Ado Jechu judi dëbë yo̧a̧dejȩrȩ: —Danȩrȩ, ma̧ȩ oa ¿go̧ȩ ni̧bädëa̧nȩrȩ? —iëno̧ë ta̧rëa̧dejȩrȩ—. Ütë tjamo̧ judi pumȩ ji̧ri̧ pearä judirä pareaparërea̧ pio ju̧i̧ chjiari ¿go̧ȩ ni̧bädëa̧nȩrȩ? Danȩrȩ, Ütë tjamo̧ judi ibëa̧ taru pio ji̧ri̧ pearä judirä pareaparërea̧ ji̧, jibëa̧ iodë maea oa pareaparëremȩdejȩrȩ, tjaoëji̧ri̧ oa. Jabechji̧ üi̧ pio ju̧i̧ pareaparëremȩdejȩ, ado iei̧ pio ji̧bo.
Lucas 6:3 - Biblia Pume3 Ado Jechu judi dëbë yo̧a̧dejȩrȩ pjaricheo pio ji̧ri̧iäpȩmo̧: —Danȩrȩ, ¿Ütë tjamo̧ ja̧ ma̧ȩ oa go̧ȩ ni̧bädëa̧nȩrȩ? —iëno̧ë ta̧rëa̧dejȩrȩ—. Davi quȩmȩrea̧ pio judi japarërea̧ pio ju̧i̧ chjiari ¿go̧ȩ ni̧bädëa̧nȩrȩ? Judi jibëa̧ jadü pio ji̧ri̧ nö̧ta japarërea̧ pio ju̧i̧ chjiari, judiro̧ ta̧mȩcho̧ ja̧bo tjamo̧ji̧ri̧rȩ japarërea̧ pio ju̧i̧ chjiari ¿go̧ȩ ni̧bädëa̧nȩrȩ? —iëno̧ë ta̧rëa̧dejȩrȩ—. Faic an caibideil |
Lucas 6:3
10 Iomraidhean Croise
Ado pio ju̧i̧iä yo̧a̧diro̧jo̧ȩ Jechu ju̧i̧: —Danȩ, ¿ta̧rëdënȩ? Bori̧ judiro̧ pio mȩa chjiari go̧a̧ pio ju̧i̧ ¿ta̧rëdënȩ? —iëno̧ë ta̧rëa̧diro̧jo̧ȩ. —Dëdë, ta̧rërequedejȩrȩ —yo̧a̧dejȩrȩ—. Ado mȩnȩro̧ Ütë tjamo̧ ja̧ ma̧ȩrä bori̧ pio ju̧i̧ chjiari cja̧rȩmȩ co ¿go̧ȩ ni̧bädëa̧nȩrȩ? —dëbë iëno̧ë ta̧rëa̧dejȩrȩ—. Danȩrȩ, ja̧di ta̧rëri̧ yo̧de ma̧ȩ üdë jabërä go̧ȩpea̧ oa cjiarërea̧ ma̧ȩ pio judi: “Pio mȩnȩ tänȩa̧ oaiä, bori̧ ja̧ yari pio judiri, jabë chuchu yö̧ cö jaraji̧ri̧ pio ji̧ri̧ ja̧ yari pio judiri cjitëpade pio mȩaiäpȩmo̧ chjacjiamȩri̧ ni̧bärea̧ üdë.” Aja̧, ja̧di ta̧rëri̧ go̧ȩpea̧ oa cjiade ma̧ȩ üdë —yo̧mȩrȩ dëbë yo̧rëremȩdejȩrȩ Jechu judi.
