Lucas 24:10 - Biblia Pume

¹⁰ Ado pio jiro ivi jini̧ro̧, ¿chjiarëreji̧ri̧ni̧rȩ? Chjiani̧rȩdë, jabechji̧ Maria Madarena pio jini̧, ado Juana pio jini̧, ado Santiago arayi̧ pio jini̧borë cjiarëreyi̧nȩ, Maria quȩyi̧ pio jini̧. Ado pio ji̧ri̧ uëri peaja̧dirëreji̧ri̧ni̧rȩ ado cja̧rȩmo̧ ivi jini̧ro̧. Ado pio jiro ivi pio jini̧ro̧rëreji̧ri̧ni̧rȩ Jechurë chjadüa̧ pio ji̧ri̧ ta̧rë tänȩrëreji̧ri̧ jini̧ro̧.

Lucas 24:10 Iomraidhean Croise

Mateo 27:56

Ado pio ji̧ri̧ nö̧ta cjiarëreyi̧nȩ Maria Madarena quȩyi̧ pio jini̧. Ado Santiago pio ju̧i̧ ja̧ jojini̧borë cjiarëreyi̧nȩ, Joche pio ju̧i̧ ja̧ jojini̧ pio jini̧. Ado Chebedeo ja̧ iei̧ pio jini̧borë cjiarëreyi̧nȩ, Santiago pio ju̧i̧, ado Juan pio ju̧i̧ arayi̧ pio jini̧. Aja̧, ji̧ra̧rëreji̧ri̧ni̧rȩ ivi jini̧ro̧ jachidëräpȩ dae cjiarëreji̧ri̧ jini̧ro̧.

Marcos 6:30

Ado japamitë chjätä ëte, Jechurë chjadüa̧ judiro̧ ado cuchupë ma̧na̧rëreji̧ri̧dirȩ. Oëra̧ti̧ oa a̧ra̧ano̧riä järëreji̧ri̧ pio judiro̧ ado chjereno̧ cuchupë ma̧na̧rëreji̧ri̧dirȩ Jechu pio ju̧i̧iäpȩ. Ado ana̧ri̧ ni̧bä chjaoa̧diro̧jo̧ȩ jënȩro̧ ja̧bepea̧ pio ju̧i̧ chjiari, jënȩro̧ a̧ra̧ano̧a̧ pio ju̧i̧ chjiari.

Lucas 24:9

Ado pio ju̧i̧iä jëreea tjamo̧ji̧ri̧rȩ ta̧dë cjara tjori pio judiri go̧dü ëte cuchupë baäeno̧a̧ni̧rȩ Jechu ja̧ jadü pio ji̧ri̧ ta̧rë tänȩpea̧ oa, 11 pio ji̧ri̧ daba tänȩpea̧ oa. Ado ji̧ri̧mo̧i̧dë jabo Jechu oa cho̧rë jäa̧ji̧ri̧ ütëbo oa ta̧rë tänȩpea̧ oa baäeno̧a̧ni̧rȩ, jënȩro̧ daea̧ pio ju̧i̧ chjadëri̧ ni̧bä chjaopea̧ oa.