Lucas 4:9 - Biblia Pume

⁹ Jabo Ichiae judi cjiadiädëmȩrȩ ëba järëremȩdejȩ Jechu ju̧i̧ Ütë tjamo̧ ja̧ bë ma̧ri̧räpȩ ju̧ri̧, Jerucharȩräpȩ ju̧ri̧. Ado Ütë tjamo̧ ja̧ bë uë tjamo̧räpȩ ju̧ri̧ cjia tänȩrëremȩdejȩ jo̧ pacho ina̧räpȩ ju̧ri̧. Ado ja̧dëa ji̧ ja̧di ta̧rëri̧ yo̧mȩrȩ yo̧rëremȩdejȩ Ichiae judi: —Danȩ, mȩnȩ Ütë tjamo̧ pio ju̧i̧ ja̧ Joja tjamo̧rä judi, jabechji̧ daburäpȩmo̧ chiquivä —yo̧a̧dejȩ—.

Lucas 4:9 Iomraidhean Croise

Jobo Ma̧ȩ 2:6

Ado pio ju̧i̧ ta̧rëa̧ oaiä, Jeova judi yo̧a̧dejȩ: —Goë jaevä ado ja̧di. Mȩnȩ jo̧rȩta̧mi̧ japajo̧ȩ. Mȩnȩ jo̧rȩtami̧ gito ana̧ri̧ ja̧bo tänȩjo̧ȩ ju̧i̧ ja̧ go̧a̧ pio ju̧i̧. Jabo ja̧bo tänȩdëjo̧ȩ jabo. Ja̧bo tänȩrea̧ yürüdërequedemȩ jabechji̧ —yo̧a̧dejȩ.

Mateo 8:29

Ado judiro̧ Jechu pio ju̧i̧iäpȩ go̧düdäräa̧rä, chjaodëri̧ taruparëreji̧ri̧dirȩ pio ju̧i̧iäpȩmo̧ to̧bari̧ ëna̧diäpea̧ ji̧: ⁠—⁠Aja̧, Ütë tjamo̧ ja̧ Joja pio judirenȩ ⁠—⁠yo̧a̧diro̧jo̧ȩ⁠—⁠. ¿Tjana̧ ju̧i̧iä tja̧rera̧pea̧renȩibe? ¿Conȩdaera̧pea̧renȩibe? ¿Jabërä bape chjaorea̧ do üdë ma̧na̧bea yaboi̧ conȩdaera̧pea̧renȩibe? ⁠—⁠yo̧ji̧ri̧rȩ to̧bari̧ iëno̧ë ta̧rëa̧diro̧jo̧ȩ Jechu ju̧i̧.

Lucas 4:10

Jabechji̧ go̧ȩpea̧ oa cjiarëremȩde ma̧ȩ üdë mȩnȩ chjadëri̧ jida̧ oa cjiapea̧ pio ju̧i̧ chjiari. "Aja̧, Ütë tjamo̧ judi yürüa̧ mu̧i̧tjoi̧ pio judiro̧ chjadëri̧ jidapadiro̧mȩ" yo̧mȩ ma̧ȩ üdë go̧ȩpea̧ oa cjiade.

Lucas 4:3

Ado judirä Ichiae pio judi ni̧bäpea̧ oa acji go̧düdärärëremȩdejȩ. Ado yo̧a̧dejȩ: —Danȩ, mȩnȩ Ütë tjamo̧ ja̧ Jojarä judi, jabechji̧ na̧ jauëchjara̧ pio ju̧ri̧ra̧ chja̧pepe järi̧ yo̧jo̧ȩ pio yoa ta̧dë oa, mȩnȩ jurapea̧ oa —yo̧a̧dejȩ.

Domano Ma̧ȩ 1:4

jabechji̧ Ütë tjamo̧ pio ju̧i̧ ja̧ Jade. Ado pumȩ judiro̧ pio ju̧i̧ chjiari coëma cjiari̧ jo̧rȩtapea̧ oa, Ütë tjamo̧ judi chjadëri̧ na̧rȩrëremȩde. 'Aja̧, Ütë tjamo̧ pio ju̧i̧ ja̧ Ja tjamo̧dida, a̧dë chjäte tatari̧ cjiamȩ pio judidida, teracabadëdida jabo pio judi tjamo̧dida' quëna̧rea̧mi̧ dari̧ bëdü tänȩrëremȩdejȩ Tjo tjamo̧ ja̧ jauëchja pio ju̧i̧iä. Tjamo̧ davä. Jechu Quiricho judi, ibëa̧ Ano̧mȩ pio judi, Ütë tjamo̧ ja̧ Ja pio judide.