—Aja̧, tjamo̧ri̧ cjiari̧ dëbë yo̧a̧renȩro̧coe —yo̧a̧dejȩrȩ Jechu judi—. Jabo danȩrȩ, pio ju̧i̧ chjadëri̧ dabarä judi, ¿tjana̧ ju̧i̧iä chjadëri̧ dabadënȩrȩ pio yoa ma̧ȩ pio ju̧i̧ chjiari? ¿Tjana̧ ju̧i̧iä chjadëri̧ dabadënȩrȩ no̧mȩri ja̧ go̧ȩpea̧ oa cjiarërea̧ ma̧ȩ pio ju̧i̧ chjiari? —iëno̧ë ta̧rëa̧dejȩrȩ—. Danȩrȩ, ja̧di ta̧rëri̧ go̧ȩpea̧ oa cjiarëremȩde ma̧ȩ üdë. Ta̧rëchji̧vä: "Ta̧dë oa jiadarëreji̧ri̧diro̧jo̧ȩ jo̧ oa cji̧däji̧ri̧ pio judiro̧. Jabo judiro̧ jiadarërea̧ ta̧dë pio judi ba chia tjamo̧de. Jabechji̧ Ano̧mȩ pio judi tänȩa̧ oaiä, a̧dë chjäte ba chia tjamo̧pea̧de. Jabechji̧ tjamo̧ goë chamȩ ta̧dëpea̧de. Ado pio jiro ta̧dë pio ju̧i̧iämo̧i̧ chjua tjamo̧ri̧ cjiade bë üdë. Ado Ano̧mȩ pio judi ja̧di dari̧ japea̧ oaiä, jabechji̧ ya yabë cjiami̧ dari̧ jo̧rȩtarea̧rȩ." —Aja̧ ca̧ pumȩ, ja̧di ta̧rëri̧ go̧ȩpea̧ oa cjiarëremȩde Ütë tjamo̧ ja̧ ma̧ȩ üdë —yo̧a̧dejȩrȩ Jechu judi—. Jabo danȩrȩ, ¿tjana̧ oa yo̧rea̧de? ¿Tjana̧ ju̧i̧ chjiari yo̧rea̧de ta̧dë pio ju̧i̧ chjiari yo̧rea̧ ma̧ȩ üdë?
Danȩrȩ, ja̧borëreji̧ri̧ pumȩ pio judiro̧ ado chjereno̧ bëdüpea̧ pio ju̧i̧ chjiari go̧ȩparëremȩde ibëa̧ taru judi, Moicherea̧ pio judi. ¿Naparä go̧ȩparëremȩde? Naparädë, jabechji̧ Ütë tjamo̧ judi Moiche pio ju̧i̧iäpȩmo̧ ma̧ȩ yürürërea̧ ji̧, ibëa̧ Ano̧mȩ Ütë pio ju̧i̧ chjiari go̧ȩparëremȩde. Danȩrȩ, ja̧di ta̧rëri̧ ni̧bärëremȩdejȩ Moiche pio ju̧i̧iäpȩmo̧:
Ado ji̧dë u̧i̧ yo̧mȩrȩ ja̧di ta̧rëri̧ iëno̧ë ta̧rëa̧dejȩrȩ tjamo̧ yo̧ji̧ri̧ judio pio ji̧ri̧iäpȩmo̧ Jechu judi: —Danȩrȩ, mȩnȩro̧ Ütë tjamo̧ ja̧ ma̧ȩ oa ¿go̧ȩ ni̧bädëa̧nȩrȩ? Dëdë, pio yoa ma̧ȩ oa go̧ȩ ni̧bäa̧ jironȩrȩ. Pio yoa ma̧ȩ oa daba jironȩrȩ. Aja̧, ta̧rëchji̧vä: "Ta̧dë oa jiadarëreji̧ri̧diro̧jo̧ȩ jo̧ oa cji̧däji̧ri̧ pio judiro̧. Jabo judiro̧ jiadarërea̧ ta̧dë pio judi tjamo̧ goë chamȩ ta̧dëpea̧de.
¿Jabo go̧ȩ ni̧bädëa̧nȩrȩ? Ütë tjamo̧ judi Moiche pio ju̧i̧iäpȩmo̧ ma̧ȩ yürürërea̧ ji̧, pumȩ judiro̧ bëdüpea̧ pio ju̧i̧ chjiari ma̧ȩ oa yürürërea̧ ji̧, tjaepadëmȩ tori pio judiri ma̧ȩ yürürërea̧ ji̧, ¿go̧ȩ ni̧bädëa̧nȩrȩ? Danȩrȩ, ja̧di ta̧rëri̧ ni̧bärëremȩdejȩ Moiche pio ju̧i̧iäpȩmo̧: "Aja̧, Abaraa̧ pio ju̧i̧ ja̧ Ütërequede. Icha pio ju̧i̧ ja̧ Ütërequede. Ado Jacobo pio ju̧i̧ ja̧ Ütërequede cüdë" yo̧mȩrȩ yo̧rëremȩdejȩ Moiche pio ju̧i̧iäpȩmo̧.
Sanasan