Lucas 6:8 - Biblia Pume

⁸ Jabo Jechu judi judiro̧ chjai̧dëri̧ jo̧rȩta̧ pio ju̧i̧ chjiari dabamȩrȩ ja̧di ta̧rëri̧ yo̧a̧dejȩ ichi chjerea̧mȩ pio ju̧i̧iäpȩmo̧: —Danȩ, pio yi cjiera̧vä —yo̧a̧dejȩ. Ado ichi chjerea̧mȩ pio judi pio ju̧ri̧pȩ järëremȩde Jechu ja̧ yuroro dae cjiapea̧ oa.

Lucas 6:8 Iomraidhean Croise

Jobo Ma̧ȩ 42:2

—Pio mȩa chjiari chjadëri̧ dabarequede Jeova —yo̧a̧dejȩ—. 'Jabechji̧ a̧dë chjäte ju chiamȩti̧ pio judidida, jënȩ jo̧rȩta̧mi̧ japamȩdida, ado cja̧rȩmo̧rȩ dëbëpe chjaorea̧mi̧dëri̧ japamȩdida, jabechji̧ jënȩ ütara̧mi̧ japamȩdida' quëna̧ dabarequede pio mȩa chjiari.

Mateo 9:4

Jabo Jechu judi jibëa̧ chji̧rä cjacjarë damȩrȩ iëno̧ë ta̧rërëremȩdejȩrȩ: ⁠—⁠¿Tjana̧ ju̧i̧iä chjai̧dëri̧ jo̧rȩtanȩrȩ dibëa̧ chji̧ra̧ pio ju̧ri̧ra̧? ⁠—⁠iëno̧ë ta̧rëa̧dejȩrȩ⁠—⁠

Marcos 3:3

Ado Jechu judi yo̧a̧dejȩ ichi chjerea̧mȩ pio ju̧i̧iäpȩmo̧: —Danȩ, cjitëno̧vä. Ado jauëräpȩmo̧ jana̧vä pumȩ ja̧ dëbëräpȩ —yo̧a̧dejȩ.

Lucas 13:12

Ado Jechu judi pio ji̧ daea̧ ji̧, pio jȩaiäpȩ jätä ëna̧diäa̧dejȩ. Ado pio jȩaiäpȩ jädäräa̧yi̧ oa, yo̧a̧dejȩ: —Iei̧, pio jiro gito ja̧ chja̧oeri pio judiri go̧düa̧ oa cjiaje jarerea̧mi̧ dari̧ —yo̧a̧dejȩ.

Lucas 5:22

Jabo Jechu judi dabarëremȩde judiro̧ pio jȩa chjiari jo̧rȩta̧ pio ju̧i̧ chjiari. Ado pio ju̧i̧iä ja̧di ta̧rëri̧ yo̧mȩrȩ iëno̧ë ta̧rëa̧jȩrȩ: —Danȩrȩ, ¿tjana̧ ju̧i̧iä ana̧ri̧ jo̧rȩtanȩrȩ cüdë yo̧a̧ pio ju̧i̧ chjiari? —iëno̧ë ta̧rëa̧dejȩrȩ—.

Lucas 6:9

Ja̧dëa ji̧ Jechu judi yo̧a̧dejȩrȩ jȩa dae chjaoji̧ri̧ pio ji̧ri̧iäpȩmo̧: —Danȩrȩ, chjadëri̧ yo̧chji̧coe —yo̧a̧dejȩrȩ—. ¿Yö̧ta yo̧diibe Moicherë go̧ȩparërea̧ ma̧ȩ üdë? Järätä chjaparea̧ doro, ¿yö̧ta japapea̧de? ¿Jabo chjai̧dëri̧ japapea̧, jabo chjadëri̧ japapea̧? ¿Jabo pumȩ ju̧i̧ ja̧bo tänȩpea̧, jabo pumȩ ju̧i̧ chjaparȩpea̧? ¿Yö̧ta japapea̧? Chjadëri̧ yo̧chji̧coe —yo̧mȩrȩ yo̧a̧dejȩrȩ Jechu judi.

Juan 2:25

Jabechji̧ pio ji̧ri̧ chjiari chjö̧na̧i̧däräti̧ oa daba darëremȩde, pumȩ pio ji̧ri̧iä ta̧rëdëmȩborë. 'Jabechji̧ pio jiro pumȩ üdë ja̧di dari̧ cjo̧ro̧dida, ja̧di dari̧ jo̧rȩtadida, ja̧di dari̧ quëna̧mȩcji̧ quëna̧ japamȩdida’ quëna̧ daba marëremȩdejȩrȩ, pumȩ ja̧ chji̧ pio ju̧i̧ chjiari tjamo̧ri̧ dabamȩrȩ.

