Lucas 3:18 - Biblia Pume

¹⁸ Ado Juan judi ma̧ȩ ji̧ra̧ tjamo̧ra̧ pio ju̧ri̧ra̧ a̧de yo̧mȩrȩ ana̧ri̧ ni̧bä chjaorëremȩdejȩrȩ pumȩ ji̧ri̧ ma̧ȩ chjadëi̧ pio ju̧i̧. Jabechji̧ uapai̧ ta̧rëri̧ yo̧ë cji̧dämȩrȩ ni̧bä chjaorëremȩdejȩrȩ peaja̧di.

Lucas 3:18 Iomraidhean Croise

Lucas 3:17

Jabechji̧ yo̧a̧ri̧ bubape bagari̧ tutipadejȩrȩ pumȩ ji̧ri̧. Coëma cjiari̧ cjo̧ro̧ji̧ri̧ pio judiro̧ jibëa̧ buba cjiapea̧ oa tutipadejȩrȩ. Ado coëma cjiari̧ cjo̧ro̧dëji̧ri̧ pio ji̧ri̧ peaja̧di tutipadejȩrȩ jibëa̧ buba cjiapea̧ oa. Jabechji̧ tirigo emi̧ da oa pjaepa oaiä, boa chami̧ dari̧ japapadejȩrȩ pumȩ ji̧ri̧. Ado ja̧dëa ji̧ chomi̧ daji̧ri̧ pio ji̧ri̧ chjadëri̧ a̧dopa tänȩpadejȩrȩ chjadëri̧ jidapea̧ oa, chjadëri̧ boeapea̧ oa. Jabo tirigo emi̧ daji̧ri̧ pio ji̧ri̧, jabechji̧ pio ji̧ri̧ caäpadejȩrȩ. Tjamo̧ davä. Coëma cjiari̧ cjo̧ro̧dëji̧ri̧ pio ji̧ri̧ cäapadejȩrȩ ja̧bodëmȩ cjo̧dëra̧ pio ju̧ri̧ra̧, ja̧bo tänȩrea̧mi̧dëmȩ cjo̧dëra̧ pio ju̧ri̧ra̧ —yo̧mȩrȩ ni̧bä chjaorëremȩdejȩrȩ Juan judi.

Lucas 3:19

Ado peaja̧di ütëborë ta̧rëri̧ aechide yo̧mȩmi̧ dari̧ ni̧bä chjaorëremȩde Erode A̧tipa quȩmȩ pio ju̧i̧ chjiari, Garirea quȩmȩ chiriräpȩ cjo̧ro̧ji̧ri̧ pio ji̧ri̧ ja̧ ütë pio ju̧i̧ chjiari. Jabechji̧ Erode judi china̧chja pio ji̧ baë mitëa̧ oaiä, jibëa̧ omȩ ja̧ iei̧ pio ji̧ baë ëba̧ oaiä, jabechji̧ aechide yo̧mi̧ dari̧ ni̧bärëremȩde, Erodia quȩyi̧ pio ji̧ baë mitëa̧ pio ju̧i̧iä. Ado pio ju̧i̧mo̧i̧ ni̧bädëa̧de jabo judi o oa chjai̧dëri̧ japea̧ pio ju̧i̧ chjiaribo ni̧bärëremȩde.

Juan 1:15

Ado Juan judi pumȩ ji̧ri̧ ni̧bä chjaoa̧ ji̧, uirä go̧e cjaeä chudamȩ pio judi ni̧bä chjaoa̧ ji̧, jabechji̧ irä darëremȩdejȩ Jechu pio ju̧i̧. Ado ja̧dëa ji̧ to̧bari̧ yo̧mȩrȩ ja̧di ta̧rëri̧ ëna̧diärëremȩdejȩrȩ pumȩ ji̧ri̧: "Danȩrȩ, cüdë dibë jabërä yo̧rërea̧ pumȩ pio judide. Jabechji̧ cüdë dibë jabërä yo̧a̧ ji̧, 'Aja̧, ca̧ duri oa ma̧na̧pamȩ judi pio coa u̧i̧ ba chiade. Coa jabë ara̧dëa̧rä cjiarëremȩ pio judide' yo̧a̧ ji̧, jabechji̧ pio pio yoa chjiari ni̧bä chjaorëremȩrequededibe" yo̧mȩrȩ yo̧rëremȩdejȩrȩ Juan judi Ma̧ȩ quȩmȩ pio ju̧i̧ chjiari.

