Lucas 6:9 - Biblia Pume

⁹ Ja̧dëa ji̧ Jechu judi yo̧a̧dejȩrȩ jȩa dae chjaoji̧ri̧ pio ji̧ri̧iäpȩmo̧: —Danȩrȩ, chjadëri̧ yo̧chji̧coe —yo̧a̧dejȩrȩ—. ¿Yö̧ta yo̧diibe Moicherë go̧ȩparërea̧ ma̧ȩ üdë? Järätä chjaparea̧ doro, ¿yö̧ta japapea̧de? ¿Jabo chjai̧dëri̧ japapea̧, jabo chjadëri̧ japapea̧? ¿Jabo pumȩ ju̧i̧ ja̧bo tänȩpea̧, jabo pumȩ ju̧i̧ chjaparȩpea̧? ¿Yö̧ta japapea̧? Chjadëri̧ yo̧chji̧coe —yo̧mȩrȩ yo̧a̧dejȩrȩ Jechu judi.

Lucas 6:9 Iomraidhean Croise

Marcos 3:4

Ado ichi chjerea̧mȩ judi pumȩ ja̧ dëbëräpȩ cjitë ëte, Jechu judi yo̧a̧dejȩrȩ pio jȩa dae chjaoji̧ri̧ ji̧ri̧: —Danȩrȩ, chjadëri̧ yo̧chji̧coe. Moicherë go̧ȩparërea̧ ma̧ȩ üdë, ¿yö̧ta yo̧diibe? Järätä chjaparea̧ doro, ¿yö̧ta dari̧ japapea̧de? ¿Chjai̧dëri̧ japapea̧de jabo chjadëri̧ japapea̧de? ¿Pumȩ ju̧i̧ ja̧bo tänȩpea̧, jabo pumȩ ju̧i̧ chjaparȩpea̧? ¿Yö̧ta dari̧ japapea̧? Chjadëri̧ yo̧chji̧coe —yo̧a̧dejȩrȩ. Jabo judiro̧ chjadëri̧ dëbë yo̧tärea̧ ji̧, cjapi maearë cjiadiärëreji̧ri̧dirȩ.

Lucas 14:3

Ado Jechu judi pio ju̧i̧ daea̧ oaiä, iëno̧ë ta̧rëa̧dejȩrȩ pjaricheo pio ji̧ri̧, Moicherë go̧ȩparërea̧ ma̧ȩ oa a̧ra̧ano̧ji̧ri̧ pio ji̧ri̧. Ja̧di ta̧rëri̧ yo̧mȩrȩ iëno̧ë ta̧rëa̧dejȩrȩ: —Danȩrȩ, eami̧ pumȩ oa cjiadiärea̧ doro chjaparȩpea̧ üdë ¿jabechji̧dëde? ¿Chjadëde jabo chjadëdëde? Chjadëri̧ yo̧chji̧coe —yo̧a̧dejȩrȩ.

Lucas 6:10

Jabo judiro̧ chjadëri̧ dëbë yo̧tärea̧ ji̧, cjäri̧ madiro̧jo̧ȩ, cjapi maearë cjiadiäa̧dirȩ. Ja̧dëa ji̧ Jechu judi pio jiro pumȩ ütëbo oa ano̧ mire dëbë gatë damȩrȩ yo̧a̧dejȩ ichi chjerea̧mȩ ju̧i̧: —Na̧ ichi chjia oa tobovä. Ado judi ichi chjia oa toboa̧ oaiä, chjaodëri̧ chjapea̧de.

Lucas 6:8

Jabo Jechu judi judiro̧ chjai̧dëri̧ jo̧rȩta̧ pio ju̧i̧ chjiari dabamȩrȩ ja̧di ta̧rëri̧ yo̧a̧dejȩ ichi chjerea̧mȩ pio ju̧i̧iäpȩmo̧: —Danȩ, pio yi cjiera̧vä —yo̧a̧dejȩ. Ado ichi chjerea̧mȩ pio judi pio ju̧ri̧pȩ järëremȩde Jechu ja̧ yuroro dae cjiapea̧ oa.

Lucas 9:56

Ado judiri ano̧ mire järëreji̧ri̧dirȩ ado cja̧rȩmo̧räpȩ, ado cja̧rȩmo̧ bë ma̧ri̧räpȩ.