Juan 21:17

Ja̧dëa ji̧ Jechu judi Pedro pio ju̧i̧ yo̧a̧ri̧ co iëno̧ë ta̧rëremȩrȩ ado yo̧ë ta̧rëa̧dejȩ: —Chimo̧, Juan pio ju̧i̧ ja̧ joja oa iëno̧ë ta̧rërequedemȩ. ¿Pio coa tjamo̧ri̧ earenȩque? Ado Pedro judi pio jȩa iëno̧ë ta̧rëmȩ oa ado ta̧rëa̧ oaiä, gitori̧ jo̧rȩtamȩpea̧de tjarari̧ co iëno̧ë ta̧rëa̧ oaiä. Ado dëbë yo̧a̧dejȩ Jechu ju̧i̧: —Danȩ Ano̧mȩ, chjö̧na̧i̧ oa dabamȩrenȩ. Cüdë mȩa ea tjamo̧ pio ju̧i̧ dabarenȩ —yo̧a̧dejȩ. Ja̧dëa ji̧ Jechu judi ado yo̧a̧dejȩ: —Ja̧dirä judi, chjadëri̧ jidajȩrȩ ca̧ oveja̧mi̧ da pio ji̧ri̧ —yo̧a̧dejȩ—.

Juan 9:4

Danȩrȩ ca̧ jadü, do üdë jabë biradëa̧rä, chjadëri̧ ja̧bepë yürütäreji̧ri̧rea̧ro̧jo̧ȩ Ütë tjamo̧ ja̧ oa, coa chjadüa̧mȩ pio ju̧i̧ ja̧ oa. 'Jabechji̧ ado cja̧rȩmo̧ doro japaemȩ jiroquëda’ quëna̧rea̧ decjiari̧ jabërä chjadëri̧ ja̧bepadärätäreji̧ri̧rea̧rȩ, ibëa̧ Ama̧i̧ judi ibë yürüa̧ ja̧beparea̧ pio ju̧i̧. Jabechji̧ gȩnȩpea̧rä ja̧beparea̧mi̧dëde. Pio ju̧i̧iä jabechji̧, doro chjadëri̧ ja̧bepapea̧ chiarea̧rȩ ibë chjadüa̧mȩ pio ju̧i̧ ja̧ oa.

Japarea̧ 20:24

Jabo pio coa conȩdarä judi jabechji̧de coaiä. Jabechji̧ pio yoa chiri oa cjo̧ro̧pea̧ ji̧ tjamo̧ri̧ ba chia jo̧rȩtadërequede jabo Ano̧mȩ Jechu judi coa yürüa̧ ja̧beparea̧ pio ju̧i̧ ja̧bepadäräpea̧ pio ju̧i̧, dëdë, ba chia tjamo̧ri̧ jo̧rȩtarequede. Jabechji̧ Jechu pio ju̧i̧ nö̧tadäräri̧ ta̧rëdiätämi̧ cjiareconȩ nȩmo̧diämȩmi̧ dari̧ japarea̧ decjiari̧. Jabechji̧ Ütë tjamo̧ judi tuti yürürërea̧ pio ju̧i̧ chjiari, pio judirimȩ marë cjäri̧ri̧ cjiamȩrȩ tuti yürüa̧ pio ju̧i̧ chjiari chjadëri̧ a̧ra̧ano̧tämi̧ cjiarequede ma̧ȩ chjadëi̧ pio ju̧i̧ —yo̧a̧dejȩrȩ.

Japarea̧ 26:26

Ado cüdë ni̧bä chjaoa̧ pio ju̧i̧ chjiari chjadëri̧ dabade ca̧ ütë Agiripa judi. Pio ju̧i̧iä oëadëmȩmi̧ dari̧ ni̧bä chjaoreconȩ idëri̧ cjiarea̧ decjiari̧ —yo̧a̧dejȩ—. Jabechji̧ cüdë ni̧bä chjaoa̧ pio ju̧i̧ chjiari ma̧ȩ üdë goadia̧ oa cjiadëde. Tutia̧mi̧ dari̧ cjiadëde jabo jabechji̧, ütëborë dabarea̧mi̧ dari̧ cjiade. Ja̧di tara Agiripa pio judiborë pio ju̧i̧ chjiari dabade ca̧ ütë —yo̧a̧dejȩ.

Pjiripo Ma̧ȩ 1:28

Ado danȩrȩ, pio dibë dëbëpe chjaomi̧ dari̧ japaji̧ri̧ pio ji̧ri̧iä uapadë machji̧vä. Jabechji̧ uapadëchji̧vä, jabo oëadëri̧ cjiaji̧ri̧rȩ cjo̧ro̧chji̧vä. Ado judiro̧ dibë ja̧di dari̧ na̧rȩriä cjo̧ro̧ji̧ri̧ oa daea̧ oaiä, jabechji̧ ana̧ri̧ jo̧rȩtapadirȩ. 'Aja̧, Ütë tjamo̧ judi bape chjaopadiibëda, jabo pio ji̧ri̧ chjätä tänȩpadiji̧ri̧da, chjadëri̧ a̧dodiji̧ri̧da' quëna̧ jo̧rȩtaji̧ri̧rȩ dapadiro̧dibe.

