjamo̧dida’ quëna̧ jo̧rȩtaji̧ri̧rȩ chjadëri̧ ta̧rëdiärenȩro̧jo̧ȩ, pio ju̧i̧iäpȩmo̧ tjamo̧ri̧ ma̧ chiadëri̧ cjia jo̧rȩta tänȩtämi̧ cjiaji̧ri̧rȩ. Ado peaja̧di dari̧ ja̧bepë yürütäreji̧ri̧renȩro̧jo̧ȩ dibë tänȩmȩ ja̧ oa.