Lucas 5:7 - Biblia Pume

⁷ Jabo jibëa̧ jadü judiro̧ ado cja̧rȩmo̧ chararäji̧ri̧ pio ji̧ri̧iäpȩmo̧ ëna̧diäa̧ oaiä, jabechji̧ chjaodëri̧ jäȩno̧a̧dirȩ chjadëri̧ a̧dopea̧ oa. Jabo cjäri̧ made jabo. Cho̧ ji̧ra̧ tjamo̧ oa mu̧i̧a̧ oaiä, jabechji̧ yo̧a̧ri̧ chara üdë chami̧pai̧ dari̧ cjiarëremȩde.

Lucas 5:7 Iomraidhean Croise

Marcos 4:36

Ado Jechu judi chamȩ chararä buaji̧ri̧rȩ a̧dë järëreji̧ri̧diro̧jȩrȩ pumȩ buba oa tja oëräpȩ jäpea̧ oa. Ado o judiro̧ jibëa̧ charara̧ peaja̧di ëba jäa̧diro̧jȩrȩ.

Lucas 5:6

Ja̧dëa ji̧ judiro̧ cjücjüroräpȩ go̧düdäräa̧rä, ado jibëa̧ mu̧i̧rea̧ bäre oa ado chjereno̧ aeno̧a̧rä, cjäri̧ made, a̧dë chjäte ji̧ra̧ri̧ cjiamȩ cho̧ üdë mitëa̧ oaiä, quiquiri chiapea̧ ji̧ taruparëremȩde bäre üdë.

Lucas 5:8

Ado Chimo̧ Pedro judi cho̧ ji̧ra̧ tjamo̧ oa daea̧ oaiä, jabechji̧ ana̧ tjamo̧ri̧ jo̧rȩtamȩpea̧de, pio jȩa nö̧ta ëba cjiaji̧ri̧ pio judiro̧borë. Tjamo̧ davä. Jibëa̧ jadü judiro̧, Santiago pio judi, ado Juan pio judi, Chebedeo quȩmȩ pio ju̧i̧ ja̧ u̧ri̧ pio judiro̧ peaja̧di ana̧ tjamo̧ri̧ jo̧rȩtaji̧ri̧pea̧dirȩ. Jabechji̧ Pedro judi cho̧ ji̧ra̧ oa daea̧ oaiä, 'jabo cjäri̧ maquëda, a̧dë chjäte jauëchjamȩdida, Ütë tjamo̧ ja̧ jauëchjara̧ japamȩdida, jabo cüdë pumȩ chjai̧dëquëda' quëna̧ jo̧rȩta̧ oaiä, jabechji̧ idëri̧ cjiapea̧ bagamȩrȩ Jechu ja̧ yaboräpȩ cjatärëremȩde, ju chatura̧ cjiadiäa̧mȩrȩ. Ado ja̧di ta̧rëri̧ yo̧a̧dejȩ: —Danȩ Ano̧mȩ, chja jabechji̧ a̧dë jachipadäräcoe. Jabechji̧ chjai̧dë oa jape chjaomȩrȩ cjo̧ro̧requede cüdë. Pio mȩa nö̧ta tjamo̧ri̧ ëba cjiarea̧mi̧dërequedemȩ —yo̧a̧dejȩ. Jabo Jechu judi dëbë yo̧a̧dejȩ Chimo̧ pio ju̧i̧: —Danȩ, uapadëvä —yo̧a̧dejȩ—. Pio yaba̧ domȩri ja̧ mȩnȩ cho̧ maea oa mu̧i̧rërea̧ ji̧, jabechji̧ pumȩ pio ji̧ri̧ ano̧ mire mu̧i̧riä tai̧mi̧ dari̧ japa tänȩparequedemȩ —yo̧a̧dejȩ.

Japarea̧ 11:25

Ja̧dëa ji̧ Bernabe judi järëremȩde Tacho quȩmȩräpȩ Chauro pio ju̧i̧ dadäräpea̧ oa.

Garata Ma̧ȩ 6:2

Aja̧, dibëa̧ dëbëti̧ra̧ chia chjadëri̧ a̧dochji̧vä, chacha oa dëbë arami̧ dari̧ japaji̧ri̧rȩ. Ado mȩnȩro̧ ja̧di dari̧ japea̧ oaiä, jabechji̧ Quiricho pio ju̧i̧ ja̧ ma̧ȩ oa nö̧tadäräri̧ ta̧rëdiänȩrȩ.

Pjiripo Ma̧ȩ 4:3

Ado danȩ Chichigu, pio mȩabo jo̧rȩtarequedemȩ ca̧ jadü. Jabechji̧ pio coa nö̧ta chjadëri̧ ëba ja̧beparëremȩ pio ju̧i̧ jo̧rȩtarequedemȩ. Ado pio ju̧i̧iä yo̧requedemȩ omȩ. Jabechji̧ chjadëri̧ a̧dojȩrȩ pio jiro ivi ji̧ri̧ jënȩro̧ chjadëri̧ opapea̧ oa, jënȩro̧ cja̧rȩmȩ chji̧ chiami̧ dari̧ jo̧rȩtapea̧ oa. Danȩ, pio jiro ivi jini̧ro̧ järi tjamo̧ji̧ri̧rȩ a̧dorëreji̧ri̧ni̧ro̧coe ma̧ȩ chjadëi̧ pio ju̧i̧ a̧ra̧ano̧pea̧ oa, oëra̧ti̧ oa chjuchjupechärea̧mi̧ dari̧. Ado jini̧ro̧mo̧rȩdë jabo Queremȩte quȩmȩ pio judiborë chjadëri̧ a̧dorëremȩdique. Aja̧, chjadëri̧ a̧dorëreji̧ri̧diro̧coe pio coa nö̧ta ëba ja̧bepaji̧ri̧ pio ji̧ri̧ nö̧ta. Ado ji̧ri̧ ja̧ quȩ üdë bucho ana̧ cjo̧ro̧rea̧ joërä go̧ȩpea̧ oa cjia maeade. Ja̧di tara yo̧requedemȩ ca̧ omȩ. Jabechji̧ chjadëri̧ a̧dojȩrȩ pio jiro ivi ji̧ri̧.