Lucas 3:6 - Biblia Pume

⁶ Ado ja̧dëa ji̧ ja̧di dari̧ chjadëri̧ jëdano̧a̧ oa cjiarä, jabechji̧ chiriräpȩti̧ oa cjo̧ro̧ji̧ri̧ pumȩ pio judiro̧ ütëbodärärë chjadëri̧ jo̧rȩtarea̧ dapadirȩ. 'Jabechji̧ Ütë tjamo̧ judi ja̧di dari̧ chjätärea̧ yürüpadiibëda' quëna̧ jo̧rȩtarea̧mi̧ dari̧ yürüpadejȩrȩ.'" Aja̧, ja̧di ta̧rëri̧ yo̧mȩrȩ ni̧bä chjaorëremȩde Ichaia quȩmȩrea̧ judi jabërä Juan pio ju̧i̧ chjiari, judi Chjätä Tänȩmȩ ja̧ oa no̧ oa chjadëri̧ jëdano̧mi̧ dari̧ japapea̧ pio ju̧i̧ chjiari.

Lucas 3:6 Iomraidhean Croise

Marcos 16:15

Ado ji̧dë u̧i̧ yo̧mȩrȩ a̧de yo̧a̧dejȩrȩ: —Danȩrȩ, chiriräpȩti̧ oa baächji̧vä ma̧ȩ chjadëi̧ pio ju̧i̧ a̧ra̧ano̧pea̧ oa pumȩ ütëbodärä oa.

Domano Ma̧ȩ 10:12

Jabechji̧ pumȩ ütëbodärä ja̧ tjamo̧de. O ji̧ri̧ ja̧dë maeade jabo ütëbo ja̧de. Ado ju̧i̧iä yo̧requededibe, eami̧ judio üdë, eami̧ judiodë üdë quëna̧rä judi, jabechji̧ chjätärea̧ dapade. Jabechji̧ cja̧rȩmȩ ba chiara̧ da madejȩrȩ pumȩ ütëbodärä oa Ano̧mȩ judi. Aja̧, cja̧rȩmȩde judi. Ütëbodärä ja̧ Ano̧mȩde. Ado pumȩ ütëbodärä oa cja̧rȩmȩ ba chiara̧ da tara, jabechji̧ a̧dë chjäte chjadëri̧ japa madejȩrȩ pio jȩaiäpȩmo̧ quëna̧mȩ pio ju̧i̧.

Domano Ma̧ȩ 10:18

Jabo danȩrȩ, iëno̧ë ta̧rërequededibe? ¿Tjana̧ ju̧i̧iä ji̧ra̧dëdirȩ quëna̧ji̧ri̧ judio judiro̧? ¿Jabë ta̧rëdëa̧dirȩ? ¿Ma̧ȩ pio ju̧i̧ ja̧bë ta̧rëdëa̧dirȩ? Dëdë, ta̧rëa̧dirȩ. Ta̧rërëreji̧ri̧dirȩ. Ado peaja̧di ta̧rëri̧ yo̧diibe ma̧ȩ üdë. Ta̧rëchji̧vä: “Aja̧, ma̧ȩ chjadëi̧ pio judi jachipadärärea̧mi̧ dari̧ baärëremȩde chiriräpȩti̧ oa.” Aja̧, ja̧di ta̧rëri̧ yo̧diibe ma̧ȩ üdë. Ado judio judiro̧, dëdë, ta̧rërëreji̧ri̧dirȩ.