Lucas 5:16 - Biblia Pume

¹⁶ Jabo pumȩ judiro̧ jana̧diä jana̧diä cjia̧räbo, jabechji̧ babui̧ra̧ jädiärëremȩde Jechu judi pumȩ decjiaräpȩ jibëa̧ma̧i̧ cjiapea̧ oa, Ütë tjamo̧ pio ju̧i̧ ni̧bäpea̧ oa.

Lucas 5:16 Iomraidhean Croise

Mateo 14:23

Ado pumȩ pio ji̧ri̧ baä tänȩa̧ duri oa, Jechu judi ya̧mi̧ uëräpȩ ju̧ri̧ buarëremȩde jibëa̧ma̧i̧ cjiapea̧ oa, jibëa̧ Ama̧i̧ pio ju̧i̧ nö̧ta ni̧bä chjaopea̧ oa. Ado gȩnȩpea̧dejȩ jibëa̧ Ama̧i̧ pio ju̧i̧ ni̧bämȩ oa.

Marcos 6:46

Ado pumȩ ji̧ri̧ chjadü ëte ya̧mi̧räpȩ järëremȩde jibëa̧ Ama̧i̧ pio ju̧i̧ ni̧bäpea̧ oa.

Lucas 3:21

Jabo Erode judi Juan pio ju̧i̧ chaärea̧ bëräpȩ jabë tuti tänȩdëa̧rä, jabechji̧ pumȩ buba oa uirä go̧e cjaeä chudarëremȩdejȩrȩ. Ado Jechu pio ju̧i̧bo chuda̧dejȩ. Ado Jechu judi chuda̧ oa cjiarërea̧ ji̧, jabechji̧ ni̧bärëremȩdejȩ jibëa̧ Ama̧i̧ pio ju̧i̧ nö̧ta. Ado pio ju̧i̧ nö̧ta ni̧bäa̧rä, a̧dë üdë areia̧ oa cjiarëremȩde.

Lucas 6:12

Ado pio jiro japamitërä, Jechu judi ya̧mi̧ uëräpȩ ju̧ri̧ järëremȩde Ütë tjamo̧ pio ju̧i̧ ni̧bäpea̧ oa. Ado gȩnȩ yoa ni̧bärëremȩdejȩ.

Lucas 9:28

Ado japamitë chjätä ëte, dabadëde jabo cja̧ȩta̧ra̧ ichiri tjarari̧ do chjätäa̧ jirode. Ado pio judirä, Jechu judi ëba buarëremȩdejȩrȩ jibëa̧ jadü pio ji̧ri̧, tjarari̧ oa. Ya̧mi̧ uë tjamo̧räpȩ ju̧ri̧ ëba bua̧dejȩrȩ Ütë tjamo̧ pio ju̧i̧ ni̧bäpea̧ oa. Pedro pio ju̧i̧, Juan pio ju̧i̧, ado Santiago pio ju̧i̧bo ëba buarëremȩde. Aja̧, pio jiro pumȩ ji̧ri̧ ëba bua̧dejȩrȩ.

Lucas 9:29

Ado Jechu judi jibëa̧ Ama̧i̧ pio ju̧i̧di ni̧bäa̧ nö̧ta, jabechji̧ pio ju̧i̧ ja̧ chama̧cho üdë tjaoëpai̧ da tjamo̧pe bagarëremȩde, dorë tatami̧ dari̧. Ado ju̧i̧ ja̧ chjibo üdë ma̧i̧ dari̧ a̧dë chjäte bërëbërëai̧pe baga̧de, ma̧i̧ dari̧ tatape bagari̧.

Juan 6:15

Jabo Jechu judi pio jiro pumȩ pio ji̧ri̧ chjiari tjamo̧ri̧ dabarëremȩde. ‘A̧ja̧, mitëpadiro̧coada, jibëa̧ ma̧na̧ri̧ jo̧rȩtaji̧ri̧rȩ chiri ütë tänȩtämi̧ cjiadiro̧coada’ quëna̧ dabamȩrȩ a̧dë järëremȩdejȩrȩ jibëa̧ma̧i̧ cjiapea̧ oa ya̧mi̧räpȩ ju̧ri̧.