Lucas 24:41 - Biblia Pume

⁴¹ Jabo judiro̧ Jechu pio ju̧i̧ ma̧ chiadëri̧ cjiaji̧ri̧rȩ daea̧räbo, ya yabëcjiami̧ dari̧ jo̧rȩtaji̧ri̧rȩ daea̧räbo, jabechji̧ jaejaeami̧ dari̧ jo̧rȩtarëreji̧ri̧dirȩ, 'Jechu pio judi tjamo̧dëdiibëda' quëna̧ jo̧rȩtaji̧ri̧rȩ. Ado pio ju̧i̧iä Jechu judi iëno̧ë ta̧rëa̧dejȩrȩ: —Danȩrȩ, ¿eami̧ jurarea̧ oa goadënȩrȩ?

Lucas 24:41 Iomraidhean Croise

Marcos 16:11

Jabo Jechu judi bëdüa̧ pio ju̧i̧ chjiari yo̧a̧ ji̧, Jechu pio ju̧i̧ irä daea̧ pio ju̧i̧ chjiari yo̧a̧ ji̧, cjäri̧ madiro̧jȩ, ta̧rë ja̧bodëa̧diro̧jȩ. Quëna̧dëa̧diro̧jȩ.

Marcos 16:13

Ado judiro̧ Jechu pio ju̧i̧ da ëte, jabechji̧ jibëa̧ jadü pio ji̧ri̧iäpȩmo̧ ni̧bä chjaopea̧ oa baäeno̧a̧dirȩ. Jabo jënȩro̧ daea̧ pio ju̧i̧ chjiari ni̧bä chjaoa̧ ji̧, peaja̧di ta̧rë ja̧bodëa̧diro̧jȩrȩ.

Marcos 16:14

Ji̧dë duri oa Jechu judi jibëa̧ jadü pio ji̧ri̧ da tänȩrëremȩdejȩrȩ 11 oa. Mechjaräpȩ chaji̧ri̧ oa da tänȩa̧dejȩrȩ. Ado to̧bari̧ chi̧dëea̧mȩrȩ yo̧a̧dejȩrȩ. Jabechji̧ judiro̧ quëna̧dëa̧ tara, judiro̧ pio jȩaiäpȩmo̧ irä daea̧ji̧ri̧ pio ji̧ri̧ ta̧rë ja̧bodëa̧ tara, to̧bari̧ chi̧dëearëremȩdejȩrȩ, judiro̧ chjuari̧ jiada̧ tara.

Marcos 8:7

Ado Jechu ja̧ jadü judiro̧ peaja̧di goarëreji̧ri̧dirȩ cho̧ ji̧ra̧dë oa. Ado Jechu judi ado ni̧bäa̧dejȩ jibëa̧ Ama̧i̧ ju̧i̧. "Chjadëri̧ yürüa̧renȩibe Ama̧i̧" yo̧mȩrȩ ni̧bäa̧dejȩ. Ja̧dëa ji̧ yo̧a̧dejȩrȩ jibëa̧ jadü ji̧ri̧ cho̧ oa peaja̧di chjarepë yürütä pumȩ pio ji̧ri̧iäpȩmo̧.

Lucas 24:11

Jabo cjäri̧ madiro̧jȩrȩ, judiro̧ chjaodëri̧ ta̧rë ja̧botärea̧ ji̧, ta̧rë ja̧bodëa̧diro̧jȩrȩ. Jabechji̧ ivi pio ji̧ri̧ ja̧ ma̧ȩ oa ta̧rëa̧ oaiä, 'jabomo̧ teracaba jirodida, tjamo̧dëpamȩ jirodida' quëna̧ jo̧rȩtaji̧ri̧rȩ ta̧rërëreji̧ri̧diro̧jȩrȩ.

Lucas 24:40

Ado judi pio ji̧ri̧ nö̧ta ni̧bä chjaoa̧rä, na̧rȩrëremȩdejȩrȩ jibëa̧ ichi oa, jibëa̧ tabo.

Lucas 24:42

Ado pio ju̧i̧ ta̧rëa̧ oaiä, yürüa̧diro̧jo̧ȩ tja̧rea̧ oa cjiamȩ cho̧ oa.

Juan 16:22

Peaja̧dimi̧ dari̧ cjiapanȩrȩ mȩnȩro̧. Gito ana̧ri̧ jo̧rȩtanȩrȩ yaba̧, cüdë dibë a̧dë baäpea̧ yo̧a̧ oaiä. Jabo danȩrȩ, daparequededibe ado chjereno̧ —yo̧a̧dejȩrȩ—. Ado judirä, a̧dë chjäte ma̧ chiadëri̧ cjiapanȩrȩ, o judiro̧ dibë tja̧rȩparȩrea̧mi̧dëri̧, o judiro̧ dibë ma̧ chiadëri̧ cjiadëpe baga tänȩrea̧mi̧dëri̧.

Juan 21:5

Ado ui yuroro cjiamȩ pio judi to̧bari̧ ëna̧diämȩrȩ iëno̧ë ta̧rëa̧dejȩrȩ: —Danȩrȩ ca̧ oti̧, ¿eami̧ oa mu̧i̧dëa̧nȩrȩ? Ado dëbë yo̧a̧diro̧jo̧ȩ: —Cjäri̧ marea̧rȩ, eami̧ oa mu̧i̧dëa̧.

Japarea̧ 12:14

Ado Pedro ja̧ ma̧ȩ oa ta̧rëa̧ oaiä ma̧ chiadëri̧ cjia tjamo̧pea̧nȩ. Jabo joë ya pio ju̧i̧ chjaodëri̧ are iëtärea̧ ji̧, jäeno̧rëreyi̧nȩ o ji̧ri̧iäpȩmo̧ yo̧pea̧ oa. —Pedro pio judi jo̧ dairäpȩ cjiade —yo̧a̧nȩjȩrȩ.