Lucas 3:2 - Biblia Pume

² Ado judirä, Ana̧ pio judi, ado Caipa pio judiborë tjamo̧ goë tuti ja̧bepaji̧ri̧rȩ cjo̧ro̧rä judirä, jabechji̧ Ütë tjamo̧ pio judi ma̧ȩ yürürëremȩdejȩ Juan pio ju̧i̧, Chacaria quȩmȩ pio ju̧i̧rea̧ ja̧ joja pio ju̧i̧, chiri tjoräpȩ cjo̧ro̧rëremȩ pio ju̧i̧.

Lucas 3:2 Iomraidhean Croise

Jona̧ 1:1

Ado Jeova judi ma̧ȩ yürürëremȩdejȩ Jona̧ quȩmȩ pio ju̧i̧iäpȩmo̧, Amitai pio ju̧i̧ ja̧ joja pio ju̧i̧iäpȩmo̧. Ja̧di ta̧rëri̧ yo̧mȩrȩ yo̧rëremȩdejȩ:

Mateo 11:7

Ado judiro̧ ado chjereno̧ Juan pio ju̧i̧iäpȩ baäa̧ duri oa, Jechu judi pumȩ buba oa ni̧bämȩrȩ taruparëremȩde ni̧bä chjaopea̧ ji̧ Juan pio ju̧i̧ chjiari. Ado ja̧di ta̧rëri̧ yo̧mȩrȩ ni̧bä chjaorëremȩdejȩrȩ: ⁠—⁠Danȩrȩ, no̧mȩ judi mȩnȩro̧ chiri tjo maearäpȩ järërea̧ ji̧, uirä chudamȩ pio ju̧i̧iäpȩ järërea̧ ji̧, ¿tjana̧pea̧ oa jäa̧nȩrȩ? ⁠—⁠iëno̧ë ta̧rëa̧dejȩrȩ⁠—⁠. Ano̧ mire jo̧rȩte chjaomȩ pio ju̧i̧, yo̧a̧ri̧ ya chiami̧ dari̧ ni̧bämȩ pio ju̧i̧ goëdepea̧ oa ¿jäa̧nȩrȩ?

Mateo 26:3

Ado Jechu judi jibëa̧ jadü pio ji̧ri̧ ni̧bä chjaoa̧ nö̧ta, tjamo̧ goë tuti ja̧bepaji̧ri̧ pio judiro̧ a̧doparëreji̧ri̧dirȩ judio ütëti̧ pio ji̧ri̧ nö̧ta. Tjamo̧ goë tuti ja̧bepamȩ pio ju̧i̧ ja̧ bëräpȩ ju̧ri̧, Caipa quȩmȩ pio ju̧i̧ ja̧ bëräpȩ ju̧ri̧, a̧dopea̧ oa cjiarëreji̧ri̧dirȩ.

Lucas 1:80

Ado japamitë chjätä ëte, Juan judi üi̧padärarëremȩde. Ado Ütë tjamo̧ pio ju̧i̧ ta̧rëdiäpea̧ ji̧ järi tjamo̧mȩrȩ cjo̧ro̧rëremȩde, Ütë tjamo̧ pio ju̧i̧iäpȩmo̧ chjuari̧ quëna̧mȩrȩ. Ado chiri tjoräpȩ ju̧ri̧ cjo̧ro̧rëremȩde. Jabechji̧ pio ju̧ri̧pȩ cjo̧ro̧rëremȩde judi Icharai pio judiri ja̧ji̧ri̧ pio ji̧ri̧iäpȩmo̧ tarupë araano̧a̧rä yuro.

Juan 1:23

Ado judiro̧ iëno̧ ta̧rë chjaoa̧ oaiä, ja̧di ta̧rëri̧ dëbë yo̧mȩrȩ yo̧rëremȩdejȩrȩ Juan judi, Ichaiarë go̧ȩparërea̧ ma̧ȩra̧ pio ju̧ri̧ra̧: —Danȩrȩ, chiri tjoräpȩ to̧bari̧ ëna̧diämȩ pio judirequede —yo̧a̧dejȩrȩ—. ‘Chjadëri̧ jëdano̧chji̧vä. Danȩrȩ, Ano̧mȩ pio judi chjadëri̧ ma̧na̧rea̧ dapea̧ oa, jabechji̧ no̧ oa coëmape bagami̧ dari̧ cjiapea̧ oa chjadëri̧ jëdano̧chji̧vä' yo̧mȩrȩ ëna̧diämȩrequede. Jabechji̧ Ichaia quȩmȩrea̧ pio judi yo̧rërea̧ duri pio ju̧i̧ yo̧mȩrȩ ëna̧diärequede —yo̧mȩrȩ dëbë yo̧a̧dejȩrȩ Juan judi.

Juan 18:24

Ado Ana̧ judi, pearä tjamo̧ goë tuti ja̧beparëremȩ pio judi Jechu pio ju̧i̧iä ta̧rë ëte, yura̧ oa cjiamȩ oa chjadürëremȩdejȩ Caipa pio ju̧i̧iäpȩ, ano̧ mire tjamo̧ goë tuti ja̧bepamȩ pio ju̧i̧iäpȩ.

Japarea̧ 4:6

Ado tjamo̧ goë tuti ja̧bepamȩ pio judiborë a̧dopea̧de, Ana̧ quȩmȩ pio judi. Ado ju̧i̧ ja̧ pumȩ pio judiro̧borë ëba a̧dopea̧diro̧jo̧ȩ. Caipja judi, Juan judi, Areja̧doro judi, ado tjamo̧ goë tuti ja̧bepaji̧ri̧ pio ji̧ri̧ ja̧ pumȩ pio judiro̧borë ëba a̧doparëreji̧ri̧diro̧jȩrȩ.