Ebereo Ma̧ȩ 4:13

Jabechji̧ goadirea̧ decjiade Ütë tjamo̧ pio ju̧i̧iä. Jënȩ pareapea̧ üdë goadirea̧mi̧dë maeade. Ju̧i̧ ja̧ dachoro cjo̧ro̧ marea̧rȩ chäteji̧ri̧mi̧ dari̧. Ado Ütë tjamo̧ pio ju̧i̧ ja̧ dëbëräpȩ cjiadäräparea̧rȩ chjö̧na̧i̧ oa chjadëri̧ dëbë yo̧pea̧ oa, judi ibë iëno̧ iëno̧ cjiarä. Tjamo̧ davä. A̧ro̧rȩ japea̧ pio ju̧i̧ chjiari, a̧ro̧rȩ goaditea̧ pio ju̧i̧ chjiari, a̧ro̧rȩ jo̧rȩta̧ pio ju̧i̧ chjiari dëbë yo̧pea̧ chiarea̧ro̧jo̧ȩ, judi ibë iëno̧ iëno̧ cjiarä.

Pedro Ma̧ȩ 1 4:1

Danȩrȩ ca̧ oti̧, Quiricho judi jo̧rȩtamȩrȩ yürürëremȩdejȩ jibëa̧ icjara oa. ‘Aja̧, ca̧ icjara oa nȩmȩpadëmȩrȩ yürüpacuni̧da, a̧dë chjäte gitoi̧ dari̧ tarapea̧ oa yürüpacuni̧da’ quëna̧ jo̧rȩtamȩrȩ yürürëremȩdejȩ. Ado peaja̧dimi̧ dari̧ yürüpea̧ oa jëdano̧mi̧ dari̧ poë cürë jo̧rȩtatäreji̧ri̧rea̧rȩ ca̧ oti̧, pio ju̧i̧ ja̧ chji̧ra̧ jo̧rȩtami̧ dari̧ yürüpea̧ oa, peaja̧di ibëa̧ icjara oa nȩmȩpadëji̧ri̧rȩ yürüpea̧ oa. Danȩrȩ, guadia üdë ma̧i̧ da chjai̧dë oa chjätäbea yaboi̧, ¿tjana̧ japade? Tjana̧ japadë, jabechji̧ poë cürë jo̧rȩtamȩrȩ jëdano̧de jibëa̧ icjara oa yürüpea̧ oa, ma̧i̧ da chjai̧dë oa chjätäpea̧ oa, uapai̧ da tjamo̧räpȩ ja̧bepapea̧ oa, ja̧bopai̧ daräpȩ jäpea̧ oa. Ado peaja̧dimi̧ dari̧ japatäreji̧ri̧rea̧rȩ ca̧ oti̧. Jabechji̧ jibëa̧ icjara oa china̧chjari̧ yürümȩ judi, Ütë tjamo̧ ja̧ oa china̧chjari̧ yürümȩ judi, gitoi̧ dari̧ conȩda̧ oa cjiapai̧ daräbo yürümȩ pio judi, ¿yö̧ta dari̧ jo̧rȩtade? Yö̧ta dari̧ jo̧rȩtadë, jabechji̧ chjai̧dë oa japapea̧ oa yürüdëri̧ cjiadejȩ jibëa̧ icjara oa, jabo chjadëri̧ japapea̧ maea oa yürütämi̧ cjiadejȩ Quiricho pio judimi̧ dari̧.

Jechurë Na̧rȩrërea̧ Ma̧ȩ 2:23

Aja̧, pio ji̧ ta̧rë ja̧boji̧ri̧ pio ji̧ri̧ chjaodëri̧ ja̧bo tänȩparequedejȩrȩ, ji̧ ja̧ u̧ri̧mi̧ da pio ji̧ri̧. Ado cüdë ja̧di dari̧ japea̧ oaiä, cüdë ana̧ri̧ bape chjaoa̧ oaiä, jabechji̧ a̧doparea̧ nö̧tai̧rȩ pio coa chjiari coëma cjiari̧ jo̧rȩtapadirȩ. ‘Aja̧, Jechu judi cjacjarë damȩ pio judidida, ibëa̧ chji̧ra̧ goadi jo̧rȩtarea̧mi̧dëdida, jabechji̧ pio ibë chjiari chjö̧na̧i̧ oa dabamȩdida’ quëna̧ jo̧rȩta mapadirȩ. Tjamo̧ davä. Pio dibë chjiari chjadëri̧ dabamȩrȩ bape chjaoparequededibe pumȩ nö̧tai̧ oa, mȩnȩro̧ chjai̧dëri̧ japea̧ ba oa.