Lucas 24:4 - Biblia Pume

⁴ Ado jini̧ro̧ ana̧ri̧ jo̧rȩtaji̧ri̧rȩ dae cjia̧ nö̧ta, chjaodëri̧ idëpea̧ oa cjiaji̧ri̧pea̧dirȩ oari̧ judiro̧ yo̧a̧ri̧rȩ, a̧dë chjäte tatari̧ cjiamȩ chjibo oa ina̧ji̧ri̧rȩ.

Lucas 24:4 Iomraidhean Croise

Taruparea̧ Ma̧ȩ 18:2

Ado Abaraa̧ judi chiriräpȩmo̧ gatë damȩrȩ darëremȩdejȩrȩ tjarari̧ oari ji̧ri̧, jachi tjamo̧dëji̧ri̧ oa. Dae cjiaji̧ri̧ oa daea̧dejȩrȩ. Ado jo̧ȩra̧pe cjitëmȩrȩ jä cjiaeno̧a̧dejȩrȩ pio ji̧ri̧ dëbëdiäpea̧ oa, chjadëri̧ jeapea̧ oa. Ado pio ji̧ri̧iäpȩ jädärä ëte, juchatura̧ tjätjäpë china̧därärëremȩde jibëa̧ daito oa daburäpȩ yuro cjiari̧. Ado yo̧a̧dejȩrȩ:

Marcos 16:5

Pio ju̧i̧iä ta̧dë cjara tjoräpȩmo̧ yu̧a̧rëreji̧ri̧ni̧rȩ. Ado yu̧a̧ ëte jibëa̧ mu̧i̧ chjuata̧ra̧ri chamȩ oa darëreji̧ri̧ni̧ro̧jo̧ȩ a̧dërimȩ mu̧i̧tjoi̧ pio ju̧i̧, pea üi̧pea̧mȩmi̧ da oa, chjibo bërëbërëai̧ tjamo̧ oa ina̧mȩ oa. Ado ana̧ri̧ jo̧rȩtaji̧ri̧rȩ dae cjiarëreji̧ri̧ni̧rȩ, oë ja̧boji̧ri̧rȩ.

Lucas 2:9

Ado judiro̧ daba quëna̧dërä chjaodëri̧ idëparëremȩde Ano̧mȩ ja̧ mu̧i̧tjoi̧ judi, a̧dërimȩ mu̧i̧tjoi̧ pio judi. Jabechji̧ bagönȩ marërea̧ ji̧, chjaodëri̧ a̧dë chjäte tatari̧ cjiamȩpea̧de Ano̧mȩ pio ju̧i̧ ja̧ tatarea̧ oaiä. Ado pio ju̧i̧iä uaparea̧ üdë chjaodëri̧ boadärärëremȩdejȩrȩ.

Lucas 24:5

Ado ivi jini̧ro̧ pio ji̧ri̧ daea̧ oaiä, uapa tjamo̧ji̧ri̧pea̧ni̧rȩ, juchatura̧ tjätjäpë china̧därärea̧mi̧ dari̧ jibëa̧ daito oa daburäpȩ yuro. Ja̧dëa ji̧ oari pio judiro̧ iëno̧ë ta̧rëa̧diro̧jȩrȩ: —¿Tjana̧ ju̧i̧iä na̧tanȩro̧ cjo̧ro̧mȩ pio ju̧i̧ ja̧boa̧ji̧ri̧ ja̧ chjarerä?

Japarea̧ 1:10

Ado judiro̧ jabë a̧dëräpȩmo̧ dae cjiataji̧ri̧ oa, chjaodëri̧ cjiadäräa̧diro̧jȩrȩ jibëa̧ yuroro oari judiro̧ yo̧a̧ri̧rȩ, chjibo bërebërea oa ina̧ji̧ri̧rȩ.

Japarea̧ 12:7

Ado chjaodëri̧ idëpea̧de a̧dërimȩ mu̧i̧tjoi̧ pio judi. Ado chaärea̧ jo̧ tjoro bagönȩ marërea̧ ji̧, ma̧i̧ dari̧ tatapea̧de chjadëri̧ da mirerea̧mi̧ dari̧. Ado Pedro pio ju̧i̧ ja̧ ca̧to oa mu̧i̧ mu̧i̧ guamȩrȩ na̧rȩno̧a̧dejȩ. Ado yo̧a̧dejȩ: —Jo̧ȩra̧pe cjitëno̧vä. Ado chatu chiamȩ chjiparari üdë Pedro ja̧ ichi ju cararäremȩrȩ chjaodëri̧ a̧dë cjatëno̧a̧dejȩ.

Timoteo Ma̧ȩ 1 3:16

Ado a̧ro̧rȩ Jechu Quiricho pio ju̧i̧ chjiari quëna̧ üdë, ‘jabechji̧ a̧dë chjäte ba chiadida’ quëna̧ dabarea̧rȩ. Jabechji̧ pio jiro ma̧ȩ üdë goadia̧ oa cjiami̧ dari̧ cjiarërea̧ ji̧, chjadëri̧ daba tänȩrëremȩdiibe Ütë tjamo̧ judi. Aja̧, pio yoa ma̧ȩ oa dabapa tänȩrëremȩdiibe. Ta̧rëchji̧vä: "Quiricho judi a̧dëräpȩrëremȩrȩ birarëremȩde pumȩpapea̧ oa. Ado Tjo tjamo̧ pio judi daba tänȩrërea̧ oaiä, ‘Aja̧, Quiricho judi cja̧rȩmȩ co chjai̧dëri̧ japadëa̧dida, coëma cjiari̧ cjo̧ro̧mȩdida’ quëna̧ dabarea̧mi̧ dapea̧de. Ado pumȩ chjarerä cjo̧ro̧mȩpea̧mȩ oa darëreji̧ri̧diro̧jo̧ȩ a̧dëräpȩ mu̧i̧tjoi̧ judiro̧. Ado pio ju̧i̧ chjiari ma̧ȩ üdë to̧bari̧ a̧ra̧ano̧a̧ oa cjiarëremȩde chiri nö̧tai̧ oa cjo̧ro̧ji̧ri̧ pio ji̧ri̧ ja̧ chjarerä. Ado a̧ra̧ano̧a̧ oa cjiadiäa̧ oaiä, jabechji̧ no̧i̧dë tjamo̧rȩ quëna̧ji̧ri̧pea̧dirȩ. Ado ja̧dëa ji̧ ütara̧ doro, Ütë tjamo̧ judi ado chjereno̧ cjitë tänȩrëremȩdejȩ a̧dëräpȩ baäpea̧ oa."