Juan 1:29

Ja̧dëa ji̧ dopea̧rä Juan judi darëremȩdejȩ Jechu ju̧i̧ pio jȩaiäpȩmo̧ jana̧mȩ oa. Ado pio ju̧i̧ damȩrȩ ja̧di tärëri̧ yo̧rëremȩdejȩrȩ pumȩ ji̧ri̧: —Dachji̧jo̧ȩ —yo̧a̧dejȩrȩ—. Pio yüdëje Ütë tjamo̧ ja̧ oveja pëi̧ chjami̧ dade. Jabechji̧ Ütë tjamo̧ judi chjadürëremȩdejȩ ovejami̧ dari̧ ja̧bopea̧ oa, pumȩ judiro̧ chjai̧dëri̧ japea̧ üdë duridëparȩa̧ oa cjiapea̧ oa. Dachji̧jo̧ȩ —yo̧a̧dejȩrȩ—.

Juan 1:34

Ado Jechuro cjiadiäpea̧ oa biradäräa̧mȩ oa irä daea̧ oaiä, jabechji̧ tjamo̧ri̧ dabamȩrȩ yo̧requededibe yaba̧. Jechu judi Ja tjamo̧ pio judi tjamo̧de. Ütë tjamo̧ ja̧ Joja pio judi tjamo̧de —yo̧mȩrȩ yo̧rëremȩdejȩrȩ pumȩ ji̧ri̧ uirä chudarëremȩ pio judi.

Japarea̧ 2:40

Pio ju̧i̧mo̧i̧ ma̧ȩ oa ni̧bä chjaodëa̧dejȩrȩ Pedro judi, jabo ma̧ȩ ji̧ra̧ tjamo̧ oa ni̧bä chjaorëremȩdejȩrȩ pio ji̧ri̧ ana̧ tjamo̧ri̧ jo̧rȩta tänȩpea̧ oa. Ja̧dëa ji̧ japamitë chjätä ëte, to̧bari̧ chi̧dëeamȩrȩ a̧de yo̧rëremȩdejȩrȩ, ja̧di ta̧rëri̧ yo̧mȩrȩ: —Danȩrȩ ca̧ pumȩ, a̧dë jo̧rȩtachji̧jȩrȩ dibëa̧ pumȩ ji̧ri̧, jabë oëra̧ quëna̧ji̧ri̧ pio ji̧ri̧. Jabechji̧ chjai̧dëri̧ jape chjaoji̧ri̧ pio ji̧ri̧ a̧dë quëna̧chji̧jȩrȩ pio mȩnȩro̧borë cjo̧dë tja ana̧räpȩ bucho ana̧ gitoi̧ dari̧ aeno̧a̧ oa cjiachea oa —yo̧a̧dejȩrȩ.

Japarea̧ 20:2

Ado ju̧ri̧pȩ bë ma̧ri̧ ji̧ra̧räpȩ järëremȩde. Ado jënȩ jäa̧mi̧ nö̧ta a̧dope chjaorëremȩde quëna̧ji̧ri̧ pio ji̧ri̧ nö̧ta, pio ji̧ri̧ chjadëri̧ a̧dopea̧ oa, pio ji̧ri̧ ju chiaparȩpea̧ oa. Ado japamitë chjätä ëte, go̧düdärärëremȩde Gerechia quȩmȩ chiriräpȩ.

Domano Ma̧ȩ 12:8

Ado ibëa̧ oti̧ pio ji̧ri̧iäpȩmo̧ ju chiaparȩpea̧ oa chi̧dëearea̧ yürüa̧rä judi, peaja̧di dari̧ ja̧bepatäreji̧ri̧rea̧rȩ. Ado yürürea̧ oa yürüa̧rä judi, peaja̧di chjadëri̧ yürütäreji̧ri̧rea̧rȩ tjamo̧ri̧ yürütämi̧ cjiaji̧ri̧rȩ. Ado tjamo̧ yo̧mȩ ja̧beparea̧ oa yürüa̧rä judi, jabechji̧ järi tjamo̧ji̧ri̧rȩ ja̧bepatäreji̧ri̧rea̧rȩ, coëma cjiari̧ ja̧bepaji̧ri̧rȩ. Ado cjäri̧ri̧ cjia darea̧ oa yürüa̧rä judi, jabechji̧ chjadëri̧ a̧dotäreji̧ri̧rea̧ro̧jȩrȩ pumȩ ji̧ri̧. Tjamo̧ davä. Chjai̧dëri̧ chjätäji̧ri̧ pio ji̧ri̧ chjadëri a̧dotäreji̧ri̧rea̧ro̧jȩrȩ, ma̧ chiadëri̧ cjiaji̧ri̧rȩ. Aja̧, Quiricho pio ju̧i̧ ja̧ icjarami̧ dari̧ cjiarea̧rȩ. Ado ja̧di dari̧ ja̧bepatäreji̧ri̧rea̧rȩ Ütë tjamo̧ judi ibë yürüa̧ra̧ pio ju̧ri̧ra̧.